返回列表 發帖


NH TOP 20 2018 WEEK 41 (2018/10/7 - 2018/10/13)

2018年 冠軍歌巡禮
WEEK 01-13: 奉愛之名 / 草原 / 明天 / 青春線最後一站 / 可惜你是個人 / 如我 / 飛砂 / 不想就這樣結束 / 灰色 / 好好的聊個天 / 凱旋門 / / Earth /
WEEK 14-26: 愛徹底 / 嫁給我 / 馬上 / 尾站天國 / 理想家 / 浮雲車站 / 橙海 / 從世界到我家 / 新寫的舊歌 / 在家鄉 / 穗花 / 與你常在 / 毋忘我 /
WEEK 27-39: 心的磨練 / 如果我們還在一起 / 美哉 / 無敵哪吒 / 一世同學 / 漩渦 / 一事無成的偉大 (1) / 漸漸 / 中途站 / Let Us Go Then You And I / 一事無成的偉大 (2) / Da Di Da / Bad Intentions /
WEEK 40-52: 終點站 / 脆弱一分鐘 ////////////

本週冠軍歌:林宥嘉 - 脆弱一分鐘

繼《飛》同《壞與更壞》/《毋忘你》,林宥嘉喺《脆弱一分鐘》再次同林家謙合作,效果仍然好唔錯。林家謙寫畀林宥嘉嘅旋律總係比佢同期其他作品突出,《脆弱一分鐘》亦唔例外,流暢而唔堆砌。歌曲游走中低音,由最初嘅壓抑到最後嘅釋懷,Yoga無用上誇張嘅修飾,而係慢慢改變唱腔,演繹極度細膩。

歌曲較失色嘅係編曲。林家謙第一次獨力編曲,只用上較單調嘅鋼琴伴奏 (甚至懷疑係照搬Demo編曲),副歌同主歌嘅主要分別只係聲量,無善用鋼琴嘅range,鋪排較幼嫩。雖然如此,《脆弱一分鐘》仍係一首非常出色嘅電視劇主題曲,值得更多認同。

RK        LW        NW        PK        歌曲        歌手        走勢
01        06        09        01        脆弱一分鐘 [1]        林宥嘉        16>16>09>09>08>08>07>06>01
02        09        04        02        明明想抱緊        李晧軒        17>14>09>02
03        03        04        03        瘋子        許鈞        11>11>03>03
04        04        06        04        仙樂處處飄        小塵埃        18>09>05>04>04>04
05        05        10        01        漩渦 [1]        邱文超 + 梁俊升        01>10>09>08>08>07>07>05>05>05
06        07        06        01        Let Us Go Then You And I [1]        Serrini        01>17>10>10>07>06
07        01        09        01        終點站 [1]        Revery        19>07>07>07>05>04>03>01>07
08        08        04        08        錢七        周國賢        14>08>08>08
09        10        04        09        等多一天        謝芊彤 + 謝芊蕾        15>12>10>09
10        12        05        10        可一可再        陳奕迅        19>13>13>12>10
11        11        02        11        Hero        許鈞        11>11
12        13        03        12        Captain Nancy        薛家燕        18>13>12
13        18        02        13        認真如初        陳柏宇        18>13
14        14        03        14        On The Road        Jude + 林德信        19>14>14
15        19        02        15        你的你        吳嘉熙        19>15
16        20        02        16        天陰,間中有陽光        黃淑蔓        20>16
17        RE        03        17        心之科學 (Dear JY Mix)        容祖兒 + Dear Jane        19>19>XX...>17
18        RE        07        02        一二三,三二一        楊千嬅        10>02>03>03>02>10>XX...>18
19        NE        01        19        一個女人 和浴室        謝安琪        19
20        NE        01        20        裸泳        鍾舒祺        20
OUT                                                
XX        02        08        02        未來        Another Kitchen        18>18>11>10>10>09>09>02
XX        15        03        15        撼動        Supper Moment        18>17>15
XX        16        03        16        四大發明        鄧小巧        19>16>16
XX        17        02        17        愛情是一種法國甜品        林二汶        20>17

TOP

#CMMetacritic Vol 17

RubberBand《Hours》
評分:65/100

《Hours》在RubberBand十週年紀念之時推出,並開咗同名音樂會。專輯曲風變化多樣,以清晰脈絡回應過去、放眼將來,音樂嘅flow幾完整。然而,專輯細節處理一般,主音6號嘅演繹亦影響咗唔少歌曲嘅表達。

《Hours》由當下開始「脫軌」,最初喺加入Gospel元素嘅《城市當代配樂團》回望過去《心照一生》、《發現號》等歌曲,然後以《發麻》等歌曲呈現RubberBand一貫對現今社會嘅關注,之後以《你會有一天學會面對》、《未來見》展望未來,最後以《逆流之歌》與《脫軌時刻》首尾呼應,歌曲如CD設計靈感嘅日晷般每個Hour緊密連繫。然而,「時間」對專輯大部份歌曲而言只係一個setting,而唔係一個具影響力嘅factor。談「覺悟一刻」嘅《那一端》同《動物兇猛》正係最好例子,歌曲內容難以同「時間」拉上關係,前者歌名更已顯示重點在「空間」。於是,無論係正面嘅「愁懷隨日月被拭去」定負面嘅「歲月將一切淘空」,RubberBand對「時間」嘅解讀局限於時間對人及事嘅變化 (專輯文案也只是說「時間總是難以名狀」),較少觸及人如何應對、運用甚至操縱時間,阻礙專輯作出較深入嘅反思。

RubberBand歌曲風格及主題向來多樣。前快後慢嘅《Hours》由唔同成員監製,更進一步呈現各自喜愛嘅曲風。《動物兇猛》中加入電子音效,為硬橋硬馬嘅音樂帶來a breath of fresh air。《阿發好風光》嘅復古funk亦帶來唔少驚喜,喺管樂及鼓嘅律動下形象化地塑造「阿發」呢個角色。雖然部份歌曲有「熟口熟面」之處 (《發麻》音色與《瞬間看地球》音色甚為相似),歌曲架構亦離不開「ABABCB」,但喺專輯「回顧」嘅前提下卻顯得頗為合理。《那一端》嘅森巴風格喺《細街盃》已經出現,但過份歡樂嘅音樂與箇中反映嘅貧富懸殊形成巨大嘅contrast,效果頗dramatic。讓6號聯想起《心照一生》和《山河故人》嘅《未來見》則像為一部closed ending嘅電影撰寫續集,結果情感及畫面亦唔及前作,開盡turbo嘅編曲亦流於煽情,本質上只係一首樂隊制式嘅K歌。

《Hours》所有歌曲都係廣東歌,避免咗《Gotta Go!》中演唱其他語言時唔自然嘅咬字,但6號vocal整體表現仍然強差人意,由最基本嘅音準到較難嘅情感表達都唔係一個正式出道十年嘅樂隊主音嘅應有水準。《脫軌時刻》的「仍麻木中鑽地」嘅「中」sharp咗整整半度 (Live都唔係每次唱啱),ad-lib沒氣沒力,只能靠之後music break搶分。《你會有一天學會面對》的「不要追」就顯得6號無法準確拿捏看開嘅情緒,而係純粹無情感,甚為影響歌曲感染力。《逆流之歌》的「我未有顫抖」卻聽到顫抖,整體聲線頗為沙啞,顯然超出「以唔完美聲線表達唔完美」。6號聲音狀態不如以前,實在不能單靠「靚聲」蒙混過關。

自從RubberBand成為獨立樂隊,一眾成員似乎更積極開拓流行音樂以外嘅門路,不但為不同電影譜寫配樂,又會創作動畫、電視劇主題曲,6號甚至在電視劇飾演重要角色。忙碌本來係好事,以spinoff保持人氣亦係香港歌手好難得做到嘅事。但RubberBand仍避免唔到忙中有錯,比如幾首派台歌mixing明顯差於《呢度》嘅作品,《那一端》嘅mixing甚至差得可以毀掉作品,需要多次調整。作為RubberBand成為獨立樂隊後首張大碟,《Hours》比上張大碟《Gotta Go!》優勝唔少,並展示咗佢哋對音樂及專輯嘅堅持,比如無為咗「賣大包」收錄格格不入嘅《One Punch》、《大叔情歌》,又願意多次調整歌曲mixing。但除咗呢啲critical decisions,RubberBand製作仍唔夠完善,結果製成品唔夠refined。一首well-produced嘅歌曲,才能經得起時間嘅挑戰。

推介歌曲:那一端、阿發好風光

GTB《大香港精神》
評分:60/100

GTB《大香港精神》以口語為主,歌曲比兩位成員Serrini同楊彤嘅個人作品玩味重,主題卻跟Serrini大碟《Don't Text Him》相似,要做strong and independent嘅女人。《大香港精神》將呢個主題take to extreme,慢慢演化到對一切「不理啦泵泵」,高舉「大香港精神」,更聲稱「要將香港活埋」。後段歌曲歌名唔再包括GTB嘅back acronym,歌曲較satirical,讓專輯不流於arrogance。

Serrini主唱及曲詞嘅GTB,專輯backlore亦顯然與其背景有密切關連。歌曲中「稀有礦物女孩」、「金條男孩/Gurls」、「God姐」、「Maggie Slays」等角色往往能對應真實人物,加上大量重複組合名稱,《大香港精神》比兩人唔少歌曲顯得更personal。兩個「港女」有其常用字眼,如「werk」、「機心」,只係稍嫌過份重複。但比起歌詞嘅表面意思,兩人喺專輯呈現嘅強烈personality最能體現「GTB大小姐行路有風離地疊水激親人」嘅「大香港精神」。

喺SoundCloud起家嘅GTB,歌曲嘅distortion顯得lo-fi,但並不代表編曲簡陋,反而有唔少細節彌補內容上嘅不足。《不理啦泵泵》中「Question 1 Pass」、「問題一 棄權」之類句子聽起黎nonsense,但後段將歌曲各種元素juxtapose,效果相當有趣,使歌曲洗腦得黎唔煩厭。專輯歌曲加入唔少讀白,浮誇地呈現兩人起伏不定嘅情緒,而《From Godric to Beyoncé God姐給女生的三點建議》中「God姐」嘅表現亦相當突出。

《大香港精神》保留Serrini同楊彤嘅個人特色 (如Serrini嘅multilingual同楊彤嘅電子音樂),更幫助佢哋探索唔同形式嘅音樂。GTB喺專輯盡情「放任」,同佢哋相對收儉嘅個人音樂成鮮明對比,而呢啲exploration有助佢哋音樂上做到更收放自如,

推介歌曲:God姐給女生的三點建議、不理啦泵泵

The Low Mays《富林太空站》
評分:4/100

The Low Mays之前推出過唔少mixtape,今年首次推出debut album《富林太空站》。再無大熱歌曲beat充撐嘅《富林太空站》,所謂嘅beat都係將幾條track電子音效隨意砌埋一齊,即使加上lo-fi、SoundCloud rap等標籤亦無法合理化太差劣嘅製作。

The Low Mays向來以比較狠同癲嘅歌詞為賣點,但喺《富林太空站》已經用盡wit,單單不斷將太空相關字詞「借題發揮」,mean得唔到肉。專輯用字極度單一,只係關心有無人畀佢哋釋放情慾,未能夠好似以前嘅mixtape成功以「黑社會」同「愛國」等大主題架構較完整嘅世界觀。碟中只有《地平》比較接近以前satricial嘅歌曲,反而花更多時間對hip hop圈子嘅唔同單位作出評價,但效果仍然不堪入耳。

The Low Mays被Serrini形容做meme-hop,歌詞唔洗好似 conscious hip hop咁有意義,但佢哋都唔太conscious自己hip hop緊。佢哋無掌握適當力度,大吵大鬧得黎毫無喜感。唔擅長中文rap嘅Dough-boy喺《星球大戰》完勝The Low Mays咁多個成員嘅表現,Serrini喺《水》嘅featuring亦能合理投放感情,可以get the point across。

The Low Mays成員奶油包喺一個訪問鼓勵新人要多錄音,接受批評。《富林太空站》嘅音樂其實亦只有新人水準,比起歌詞中提到嘅音樂單位都幼嫩太多。The Low Mays嘅音樂novelty value大大減低,變得毫無特點。比起拉攏一眾較具實力嘅音樂單位支持自己,甚至寫歌idolize BAKERIE,The Low Mays更應向佢哋嘅音樂同製作取經,可能更有助佢哋唔被市場淘汰。

推介歌曲:無

TOP

返回列表