返回列表 發帖

點解 AGA 作曲咁好聽?

本帖最後由 just11256 於 2018-10-21 15:55 編輯

AGA 係近年香港樂壇最驚艷嘅新人,出道只係幾年但係風格越嚟越統一、成熟,更成為炙手可熱嘅作曲人。我覺得佢真係好勁,除咗因為多產之外(成日聲稱有幾百隻 demo),因為佢自稱冇受過啲咩訓練,只係做空姐嗰陣想作曲,但交出嚟嘅作品真係好難令人相信佢唔係一生立志做音樂人。佢作嘅曲唔單止有一定嘅質素保證,最犀利係你一聽就知道係佢作,其實因為佢作曲有一定嘅套路,而佢已經將呢樣嘢風格化。

好多人都覺得 AGA 作曲好「歐美式」,當然唔係淨係因為有好多英文。佢曲風歐美,因為一個好大好大嘅特色:不斷重複同一個音。最成功嘅例子當然係佢至今嘅代表作《3AM》。

好多歐美最 top 嘅作曲人(例如 Taylor Swift)都好鍾意用呢個技巧。呢個技巧有幾個好處,包括一、易入腦,二、將變化擺喺節奏,三、突出歌詞。第一點,阿媽係女人嘅道理,試想象一句旋律啲音飄嚟飄去比起一句旋律永遠都係同一個音,邊句易記啲。將旋律音調嘅重要性減低,除咗顛覆廣東歌傳統,更加將聽覺嘅重點放喺節奏、歌詞、編曲、演繹甚至 MV 等方面,聽歌由聽旋律變成聽氣氛、聽 package,聽眾嘅記憶會更加鮮艷。第二點方面,見到佢第一句越遞進個節奏就越密集,但冇搶拍,好似有一步一步加速前進嘅感覺,令你隻耳有意欲去衝去終點。去到終點「how to say goodbye」有兩下搶拍令首歌更好「un」。作為一句 hookline,呢句根本係教材級。第三點較為特別,粵語有聲調限制,作詞人好難將一句歌詞全部寫同一個音,所以呢種寫法喺廣東歌嚟講相對冇咁普及。但 AGA 偏偏唔理,令到佢嘅旋律喺樂壇入面突出,亦都解釋咗點解佢啲歌咁多英文歌詞,因為根本寫唔到粵語歌詞。

但 AGA 嘅功力唔淨係得咁多,睇下 chorus 第二句就會明。第二句又上又落,全部搶拍,同第一句完全相反。兩句之間有反差,隻歌不斷帶你隻耳去新嘅地方,去到第二句最後兩個音先真正停喺主音。AGA 嘅同音旋律例子真係數唔晒,例如「I can smile a little more,sing a little more」、「過去我對與不對,再要計較太瑣碎」、「how many lonely nights without you」等等。當然,AGA 亦好擅長寫港式旋律,尤其係 Eric Kwok 最鍾意嗰隻 chorus 頭兩句一樣字數(例:「你一次匆匆的遇到,我憶起溫馨的懷抱」、「這叫做成熟吧,誰都會活過去」),但由於唔太特別,所以唔詳細分析。

但其實都有冇咁成功嘅例子,例如《小問題》。

《小問題》之所以冇咁成功,因為有啲似想複製《3AM》咁,但《3AM》嘅優點通通都冇。啲音重複得嚟節奏冇變化,「只需很悉心的設計」嗰句格硬填粵語詞,聽落好似念經。不過都係嗰句,你隻耳去咗編曲到,你就會俾佢嘅中國風編曲吸引。你聽完記得嘅唔一定係 chorus 嘅旋律,但會係中國風編曲同 MV 個古怪 look。所以佢嘅歌其實一定要有特別嘅編曲先會成功,《3AM》波多野裕介、《Nights Without You》Ted Lo、《小問題》T-MA 都係好出色嘅作品同編曲人,慢歌嗰啲普通舒文貨就較為一般。

另外 AGA 作嘅旋律有一樣嘢令我一聽就知係佢作。今年年初聽《無期》嘅時候,我一聽到就覺得:「嘩,呢下好 AGA」。我稱之為 the AGA turn。

就係「無人可比」嗰下,旋律轉上去,我覺得係佢嘅標誌。其實功能上冇乜特別,主要可以將一個 chorus 起死回生再重複一次,亦唔係得佢一個咁寫,但佢真係成日用,其他例子包括:「命運像流水,坦率去面對」、「消費愛情當消遣,如何膚淺~」。

最後一樣嘢其實同音樂冇關,只係心理上我覺得唱作人作嘅曲係好聽啲,因為唱出嚟嘅時候我會覺得成件事真誠啲,唔係工廠化。我覺得唱作人嘅感情、想法好似縫咗喺旋律入面,呢樣嘢唔一定同歌詞有關。歐美樂壇入面好多歌手都係唱作人,做唱作人唔係咩特別嘢,反而香港會頒一個特別獎畀唱作人。亦都解釋咗點解 AGA 係聽外語歌人多嘅 Spotify 入面竟然可以打入 all-time 五甲,因為佢唱歌某程度上加咗誠意分。香港人覺得香港樂壇「嚟嚟去去都係 K 歌」,其實嗰種鄙視某程度上源自於樂壇工廠化,歌手只係歌手,唱嘅嘢係人地寫嘅,咁即係所謂嘅唱歌機器。唯獨 AGA 嘅音樂賣到個性,令佢突圍而出。
1

評分人數

佢嘅曲風的確香港好少聽到
例如 天橋 認

所以我成日會被呢樣野吸引我聽多幾次

Btw 又學多左好多野 thanks!
JIM’S MUSIC SELECTION 2019
WK41: 好好說 / 香檳女狼 / 鬼混

TOP

好睇在專業得黎解釋得有文有路,又有說服力
但想討論下如果「只需很悉心的設計」填返英文即係果效就會好左無咁似念經?
咁如果「It's 3am in the morning and I don't know」呢句填左中文又會效果差左?
所以小問題無3am咁效果好係因為melody問題而唔係演繹?
一二三勇往直前,三二一委曲求全

TOP

一於支持aga女金創作金加到至尊歌。Talents win
Elio喜歡上別人了

TOP

港樂好抒情,但AGA屬於港樂+歐美當代R&B風格所以聽起身耐聽好多又好聽得多,無甘平淡,以及國外R&B比較注重旋律同節奏,所以比較殺食。

TOP

本帖最後由 lorbat 於 2018-10-21 18:34 編輯

OT Taylor swift 叫做 top?

TOP

OT Taylor swift 叫做 top?
lorbat 發表於 2018-10-21 18:04



睇你點睇
如果你話論藝術性 佢當然比唔上好多另類樂團或者歌手
但評價主流既 pop artists 成唔成功其中一個角度就係佢商業上係咪成功
呢個角度睇 佢的確係最 top 之一
主要原因就係佢可以寫到好多好搶耳既旋律
其中一個好殺食既技巧就係樓主所講既不停重覆同一粒音
最佳例子係 All You Had To Do Was Stay

另外咁樣不停重覆都好適合 AGA & TayTay
原因係乜相信睇過佢地現場既人都好清楚
3AM LIVE 基本上冇乜點炒
加上音樂底做得好出色 自然吸引到人欣賞同支持

ANYWAY 最認同最後面一段
Singer-songwriter 係值得更漫長既等待同更多支持
外國好興歌手參與創作 相反香港就好唔同 好多都分工
感覺真係差啲同難有個人特色

TOP

希望樓主遲啲會寫篇點解Taylor Swift作曲會咁好聽
。Kaykay。Taytay。Kelly。

TOP

Serrini 作曲最好聽
45. Beyond the barricade is there a world you long to see
Week42
1失戀的人站起來2下一束光3阿喪

TOP

本帖最後由 PenguinMusic 於 2018-10-21 20:05 編輯

的確係好聽,不過呢啲應該好睇佢個人創意同音樂感,始終係藝術創作
亦可能係因為佢mixed所以接觸外國音樂較多

Serrini 作曲最好聽
b01091018 發表於 2018-10-21 19:39
天空塌下前
不過作曲都係陳輝陽最正(Sorry for 踩場

TOP

Aga的確是一個很有才華的唱作歌手
若然亂世還有甜品 即刻去叫一份 =D

TOP

Cousin Fung > AGA

TOP

AGA作曲既melody真係唔錯,但好少歌手問佢邀歌?好似就得千嬋&送禮
傻仔去罷課,我先去上課

TOP

AGA作曲既melody真係唔錯,但好少歌手問佢邀歌?好似就得千嬋&送禮
我等我在 發表於 2018-10-21 20:38



   出道之前定係出道之後?
羅生門/所有/別來/小手術/LKIT/挾持/陽光/快樂/大了/逾越/共鳴/矛盾

TOP

作曲咁好聽以後幕後作曲就夠
唔好再唱歌
Jason's Playlist 2019 Week 40
圓謊 - 盧凱彤

TOP

AGA作曲係勁,但係出歌慢呢

TOP

的確係好聽,不過呢啲應該好睇佢個人創意同音樂感,始終係藝術創作
亦可能係因為佢mixed所以接觸外國音 ...
PenguinMusic 發表於 2018-10-21 20:04



    ?
呢位會員一定冇乜留意per se
Serrini負責填詞啫
DONG'S Weekly Music 20 Cuts - Week 6 #1 - 慶 祝 無 意 義 (per se)

TOP

?
呢位會員一定冇乜留意per se
Serrini負責填詞啫
dongbb2332 發表於 2018-10-22 01:20

撈亂咗sorry

TOP

好睇在專業得黎解釋得有文有路,又有說服力
但想討論下如果「只需很悉心的設計」填返英文即係果效就 ...
~蛋撻~ 發表於 2018-10-21 17:02


「只需很悉心的設計」呢句我覺得聽落好似壓住咁唱,其實原因有幾樣:喺 AGA 嘅音域嚟講算低、個音(D)喺首歌個 key (a minor) 嚟講可以算係一個怪音,但我覺得句廣東話詞唔啱音都係一大原因,填英文就會消滅咗呢個因素

TOP

OT Taylor swift 叫做 top?
lorbat 發表於 2018-10-21 18:04


我澄清喺香港樂壇嘅定義嚟講,佢唔係一個 top 嘅作曲人,因為佢絕少幫其他人作曲,所以佢唔係 Max Martin 嗰種壟斷市場嘅作曲人
但只睇作曲功力,我覺得佢唔輸市場任何一位 Max Martin
當然要留意,歐美樂壇嚟講,「作曲人」呢個角色唔僅限於作旋律,作詞甚至編曲都係「作曲人」嘅一部分,而我對 Taylor Swift 嘅評價係包括埋呢啲(同埋佢最新隻碟跌晒 watt 我都知)

TOP

我都好鍾意AGA既歌 真係首首聽到就認得
有一句好同意:我覺得唱作人嘅感情、想法好似縫咗喺旋律入面,呢樣嘢唔一定同歌詞有關。
成日都覺得佢係有機會打破香港樂迷聽詞>聽曲既局面
同埋佢都有D中板歌 聽個陣好好un

TOP

本帖最後由 lmml4 於 2018-11-6 02:44 編輯

sia一樣都係一聽曲就知係佢作,當中佢用既技巧係咪同aga相反 ?

TOP

提示: 作者被禁止或刪除 內容自動屏蔽
簽名被屏蔽

TOP

「粵語有聲調限制,作詞人好難將一句歌詞全部寫同一個音,所以呢種寫法喺廣東歌嚟講相對冇咁普及。但 AGA 偏偏唔理,令到佢嘅旋律喺樂壇入面突出,亦都解釋咗點解佢啲歌咁多英文歌詞,因為根本寫唔到粵語歌詞。」

勁, 同意x10000000
叱咤樂壇女歌手金獎 謝安琪!!!
至尊唱片大獎 the album
叱咤唯一大滿貫女歌手

TOP

本帖最後由 elky 於 2018-11-23 10:01 編輯

aga令我有興趣聽翻多d廣東歌,應該唔少人有咁既睇法
當到咗2018年啦,廣東歌壇都仲系俾大部分沉悶既芭樂歌壟斷時(但好多周邊地區已經行得更前更多元),
3am,nights without you,小問題 呢d歌既出現真係令到我好驚喜,尤其3am果年真係令人有醒一醒既感覺。
Aga又勤力又有自己既堅持同固執,接觸音樂又多,又願意大膽嘗試,唔止才華,凈系sell character都好吸引。

唔可以怪本地聽眾少聽廣東歌,當而家資訊咁發達,接觸渠道咁多,市場好容易俾更有吸引力既產品吸引。
(以前對韓國歌好有偏見同抗拒,但系認真聽先發覺人地好有可取之處,甚至有d歌可以接近歐美水準,但又不失佢地既本土化特色)
當本土音樂人好多仲系停留系comfort zone,思維停滯不前,廣東歌就好有可能繼續沉悶落去 (利申:撐廣東歌,身在外國都會買鐘意既廣東實體碟)

p.s. 除咗aga,好似王嘉儀都幾唔錯幾有心wor
任何密友任何伴侶和諧互斗投緣互信尊敬退縮生疏掛心忽近又遠跟世態搖擺

TOP

AGA作曲既melody真係唔錯,但好少歌手問佢邀歌?好似就得千嬋&送禮
我等我在 發表於 2018-10-21 20:38


自己都唔夠用仲作比人== 冇貨啦
叱咤樂壇女歌手金獎 謝安琪!!!
至尊唱片大獎 the album
叱咤唯一大滿貫女歌手

TOP

aga令我有興趣聽翻多d廣東歌,應該唔少人有咁既睇法
當到咗2018年啦,廣東歌壇都仲系俾大部分沉悶既芭樂歌 ...
elky 發表於 2018-11-23 09:51


3AM 真係好正, 連D 唔聽廣東歌既ABC都識.
真係好掂~
叱咤樂壇女歌手金獎 謝安琪!!!
至尊唱片大獎 the album
叱咤唯一大滿貫女歌手

TOP

A talented composer!!

TOP

返回列表