elky

aga令我有興趣聽翻多d廣東歌，應該唔少人有咁既睇法
當到咗2018年啦，廣東歌壇都仲系俾大部分沉悶既芭樂歌壟斷時（但好多周邊地區已經行得更前更多元），
3am，nights without you，小問題 呢d歌既出現真係令到我好驚喜，尤其3am果年真係令人有醒一醒既感覺。
Aga又勤力又有自己既堅持同固執，接觸音樂又多，又願意大膽嘗試，唔止才華，凈系sell character都好吸引。

唔可以怪本地聽眾少聽廣東歌，當而家資訊咁發達，接觸渠道咁多，市場好容易俾更有吸引力既產品吸引。
（以前對韓國歌好有偏見同抗拒，但系認真聽先發覺人地好有可取之處，甚至有d歌可以接近歐美水準，但又不失佢地既本土化特色）
當本土音樂人好多仲系停留系comfort zone，思維停滯不前，廣東歌就好有可能繼續沉悶落去 （利申：撐廣東歌，身在外國都會買鐘意既廣東實體碟）

p.s. 除咗aga，好似王嘉儀都幾唔錯幾有心wor