|
- 積分
- 486
- 貢獻
- 206
- 參與
- 233
|
35#
發表於 2018-12-3 23:37
| 只看該作者
本帖最後由 kaytse 於 2018-12-3 23:44 編輯
2018年度我的樂壇廣東歌流行榜頒獎典禮
至尊歌: 未來見 - RB
唔使講野~呢首歌實在太屈機, 神級作品, 琴晚先同版友傾完如果用AP黎整榜, 未來見已經12 weeks no.1, 旋律,編曲,VOCAL都係頂級作品. 就算擺去2003/2007年都一定輕鬆入十大. 詞同MV都好有意思, 雖然唔太中我, 但6號演繹真係無得輸. intro同outro都好高汁, 一聽已經起雞皮. 未來見, 真係唔使講野, 太強.
評分: 94
第二位: 一個女人和浴室/ (一個男人)一個女人和浴室 - kay / 古天樂
雖然唔係同一首歌, 但暫且將佢地並列. 浴室呢首歌, 係Kay 3 plug入面, 唯一一首旋律係夠pop夠入耳既 (抱歉詞彙少唔識講), 但編曲就居然用jazz味道, 而唔係pop. 如果作為天后級女歌手, 咁樣既安排可能係失當, 但如果以董折/浦銘心呢個企劃既一部份, 呢個2nd plug簡直係完美, 夠晒chill, kay演繹亦都非常好, 睇返佢3 plugs, 演繹方式各有唔同, kay vocal駕輕就熟, 呢個亦係佢一直以來強項, 到依家4張幾野, 閱歷更多, 掌握得更好. 而合唱版, 完美pop化, 如果呢個係事先安排好, 咁juno就真係神級, 居然恰到好處, 兩首歌互相補足. 但令人更期待係合唱編曲但由kay獨唱. 點講都好, 浴室呢首歌, 我既評價非常高.不過我係kay迷可能有bias 評分: 89
第三位: 困獸28 - Juno
典型CC式密麻曲風, 但又好鬼好聽..林夕詞更加無得輸, Juno演繹chorus果part都好完美, 係覺得verse可以錄好少少. 計好聽, 應該都係今年前面. 評分: 89
第四位: 勇悍17 - Juno
同上, 雖然都好好聽, 但感覺上個旋律冇28咁驚艷. 同埋verse/chorus反差唔夠大, 會plain左少少, 但其餘所有配置都係爆晒分, 冇計, 有錢就係任性. 評分: 86
第五位: 無期 - AGA
只係因為幾年來對於AGA既喜愛, 投射晒落呢首歌度, 無期係AGA既作品入面, 只算中等水準, 但都只能怪佢整體水平太高. 香港創作天后非佢莫屬, 作為女唱作人, 佢既旋律已經可以同Ivana相提並論, 只係作品未夠多. 1.25速無期會係Perfect. 雖然認為無期唔算太突出, 但仍然要支持佢. 評分: 76
第六位: 龍舌蘭 - Eason
曲好有feel, 好有90-00年代電視主題曲feel, eason演繹亦都唔使講. 但份詞真係減好多好多分, 點解eason要搵佢包碟? 令人太失望. 除左詞之外, 全部都好有feel, 奈何成為第4 plug, 相同故事令我諗起09年同樣出色既於心有愧... 評分: 85
第七位: 錢七 - 周仔
真係覺得好正好好loop, 903比十大真係好有taste, 太愛了, 好中意好中意. 周仔近年最愛之選! 見到佢live進步左咁多都好開心, 希望keep到, 佢真係好值得拎十大. 可惜唔係自己作曲, 但我覺得唱作人唔代表一定只可以唱自己既歌, 呢方面AGA真係要學下. 評分: 83
第八位: Run Away - 陳蕾
好中意呢個男人婆呀~佢d歌真係好有個人特色, 真係要歸功於mr班底, 幫到佢好多, 依家一講佢就諗起佢個跳脫, 爽, 成個package都好掂. 呢個style起碼可以玩返三兩年, 但唔last得耐, 要諗定後路. 不過唔好講咁多, 唱作獎袋袋平安先! 請跟你!@#$%^&*($#@#$%^&*!!! 評分: 81
第九位: 停半分鐘聽一闕歌 - Alfred
其實呢首歌好正, 係值得十大, 但奈何谷唔起, 好可惜. 曲唔使講啦, 上乘Pop選, 詞亦都好有情懷, mv我都like. 演繹..比起上年係改善返, 神奇之旅果種難聽係真係破唔到. 希望佢走返正路, 唔好為變而變到唱腔都差埋. 見到佢咁堅持做廣東歌, 點都值得支持一個位. 評分: 80
第十位: 橙海 - SM
同未來見一樣, 被903嚴重逼害既十大水準之作, 點解會壓到咁成績咁差架. 我好不解. 快歌唔使點講旋律, 夠爽就得, 受MV影響令首歌都好有畫面感. SM既歌近年我都麻麻, 包括說再見同0感床, 但橙海真係好聽. 評分: 78
補充:認真如初/軒仔(1985)都想比一個位, 但今年好歌眾多, 十大位絕對擺唔晒, 如果每個歌手只限一首, 咁就用勇悍17換呢兩首其中一首啦. 不過都係好Marginal. 另外小巧/RK/Gin Lee今年都備受CM追捧, 但我真心要觀望下, 需要時間打入我個腦(唔知點解陳蕾可以咁快, 可能個形象真係好鮮明). 黃妍都係, 今年最喜歡的新人, 笑容迷路了好好聽, 有Feel. 我既選擇基本上都係based on 903, 因為基本上唔會接觸到其他歌(如tvb), 所以非常903化, 請見諒.
男金: 張敬軒 4首歌水準都好穩定; 男銀: 周國賢 今年d歌好岩聽; 男銅: 許廷鏗 用心做歌既歌手值得支持 (陳奕迅退出)
女金: 謝安琪; 女銀: AGA 前二唔解釋, 盲撐KAY同AGA; 女銅: Gin Lee 雖然上半年既歌麻麻, 但越後越有料, 沙鷗/侘寂/風靡都值得支持, 個Show更加係令我對佢大加分.
組金: RB 派台大有配樂團都好高汁; 組銀: DJ 今年全身發力, 奈何遇上寬廣的未來; 組銅: SM 正路都要揀佢, 抱歉RK 仍需要時間消化.
最男: 麥浚龍 除左兩首屈機歌, 當然要愛佢係因為終於令到kay唔再走數, 而且班底無敵;
最女: 謝安琪 ;
最組: RB 是誰能讓我可......;
最歌: 男女浴室, 電影級史詩式巨作 (講笑, 但對KAY有Bias沒辦法, 抱歉未來見, 但至尊/最歌一邊一首最perfect)
新人: 黃妍, 不二之選, 亦係最高實力既一位, 形象亦討好, 歌亦都好聽.
大碟: 金 The Album; 銀 Hours; 銅 L.O.V.E. (軒完全冇消息)
最後抱歉打得太長, 盡量唔好恥笑lol, 但由於今年無整榜, 所以只能在此發佈今年心水之選. |
-
1
評分人數
-
|
發表於 2018-12-19 19:41
| 
，所以十大留左個高位，《小伙子》嘅真正續集，Sunny同Ivan嘅故事，感動到痛哭。
，所以夕爺嘅詞正中我紅心，聽親都想喊，唔quote歌詞了，因為成首詞都好鍾意。
