kh23

2018 我的年度十大最愛

其實10首真係唔夠,今年太多好歌正歌!!!

第一位: 千年如一日 - 鄭秀文
許太嘅歌不難成為我最愛三甲!! MV 靚到呢!?! 呢首歌可以話係不要驚動愛情延續篇, 相比起不要驚動愛情呢首更入腦更SWEET, 對於SAMMI 黎講唱呢類型嘅歌可謂駕輕就熟!一聽再聽,百聽不厭!!

第二位: 未來見 - RubberBand
又係好高質嘅一首歌, 曲詞都令人想一聽再聽,非常有共鳴嘅一首歌!!!只係差少少少少就年度首位~

第三位: 認真如初 - 陳柏宇
舊年首霸氣情歌都進駐我嘅年度十大!!今年亦唔例外, mv 都係帶動呢首歌成為我年度十大三甲!!

第四位: Creo en Mi - 鄭秀文
好高質嘅mv, 亦係今年最正嘅廣東歌mv!! 淋紅油果幕極震撼!!!廣東歌mv一d都唔輸蝕!!

第五位: 青春終老 - Robynn & Kendy
其實我好少留意佢地嘅歌, 呢首的確有驚喜~又係一首充滿愛嘅歌!!!

第六位: 一二三 三二一 - 楊千嬅
第一次聽呢首歌係佢演唱會, 嘩!!不得了!!發揮得淋漓盡致!! 相信千嬅已完全融化係呢首歌裡面!人生在倒數,只要無憾最終都會在笑 !

第七位: 天才兒童1985 - 張敬軒
成長三部曲第三部, 每個人都必經過嘅階段!!好有感慨嘅一首歌!!

第八位: 初心 - 古巨基
充滿一首正能量嘅歌, " 毋忘是為誰爭氣 無論會令誰歡喜 " 做任何事都要毋忘初心!! 每次聽完都有一種無形嘅力量!!

第九位: 偷聽情歌 - 胡鴻鈞
好難得呢首歌可以暫時脫離星夢陣味, 仲要係小明作~歌詞都有D變態!!

第十位: 教我這麼愛下去 - 許志安
好耐無聽過安式情歌, 一首SWEET爆嘅情歌輕易成為我心中十大~