aussie2013

2018私人十大

第十位： 一二三三二一 - 楊千嬅
其實覺得個chorus唔夠好聽，不過演唱會個感動加咗好多分。希望千嬅可以做返d有趣既音樂，唔好再玩咩人歌合一，真係玩得太多喇

第九位： 慢慢喜歡你 - 莫文蔚
呢首歌如果換第二個歌手唱肯定冇咁好聽。Karen既演繹真係無敵，而且mv真係好溫馨。

第八位： 破壞王 -  陳奕迅
暫時曝光五首裡面最愛呢首，真係聽到人好開心，有Eason早期d玩嘢歌既感覺。

第七位： 勇悍·17 - 麥浚龍
好少聽到Juno唱一d咁陽光青春既歌，旋律好好聽，夕爺份詞更加係不得了。

第六位： 小問題 - AGA
好鐘意呢首歌個律動感，而且我係好鐘意個mv，基本上係由首歌出嗰時loop到宜家都未厭。

第五位： 一個女人和浴室 - 謝安琪
其實要多謝Juno，因為起今年呢個project之前我以為Kay就係唱社會歌。宜家我知道Kay係可以演繹性感女人歌，真係好驚喜。因為呢個路線其實唔容易唱，咁耐以嚟我覺得係林憶蓮真係唱得好，Kay係第二個。

第四位： 荒原 - 盧凱彤
揀呢首同嗰件事無關，純粹係第一次聽就覺得好震撼。個編曲非常有層次，而且林夕將躁鬱症患者個腦內世界描寫得淋漓盡致。越聽越覺得呢首歌殺傷力好強。

第三位： 花粉症 - 許茹芸
好鐘意LALA個曲同葛大維寫既歌詞，首歌個氛圍非常好，歌詞切入點好獨特。係我年度loop得最多既國語歌。

第二位： 新寫的舊歌 - 李宗盛
李宗盛盲粉，唔需要任何解釋

第一位： 未來見 - Rubberband
其實我好少聽RB，不過呢首真係年度之歌。曲詞編唱都無敵，個mv更加感動，真係希望最後可以至尊歌。