返回列表 發帖

[叱咤是非精]容祖兒變叱咤是非精 網民力數三大罪名

https://skypost.ulifestyle.com.hk/article/2241691/%E5%AE%B9%E7%A5%96%E5%85%92%E8%AE%8A%E5%8F%B1%E5%92%A4%E6%98%AF%E9%9D%9E%E7%B2%BE%20%E7%B6%B2%E6%B0%91%E5%8A%9B%E6%95%B8%E4%B8%89%E5%A4%A7%E7%BD%AA%E5%90%8D/?utm_medium=share&utm_source=clipboard_share?r=cpsdlc


昨晚叱咤樂壇流行榜頒獎禮容祖兒終於憑《心之科學》奪得「至尊歌曲大獎」。得獎固之然開心,但容祖兒一向人紅是非多,當中最大鑊不得不數2007年建議散播電腦病毒來對付英皇合作公司MP3、2009年咀藐藐歌迷事件、2015年新鞋踩飛機窗自拍等。除此之外言行大膽的容祖兒入行廿年以來多多金句,包括「非洲小朋友食樹皮好似食蔗咁好得意!」、「你哋唔係噓我呀嗎?」,辣㷫不少網民。今次叱咤頒獎禮又再惹來不少網民熱議,都不知道是她真是有問題,還是網民太敏感。

1. 首位大滿貫食詐糊

森美在頒「至尊歌曲大獎」予容祖兒之前,表示這位歌手攞過好多專業大獎,包括多個女歌手金獎,只差至尊歌曲大獎就完滿:「至尊歌啫係全年播放率最高嘅歌!」,其後有媒體更指祖兒成為首位叱咤大滿貫的女歌手。但原來翻查資料,祖兒雖然拿過11次女歌手金獎、2次我最喜愛女歌手、一次至尊唱片大獎,與及今次首奪至尊歌曲大獎,不過可惜佢係未拎過我最喜愛歌曲。相反昨晚拎埋女歌手金獎嘅謝安琪,才是首位囊括叱咤所有個人和歌曲大獎的女歌手,擁有大滿貫成就。


2.. 造馬疑雲

咁都未算,最尷尬是有網民聲稱根據計數據,祖兒奪獎的《心之科學》有造馬之嫌,:「唔好話歌,歌名都未聽過,佢只係播過194次,《未來見》(RubberBand)就有成227次;仲有張敬軒嘅《天才兒童》仲受歡迎啦!好唔公道,又係鬥後台嘅假公正遊戲!」、「祖兒唱過好多好好聽嘅歌,但係呢隻唔係佢最好聽嘅歌,亦唔係今年最hit嘅歌,之前啲歌更值得拎啦」。不過亦有網民力撐祖兒:「叱咤講到明有專業會計師做統計,如果有人話造馬請拎出實質證據。」對於網民非議,祖兒得獎時信心十足,心情沒有受影響:「我出道喺上一個世紀,係1999年新人,嚟到2019年今日終於得到叱咤頒畀我嘅song of year。月光有人撈起,有人瞧不起,所以你仍有胸襟,永不洩氣,咁就可以。」



3.著紅衫走錯場?

除了獎項惹爭議,就連衣著都出事。由於當晚大會設有悼念Ellen盧凱彤環節,有唔少歌手都「巧合」地以素色登場,相反祖兒卻以由頭到尾大紅色,惹來部份網民不滿:「為搶鏡突登著鮮紅好唔專重」、「後生個班又著鮮色就話唔識規矩啫。作為一姐又大前輩唔識大體?坐前兩排嘅歌手都冇人著到咁紅啦」不過亦有粉絲力撐偶像與Ellen友情深厚,認為有人有心挑撥離開:「之前Joey演唱會有搵Ellen幫手,仲請佢專登改編自己首歌。Ellen過身嗰陣,佢喺ig post咗咁多年以嚟佢哋加二汶嘅合照,睇得出佢同at17一直都好熟」、「天后話條裙係Wyman幫佢揀,唔關佢事㗎,咁我又覺得如果係為咗Ellen,Wyman唔會咁伏佢嘅」

睇完以上例子,祖兒果然好惹是非,點都會俾網民話,希望新一年她順順利利,重新獲得民心吧。


————-

睇完祖祖食詐糊 好戥佢擔心
大陸 台灣無市場 香港又過氣 三台唔再撐佢
只怪佢唔識做人 明知有悼念Ellen 環節 仲著到紅噹當
睇下Kay 成晚黑色禮裝 低調而不失高雅
容祖兒係要著到成隻_ 咁!
十年社會歌仍唱入香港人的心,她為香港的時勢下最到題的註腳 !

成班容粉圍爐
903 Facebook 至尊歌段片 點解刪完又post 過?
因為太多人反心之科學?
十年社會歌仍唱入香港人的心,她為香港的時勢下最到題的註腳 !

TOP

整到最歌五強都入唔到
lu12 發表於 2019-1-5 19:16



    所以祖祖呢世都唔係叱咤大滿貫女歌手 因為自2004 年後 一直與最喜愛系列獎項無緣
    只要一日都未拎 「我最喜愛歌曲大獎」, 一日都未係大滿貫!
    根據維基 叱咤大滿貫係指 囊括 五大頂尖性獎項 :叱咤(男/女)歌手金獎、至尊歌、至尊碟、我最喜愛(男/女)歌手、我最喜愛歌曲
    只有五位歌手係大滿貫 :張學友、黎明、醫神、古巨基、謝安琪
    Kay 係唯一叱咤大滿貫女歌手 !
十年社會歌仍唱入香港人的心,她為香港的時勢下最到題的註腳 !

TOP

根據維基
等陣我就走入去改 要有埋唱作金 先係大滿貫

原來你真係蠢唔係扮 ...
JasOh103 發表於 2019-1-5 19:41



    你咪改 但係人都知 新人金  同 唱作 唔算頂尖性獎項
    而且 同一個人 儲齊呢五知獎已經難
    如果要有新人及唱作 無人大滿貫
十年社會歌仍唱入香港人的心,她為香港的時勢下最到題的註腳 !

TOP

唱作人唔係個個可候選,算少少幕後
生力軍金獎係人人可候選,kay只係銅獎,根本呢世kay同joey無可能 ...
iamsingingwong 發表於 2019-1-5 20:29



    話明新人 又點算樂壇頂尖獎項? 新人獎 只係樂壇起步 同天王天后級 不能比較
    唱作仲離譜  歌手唔一定要識創作 歌手本份係演繹 所以識創作只係 bonus 亦可算半個幕後
    維基都係網上記錄 如果唔係事實 都會有人overwrite 佢
    人地寫得呢個五個大滿貫歌手 自然係大家共認
    晴報亦報導 Kay 先係第一位大滿貫女歌手 祖祖無法大滿貫 就拖謝安琪落水 好無品!
十年社會歌仍唱入香港人的心,她為香港的時勢下最到題的註腳 !

TOP

返回列表