返回列表 發帖

百萬行被搶風頭 樂易玲有意組隊撼MIRROR

本帖最後由 myrichardac 於 2019-1-6 16:08 編輯

蘋果日報
大台、ViuTV、新城今日各派藝人代表,喺中環參與百萬行,現場所見,大台由近年上位嘅花旦陳煒領軍,率領陳庭欣、楊玉梅、黎諾懿、徐榮、黃家樂等近60人,當佢哋行入會場時,有市民好興奮咁睇明星,亦有市民皺眉話:「都唔識嘅!」原定有份參與嘅馬德鐘就最終缺席。

ViuTV方面則有新晉男子組合MIRROR成員楊樂文(Lokman)、姜濤(Show)、陳卓賢(Ian)、盧瀚霆(Anson Lo)、王智德(Alton)、江熚生(Anson Kong)、呂爵安(Edan)、柳應廷(Jer)、李駿傑(Jeremy)、邱傲然(Tiger)、以及陳安立、岑樂怡、黃奕晨、駱振偉、陳子豐等等,其中MIRROR更獲半百歌迷到場舉牌支持,並以姜濤歌迷最多,當ViuTV經過時,歌迷們叫個不停,聲勢似乎勁過「電視界一哥」無綫。


大台、ViuTV、新城今日各派藝人代表,喺中環參與百萬行

MIRROR獲半百歌迷到場舉牌支持,並以姜濤歌迷最多。


蘋果日報
無綫由高層樂易玲、鄭善強、杜之克率領近六十藝員現身,喺中環參與百萬行,雖然人多,但明顯勢弱,人氣未如過往熱鬧,為人熟悉嘅藝員只得陳煒、黎諾懿、徐榮及陳庭欣等,對此樂小姐話:「好多藝人要開工,而且今次場地同之前唔同,唔可以容納咁多人,今日藝人連工作人員都有約90人。」面對ViuTV新組合MIRROR人氣勁搶盡風頭,樂小姐話:「都有留意望下,覺得幾好幾靚仔。」有冇意撬佢哋過檔?樂小姐話:「唔好咁。」提到無綫可以組隊撼過,樂小姐就話:「同Herman(何哲圖)講,其實我哋公司都有好多後生仔同訓練班學員,Herman唔做我做啦。」

無綫今年派出約90人喺中環行百萬行,但可惜人強勢弱

今年百萬行,無綫畀ViuTV嘅MIRROR搶晒風頭

個人感想:
今年應該大把仔仔出道俾cm仔 j
星夢/樂易玲男團 vs viutv mirror vs 全民造星2
我愛姜濤 mirror 加油啊

返回列表