返回列表 發帖

張繼聰10年前冇打招呼 梁競徽:我好難受

本帖最後由 hlyung 於 2019-1-18 15:45 編輯

全城玩10 Years Challenge 小器鬼蒲頭
張繼聰10年前冇打招呼 梁競徽:我好難受


最近「10 years challenge」在社交網大熱,張繼聰也在Ig貼上新舊對照相片,但惹來梁競徽(原名梁烈唯)發難。梁競徽留言,自爆10年前曾主動打招呼,但未獲張繼聰理會。張繼聰自嘲視力有問題,但梁競徽仍咬住唔放,留言:「我好難受!」不少網民皆指梁競徽記足10年,非常小器。


前晚張繼聰於Ig貼上09年及19年的新舊對照相片,竟惹來梁競徽重提十年前舊事。互聯網圖片

近日在社交網流行玩「10 years challenge」,不少藝人也貼出10年前與最近的照片作比較。張繼聰前晚也在Ig上,貼出09年及19年的相片,並留言說:「2009-2019,睇人哋嗰啲都好似冇乜點變,我就……不過老實,好感激呢10年,心境嘅改變比外表變化更大。」正當大家留言談及10年間的心態轉變時,梁競徽忽然衝出來留言,而且似乎句句有骨。



梁競徽咬住張繼聰唔放,自言當年一事,一直放在心中多年。資料圖片


梁競徽在張繼聰Ig留言,自爆當年向張繼聰打招呼,但對方無反應,大批網民嘲他小器。互聯網圖片


梁競徽15年在微博上載向老兵致敬的照片,令他成為「負皮王」。資料圖片

句句有骨寸爆

梁競徽先留言對張繼聰說:「話說10年前我在TVB五廠外的走廊遇見你,當時係夜晚,而你戴住副黑超,我跟你友好點頭say hi,但你不理我直接走過。」張繼聰見勢色不對,很快就留言:「咁明顯我視力有問題啦!」想息事寧人。殊不知梁競徽似乎玻璃心發作,不接受張繼聰的「打圓場」,他再留言:「當時我好難受!一直放了在心中,就算之後大家認識了,我也沒有問你為何!但這些年我終於知道,當時的你正受着很多壓力!」

梁競徽繼續留言,而且看來句句都似諷刺張繼聰:「現在,我更加知當時的你為何會這樣,我知道一定唔會係因為你寸!所以現在看見你很有自信、很有魅力,我真的很為你感到開心!同時也給了很多動力和信心給我,其實真係要感謝你!感謝你的分享!」見到梁競徽的長篇留言,張繼聰也「買佢怕」,再度自嘲當日是無意不打招呼:「大家努力兄弟,應該純粹係發雞盲。」不少網民睇完留言,都不禁代張繼聰出頭,直指梁競徽小器,指他一件小事都記10年,而且張繼聰已經禮貌回覆,不明白梁競徽為何放不下。

新一代負皮王

其實,梁競徽近年是網上惹火人物,15年抗戰勝利70周年閱兵,他在微博上載向老兵致敬的照片,並留言「祖國萬歲」,被網民插爆他「擦鞋」,之後他在高登獲1.5萬個負評,成為新一代「負皮王」。不過他依然故我,對傳媒表示:「我係擦鞋呀,你吹呀?」又批評網民「太膚淺」。之後他拍了一個信用卡廣告,其廣告於該信用卡的fb專頁登出,即引來一場公關災難,不少網友上載照片表示「卡已剪」,他的廣告也因此絕迹於信用卡的fb專頁。原名梁烈唯的他近日改名梁競徽,引起不少網友討論,因為他名字諧音是「梁勁廢」,被嘲「人如其名」。
撰文:沈麗珠

https://hk.entertainment.appledaily.com/entertainment/daily/article/20190117/20592649

幾日前舊聞 純粹推返上嚟bin條梁勁廢c

其實會唔會搵師傅改嫁。
li個新名可能會旺佢

都幾旺丫,改完名成個網都講佢、即刻上報喇
     ...
jaytang 發表於 2019-1-19 21:05


乍聽「梁競徽」這個名字頗為「蹺口」,到底自誰的「手筆」呢?他說:「我可以透露,一定唔係自己改,我冇咁好文彩。(隱世高人?)係一個好好嘅朋友。(風水師傅?)係一個專家,好好嘅朋友。(好出名?)我唔知佢出唔出名,應該都出名。(透露下係邊位?)我唔會講啦。(名嘅意思,嗰位專家有解釋你知?)當然有啦。不過冇所謂嘅,大家朋友,你諗到係咩意思,覺得好聽,又或者難記,都冇乜所謂,大家都可以有自己嘅空間。」
   

https://www.hk01.com/即時娛樂/282231/改新名即奪最佳男配角-唯唯-梁競徽-唔好講到咁大威力

TOP

返回列表