- 積分
- 40329
- 貢獻
- 4789
- 參與
- 31016
|
346#
發表於 2019-7-30 16:51
| 只看該作者
本帖最後由 chanchan0909 於 2019-7-30 17:05 編輯
Naz唔入選
阿淦 發表於 2019-7-29 22:02 可能歐錦賽會入圍吧 , 始終佢真係好耐無系統地訓練 , 再返黎都需要練下手感先
另外都要睇 Ezgi 嘅表現 , 暫時黎講係差 Ozbay 少少 , 不過差距唔算太大 , 有事時佢都頂得住
而 Naz 即使有無得打國家隊 , 下賽季開始都應該會以賺錢為主 , 有家庭可能會打多幾年都唔定
順便講埋 B 組吧 , 中國隊往往都差唔多最後先公布名單 , 都習以為常 , 就算今日唔公布 , 聽日同後日都會公布 , 所以唔爭在等多兩日
先預測一下先吧 , 姚迪喺總決賽嘅表現雖唔算亮眼 , 但有功勞 , 佢同刁琳宇嘅競爭中明顯獲勝 , 穩固左第二二傳嘅地位
副攻方面年輕隊員起伏較大 , 顏袁先佔兩席 , 餘下四人中 , 胡銘媛可能因唔夠亮眼而被淘汰
楊涵玉嘅進步亦唔夠明顯 , 不過身高嘅優勢令佢仲有些微機會 , 但即使入圍都唔會係第三副攻
第三副攻可能會係鄭益昕 , 鄭益昕喺比賽中展示出唔錯嘅空間感 , 為球隊嘅牽扯有一定嘅作用 , 惟發球項目就較弱 , 性能較低且失誤與隊員比較下較多
王媛媛都會值得考慮 , 不過進攻實力較弱 , 雖曾打出唔錯嘅身前球 , 不過佢嘅力量實在稍遜 , 同時與鄭一樣 , 發球項目弱
至於邊攻 , 我諗今年開始 , 國家隊都會以唔同嘅組合打 , 暫時睇落嘅比賽 , 國家隊仍以過往框架打 , 算係保留底牌
6 個位置目前由 7 人競爭 , 朱盈兩位無懸念 , 其餘五位都有唔同程度嘅缺點
曾而家守強攻弱 , 大哥攻強於守 , 彤係攻略強於守 , 龔兩項都平均且尚算可以 , 張與龔一樣 , 但硬實力強於龔
而因對邊攻要求二四號位都需要打之下 , 張更係略勝一籌 , 其餘四位就平分秋色 , 確係難選擇
而其他對手 , 捷克大多都係今年挑戰盃選手 , 因為佢喺歐洲區出線 , 都唔可以小看 , 不過中國隊正常打要完勝應唔係問題
德國因為 Orthmann , Hetmann 仲有 Durr 嘅傷病或者退出 , 派來嘅陣容可能唔算太強 , 對中國而言本身對德國勝率高 , 所以對土耳其而言德國陣容唔強係好事
但土耳其要拎到奧運門劵其實真係好難 , 首先最近一年三次主力對話 , 中國都以 3 比 0 完勝對手 , 然後二隊贏埋佢地 , 有著極大嘅心理優勢
假若未能第一時間拎到門劵 , 就會變左要喺歐洲區爭名額 , 睇睇其他組 , 意荷必有一隊要去歐洲區 , 塞波又會有一隊 , 同組德捷如無意外會加入 , 到時傷兵回歸都難打
你話歐洲區多殘酷 , 所以土耳其雖多次敗中國 , 而且邊攻實力較弱 , 今次喺名單上可見 , 帶左 7 邊攻黎
可預見到時 Guidetti 必定會不斷調兵遣將 , 唔會過多諗前面嘅成績
所以我覺得 B 組各隊拎到門劵概率 - 中國 65% , 土耳其 35% , 德國 0% , 捷克 0%
=================================================================
最後再次吐糟賽制 , 雖然比上一屆好 , 但因為國際排聯嘅世界排名經已無太大參考價值 , 卻以排名作為分組 , 造成組別間實力不均
以現時嘅世界排名分組其實係無問題 , 關鍵係點樣去將呢啲寶貴嘅名額分出去 , 所以我建議一個辦法
1. 先打各大洲資格賽 , 洲份冠軍即入圍 - 5
[同時根據洲份實力第二或三名將有獲得第三輪參賽資格 , 藉此各隊首先需要喺第一輪全力應付 , 才有機會保留住晉級奧運嘅機會]
2. 20 隊參與 , 排世界排名分成 5 組別 , 組別首名出線 - 5
其實就係而家咁樣 , 只係先排除左已晉級隊伍再分組 , 而咁樣就可以將各組實力變得平均 , 並唔會好似而家咁有個別組別有「躺贏」嘅情況
3. 最終八隊打生死淘汰賽 , 最終三場連勝隊伍的一支出線 - 1
如你話 [2] 可能有機會仍各組實力不均 , 咁仍有一條後路
所謂嘅最終八隊嘅隊伍 , 就喺 [1] 嘅洲份第二名 , 假若好似歐洲咁競爭激烈 , 可獲多一個名額
而另外兩個名額 , 一個可以比未入圍嘅東道主 , 另一個就係 [2] 中成績最好嘅次名隊伍 , 咁樣就都可以確保各隊喺 [2] 中提供多一個誘因比佢地全力以赴
至於淘汰賽嘅分組 , 抽籤或按世界排名分都無所謂 , 因為只得一支隊伍出線
即使你想做籤做到自己半區好好打 , 但決賽對住另一區過五關斬六將嘅隊伍 , 最終都係好難拎到資格
所以要打呢關嘅隊 , 基本上唔係靠運氣 , 而係拿出真本事嘅實力
我覺得咁樣嘅賽制好好睇 , 而且都係實至名歸 , 同埋其實唔會花太多時間
首先各大洲資格賽可以喺聯賽完左就開始 [7 月中] , 用一個禮拜決出
歐洲一向有自家排名以及入圍球隊有限制 , 以一個禮拜決出都唔係問題
甚至其實今年本身就有洲際比賽 , 以呢個比賽作為奧運資格賽係更好嘅方向 , 因為實在太多比賽
然後可以先打世界盃 [8 月中] , 雖則仍係爭世界冠軍嘅比賽 , 提早拎門劵嘅隊伍定必全力爭取
不過奧運門劵債值大於世界盃 , 對於未拎到嘅 , 呢個比賽都係一個好好嘅備戰機會
第二輪資格賽需要睇第一輪結果而分組 , 主場同門劵都需要時間安排 , 所以兩輪比賽嘅時隔不能太近
[9 月中] 最妥當 , 然後最後一輪喺 [10 月中/尾] 就 perfect
咁亦都唔使專登去霸佔聯賽時間 [因 1 月打資格賽真係好不當 , 各地聯賽都因為呢個比賽而暫停]
而且咁嘅鋪排亦都大幅度減低左運動員嘅舟車勞頓 , 比賽亦都係相對比較公平 |
|