skyhorse1111

今日許曉婷傳得都幾差，但方岩都仲未肯換二傳……

skyhorse1111

睇左幾場比賽，八一 VS 北汽，覺得北汽自從拎左冠軍之後，雖然一傳發揮仍然有唔穩定嘅情況，但關鍵分都處於 ...
chanchan0909 發表於 2019-12-1 23:15

遼寧真係好冇解，買左個副攻外援但又唔放落場睇下可唔可以加強攔網，雖則今場好似冇報名段放國家隊步程係要練好一傳，近兩年嘅省隊配置都要求有六輪一傳，但佢今年嘅一傳點解可以退步咁多，連自補都做唔到，
另外卡輪次次都係一傳影響進攻搞到過唔到輪，究竟教練點做部署㗎……

恒大雖然都靠少少運，咁啱三個邊攻狀態都幾好，但一點明顯係郁佳睿今場傳得正常好多，喺一傳穩定嘅情況下分配俾鄭益昕嘅變化都多d，牽制對方副攻，多次造成1對1，希望最後可以雙殺江蘇遼寧入到4強，等個大環境可鼓吹更多高質嘅引援啦！

skyhorse1111

我無估到呀 , 因為梅笑寒從來無同 Raba 同 Koshe 配合過
第三局返到屋企無睇  希望第四局 ...
chanchan0909 發表於 2019-12-3 18:54

叫做贏左要贏嘅波，跟住就越級挑戰 XD

skyhorse1111

毫無懸念地，兩支銀行隊嘅比賽以 0 比 3 結束
而且天津三局都輸好多，唔係一個檔次嘅比賽
比賽過程亦都無太 ...
chanchan0909 發表於 2019-12-6 21:40

尤其扣球輸38分真係o哂嘴…明明d邊攻本身應該係攻強過守…睇黎國內冇強力跳發呢點真係好大影響，由一傳起影響埋二傳同進攻…聽日打巴西都危危乎

skyhorse1111

2019 - 2020 中國女排超級聯賽 季後賽 總決賽 第一場

01.07 19:30　天津渤海銀行 0 : 0 上海光明優倍　(:  ...
chanchan0909 發表於 2020-1-7 11:06

9倍@@不過人地楊藝都係跑動接應，4號位攔網高度好，加埋講到明有集中研究張磊，佢呢點要打開真係有難度

skyhorse1111

冠軍賽都可以卡輪10+分@@
其實一傳唔好冇哂後攻快攻，4號位又上唔切黎快打，齋換二傳同副攻都幫助不大，反而應該博下二換三上仲慧，起碼二點拉開打儘快打走個一攻至正路d吧

skyhorse1111

尋日都睇左好幾場比賽

首先，天津對上海比較第一場較為緊湊，
張磊呢點打到出黎，成功打亂王媛媛嘅攔網節奏，加埋本身快攻偏疲軟，變到冇咩作用，不過對比上黎，上海嘅攔網就直頭係差，高度同判斷力都唔得，天津基本上都係4號位，但上海副攻都常出現跟唔上嘅情況。另外今場姚迪嘅傳波質量都係差，好在有朱婷調整能力同高度搭救。而上海呢邊larson今場真係好出色，成隊都打得好有耐性，第二局仲好有機會添，但可惜一輪李盈瑩發球就發崩楊婕，亦將天津氣勢帶番上黎。呢輪上海處理都係有問題，問題係李盈瑩本身發球好好，楊婕一傳出現波動但又冇打調整攻能力，與其係齋叫暫停，倒不如係換人頂一頂，或者俾張磊頂一輪一傳，領先三分一輪就冇哂真係好慘。宜家德國入決賽，lippman都未必趕得切join第三場比賽，希望上海爭番啖氣，打唔贏都起碼拖到決勝局啦！

skyhorse1111

跟住，德國對荷蘭都係有dd驚喜，
驚係荷蘭呢班人都打左兩個周期啦，但失誤依然係咁多，belien好似仲係負得分，明明各自都喺一級聯賽度比賽，控制自失方面仲可以差成咁，成場比賽都可以用混亂黎形容。另外人員配置都係大問題，邊攻運用好似博彩數多d，叫fllortje番黎又未見好表現，除左隊長其他人一傳都好危危乎，究竟呢隊國家隊呢幾年有冇培訓重點呢？

至於喜係德國隊嘅初步正選陣容終於成形，orthmann同lippman成功撐起兩翼進攻，geerties就到稱職嘅保障型主攻，快攻有一定進攻能力，加埋老二傳ok嘅調配同全隊少失誤嘅風格，恭喜佢地入到決賽。不過佢地嘅副攻攔網都係好差 (sorry to say 仲差過王媛媛一大截，就知水平有幾低haha)，後防能力都未話係好好，所以好似打邊隊都好，對手嘅主力扣球手得分率都好高，連打belgium 接應同herbots冇咩絕對高度都有好高成功率，呢樣真係要好好加強。

skyhorse1111

至於亞洲方面，韓國金軟景兩場都冇出，對中華台北輸一局都依然冇上被傳重傷，我又覺得未必，傷病就一定有但既然出到場又有參加熱身，身上護具又冇明顯變化，應該都仲ok。呢場比賽最緊要贏，既然第二局十分前已逆轉，中華台北又算二三線，堅持訓練姜素輝同李在英又唔上金軟素確保3:0都尚算合理。人員方面，李多英喺外教幫助下進度明顯，姜素輝未如外界期望做到未來球星，但成隊整體保障同發球環節好好，喺亞洲/對日泰黎講都係有高度，所以有金熙珍呢點係幫到唔少，能力上應該高過泰國少少。

泰國今年終於都齊腳，chatchuon pimpichaya onuma ajcharaporn 分擔邊攻attack，wilavan malika可以頂一傳，不過面對韓國超強發球同防守陣營，用邊三個出場同埋究竟可唔可以保證全場4點攻都係關鍵，因為韓國副攻攔戰略攻都未到家，所以都係55開，但都真心希望泰國乘住主場優勢贏到呢張奧運入場劵

skyhorse1111

咁奇怪嘅，可以完左一分先挑戰番之前來回嘅球@@

skyhorse1111

二月有返啲時間 , 常規賽同歐冠小組賽都會陸續喺呢個月結果 , 應該會多睇比賽  

歐冠男排球隊出 ...
chanchan0909 發表於 2020-1-31 13:07

aydin係引入左sasa至真，仲做埋首發添，快攻方面表現唔錯，應該都幾高性價!比!另外有傳鄭益昕會去a1聯賽，雖然係加入包尾又經歷緊大地震嘅caserta lol

skyhorse1111

近排得閒d留意多番d女排消息,
鄭益昕消息應該係假，Poll都離開埋caserta, 宜家squad得番6個老將lol，
反而天津前外援Crncevic上月加盟尾二嘅Perugia，能夠繼續打a1聯賽都算好好，
Lippmann去番德國聯賽，而Larson Dixon未有動向應該留番喺美國訓練？
而最最最shocked嘅係蛇姐去左打印尼聯賽，感覺flop到一個點嘅

另外，仲睇左d泰職聯，都幾替泰女未來憂心，整體打法唔係特別快，二傳間唔中就倒三角或傳得唔舒服，發球普通得黎仲要一傳都麻麻，所以戰略攻都唔係用得特別多，睇唔到90後嘅團隊可以走到幾遠囉……

skyhorse1111

聯賽應該都幾難短期內重啟, 但封閉式集訓其實應該還ok, 尤其亞洲三隊都要調整下集訓目標, 喺安全情況下加大番人數同人選, 始終老將要"捱"多一年都仲有好多變數, 而"多一年"準備都唔好浪費......

skyhorse1111

呢個肯定 ! 分分鐘原先 2020 諗住嘅 12 人，到左 2021 可能人選又唔同左
除左老隊員嘅身體機能嘅種種未知 ...
chanchan0909 發表於 2020-3-25 11:57

最安全應該係“真“封閉式訓練，先100%確保冇外來病毒傳播。但我見之前美國嘅集訓其實都唔係好封閉，大家都係住番自己屋企同有自己social活動。另外，歐洲聯賽一日未宣布取消，有d球隊都未必會放走d球員吧! 咁嘅話，大家都係住自己apartment，亦好難好安全咁搞球隊訓練。

skyhorse1111

Wolosz 宣佈再度續約科內 !
而 E 家目標係塞隊替補二傳 Mirkovic !!!

歐排聯敲定歐冠男女排總決賽會喺 20 ...
chanchan0909 發表於 2020-5-13 22:42

講真，確實唔多睇好日韓兩隊。
南韓雖然外教令球隊更有韌力，下三路功夫都加強左，但始終冇咩硬實力。金延景扣球不復當年勇，李在英有速度有平拉開但冇強攻，其他邊攻明顯係聯賽型選手，一去到世界舞台就又唔快又唔高，兩位副攻分別嘅快攻同攔網水準都比4年前差。宜家嘅配置應該贏到日本，可以用發球沖擊一傳普通兼高舉高打嘅俄羅斯同多米，其他強隊都幾難打。

日本老實講有d俾久美拖累lol，真係睇唔出佢4年來嘅訓練重點，二傳喺日本理應好重要，偏偏重用嘅sato思路好一般，替補又唔見出色，関菜有亮點不過咁遲先發掘久美未必敢用。一傳係另一重點但中新生代嘅一傳又唔見得穩陣，所以就算koga kurogo ishikawa扣球相對ok，場上都只能上一個，另外兩個位要留俾攻力一般嘅ishii同shinnabae。咁嘅配置要打贏強隊又係好難。

skyhorse1111

東奧後都幾乎肯定亞洲水平會下滑，但奧運可唔可以喺小組一齊排前四又存在一定嘅可能性，兩隊入到八強其實已 ...
chanchan0909 發表於 2020-5-15 17:23

日本真係得啖笑，明明苗子係有好多，u字梯隊成績好好，但偏偏大方向係想依賴舊人訓練重點又唔清晰。不過多米打法相對簡單同粗糙d，日本用防守應對係有機嘅。南韓對日本黎講都算高，再加埋宜家嘅發球同防守，應該贏到日本，不過佢地都要諗下點解決弱輪卡輪嘅問題。
泰國國家隊思想係問題，泰職聯係另一問題，一黎太多老球員新生代冇乜機會，二黎亦因太多老將每隊都經常大幅度輪休變相聯賽水平再下降，佢地上年u23好似輸埋俾越南添……黎緊轉排名制度要train新人可能又更有難度lol

skyhorse1111

塞爾維亞同意大利都捨得派全替補/半主力去國家隊比賽練兵(呢點泰國都係要學下)，意大利就成功提拔到sorokaite pietrini (fahr)，尤其唔要成績都堅持練pietrini一傳呢點係值得表揚，加埋sylla宜家一傳都唔差，三副攻可互補，自由人能力好高，如果二傳再穩定d嘅都好有機攞冠軍。
塞爾維亞相對冇咁睇好，因為睇過busa/milenkovic好似都未充分具備完全2人接一傳嘅能力，而miha(kosheleva都係)呢種力量型打法，喺宜家防守普遍加強左嘅世代已經冇咁吃香，前兩者強攻又未算好掂，lazovic打調整攻都麻麻，變相一傳唔好miha冇力嘅時候，隨時又變一點攻都有d危機。
美國其實算係東奧延期嘅受惠球隊之一，叫做俾多年時間比幾個新人再train up下，再俾kiraly再深究自由人嘅人選，如果搞掂到一傳嘅問題，其實要入前4都有可能。題外話：都唔明點解dixon要留喺北京咁耐，咁多後浪湧上黎，其實佢好應該去意甲土超再加強佢攔網水平，為自己加添籌碼先係嘛。
土耳奇又係另一受惠球隊，宜家多一年俾baladin康復，俾karakurt再train下，再加埋meliha gunes akman都越趨穩定，加埋guidetti調配，再創上屆荷蘭神話都有機會。
俄羅斯相對冇咁睇好，雖然上任教練改善左佢地下三路功夫，但始終一傳係差，節奏係慢，宜家主帥又唔見得好掂，b組隨時俾土耳其翻盤。
巴西本來以為里奧後會好差，但宜家又好似ok喎，係要擔心下gabi前排卡輪同替補主攻嘅一傳/進攻問題。

skyhorse1111

就上年而言，中國嘅集訓幾有成果，小球技術球速節奏一傳體系都有加強，寶寶狀態恢復90%以上，李YY同小宇一傳更有進步，兩米快攻更高快，丁霞假動作更真實，姚迪大賽替補上場都算平穩頂到一陣，顏妮攔網更遠遠拋離其他副攻，成個主力陣容都幾有競爭力。

不過同時間都睇到顏妮肩傷都幾嚴重，會影響到佢快攻只能打落點，穩陣起見可能要揀4副攻，可惜王媛媛快攻依然疲弱，楊涵玉攔網依然靠估，都仲未上到大台。另外曾曾進攻都只能打手法一傳又唔係話一流，劉曉彤隨著LYY嘅進步佢角色更邊緣化，大哥始終一傳都係普通，所以小宇替補都係問題。希望佢地快D再開第二三期集訓，爭取時間再繼續搵潛力新人啦！

skyhorse1111

而且我覺得舊人都無咁好用  比如之前都可以靠荒木度輪，而家都好難，新鍋都唔可以成為絕對主力之下 ...
chanchan0909 發表於 2020-5-16 16:57

講緊新嘅世界排名制度同vnl球員參與%嘅限制，要栽培新人同時要提升排名嘅話泰國又可能更手緊

skyhorse1111

仍然都係覺得如果四副攻就會影響戰術調配，如果顏妮真係頂唔住，其實唔應該帶
而講到一個球員嘅綜合水平， ...
chanchan0909 發表於 2020-5-17 22:09

對劉曉彤有保留係因為覺得佢嘅後排同一傳都已經俾李盈瑩追過左，需要佢上場嘅機會少之又少，上年世界杯已經係咁，而且客串二號位效果都好麻麻，加上年紀增長攻力又少少下降左，感覺宜家越趨變緣化。
曾曾仲有價值係因為始終二號位進攻手感係有唔同，小宇嘅第一替補最好都係正牌接應，曾曾雖然攻力大降，但靠打戰略打技巧打落點，2換3嘅三輪都仲見到佢有少許牽制力，好好控制腰患去東京應該ok。

大哥其實呢兩年睇到係進步左，失誤已經減少左，喺寶寶同小宇打高攔網球隊會間歇性進攻失靈嘅情況下，佢嘅進攻都有d價值。不過前提係仲要加強後防同一傳，就算上年已開始轉打接應，我諗三輪一傳都係唔少得吧！

楊涵玉比王媛媛快攻係好dd，但攔網同小球真係超級差，咁嘅水平我諗Jenny唔會敢放佢上場lol，王媛媛就快攻真係好弱，但我諗中國隊黎講，應該想要副攻有攔網多過只得快攻吧！

小清新就真係喺強隊暴露哂佢一傳普通高度唔夠嘅劣勢，胡銘媛就係高度同後防出問題，兩個機會都不大啦！

不過呢幾個替補名額，我諗都係要睇下年VNL佢地嘅最後考核黎評定，當年嘅小蘋果同小宇都係喺大獎賽表現合格先去到世錦賽同奧運，所以宜家都仲言之尚早。

BTW 其實我本來以為栗垚會入到今年集訓，因為佢今年打得幾好，世俱杯都keep到自身水平，一直都有接一傳同二四號位交替咁打，而且進攻速度同力度都比杜清清好，算係幾啱中國隊體系，可惜今年集訓人數少佢連尾班車車尾都掂唔到lol

skyhorse1111

久光官方宣佈新鍋理沙退役


非常突然
chanchan0909 發表於 2020-6-20 20:21

so shocked鍋谷冇咩進攻力, 長內又冇保障能力, 曾我啟菜欠大賽經驗
其他邊攻客串接應一傳應該更差, 進攻都會弱d,
佢退役堅大影響

skyhorse1111

期待幾日後 日本嘅紅白鬥
男子兩隊實力相距甚遠，似一隊打二隊，希望睇到春高MVP高橋藍登場{:1_11 ...
patrick1029 發表於 2020-7-30 21:21

富永都冇左兩年喇，對比上年名單，第一眼係見到井上又入番黎，Nana同長內缺席，曾我啟菜未能入圍。
石井同鍋谷要分2 team保一傳，関菜揹飛，荒木同奧村都係分開，紅隊五邊攻長崗應該都好有限度上場吧！
Btw宜家先見日本中生代真係好少，反而好多98後

skyhorse1111

佢 15 真係表現得唔錯，咁啱嗰年拎埋聯賽冠軍，係佢職業生涯中最好嘅一年 !

聯賽嘅名單，北汽兩個外援同八 ...
chanchan0909 發表於 2020-11-11 11:34

有報道話dixon過唔到隔離後嘅7日隊內集中觀察隔離嘅要求

skyhorse1111

另外排超嘅setting都幾令人擔心，尤其蔡斌趙勇呢d咁出色嘅教練，真係夠膽死一套首發打到尾，加上今次廣東江蘇山東遼寧實力比較接近，每場必爭都有可能。呢種咁緊密嘅賽程，唔夠休息分神嘅話會增加受傷嘅風險，而就競賽而言，呢d偽專業球隊少左時間備戰都可能減低賽事可觀性。

至於八一球員同兩北京外援，喺呢種嚴密嘅bubble tournament制度，仲有喺有限嘅資源前提下，依家每隊都只能入14人，佢地要中途加入都確有難度，而且冇夾過直接派上場用嘅話又再難d。

skyhorse1111

幾意外，恒大贏左 ! 雖則覺得佢地唔係無機會，但見到江蘇嘅進步所以如果輸左都係正常結果。但今日江蘇輸左 ...
chanchan0909 發表於 2020-11-15 23:05

你應該係講緊18號嘅宋欣瑜吧？佢確實見得下人，一傳防守都好唔錯，起碼值得喺排超做首發，都要多得山東開明d，肯冒險唔要王夢潔嘅替補，先至有依家更大嘅發揮空間。對比上黎，遼寧嘅孫海平就……sighhhh

skyhorse1111

上場之後表現一般般，唔知閉關之下有無練身體  
不過後面先係關鍵，常規賽名次應該都唔會太大變動 ...
chanchan0909 發表於 2020-11-26 17:00

其實都冇人用, 曾曾要入番賽區唔知又要搞幾耐,劉曉彤肩傷都幾影響進攻,
金燁力量本身就唔夠, 而劉夢瑤就更加普普通通,
薛翼枝二號位總係打得冇三號位流暢,
講到尾都係得dixon同任凱懿兩個點, 都係好危

skyhorse1111

oh 我唔知曾曾出左賽區
yes，北汽應該係好難入四強，隊員現況確實能力唔夠
六強都叫有啲機會，但 ...
chanchan0909 發表於 2020-11-26 19:36

true 事實係4-8名都有好明顯既弱點, 無強攻, 無一傳 或 無副攻, 所以第4名都有得爭下...

skyhorse1111

巴超女排 Bauru 有多人確診，原定舉行嘅幾場強強大戰都會推延兩星期後舉行

排超前日進行左第二輪常規賽， ...
chanchan0909 發表於 2020-12-6 08:52

其實恒大14號呢點喺前幾局既偷襲效果好唔錯, 係15號既快攻唔快兼唔高先至冇用甚至失誤, 但去到決勝局竟然完全放棄快攻, 造就遼寧直接釘防邊攻, 被攔左咁多球但方岩依然話要靠邊攻, 真係有d不解...
另外睇到顏妮同胡銘媛喺前排時既攔網效果真係差勁多, 第四副攻應該唔可以一d攔網都冇吧...

skyhorse1111

晉級本屆排超六強已定，恭喜埋另外三支，遼寧、上海 以及 山東
咁一間嘅比賽開始嘅勝負都關乎到晉級四強嘅 ...
chanchan0909 發表於 2020-12-7 17:30

遼浙頭兩局都叫有得打，始終邊攻冇人係突出，仲諗住浙江會博個3:1，點知第三局真係收埋王娜，卡輪都完全唔換下人。
So sad Dixon打6場都未真正夾好一場就要執包袱，配合時間咁短一傳二傳又唔穩陣搞到冇乜球好打，都唔知今季黎做乜lol

skyhorse1111

離題但好想講，恒大可唔可以重新訂制球衣，甩哂色又件件深淺不一，好肉酸lol

skyhorse1111

今日嗰件都還好，粉紅色嗰件好肉酸，感覺好似見到成個 pat 咁，同埋勁易走光 ... ...
chanchan0909 發表於 2020-12-8 19:38

定係洗衣機嘅問題？haha估唔到3:0，而且頭兩局未算輕鬆但恒大控制自失方面做得罕有地好，防守都好到位！

skyhorse1111

唔知  但恒馳咁有錢幫手整返好件衫啦 !

再次非常意外，恒大可以四連勝江蘇。今場恒大 RABA ...
chanchan0909 發表於 2020-12-8 20:59

上一次恒大山東對陣嘅時候，三個山東內援都冇上場，希望唔係真係有避戰條款啦！否則恒大一傳應該會崩潰，副攻嘅漏洞都更加明顯……

skyhorse1111

恒大真係好好彩，上次對遼寧決勝局栗垚一點攻對住顏妮，輸左但起碼拎到1分兼搶到2局；今日關鍵場次決勝局都係一點攻，但好在上海攔網差而後防今日又麻麻地先贏到，而最最後仲要用局數壓倒山東入4強，應該都叫完成任務，睇下佢可唔可以爭番個第三吧！

skyhorse1111

除左上海攔網弱之外，恒大一攻都過得幾好，另外 Lippmann 打得並不好，都令到恒大打決勝局贏波嘅原因
Robin ...
chanchan0909 發表於 2020-12-10 20:48

同埋決勝局一傳都麻麻，提唔到速俾Larson打，所有野加埋就係乜都冇。今日Robinson打得咁好，恭喜佢第三次衝擊排超4強終於成功lol！
比起尋日，宋欣瑜一傳防守穩陣d，郭慧珍始終高度都好過張佳欣，未算超班但叫做正常首發副攻，加埋就比昨日的它高幾個檔次。3個邊攻呢幾場表現都幾好，如果全隊能夠控制好自失，都唔係冇衝擊天津嘅能力嘅，不過真係要諗下點樣突然天津嘅高攔網lol

skyhorse1111

每次江蘇上海都打到咁樣，今次又出現超高比分

首局上海發球同防守都幾好，一度打出氣勢，可以話壓 ...
chanchan0909 發表於 2020-12-12 21:58

其實我覺得與其要高意嘅定點攔網，不如要番本身有嘅快攻，我相信上海嘅後防足以彌補到攔網嘅弱點，反而冇左快攻就牽制唔到對手嘅攔網，對兩個主攻甚至Lippmann造成壓力。所以佢好應該諗辦法整番起呢條線，換二傳唔得咪試下換副攻，再唔得咪考驗下老二傳嘅自我調整能力囉。宜家冇左快攻又逐漸變番一點攻，去到局尾對手防守更搏而自己稍為手緊就好易出事。

另外我都好懷疑要歐陽茜茜嘅目的係咩。上海嘅體制應該唔需要保障型接應，而主攻位置楊婕同仲慧嘅能力都唔比佢差，真係無咩需要換佢上場，反而以往嘅比賽都睇到王馨瑤會替補入上場補高點背飛或攔，報佢做第4副攻可以仲有d用添

skyhorse1111

set 3 開始就應該要換走高意，上王馨瑤，Lippmann 狀態用曬喺前兩局，唔想換走佢就要喺其他位置換 ! set 4  ...
chanchan0909 發表於 2020-12-13 09:27

14人名單好似係用王馨瑤個位換做歐陽茜茜，不過都可以換入奏思宇，佢兩個副攻快攻戰術咁似，高度又差唔多，如果傳番好一個，另外嗰個應該都好易調整番好

skyhorse1111

呢一場 上海 打得更無章法，戰術佈置以及換人仍然係做得唔好，其實 Lippmann 真係可以階段性換走，試圖打亂 ...
chanchan0909 發表於 2020-12-13 21:19

好同意，Lippmann打唔開就應該換落場冷靜下。場下嘅選擇當然有張磊許曉婷嘅2換3，不過進攻方面可能無保證。既然買左歐陽茜茜，可以試下換佢同仲慧將保障同強攻位調轉，相信江蘇應該冇準備過呢種打法。
到左第三局Lippman打番起但又輪到Larson楊婕唔得，一點攻真係好難喺呢d關鍵場次贏，我覺得應該要換走楊婕嘗試攞番呢點應有嘅功能。

另外都係嗰個老問題。第二局換奏思宇係正確，但第三局兩個副攻都俾人釘死，就應該要再換人，可惜又係得番配唔到嘅高意可以上，所以都係覺得王馨瑤個位唔應該俾左歐陽茜茜。

除左教練責任，卞雨倩臨場發揮都令人失望。寶寶攔網出名好，但佢堅持俾副攻打背飛唔改短平。佢作為老二傳，仲要given上海一直都有打快攻，點解可以完全配唔上新副攻，其實傳高d已經差好遠但佢都係改唔到，令到第三局打打下又變一點攻。王之騰真係要諗淨番嘅2/3場點樣改善呢堆根本性嘅問題。

skyhorse1111

今場 Robinson 無上，應該係尋日嘅傷有少少影響到，而 恒大 第一局打得幾好，發球同進攻組織都係唔錯嘅，形 ...
chanchan0909 發表於 2020-12-13 17:14

其實可以試張楚楠㗎，我記得前個賽季同今年有一場郁佳睿都傳到速度俾佢，相反皮雁馳唔高唔快一傳又唔係一流，場上作用好有限。

另外，雖然話方岩喺歐洲帶隊咁多年，但水平我覺得好麻麻。咁多年都見唔到本土隊員有咩大進步，尤其係弱點繼續係弱點，球員失誤繼續係業餘球隊嘅質素，場上嘅應變同觀察力都差郎平好多。

培養球員方面，栗垚同郁佳睿嘅打法真係同國家隊越行越遠，陳佩妍都完全發揮唔到自己高度優勢。最後，俾10000個黑人問號俾孫燕：何德何能被郎平寵幸？絕大部分嘅主力二傳甚至替補都好過佢，完全睇唔出有咩好培養。

skyhorse1111

王辰玥好似同之前打恒大嗰場受同一個傷，希望好似嗰次一樣好快就無事上返場

江蘇 以而家呢個情況 ...
chanchan0909 發表於 2020-12-17 20:54

本來仲諗住有機會直落兩場贏，始終江蘇贏左第一局個氣勢應該好旺盛，佔住上風打波佢地應該keep到好狀態，仲要陳博雅呢點本身就唔強應該好快攔落場，點知刁琳宇又傷左，勇樂傳球唔到位又慢，防守都差一大截，連帶成隊一傳都差哂。

聽日個場刁琳宇應該都幾難上場，唯有旨意三個邊攻加倪非凡起碼接番好d一傳，餵d好球俾勇樂容易做到到位d。王辰玥應該係膝頭積水d fd，上得場嘅應該ok ge，佢攔網個三輪真係比周馨憶好頗多。另外都突然諗番上年北京對天津準決賽都係傷左蔡雅倩跟住嗰局就反輸……sosad

都可以試下小宇打二傳喎，橫掂佢呢兩場扣球成功率都好麻麻，等吳含同許璐瑤share呢個位，學恒大咁主力打邊攻，如果一傳頂到嘅都唔係冇機喎

skyhorse1111

睇下會唔會調寶寶打接應, 朱婷李盈瑩太高喇, 宜家2 3號位都冇哂好難打

skyhorse1111

第一局無咩點集中睇，不過寶寶應該打主攻好啲，用佢對上 陳博雅 + 姚迪 應該好過對 朱婷 + 李盈瑩，我覺得  ...
chanchan0909 發表於 2020-12-18 20:00

yeah!!! go jiangsu!!!之前許若亞球少dd, so far佢好似都下到球, 睇下補唔補到二號位既不足啦,
接應跑多d三號位可以仲好少少

skyhorse1111

嗯，總算圓滿結束，都恭喜 天津 衛冕成功，都有一段時間喺排超出現衛冕，今場整體一傳比前兩場要好，所以打 ...
chanchan0909 發表於 2020-12-18 21:31

叫努力左成個賽季，冇內外援齋靠原有陣容嘅提升，黎到決賽呢1.25場都成功壓住朱婷李盈瑩，防守卡位準到咁，防反攻又有質量，本身已經令人驚歎。
就差在嗰一踩，就扭轉成個形勢。刁琳宇堅持上場都夠催淚，而呢場仲要背水一戰，用超過5年冇打二傳嘅小宇主打二傳，呢點有缺失就由其他位置補救，依然可以叫形成均勢，仲拎到一局，完全係團隊精神，真係幾感動。我諗d球員喊哂好大原因係覺得今場比賽真係拚盡左200分努力，完全體現所謂嘅女排精神吧！

BTW今次都側面證明替補嘅重要性，戎万千百用左3年都只係做發球替補，其他替補都只能執死雞打一兩場無關痛癢嘅比賽，真係好難栽培球員，亦令替補好洩氣。與其話女排人工低，我覺得係睇唔到有咩前途先係關鍵，打到周身傷但都係企場邊，甚至連14人名單都唔入，想唔走都唔得啦。

skyhorse1111

江蘇有進步，喺到位基礎上有提速。不過有一個問題係原有節奏無左就咩都無曬，就連主動去衝擊對手弱點嘅能力 ...
chanchan0909 發表於 2020-12-19 12:58

真係好頂唔順d“教練“以磨合陣容做藉口堅持上全主力，要磨合嘅，之前全錦賽已經磨合哂，或者用三四場都夠哂啦。話就話個聯賽制度迫使球隊要上主力，但其實都有好多空間可以上替補，首階段同排名賽都有唔少。喺呢方面，江蘇同遼寧真係做得好差。你話佢地肯用替補，其實好大原因係因為有需要 (主力有傷或者不在狀態)或者場比賽係無關痛癢 (例如6進4天津對江蘇變左全替補嘅低水平比賽)，如果賽制差少少，我深信全主力打20場絕對有可能。

首先，首階段13隊有頗明顯強中弱之分，強隊對弱隊基本上毫無懸念，上替補鍛鍊就最適合不過，更好嘅就係以老帶新，好似天津上海山東咁安排主力輪休，既可以練替補，又可以keep住主力狀態，而呢方面唔單止係講強隊，弱隊都得，好似福建咁，明知打唔過但都場場用7主力，chur盡佢地又練唔到替補，都一樣係唔好，另外，5至8名嘅排名賽其實差別都唔大，呢2/3場都好啱練主力，不過最後都好似得浙江係咁做。

今次賽程咁緊湊，我懷疑同成本有關，始終係bubble比賽，包起成個sports complex同酒店舉行，拖得越耐成本就越高。當然，我都覺得賽程有改善空間，尤其係休息日嘅安排。但以時間黎講，8進6同6進4打單循環都算合理。

始終奧運先係最重要，每項運動都好重視集訓成果，甚至仲有奧運資格賽或內部選拔賽要搞，所以全運會係奧運後搞應該正路d。

skyhorse1111

其實係，比賽唔淨止係得呢個，其他比賽都可以鍛鍊 ! 所以比賽數量係好足夠，關鍵係睇佢地平時比賽點樣用， ...
chanchan0909 發表於 2020-12-20 09:11

可能所謂嘅其他比賽，通常都係全替補出賽，鍛鍊價值有限。經過今次經歷，再配合埋“行之有限“嘅大國家隊方向，呢種密集式賽制好似都ok，起碼都未出現好嚴重嘅受傷同疲態，仲迫到多d球隊用下替補。未來轉番做主客場制度，其實一週雙/三賽都可能可行，咁就唔洗縮短賽程黎配合集訓。
另外，培養球員方面，其實山東上海外借球員嘅思路好正確，將唔用嘅球員借哂出去，盡量俾多d球員上到聯賽嘅大舞台，發掘到嘅就拎番黎用，唔掂嘅就繼續外借，等球員自己選擇堅持定隱退。江蘇同天津絕對有potential咁做，好似天津兩年前同河北一換三嘅董銘宵，仲有江蘇青年女排咁多國青輸送，另外每支球隊點都有位置有多餘嘅人，與其留喺地方青年隊訓練，擺上聯賽實戰鍛鍊仲實際。

skyhorse1111

整體進步明顯，不過覺得副攻嘅攻仍較一般，但少有地明知一般都照敢做配合，可能佢地深知呢點無突破靠邊攻進 ...
chanchan0909 發表於 2020-12-20 16:23

同埋刁琳宇整體個穩定性仲要再加強，打順風定逆風球可以差好遠，後者嘅話一樣出現同副攻夾唔上或者傳球唔到位嘅情況。反觀梅笑寒經過一年嘅集訓，感覺更沉穩同成熟左，仲好有意識去用假動作去幫攻手引開攔網，亦都解釋到點解佢同蔡雅倩上場時間嘅分野越黎越大，只係可惜邊攻實力好有限山東先進唔到多一步。

江蘇副攻實際上未算突出，王辰玥快攻都係搶時間打落點，攔網都係睇狀態同感覺，當然定點攔網算係唔錯；周馨憶跑背飛係幾流暢，但同胡銘媛一樣攔網超級唔掂。不過咁嘅水平，加埋姜倩雯之後練番好d快攻嘅話，呢條線都應該夠用。

倪非凡確實好眼前一亮，甚至已經超越埋林莉。諗番郎平接手女排嘅時候，最擔心就係自由人位置，直到依家，睇到好多隊嘅自由人(包埋王思敏)水平都幾唔錯，未來幾年應該都唔洗擔心呢個位。

skyhorse1111

好在第二階段八進六六進四好多場都三比零，如果呢段時間場場都五局，可能就無太多體力應付準決賽同決賽

嗯 ...
chanchan0909 發表於 2020-12-20 16:43

兩種可能性應該都好微，因為省隊嘅光環同體制實在係好大，同埋其他國內運動都冇做過？寄望全運會上海山東拎到好成績，俾大家知道培養替補梯隊嘅重要性。

另外，宜家嘅國家隊嘅1/1.5線球員喺歐洲應該會好搶手 (除左小宇，不過都可以當主攻用嘅)，希望地方隊俾佢地出去闖下，抓住29+1嘅尾巴再進一步提升啦!

梯隊方面，其實好詑異有相當嘅球隊呢一兩年先開始尋球接班人選，但如果以全運會做目標，根本就係趕唔切。如果佢地識諗，早d栽培有潛質新生代，成件事相信又會再有改善！

skyhorse1111

尋日 Novara 都叫做打得唔算太差，不過無預期之中咁好，我覺得佢地未有一個好值得信賴嘅一個進攻點，雖然望 ...
chanchan0909 發表於 2021-3-15 22:48

仲有一個月前爆出嘅韓國排壇新聞真係好震撼，李多英李在英無限期停賽係合乎大眾所望，但韓國女排即刻跌左幾個檔次，加埋球員之前又傳不和，替補二傳又疑似被孤立，要重新建立番球隊士氣看來好漫長，想重現前年贏巴西同惜敗俄羅斯嘅狀態好有難度

skyhorse1111

中日比賽齋一場好難直接判定d咩嘅，不過都觀察到幾點：
1.以為老二傳會好穩陣，但原來都唔係，丁霞掛住提速反令調整攻又矮又倒三角，田代中規中矩但有一輪連續4球死傳ishii實在不解。
2.雖則石川宮賀一傳都好左，但明顯未係6輪一傳材料，黑後愛幫手接三輪會好d，宜家中國一傳體系算係理想。
3.長崗終於“強勢“回歸，攻力同跳發都合格有餘，不過要諗搭配咩主攻平衡一傳進攻，小宇看似穩陣但仍須觀察對高攔網嘅表現。
4.雖則係主辦國，但仍見到日本近兩年keep住栽培新人，板凳深度疑似好左，反而中國嘅大國家隊好似消失左咁，上屆嘅朱袁張傳奇不再復現。
5.兩隊嘅第12人都要好好諗下，日本一傳命脈咁緊要，睇落要番鍋谷好d。中國一傳體系ok，如果顏妮肩傷都控制得宜，可以留俾邊攻再補攻力。
6.黎緊VNL都要好好諗清楚點用嗰6個輪換名額，似乎兩隊嘅替補或新位置都需要更多上場經驗或考察，當然巴黎奧運嘅儲備都唔應該完全被忽視吧。

skyhorse1111

泰國雖然係臨時拉伕嘅陣容，但都未至於要用齊6仙女吧，名單入面明明仲有幾個初老甚至中生代嘅人，既然下年好似冇降級，理應要堅持練兵啦，呢d比賽驘個虛名有乜謂丫

skyhorse1111

基本上國家隊每年都已經選左最好嘅人出黎，所以替補隊已經係主力之後最好嗰批
無辦法啦，都係歸功 ...
chanchan0909 發表於 2021-5-27 19:57

咁其實呢個陣容再少左寶寶都預左一傳會好差，係咁打強攻又俾日本防起哂，係估唔到3個副攻嘅移動攔網都仲係差到咁，亂球處理都一樣唔得。
栗垚第一場貌似唔錯，但事實上只得前排三輪打到強攻，後排攻好麻麻，一傳就應該好唔掂。真係要諗下後排三輪點搞，後3好似好過後2但變相霸左主攻位置，或者睇jenny放唔放手俾佢練一傳，感覺佢抗壓能力幾強應該可以進步。

劉晏含真係應付唔到6輪一傳，但既然宜家4主力邊攻嘅一傳都ok，要佢嘅進攻好似會好過要劉曉彤嘅地面保障，當然扣球更多變化會好d。

副攻移動攔網搞唔掂㗎喇，睇下之後對住冇咁快但都快快地節奏嘅歐美球隊跟唔跟得上啦。都係唔得嘅話就無謂格眼帶兩個替補去做現場觀眾，一個就夠哂數LOL