返回列表 發帖
本帖最後由 chanchan0909 於 2020-5-30 16:19 編輯

歐冠前些時間已宣佈聯賽提前終止,土超亦公布賽事提前終止。
下賽季歐冠名額分配經已公布,由國家排協確定,以下為一二線球隊名額分配

歐冠
意甲男排 - Lube , Perugia , Modena
俄超男排 - Novosibirsk , Kazan , Kemerowo
波超男排 - Kedzierzyn-Kozle , Belchatow , Warszawa
德甲男排 - BR Volleys , UV Frankfurt
法國男排 - Tours
比利時男排 - Lindemans Aalst , Roeselare

土超女排 - VakifBank , Eczacibasi , Fenerbahce
意甲女排 - Conegliano , Busto Arsizio , Novara
俄超女排 - Kazan , Kaliningrad , Uralochka
波超女排 - Chemik Police , Rzeszow
德甲女排 - SC Schweriner
法甲女排 - Mulhouse , Nantes

歐洲盃
意甲男排 - Trentino
俄超男排 - Moscow
波超男排 - /
德甲男排 - /
法國男排 - Montpellier , Rennes
比利時男排 - Maaseik , Haasrode Leuven

土超女排 - Galatasaray
意甲女排 - Scandicci
俄超女排 - Moscow
波超女排 - /
德甲女排 - Stuttgart , Potsdam
法甲女排 - RC Cannes , Le Cannet

歐洲挑戰盃
意甲男排 - Milano
俄超男排 - Petersburg
波超男排 - Jastrzebski
德甲男排 - /
法國男排 - Chaumont , Nantes
比利時男排 - Achel

土超女排 - Yesilyurt
意甲女排 - Monza
俄超女排 - Saratov
波超女排 - /
德甲女排 - Dresdner SC , Vilsbiburg
法甲女排 - Beziers
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

于鑒煒本身係打接應,如果天津接應位置無外援可以比個位佢打,接五輪一傳,王藝竹/Koshe打主攻接1-2輪左右 ...
patrick1029 發表於 2020-5-10 23:31
基本上天津個陣都係睇一傳跟進攻,望落仍然都有好多人可以調配,就睇識唔識用 !
仲要等多兩三個月至可能有比賽打,可以睇下啲以前嘅比賽 , 反正肯定係有未睇過嘅比賽

其實塞爾維亞確實需要板凳深度,佢嘅打法較為依賴個人能力,所以萬一其中一個下滑都好難搞,比如 Busa 或 Popovic 其中一個一傳唔可以包到半場,Busa 都可以有人換,但 Popovic 就真係難搵替補,苦瓜如果傳球突然大下滑,攻手調整攻都好難突破,Boskovic 以佢嘅狀態仲有上升空間,但 Miha 比起 Popovic 同 苦瓜 就係最令人擔心嘅一點,佢嘅體能一下滑,喺係佢彈跳一般,進攻就只能單靠力量,就好難表現到威力,所以真係需要捧替補出黎,而 15 號 Stevanovic 係同 Terzic 不和呢,有 Terzic 就唔會有佢 LU ...

暫時覺得 塞爾維亞 嘅 12 人
主攻 - Mihajlovic (30) , Busa (27) , Milenkovic (24) , Lazovic (21)
副攻 - Rasic (30) , Veljkovic (31) , Popovic (26)
接應 - Boskovic (24) , Bjelica (29)
二傳 - Ognjenovic (37) , Mirkovic (25)
自由人 - Popovic (35)

荷蘭方面 Plak 喺 Novara 理應係會有進步,但好明顯兩個賽季落黎不進反退,17-18 都還好,就係 18-19 完全見唔到有用,喺俱樂部嘅表現亦都解釋到,所以你可以見到點解 18 同 19 有咁大差距,佢身體協調性仍然係好差,加上一傳本來都好差,呢年應該要喺 Sloetjes 唔得時可以上場頂替,但佢仲不如 Sloetjes ... 最後立刻降幾個 level 去 Aylin 打

但 Thaisa 係副攻最難換走嘅一個 Mara 同 Adenizia 類型相似,所以只能二取其一 ! 而 Thaisa 嘅能力好顯眼,攔網嘅手型節奏恢復返唔少,甚至我覺得佢又超越左 Rasic,三號位進攻可能仲有爭論嘅地方,不過發球同埋上手傳球嘅環節做得非常出色,所以佢嘅水準我覺得佢回勇左唔少,另外巴西聯賽雖然最後無得完滿結束,但根據大部分隊員投票都覺得 Thaisa 係 MVP,而佢確實好亮眼,如果佢唔係一直要有護具陪住佢,我諗佢會有更好嘅水準
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

本帖最後由 chanchan0909 於 2020-5-15 16:11 編輯

Wolosz 宣佈再度續約科內 !
而 E 家目標係塞隊替補二傳 Mirkovic !!!

歐排聯敲定歐冠男女排總決賽會喺 2021 年 5 月 2 日進行
意媒透露各國聯賽會喺 4 月 18 日前結束,然後國家排球聯賽喺 5 月 7 日 至 6 月 27 日,奧運喺 7 月 23 日 開始


之前簡單地 share 我對巴女同塞女嘅陣容配置,暫時都係以現階段嘅實力去揀,再過一年可能唔同曬,只係純粹分享一下
不如將 A 組其他強隊都試下揀下先

日本
主攻 - 石井優希 (30) , 鍋谷友理枝 (27) , 古賀紗理那 (25) , 黑後愛 (23) , 石川真佑 (21)
副攻 - 荒木繪里香 (37) , 奧村麻衣 (29) , 山田二千華 (21)
接應 - 新鍋理沙 (31)
二傳 - 宮下遙 (26) , 関菜 (22)
自由人 - 小幡真子 (29)

日本女排喺邊攻手裡面其實競爭係激烈嘅,本來想揀埋 長崗望悠 同埋 長內美和子 落去
而唔揀長崗一係傷左好多次,佢嘅場上狀態嘅不確定性大增,二黎日本年輕球員一傳能力弱,需要有老隊員壓陣
所以 石井、鍋谷 同 新鍋 毫無疑問要帶,另外三位就係可以話係要接前面三位班嘅最佳人選,但一傳真係仍需努力

其實日本嘅陣容都明顯老化跡象,即便中田教練揀嘅新隊員其實都快到 30,我覺得點都要帶啲有潛力嘅新人上去
比如 山田 同埋 関菜,留下嘅老隊員如果無太大作用真係唔好浪費位置,比如 岩板、佐藤 ...

南韓
主攻 - 金軟景 (33) , 李在英 (24) , 李素英 (26) , 姜素輝 (24)
副攻 - 金秀智 (34) , 梁孝珍 (31) , 朴恩珍 (21)
接應 - 金熙珍 (30) , 朴貞娥 (28)
二傳 - 李多英 (24) , 廉惠善 (30)
自由人 - 吳智英 (33)

相比日本有比較大嘅空間選擇,南韓本身球員較少,要揀嘅空間有限,基本就圍繞世界盃陣容選擇
自由人因為金海蘭等唔到 2021 年奧運選擇提前退役,佢嘅實力有目共睹,為球隊貢獻甚大,只能表示可惜,希望生活愉快
另一位老將李孝希都宣佈退役,但 Lavarini 用左多英做左主二,而且佢能夠勝任,所以呢個位置喺孝希離開後影響不大,都希望生活愉快

多米尼加
主攻 - De La Cruz (34) , Rivera (36) , Pena (28)
副攻 - Vargas (40) , Eve (29) , Martinez (23)
接應 - Martinez (24) , Gonzalez (24)
二傳 - Marte (30) , Dominguez (30)
自由人 - Castillo (29) , Martinez (24)

如果以合理分配,43221 係最好嘅配置,而多米尼加有攻擊力但後防都係差少少嘅,我會覺得帶多個自由人會較好
Martinez 呢位自由人唔錯,值得比佢做後排替補同 Castillo,必要時可試二人接一傳
Rivera 都係以保障為主,打進攻都係靠突然性,唔會比得太多,Pena 相對進攻比 Rivera 好
但另外三個邊攻進攻更突出,於是佢定位喺進攻保障雙料替補會較好
而家 De La Cruz 同 Martinez 都係多米非常重要嘅牌
另 Gonzalez 喺世界盃表現其實都好值得入圍,以上陣容我覺得可以做到攻守之間嘅平衡
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

黎緊呢年相信都會好主要咁關注入到奧運嘅球隊,而入唔到嘅都會稍為留意一下,畢竟 2022 世錦賽都係佢地嘅目標,到時又成為另一個大話題
順道分享埋男排奧運嘅陣容,分組形勢其實同女排差唔多,都係五爭四嘅情況,小組前三輪嘅對戰應該都幾激烈,不過先預計一下陣容

波蘭
主攻 - Kubiak (33) , Leon (28) , Sliwka (26) , Kwolek (24)
副攻 - Nowakowski (33) , Bieniek (27) , Klos (32)
接應 - Kurek (32) , Muzaj (27)
二傳 - Drzyzga (31) , Komenda (25)
自由人 - Zatorski (31)

意大利
主攻 - Juantorena (36) , Lanza (30) , Antonov (33) , Lavia (21)
副攻 - Piano (30) , Anzani (29) , Russo (24)
接應 - Zaytsev (32) , Nelli (27)
二傳 - Giannelli (25) , Sbertoli (23)
自由人 - Balaso (25)

兩支傳統強隊一直都有球星支撐,但計計數 Juantorena , Zaytsev , Kubiak , Kurek , Lanza , Nowakowski , Zatorski ... 呢啲經已 30 歲,可能會係最後一屆奧運之下,替補位置都係需要留比新人,比如 波蘭主攻 Kwolek,意大利主攻 Lavia,後者呢位似乎得到好多人嘅睇好,有機會未來會上位,值得留意 !

加拿大
主攻 - Perrin (32) , Hoag (29) , Maar (26) , Derocco (32)
副攻 - Vigrass (32) , Vandoorn (31) , Berkel (29)
接應 - Vernon-Evans (23) , Sclater (27)
二傳 - Sanders (29) , Walsh (27)
自由人 - Bann (33)

加拿大因為技術粗糙,所以有時真係喺取捨之中放棄左有加拿大嘅比賽,導致我對呢隊缺少認識,但隊中 Perrin , Hoag , Vigrass , Sanders 同埋 Bann 都係球隊中係重要角色黎嘅 ! 希望黎緊一年可以了解佢地更多 !

伊朗
主攻 - Ebadipour (29) , Ghaemi (31) , Fayazi (28) , Esfandiar (22)
副攻 - Gholami (31) , Mojarad (23) , Shafiei (29)
接應 - Ghafour (30) , Yali (22)
二傳 - Marouf (35) , Karimi (23)
自由人 - Hazratpour (22)

日本
主攻 - 石川祐希 (25) , 柳田將洋 (29) , 福澤達哉 (35)
副攻 - 山內晶大 (27) , 李博 (30) , 小野寺太志 (25)
接應 - 西田有志 (21) , 清水邦廣 (35) , 大竹壱青 (25)
二傳 - 藤井直伸 (29) , 関田誠大 (27)
自由人 - 古賀太一郎 (31)

亞洲兩強嘅陣容我覺得同世界盃類似,伊朗一直以黎最核心嘅幾位一直留隊,如大家非常熟悉嘅 Marouf,另外有留意佢地都知 Ebadipour , Ghafour , Gholami , Shafiei , Ghaemi 同埋 Fayazi 呢啲名字,同時都有比新人機會,記得仲好大膽比佢地喺首發出場,絕對係對幾位年輕球員嘅重視,以及自由人早早選定年輕嘅 Hazratpour 成為主力,為下周期新老交替做左一個好好嘅基礎 !

而日本見男女排都唔似係以培訓力度作前提,似係能者居之嘅選人模式,我諗以上嘅選人應該較為合理,唯一就係有無必要揀三接應,而大竹其實都可以讓出黎比主攻,但因為西田有志喺世界盃表現太好,難免受到各隊研究,太相信佢嘅進攻能力又未必係好事,然後清水邦廣喺今年又確實係狀態好,仲可以將聯賽同隊嘅大竹壱青按下喺替補席,明顯被清水比下去,但清水自身都有好多不確定因素,因而呢個位置考慮到需要三接應
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

講真,確實唔多睇好日韓兩隊。
南韓雖然外教令球隊更有韌力,下三路功夫都加強左,但始終冇咩硬實力。金 ...
skyhorse1111 發表於 2020-5-15 00:14
東奧後都幾乎肯定亞洲水平會下滑,但奧運可唔可以喺小組一齊排前四又存在一定嘅可能性,兩隊入到八強其實已經贏左,但以 Lavarini 黎講佢個人嘅能力我諗入到八強唔會當贏,畢竟對佢嘅教練生涯係一次好難得嘅大機會,如果佢將南韓推上四強,佢嘅身價將會大升,俱樂部國家隊都會成為搶手貨,雖然好似有啲誇張,但呢個教練真係好有機會為球隊創造左一啲意想不到嘅結果,喺奧運入圍嘅 12 隊,Guidetti 執教嘅土耳其都有機會成為奧運嘅一匹黑馬 !

暫時球隊實力我覺得南韓以分組黎睇出線概率係 50,主要係日韓多三隊去爭出線,如果其中一隊可以打贏塞巴兩強,咁佢地入圍機會就瞬間大增,目前黎講呢組咩可能都可以發生。另外賽程方面,我覺得日本女排係為左自己創造優勢,打肯亞肯定無得輸,而以佢地越後打狀態越好嘅情況,將韓多放喺最後兩輪絕對係明智,排除左喺賽程上嘅難度,就睇佢地實力上可以展示幾多。我覺得日本自己都慢慢認知到佢地實力上嘅不足,2017 形勢係高開,贏左巴西,喺香港站贏 俄羅斯、塞爾維亞,同美國又打足五局,亞錦賽冠軍 ... 一切都好順,然後去到大賽 18 嘅亞運會輸中韓泰,世錦賽某程度喺塞隊嘅幫忙,去到六強打意大利挽回少少顏面,但某程度上佢地嘅實力真係一般般,而呢個一般喺世界盃就出現得太明顯,例如 一傳有漏洞、二傳傳球保守、邊攻唔識打調整攻、發球弱、無攔防配合 ... 小球就連高個隊員都可以做得比佢地好,所以係真係要輸到好慘,久美先會意識到問題所在

而去到佢呢一屆我覺得特別明顯嘅一個情況,除左二傳一直無一個確定人選之外,一傳體系嘅建立都非常保守,只要場上有新隊員,佢地都係無一傳任務,全部都係以老隊員接,久而久之就削弱左球隊嘅實力,但最搞笑係,主打進攻嘅小將,喺一傳唔到位之下,打調整攻都係拎唔到分,我諗呢個情況如果一屆又一屆都係咁嘅話,當新隊員變老隊員嘅時候,一傳將會一屆比一屆糟糕,所以久美呀 ... 唔好再食老本啦,決心加強新人嘅全面性啦

呢句說話送埋比泰國,泰國嘅鍛練新人嘅過程都極之保守,成日都話新老結合,但都係流於表面,喺國家聯賽都經常見到,只要場上年輕隊員有波動就會換老隊員上去,不經不覺成個陣越換越老,最後年輕隊員都得唔到鍛練,好難有提升空間。同埋都好唔夠決心,每次比賽包括亞洲比賽,甚至係佢地東南區嘅錦標賽,老隊員都一定榜上有名,然後又係主力上場參加,完全唔見有決心要捧年輕隊員上位,其實 2020 我預計主力七仙女係,Pimpichaya + Ajcharaporn + Chatchu-on + Thatdao + Pleumjit + Nootsara + Piyanut,最需要體能位置嘅由年輕邊攻做絕對主力,而唔係 Onuma , Wilavan , Malika 呢啲老將首發。

而南韓嘅陣就真係無辦法,選嘅人都係有限,所以仲有能力嘅都會入圍,有潛力嘅就會帶用黎培養,亦都因為 Lavarini,我諗其他教練未必會用李多英做主二,可能仲會係用李孝熙 [預選賽就因多英受傷,變左用佢係逼不得已],所以佢地喺打法上就算係有缺點,或金哥實力嘅下滑,我覺得佢地經已盡可能將自己嘅高度發掘左出黎,喺自身有限環境之下,有無競爭力係後話 LU,但以而家呢個陣真係算係好好,而且仲可以有新人上位,但日泰兩隊我係預計佢地比南韓更有可能有新嘅年輕隊員上到位嘅時候,結果都係無,所以呢兩隊暫時前景我都係唔太睇好,而泰國仲要同 Danai 續約呢,嗰邊排協仲話佢做得好好要挽留喎,但我唔係咁認為 ... 而日本就睇下久美留唔留到,如果佢仲喺到我諗都會玩完,呢幾年真係唔見有咩獨特嘅執教模式,或者可能企喺到望住部 ipad 就係展示佢嘅沉穩同冷靜啦,然後就話我咁樣係比隊員可以喺場上多溝通同可以比佢地探討下點樣可以打得好啲,咁如果係咁真係辛苦曬,比 Jenny , Lavarini 同 Guidetti 更要辛苦,難怪佢每次場下輸左都覺得壓力好大 !
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

男排 B 組嘅分組擁有好多頂級二傳,喺我心目中 巴西 Bruno、美國 Christenson、阿根廷 De Cecco 以及 法國 Toniutti 都係頂級二傳,另外兩位係 意大利 Giannelli 同埋 伊朗 Marouf,全部頂級都入圍左奧運,希望都可以入到八強,可以見到頂級之間直接對話 !

巴西
主攻 - Leal (32) , Lucarelli (29) , Mauricio (32) , Douglas (26)
副攻 - Lucas (35) , Mauricio (32) , Isac (30)
接應 - Wallace (34) , Alan (27)
二傳 - Bruno (35) , Fernando (25)
自由人 - Thales (32)

見外面個個都睇好波蘭男排,我睇完男排世界盃,都係覺得巴西男排可以衛冕成功,攻防均衡穩定、整體流暢性都好高,慢慢地都會比佢地成個體系吸引,觀賞性同實力同時兼備,難怪喺咁激烈嘅男排之中,巴西一直喺世界大賽都拎到好成績 !

美國
主攻 - Sander (29) , Russell (28) , Muagututia (33) , Defalco (24)
副攻 - Holt (34) , Smith (36) , Jendryk (25)
接應 - Anderson (34) , Patch (27)
二傳 - Christenson (28) , Ma'a (24)
自由人 - Shoji (32)

美國男排嘅替補陣容 ... 有點弱,上年開始招左好多新二傳,放棄左 Shoji,可能係為下周期做準備 ? 確實以美國呢班主力,再撐埋去巴黎奧運係有啲難度。另外逢大賽美國男排喺關鍵時間掉鏈子,今次可能係呢班人最後一次嘅合作,唔知可唔可以喺困難準備上比上屆更好呢 ?

俄羅斯
主攻 - Volkov (26) , Kliuka (26) , Semyshev (24)
副攻 - Volvich (31) , Muserskiy (32) , Kurkaev (27)
接應 - Karpukhov (33) , Poletaev (26) , Mikhaylov (33)
二傳 - Butko (35) , Kobzar (30)
自由人 - Golubev (29)

俄羅斯呢個陣容相對較為年輕,見到主攻線嘅年齡就知,不過歐錦賽可看出關鍵時候都係有啲怯場,但都係一次嘅學費黎嘅,可以喺奧運前有更多嘅認知同埋裝備。不過因為係今次好專登咁去了解各隊嘅年齡結構嘅關係,估唔到 Kobzar 已經 30 ... 希望佢可以踢走 Butko 成主二,覺得佢好啲但一直好少機會

阿根廷
主攻 - Conte (31) , Pereyra (33) , Poglajen (32) , Palacios (28) , Mendez (28)
副攻 - Sole (30) , Ramos (28) , Loser (23)
接應 - Lima (25)
二傳 - De Cecco (33) , Sanchez (24)
自由人 - Gonzalez (40)

前面介紹過 De Cecco 係我其中一位納入頂級嘅二傳,而另外舊年世界盃 180 嘅替補二傳 Sanchez 發揮都好亮眼,但因為後段被重點研究傳球思路,阿根廷就高開低走,但都係一次好好嘅鍛練經驗。或許喺部分人心目中,阿根廷係一支有水分而欠缺實力嘅隊伍,又或者係因為有巴西幫佢地爭取到名額而輕視佢地,當然阿根廷個名額其實第一輪已經得到,但我絕對唔認同阿根廷係弱隊,甚至係有前八嘅實力,特別係見到 Lima,喺而家大部分隊伍嘅王牌都係 30 歲時,佢以 25 歲就擔起左唔少嘅進攻,我覺得佢係年輕一代之中較為出色嘅一位接應,亦能夠幫到阿根廷上一個台階 !

法國
主攻 - Ngapeth (30) , Tillie (30) , Lyneel (31) , Louati (29)
副攻 - Le Roux (32) , Le Goff (29) , Chinenyeze (23)
接應 - Patry (24) , Winkelmuller (27)
二傳 - Toniutti (31) , Brizard (27)
自由人 - Grebennikov (31)

睇完男排各支強隊嘅陣容,不經不覺各支強隊核心成員都過左 30 歲 法國呢批人都唔知有幾多個可以堅持到巴黎奧運 ... 但講返呢個陣,法國嘅後防位置係非常強嘅,Toniutti + Grebennikov 都係世界級代表,另外 Brizard 其實都好有實力,應係二傳陣裡最好嘅一隊,副攻三人無懸念,邊攻 Boyer 嘅實力相信已不會再被召入隊,而喺歐預賽發揮相當出色嘅 Party 肯定係接應主力 ! 主攻 Ngapeth 肯定嘅,Tillie 應係最好嘅對角,替補主攻都係後防強啲,但其實法國都需要一個有攻防實力嘅主攻做替補,可惜到目前為止仲未見到
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

日本真係得啖笑,明明苗子係有好多,u字梯隊成績好好,但偏偏大方向係想依賴舊人訓練重點又唔清晰。不過多 ...
skyhorse1111 發表於 2020-5-16 02:00
而且我覺得舊人都無咁好用 比如之前都可以靠荒木度輪,而家都好難,新鍋都唔可以成為絕對主力之下,成支隊伍可以話一個真係嘅核心都無 ... U20 奪冠應該係非常難得,亦都係一個機會直接拉人去奧運,遲下可以開一個 topic 講下年齡隊,上個周期 中國、意大利 同埋 塞爾維亞 都以佢地嗰個周期打 U 隊嘅唔少新人而打入奧運,有苗子絕對要用 !
泰國嘅排名制度係咩黎 未聽過
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

無理由唔預計埋女排 B 組嘅

中國
主攻 - 朱婷 (26) , 張常寧 (25) , 劉曉彤 (31) , 李盈瑩 (21)
副攻 - 顏妮 (34) , 袁心玥 (24) , 楊涵玉 (21)
接應 - 龔翔宇 (24) , 曾春蕾 (31)
二傳 - 丁霞 (31) , 姚迪 (29)
自由人 - 王夢潔 (25)

中國嘅陣容似乎就係替補人選會有疑問,而第三副攻究竟帶邊個暫時仲係好大嘅一個難題,誠然楊涵玉仲差好遠,特別係網前小球同傳球真係超差,如果以綜合水平王媛媛比佢好,但始終睇中佢有潛力,畢竟徐雲麗以前都係咁樣行過黎,希望佢真係發奮正視自己嘅缺點,唔好令我失望啦 !

美國
主攻 - Larson (34) , Robinson (29) , Bartsch (31) , Hill (31)
副攻 - Akinradewo (33) , Washington (26) , Ogbogu (26)
接應 - Drews (27) , Lowe (28)
二傳 - Poulter (24) , Carlini (26)
自由人 - Courtney (27)

大家可能未必知 Poulter 係 2013 年 U18 嘅最佳二傳,最後同中國爭冠軍 當時中國隊有 袁心玥、王媛媛 ... 仲有替補二傳 龔翔宇 而美國隊呢個陣容除左副攻 Dixon 可能大家仲會揀之外,其他都應該無太大爭議 !

俄羅斯
主攻 - Voronkova (25) , Parubets (26) , Kosheleva (32) , Kurilo (28)
副攻 - Koroleva (29) , Fetisova (26) , Efimova (28)
接應 - Goncharova (32)
二傳 - Startseva (32) , Romanova (26)
自由人 - Galkina (29) , Chikrizova (31)

俄羅斯副攻陣陣係最放心,二傳都無太大爭議,就係邊攻嘅一傳能力,感覺帶一個自由人唔夠,或者可能搵一個可以接一傳嘅攻手代替替補自由人都得,需要再觀望一下,但無可否認,俄羅斯嘅人選即便選出黎都係唔夠全面,仍需努力 !

意大利
主攻 - Bosetti (32) , Sylla (26) , Sorokaite (33) , Pietrini (21) , Nwakalor (22)
副攻 - Folie (30) , Chirichella (27) , Danesi (25)
接應 - Egonu (22)
二傳 - Malinov (25) , Orro (23)
自由人 - De Gennaro (34)

唔知 Mazzanti 會唔會想大打青春牌,用 Enweonwu (21) 取代 Sorokaite 以及 Fahr (19) 取代 Folie,都係唔算話係最核心球員,所以都唔排除有咁嘅可能性 ! Bosetti 同 De Gennaro 兩位好重要嘅就真係難以被年輕球員取代 !

土耳其
主攻 - Meliha (27) , Karakurt (21) , Ercan (27) , Baladin (23)
副攻 - Eda (34) , Akman (26) , Gunes (22)
接應 - Boz (33) , Yilmaz (29)
二傳 - Naz (31) , Ozbay (24)
自由人 - Simge (30)

原來 Yilmaz 都快 30 歲 ... 呢度如果講變數都係邊攻 6 位,相信 Meliha、Karakurt、Baladin 呢啲肯定會首選,Boz 次選,如果無佢真係入唔到奧運,Yilmaz 喺上季加盟銀行,可能 Guidetti 覺得佢可以幫到右翼進攻,最後可能係需要喺 Fatma (31) 同 Ercan 之間做選擇
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

塞爾維亞同意大利都捨得派全替補/半主力去國家隊比賽練兵(呢點泰國都係要學下),意大利就成功提拔到sorokai ...
skyhorse1111 發表於 2020-5-16 02:52
有啲人球員係需要輸下先知道自己有咩缺點,始終洲際同世界大賽呢啲先係重點
不過 Sylla 呢 ... 最近一年嘅一傳開始有啲弱,一黎 2018 年狀態大好,但可能發力過猛搞到而家受肩傷困擾,加上常年被追發,佢呢個大主位置係有點危機
Malinov 都係世錦之後傳球質量有所下降,替補 Orro 都係,所以都需要再睇多陣表現

Busa 咁嘅水平某程度上經已過關 LU,舊年歐錦賽嘅幾輪淘汰賽就差唔多真係 佢 + Popovic 撐住後防,決賽打土耳其,仲要客場之下決勝局如果唔係佢一輪發球都好難會追平,由舊年世錦決賽開始,全年嘅比賽都一直都做呢個位,所以舊年表現好 impressive。Milenkovic 傷完之後已經唔多掂,分分鐘無份出埋局

美國呢個自由人 Country 因為都係攻手轉型做主攻,而且其實佢嘅進攻唔算話好弱,但需要係喺體系之下佢就可以打出特色,所以佢分分鐘最後變主攻,都係一個可能性係上面其中一個主攻變自由人。Dixon 就真係無人要,而且北汽比佢嘅薪金確實吸引,傳聞佢係 35 萬美元,基本已貼近頂級嘅薪金。

俄羅斯女排就 ... 個教練我覺得佢好咸濕,應該無咩作為,但俄羅斯排協覺得佢帶到世界盃第三,好似已經續左約 ...
土耳其入到奧運已經係一個神話,試諗下喺歐洲都有唔少靠進攻食飯嘅攻手,但土耳其就唔係靠住呢個 style 嘅打法而入圍,雖然打波蘭嗰場 Boz 功勞最大,但成件事真係好不可思議 !

巴西 Gabi 而家嘅一傳真心出色 ! Guidetti 對一傳明顯信任佢多過 Bartsch,但 Gabi 嘅一傳係好穩咁送左去苦瓜手上,進步速度快左好多,亦都恭喜佢續約銀行,真係間接幫佢嘅技術提升左一個層次 !
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

就上年而言,中國嘅集訓幾有成果,小球技術球速節奏一傳體系都有加強,寶寶狀態恢復90%以上,李YY同小宇一 ...
skyhorse1111 發表於 2020-5-16 03:08
我諗如果唔係 Jenny 就唔會見到世界盃中國有咁出色嘅小球串聯,應該係打破左過往對體系嘅固有印象,一定係落左唔少苦功,特別提下丁霞,我覺得佢已經係僅次於 苦瓜 同 Wolosz 嘅二傳,佢同 Marcis 直接比較我相信佢都可以贏 ! 都係佢一步一步由國內第四二傳進步而黎嘅成果 !

我諗可能都未有四副攻嘅打算,畢竟邊攻只得五人嘅話,就少左好多戰術調配,對手就容易研究。要睇下佢去到咩情況,如果真係唔得,我諗 Jenny 就會放棄佢,但如果仲可以帶,如果有可以比佢休息嘅機會都會比。而到目前為止又真係好難搵到比曾劉更出色同有潛力嘅人選,呢個周期中國年齡組嘅成績其實算係一般,就係得 倪非凡 喺新人中脫穎而出,U20 拎到最佳自由人,U18 都係自由人 朱星辰 拎到呢個獎,其他就 ... 而大劉雖然進攻唔弱,但失誤真係非常多,Jenny 比較抗拒呢類型嘅球員,所以相對少失誤嘅曾劉兩位都仲係領先緊
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

講緊新嘅世界排名制度同vnl球員參與%嘅限制,要栽培新人同時要提升排名嘅話泰國又可能更手緊 ...
skyhorse1111 發表於 2020-5-16 20:08
我以為係泰職自我創立嘅規則
不過 VNL 呢個,之前 2017 都有定過類似嘅規則,之後就不了了之

國際排協勁重視 VNL,因為係新一屆嘅成員推出黎,借呢個比賽大力推廣排球,但球隊成日派替補參加,大大降低左比賽嘅可觀性
但我覺得要每隊都咁做又真係好難,新老交替係自然定律,所以我覺得應該無好多人投反對票吧

因為呢個始終唔係爭世界冠軍頭銜嘅比賽,作為練兵又真係好合理
如果 VNL 真係想多啲主力可以參加,其實可以有一個方法,就係用呢個比賽完左之後去分發大賽名額
可能係根據最終排名,但唔會比咁多,最大限度係冠軍直通大賽,或者世界排名第一直接拎到資格等等
裡面仲有好多細節嘅,但若果比賽可以關係到大賽,會令到喺球隊都覺得有一定重要性,自然地就會派主力參加
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

好多比賽無睇過 呢排慢慢睇返
同意你對塞爾維亞個12人大名單啊,無咩爭議
荷蘭隊最大 ...
patrick1029 發表於 2020-5-17 14:12
我最近睇返少少京奧同倫奧周期嘅比賽,想知多啲 Jenny 喺美國執教時嘅一啲戰術,另外想睇返巴西 Fofao 嘅傳球,另外觀察一下苦瓜嘅成長 然後里約同東京周期嘅大賽都睇得太多,反而想睇下大獎賽或者世聯賽嘅戰術演練同陣容
男排都會再睇返多啲,有啲隊都係唔係好熟悉。另外早期少少嘅俱樂部比賽都會搵下黎睇,不過早期嘅片源已經好難搵,或者清晰度有點矇,所以儘量地搵出黎睇

荷蘭而家我諗一沉都難起 2022 係佢地呢批人最後一次可以拎到好成績 美國最後好明顯地係帶錯左 Thompson,帶多左主攻可能就唔一樣。Hancock 除左傳球之外,反倒其他項目都做得唔錯 而跳發方面應該都會用嘅 !

買 Mirkovic 都真係算係咁,不過 E 家就變左幫美國同塞隊鍛練 佢地而家陸續公布簽左嘅人,再睇埋其他人先 ! 暫時主攻都偏弱
日本就 ... 其實我覺得宮下先係最值得固定喺主力嘅人,畢竟喺國家隊都好多年,亦都參加過奧運,年齡都有優勢,超級值得培養,即使有傷有影響都應該係要重點人物,但我感覺中田對佢嘅重視真係唔高,好似仲諗住要放棄佢,關於富永可能年齡大經驗唔夠豐富吧,或許選佢只係一個過渡形式

如果睇返韓泰 18 亞錦 + 世錦 VS 19 世聯 亞錦 20 奧預,都見到兩支球隊逐漸嘅轉變,黎緊泰國隊可能都仲係會咁樣 ... 而土耳其上年會覺得 Fatma 好啲,但今年覺得佢唔係好穩,Ercan 相對幫到多啲
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

我覺得中女有可能帶四個副攻上奥運,始終顏妮有傷加上年紀太大,有機會打到中途頂唔住,如果只帶三個副攻 ...
universal 發表於 2020-5-17 14:25
仍然都係覺得如果四副攻就會影響戰術調配,如果顏妮真係頂唔住,其實唔應該帶
而講到一個球員嘅綜合水平,唔係識接同識打就代表全面,全面之下係需要高水準,要求嘅尺係要放得好高,明顯地鄭益昕一傳水平都只係排喺現役幾位攻手之下,只睇副攻都排得好後,所以佢嘅上場係咪可以幫到手都有啲難講,我就覺得佢比較難

記得里約 Jenny 喺月月成個大獎賽都無打過,只係打左幾場瑞士賽之下就帶左佢去奧運,且只帶兩個二傳,嗰時大家都仲估月月嘅情況係咪真係 ok,但若果佢係 ok,Jenny 都係好決心地只帶兩個二傳,所以個情況同顏妮類似,未必會為左佢喺位置上增減名額,反而會係喺佢身上決定帶定係唔帶
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

對劉曉彤有保留係因為覺得佢嘅後排同一傳都已經俾李盈瑩追過左,需要佢上場嘅機會少之又少,上年世界杯已 ...
skyhorse1111 發表於 2020-5-18 01:10
劉曉彤逐步減弱呢個又真係真,不過點解仲會考慮佢都好值得深思,究竟國家嘅嘅第四主攻需要啲咩能力嘅人。首先二梅同大哥有一個好明顯嘅分野,就係喺失誤上面,sorry 我唔可以同意大哥失誤方面少左,舊年比左好多機會佢,世聯賽某程度上證明左自己,但 Jenny 無揀佢係有佢嘅原因嘅,不過之後亞錦賽以及係軍人運動會,佢就較為一般,特別係軍人運動會嘅表現,解難能力以致關鍵分嘅失誤難以覺得佢可以勝任到呢個位置。而劉曉彤嘅失誤比佢少好多,即便彈跳點低左好多,同埋好少扣球技巧,但佢寧願唔啱打嘅都先處理先,好少硬打而送分,另外佢發球都好好,有時仲又穩又有威脅,同埋比起以前少左好多第一次發就落網嘅波。另一樣嘅分野都同前面嘅 point 有關,我認為係心理素質,大哥一被一啲分數上嘅影響就特別緊張,但二梅反而仲可以得分,呢個喺一路以來大賽需要佢嘅時候佢都幫到手,我相信佢喺團隊心目中係幾值得信任嘅一位,所以二揀一之下,我都係揀劉曉彤

王媛媛都稱唔上好,中國副攻組係真係太弱,就連袁心玥我覺得佢攔網都仲係一般,雖然世界盃打得好順,但都係發球好嘅情況下而建立嘅自信,如需要前排判斷嘅時候,移動攔網我覺得小袁都未必做得好,所以再落去嘅幾位都係移動攔網較差嘅,就暫時選個有潛力嘅一位
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

場場都借啲意對球員摸黎摸去, 好嘔心!!!
雖然而加無得睇比賽好苦悶但睇你地上面專業分析都好過 ...
ta1028 發表於 2020-5-18 12:52
佢每次暫停隻手都好痕
都只能夠睇重溫 另外都可以重溫一下啲比賽、對於下年嘅預測呀,仲有一啲轉會、下賽季俱樂部嘅組建 等等
如果你有啲咩話題或者有咩印象深刻嘅都可以分享下呀 !
專業分析就過獎了

黎緊想介紹一下年齡組,睇返歷屆真係唔少成為左球星
另外仲有一啲俱樂部嘅發展,最近十年原來排球俱樂部發展強大左好多,想研究一下啲俱樂部,但需要一得閒就做下 research,希望大家會支持呢個 item
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

最近傳出 Busa 將加盟費內 !!!

似乎大量塞隊球員湧進土超 !!!
銀行 : Ognjenovic + Rasic
E 家 : Boskovic + Mirkovic [未確定]
費內 : Mihajlovic + Busa + Veljkovic [全部未公布]

Busa 應該係替代 Robinson 最好嘅人選,咁似乎費內成個主力陣都只係換左 Busa,並且都有競爭力 !

另外土超其他隊,Kingdon 續約 THY,Polen 加盟 THY
目前 THY 有四個邊攻 Karakurt , Ercan , Kingdon 同埋 Polen,二傳 Carlini
望落都算唔錯,睇埋副攻同自由人買左邊個先,今季似乎有力取代 Galatasaray 嘅位置 !


另有傳聞 !!!
土耳其第四副攻 Kalac 同 Galatasaray 完約,傳聞轉會 THY !
多米尼加主攻 De La Cruz 傳聞轉會巴超豪門 Minas !
上兩個賽季喺日本車體效力嘅土耳其前主攻國手 Ozsoy,最新傳聞將加盟 天津渤海銀行 !!!
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

年齡組嘅比賽可能比起成年組無咁注目,精彩程度亦都唔太激烈,但係一次比到國家隊選材嘅好機會。有好嘅人才同梯隊建設,以培養、成長同埋成熟,至少可以幫球隊支撐三個周期。由 2009 年嘅 U18 開始睇起,當年嘅 17 歲嘅球員黎到而家 28 歲當打之年,去分析一下 2020 之後嘅排壇,邊一隊嘅梯隊建設能夠立足排壇 ! 本身諗住逐屆逐屆咁講,但發覺如果要講都幾長篇,不如濃縮至一篇,簡而精 !

巴西男排
男排嘅培養程度一成長起黎,其實係可以橫跨兩至三個周期,甚至四個周期都可以。比如喺成年組排壇,巴西男排無疑係實力最強嘅球隊,佢地幾重視 U21 呢個比賽,差唔多好多屆都入到四強,足以證明佢地嘅人才不斷湧現,比如 2009 Mauricio、2013 Alan、2017 Maique,都係喺而家巴西男排嘅陣容並喺當屆得獎。另外巴西球星 Lucarelli 喺 2009 U19 以及 2013 U23 都拎到獎項,2011 都係 U21 嘅主力,一屆一台階,真正見到 Lucarelli 首次打比賽就喺 2013,到而家成為不可或缺嘅攻防成員,以佢都幾證明到用左四至五年時間嘅打磨,到喺 2014 世錦賽決賽以主力身份出場,都係需要唔少嘅時間。而有好隊員嘅好處,就似 Bruno + Lucas 呢一對場上場下嘅好兄弟,喺 2005 U19 獲銀牌之後就同時進入國家隊,好快 Bruno 就喺 2007 年參加大賽,Lucas 就喺 2010 年開始參加,一齊合作直到現在,巴西男排一直穩定,二人功勞不少。要數到好人才,里約奧運 MVP Sergio 絕對係其中之一,由 2001 開始加入,橫跨 16 年國家隊生涯,4 次奧運之旅,得到 2 金 2 銀,我應該巴西男排能夠保持頂尖,人才嘅踴現、隊內保持嘅高水平訓練基礎、實力穩定嘅保證 ... 都係主要因素,因巴西男排喺年齡組成績仍然不俗,加上 Bruno + Lucas 呢啲主打隊員似乎未有意退役,我都幾相信佢地仍然係可以保持強勢 !

俄羅斯男排
俄羅斯又係另一支喺青年組成績特別標青嘅球隊,之前喺東京名單上嘅預測會發現俄羅斯應該會係其中一支陣容相對會較為年青。Volkov、Poletaev、Kliuka、Pankov 等人都喺年齡組奪獎。惟俄羅斯男排喺此前 2012 年倫敦奧運之後嘅呢批年青隊員喺大賽都未嘗冠軍滋味,甚至連獎牌都未能斬獲,可能巴黎周期係佢地重上獎牌舞台之旅嘅周期,未來仍然睇好 !

阿根廷男排
之前提過唔好睇少阿根廷男排,係因為年齡組嘅比賽佢地一直都好好,2017 U23 冠軍、U19 同 U21 雖未嘗奪冠,但喺過去幾屆多次獲銀銅,亦證明實力。現有國家隊中,Sole 同埋 Sanchez 都係中生代以及新生代領銜代表。雖然南美洲仍係巴西嘅天下,但絕對係有實力衝擊巴西隊,同時自身水平應該喺巴黎周期有上升趨勢,將喺大賽成為其中一支爭牌熱門 !

伊朗男排
伊朗男排實力唔錯,雖然一直都希望可以有亞洲球隊衝擊伊朗地位,但係佢地嘅人才培訓真心唔錯,當大家以為佢地班主力已經打左兩個周期啦,以及 Marouf 漸漸年老,但佢地都喺替補位置不停地以新人取代,比如 Ghaemi、Ghafour、Mojarrad、Sharifi、Esfandiar 同埋 Hazratpour 呢啲都喺年齡組獲獎,然後打上主力,而 Hazratpour 相信喺舊年 U21 之後將直接以主力自由人身份進軍東京,相信伊朗下個周期遇上新老交替問題並唔難,甚至可能 Marouf 仲可能打多一屆呢 ! 總睇黎講,伊朗男排都值得睇好 !

意大利男排
誠然意大利男排現有陣容已經逐漸老化,巴黎周期應該會進行陣容間較為大型嘅新老交替。但得益於聯賽嘅流動,意大利男排發現到新人嘅可能性仍然係非常高,所以都可以話國家隊只係觀望都可能搵到人才。另外佢地喺舊年 U19 奪冠 以及 U21 奪銀 都係隊史多年嘅突破,亦反映意大利男排有機會喺下周期可以好成功地做到新老交替,之前介紹過主攻 Lavia 係佢地嘅潛力新星,相信佢可以參加到東京奧運攞經驗喺下周期逐步提升 !


另外 塞爾維亞男排 有 Kovacevic 以及 Atanasijevic 中生代帶領,波蘭男排依靠 2015 U19 一同升班至 2017 U21 嘅陣容,隊中 Kochanowski、Kwolek 等新力軍都可能展露光芒,不過波蘭男排其他年齡段嘅成績都唔算太好,所以兩支國家喺下周期係需要觀望一下,暫時並不看好。法國男排 以及 美國男排 近年都較少新人湧現,估計巴黎周期都保持原有陣容,而 美國男排 應該係我認為喺強隊之中,可能係下滑得最快嘅球隊
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

中國女排
睇返過往幾屆嘅人才梯隊,估唔到中國女排居然係成績最好嘅一支球隊,其中歷史性首次 U18 U20 U23 三項比賽由同一年由同一個國家奪冠,亦係 2013 年 Jenny 重掌帥印後嘅好消息,U20 喺 朱婷 領軍下以全部一局不失奪冠,加上 楊方旭 成為里約奧運嘅一員,U18 有 袁心玥 + 龔翔宇,袁心玥 更係當年連跳三級直接入選國家隊,而 U23 則由 姚迪 領軍,可見 2013 年喺年齡組湧現嘅新人中,經過往後三年喺 Jenny 手中打磨,再加上張常寧由沙排轉打室內,里約最後五位新人都入選,令陣容非常年輕化。Jenny 曾講過陣容係為兩個周期做準備,代表東京周期人員會係最成熟嘅時候,但可幸係里約周期經已提前完成目標,確實令人驚訝 ! 及後 2015 U18 + 2017 U20 呢屆成績都耀眼,奪得 季軍 + 冠軍 ! 當年分別以 李盈瑩 以及 楊涵玉 為首嘅陣容帶領球隊,但往後會有點樣嘅提升仍需觀望,而巴黎周期相信佢地嘅實力至少穩坐第一集團。

意大利女排
喺人才梯隊嘅建立,意大利女排其實喺 2014 世錦賽後,好快地喺 2016 奧運會以新老交替形式進行參賽。Egonu、Danesi 同埋 Orro 都係喺 2015 嘅 U18 同 U20 出現而進軍里約,再加上表現出色嘅 Sylla ,令當時參加嘅陣容都好年輕化,說實話係真係幾快同大膽,喺東京周期嘅意大利女排年齡組繼續強勢,Pietrini、Nwakalor、Enweonwu、Fahr、Lubian ... 可以肯定意大利女排喺巴黎周期,甚至洛杉磯周期都會有一班梯隊黎鞏固佢地喺排壇嘅地位 !


男排可以數到六隊,但女排就只能數到兩隊,都係目前黎講喺年齡組較為強勢延續到成年組嘅最佳例子。巴西女排喺年齡組嘅成績亦都同成年組嘅有一定程度嘅關係,喺雅典周期以及北京周期嘅新人成績非常好,連續四屆 U20 奪冠,新人湧現,令到佢地喺北京周期同倫敦周期大放異彩,不過明顯地倫敦周期、里約周期新人已經無前輩咁耀眼,呢批人目前就只得 Gabi 越漸成熟,黎到東京周期更加一般,因此對巴西女排喺巴黎周期較難以睇好。美國女排雖靠聯賽職業化嘅幫助去揀選成員,普遍實力都未算超群,但一搵到幾個唔錯嘅可能幫助到球隊提升一個層次又未定,所以會預計實力有下滑,脫離一流水平,但下降幅度唔會太大。

日本女排雖喺 U20 年齡組連續四屆排前四名,理應係可以進入上面嘅睇好區,但幾屆落黎球員成長同發展都唔順利,某程度上同球隊嘅打法同個人實力不強有關,因此都難以看好但唔會有太大嘅下滑。另一支應該都係會入睇好區嘅係土耳其女排,近年喺年齡組,Baladin、Karakurt、Gunes 同 Tugba 都奪獎,不過都仲係未曾去到統治級嘅實力,所以喺巴黎周期會有上升,但升幅暫時不大。同樣地波蘭女排都一樣,某程度上年齡組比賽都可以證明到「贏在起跑線」嘅道理,但輸在起跑線又唔等於失敗,努力搭救亦都可以喺成人組有一番作為,我覺得波蘭女排同俄羅斯女排幾符合呢個道理,因為技術太粗糙,確實需要時間同歷練改善,但要幾多時間就真係要靠一點一點嘅努力,以年齡組成績以及現今實力去睇,佢地嘅水平我都唔會預計佢地有好大嘅飛躍,但會係緩緩上升嘅幅度 ! 而因為俄羅斯女排因老將可能未必再承擔主力位置,以年輕球員作主力,先下滑再往上爬似乎係自然定律。

而喺巴黎周期下滑嘅,除左巴西女排同俄羅斯女排之外,我會覺得係以及荷蘭女排,我諗都唔需要有太多原因。不過喺里約周期能夠拎第四名,除左功勞 80% 歸功在 Guidetti 之外,好少程度上都係喺佢地呢一個梯隊嘅人才噴升, 參見 2009 U20 Buijs 同埋 Knip 都係當時嘅主力,Sloetjes 以及 Dijkema 係替補,亦都可以證明運動員嘅培養係需要時間,而之後荷蘭確實新人上唔到位而喺東京周期逐步下滑,預計巴黎周期位置會再進一步下降。

多米尼加女排以及塞爾維亞女排都係持觀望態度。多米尼加女排始終係一個小國,可揀嘅隊員唔算多,只能將有潛力嘅就選入去,所以新人係可以喺成年組迅速上位,例如 2009 U20 MVP 係當時獲亞軍嘅自由人 Castillo,同時佢仲獲得 最佳一傳、最佳防守 以及 最佳自由人 !!! 另外 2015 U20 MVP Martinez,不過 Martinez 喺此前 14 年世錦賽都有參加。所以比較難預計佢黎緊實力會如何,我諗佢地都會係咁諗。

而講起塞爾維亞女排,同中國女排以及意大利女排一樣,因為都有統治級球員出現令到球隊更上一層樓,話說 Boskovic 嘅出現同樣同朱婷一樣係喺 2013,當時中國同塞爾維亞都分喺 B 組,最後中國 3 比 0 塞爾維亞,而塞隊陣中有 Boskovic 之外,仲有 Busa、副攻 Popovic 以及 Mirkovic。有興趣可到 → 呢到 ← 睇比賽,真係幾難能可貴嘅一場,而講到仍要觀望態度係因為中生代喺到,但同時老隊員去向未明同時新一批似乎未能上位,都令到球隊會否趨向老化,都係塞爾維亞喺巴黎周期需要值得探究嘅問題。


而總結過往男女排對於培養以及成果黎睇,係有啲唔同嘅 ! 比如男排隊員因為體育壽命長,只要有人才,經過培養就可以好容易構建陣容,至少可以幫助球隊維持兩至三個周期,更強嘅四個周期都可以。而女排體質因為相對男排嘅較短,因此發掘人才後好快就推上國家隊位置,實戰作為培養,提前同成年組磨合,所以都基本可以幫助球隊維持兩至三個周期,只係培養之中,女排比男排提前進行左一個升班嘅過程。但亦都可看出女排對於新力軍嘅需要同重視,同時更反映每支球隊每個周期都需要有新人嘅加盟,先可以鞏固到球隊嘅地位。以我嘅觀察,可以下個周期男排都唔會有特別多球隊進行新老交替,但女排就可能會有好大幅度嘅轉變。
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

喺 00 年代嘅時候意大利俱樂部係世界排壇嘅第一聯賽,但因為金融危機嘅爆發,一向依賴贊助嘅意大利聯賽亦大受影響,連帶地位不保。然後最近十年俱樂部越黎越職業化,多得阿塞拜彊以及土耳其女排聯賽喺及後嘅崛起,取代意大利俱樂部嘅地位,而男排就由俄羅斯取代。其大量資金同制度上嘅規劃吸引好多一二線球星,成為排壇嘅一時佳話。喺中國,恒大女排以職業化為名建立俱樂部,運作模式同國內好大嘅不同之下,當時亦引起唔少討論 ! 經過俱樂部嘅影響力慢慢提升,世俱賽重新復辦、阿塞拜彊嘅衰落、恒大女排難以前進、意大利聯賽地位上升、瑞士德國等俱樂部延續大規模買外援、賽制改變、增設超級盃以及國家盃賽事 ... 都令到呢十年間聯賽水平同關注度有好大嘅躍升,藉住最近喺重溫比賽嘅期間,都係一個好好嘅時間去重溫一下以上嘅話題,認識一下排球嘅發展 !


阿塞拜疆女排聯賽

據了解,阿塞拜彊聯賽嘅鼎盛時期喺 2010 - 2014 年,得益於排協全面改制開放,完全唔限制外援數量,自由轉會,加上大批石油、天然氣的資本涌入聯賽,令佢地有充足嘅資本去經營,有咁好嘅環境令當時好多球員都希望進駐阿塞拜彊聯賽。嗰時一國共有 7 支球隊,全部都集中喺首都 Baku。而 7 支球隊之中,Rabita Baku 係當時成績最好嘅球隊,鼎盛時期包攬全部聯賽冠軍 ! 可惜當時只斬獲一屆世俱賽冠軍以及晉級兩次歐冠決賽,喺歐冠賽場始終未能為國家奪得桂冠。

Rabita Baku
Rabita Baku 能夠喺國內能夠連續衛冕,先睇睇佢地嘅陣容

2011 年奪得世俱賽冠軍嘅陣容當中
有大家認識嘅 主攻 Rabadzhieva [BUL] , Mammadova [AZE] , Glass [USA] , 副攻 Krsmanovic [SRB] , 自由人 Popovic [SRB] 等名將
2012 - 2013 賽季有 副攻 Akinradewo [USA] , 二傳 Skorupa [POL] , 自由人 Castillo [DOM] 以及 Cebic [SRB]

2013 - 2014 以及 2014 - 2015 呢兩個賽季陣容都好強

2013 - 2014 Rabita Baku 陣容
主攻 - 8. Cruz [PUR] , 10. Mancuso [USA] , 18. Horvath [HUN]
副攻 - 5. Krsmanovic [SRB] , 6. Dixon [USA] , 11. Cooper [USA] , 12. Jackson [USA] , 16. Akinradewo [USA]
接應 - 4. Rourke [AUG] , 15. Starovic [SRB] , 17. Katarzyna [POL]
二傳 - 3. Skorupa [POL] , 13. Nootsara [THA]
自由人 - 7. Banwarth [USA] , 9. Castillo [DOM]

2014 - 2015 Rabita Baku 陣容
主攻 - 1. Salas [CUB] , 3. Samadova [AZE] , 4. Palacios [CUB] , 8. Cruz [PUR] , 18. Horvath [HUN]
副攻 - 5. Krsmanovic [SRB] , 6. Dixon [USA] , 11. Hasanova [AZE] , 16. Akinradewo [USA]
接應 - 7. Silva [CUB] , 10. Cleger [CUB] , 17. Katarzyna [POL]
二傳 - 12. Ferretti [ITA] 在隊至當年 2 月 , 12. Azimova [AZE] 當年 2 月加盟 , 13. Nootsara [THA]
自由人 - 9. Castillo [DOM] , 15. Fernandez [DOM]

呢兩年嘅陣容真係好強,如果要比我會選 1415 係佢地最強嘅陣容,雖然 1314 都非常豪華,全隊 15 位都係外援
副攻線 Dixon + 阿金、接應 花蝴蝶、二傳 Nootsara、自由人 Castillo !!! 而且替補 Skorupa 同 Banwarth 都係國家隊嘅主力,另外 Rourke 大家都好熟悉佢吧,都係實力派
但同 1415 就差喺主攻線,其他位置都保留主力,多左 Salas + Samadova 呢個組合贏過 1314 個主攻陣吧

可惜呢兩季就無左打世俱賽嘅機會,唯有只能去歐冠睇下成績
佢地 1314 係四強東道主,小組賽順利以全勝晉級,四強 0 比 3 Kazan,季軍戰 3 比 0 E 家,拎到第三名,Nootsara 獲得最佳二傳,Castillo 獲得最佳自由人
1415 居然喺小組賽出局,以 2 勝 4 負小組墊底,呢年相信係球隊最為失望嘅一年
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

本帖最後由 chanchan0909 於 2020-5-27 16:41 編輯

阿塞拜疆女排聯賽

講到阿塞拜彊嘅球隊,喺 2010 - 2015 呢幾個賽季每支球隊都幾大手筆,仲吸引唔少亞洲球員加盟

Azerrail Baku 成績僅次於 Rabita Baku,Rahimova、Mammadova、Malika、Nootsara、Piyanut、Easy ... 都加盟過

Igtisadchi Baku 都係嗰個時期成績突出嘅球隊,其中 2012 - 2013 賽季更轟動一時,直接買下泰國七主力,以及 Kiattipong 教練,另知名外援仲有多米尼加嘅 Marte
當時球隊獲得歐洲盃資格,惟 16 強就經已止步,而本土聯賽就排名第二

球隊除左睇中泰國女排,亞洲地區亦曾看中日本以及中國運動員,早在 2010 - 2011 佐野優子曾加盟,2013 - 2014 魏秋月、馬蘊雯 以及 張磊 三位中國女排球員加盟,當時陣容為

2013 - 2014 Igtisadchi Baku 陣容
主攻 - 3. Willoughby [USA] , 4. Abdullayeva [AZE] , 6. Onuma [THA] , 10. Wilavan [THA] , 14. McClendon [USA]
副攻 - 5. Pleumjit [THA] , 7. Wilson [USA] , 11. Fersola [DOM] , 15. 馬蘊雯 [CHN]
接應 - 12. Flier [NED] , 16. 張磊 [CHN]
二傳 - 8. 魏秋月 [CHN] , 9. Lamas [ESP] , 18. Serena [ITA]
自由人 - 1. Wanna [THA] , 2. Durr [GER]

呢個陣容應該就係球隊設立多年的最強陣容,當然 Rabita Baku 比呢個陣容仲要勁
最終喺聯賽獲得季軍,歐冠小組賽三勝三負,只能驚險地晉身十二進六淘汰賽,但呢個陣容曾經喺第二輪主場擊敗 Goncharova 領軍嘅 Moscow
希望可以搵到 Rabita Baku VS Igtisadchi Baku 以及 Moscow VS Igtisadchi Baku 嘅比賽 !!!

但呢個賽季之後,Igtisadchi Baku 就因財政困難宣佈結束
不過此前國內球隊喺當時都遇到唔少嘅困難,如小馬因家事中途解約
月月嘅問題當時都搞到好大,比如欠薪以及溝通問題
以及因為當時天津因為成績太差,令佢需要中途毀約回國救場

而經過 2014 - 2015 賽季之後,當時嘅七支球隊到目前為止只得四支球隊,亦因為營運困難,慢慢退出或直接放棄左歐冠行列
但點解會一下子變得咁困難呢 ? 其實都不外乎與投入大回報少有關。因為球隊太大量買外援,令到本土球員都未被受青睞,難以協助國家隊提升水平
漸漸地本地觀眾或者當地企業亦都對聯賽熱情減退,喺歐冠賽場又未能取得好成績,喺多方面嘅缺乏支持下
就令到球隊每季出現大虧損,好快就缺乏競爭力,漸漸地阿塞拜彊女排聯賽就漸漸脫離大家嘅視線
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

土耳其女排聯賽

土超得到大家嘅關注,莫過於因為朱婷加盟 VakifBank,但講到點解幾間豪門何解咁有錢可以籌組咁強嘅陣容 ? 都幾值得探究 !

VakifBank
據了解 VakifBank 係土耳其第五大銀行,主要以金融服務為主,喺國內擁有 677 間分支機構,2019 年總收入將近港幣 20 億,不過以全年淨收入睇就虧損左 2.2 億。但以銀行嘅總資產黎講係按年上升,總體黎講,業務係穩定嘅。VakifBank 喺體育事業上只係喺女排作為投資對象,喺 Istanbul 嘅主場有一座屬於佢地嘅體育館,而且設備齊全,聽聞都幾大座。女排隊低嘅設立喺 1986 年成立,至今贏得 4 座歐冠冠軍、3 座世俱賽冠軍、11 座國內聯賽冠軍、7 座土耳其盃 以及 7 座土耳其超級盃,成績為排壇之冠。同時球隊喺 2012.10.23 - 2014.1.22 之間,創下 73 連勝吉尼斯紀錄,係排壇紀錄嘅保持者。首座歐冠冠軍喺 2010 - 2011 賽季。

講到銀行其中一次嘅顛峰,2012 - 2013 賽季一定要提起,當時陣容如下
主攻 - 2. Gozde [TUR] , 7. Mogentale [POL] , 10. Onal [TUR] , 18. 木村沙織 [JPN]
副攻 - 5. Ergul [TUR] , 8. Melis [TUR] , 11. Toksoy [TUR] , 13. Furst [GER]
接應 - 6. Brakocevic [SRB] , 16. Polen [TUR]
二傳 - 4. Sila [TUR] , 9. Tugce [TUR] , 17. Naz [TUR]
自由人 - 1. Dilek [TUR] , 3. Gizem [TUR]

然後 2013 - 2014 以及 2014 - 2015 陣容外援有 Nikolic [SRB] , Costagrande [ITA] , Sheilla [BRA] , Wasilewa [BUL] , De Kruijf [NED] , Rasic [SRB]
2015 - 2016 曾經更出現六大外援,Sheilla [BRA] , De Kruijf [NED] , Rasic [SRB] , Hill [USA] , Sloetjes [NED] , Buijs [NED]

不過喺我眼中,2017 - 2018 應該係陣容最強嘅一屆,當屆亦拿下全滿貫偉業 !
主攻 - 2. Gozde [TUR] , 5. 朱婷 [CHN] , 7. Robinson [USA] , 17. Tugba [TUR]
副攻 - 6. Akman [TUR] , 8. Melis [TUR] , 16. Rasic [SRB] , 18. Gunes [TUR]
接應 - 10. Sloetjes [NED] , 14. Durul [TUR]
二傳 - 3. Ozbay [TUR] , 11. Naz [TUR]
自由人 - 1. Orge [TUR] , 9. Ayca [TUR]

往後兩年銀行就五外援為主,Di Iulio [ITA] 喺 2018 - 2019 短暫加盟,以及 2019 - 2020 賽季 Ognjenovic [SRB] , Gabi [BRA] , Rasic [SRB] , Haak [SWE] , Bartsch [USA] 五大外援加上新本土成員,Gunes [TUR] , Karakurt [TUR] 以及 Yilmaz [TUR] 嘅培養,令佢地一直保持高水平球隊嘅位置
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

本帖最後由 chanchan0909 於 2020-5-27 17:30 編輯
咁岩早幾日見到有人講緊Igtisadchi Baku
Moscow VS Igtisadchi Baku 呢到有得睇,但係要用大陸野睇

密碼 ...
patrick1029 發表於 2020-5-27 10:19
thank you !
不過我諗好多人應該唔知 月月、馬大姐 同 磊哥 喺 1314 時候出左去打波,仲有機會參加到歐冠打贏一次 Moscow
再之後大梅喺 E 家打過一年可能都係無咩人知

不過係真係值得一睇,某程度上我覺得對於月月都係一段好大嘅經歷
但我唔太肯定嘅係當時佢喺國家隊經歷嘅時間段
因為 2013 Jenny 上任嘅時候第一期嘅二傳係 姚迪 + 沈靜思 + 李慧,成年都唔見有月月個名

好似嗰年有人都有問佢點解月無份 ? 唔記得 Jenny 點樣答 ? 好似話佢傷病比較嚴重需要休息 ?
然後之後佢加盟到 Igtisadchi Baku 唔知係 Jenny 推薦定點 ?
但都好似記得佢親自問 Jenny ? 呢個部分突然無曬印象,究竟係前面一早安排好定 2014 年先真正決定用月月 ?

但我知道月月同俱樂部有啲溝通上嘅問題,同時嗰屆天津開局不利
於是就決定同 Igtisadchi 提前完約返去天津救場,但呢半年嘅喺出面打波嘅經歷真係極其難得
相信對佢黎講會係對排球嘅另一種認知 !

另外我打錯左,原來 Igtisadchi Baku 最後係入到歐冠淘汰賽 我改返先
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

土耳其女排聯賽

Eczacibasi
Eczacibasi 係一間做建築材料以及藥品嘅公司,喺土耳其經已係一間老牌企業,同時亦都支持好多學習以及健康方面嘅幫助。體育事業方面比 VakifBank 更早創立,早期一支獨大,至今累積 1 次歐冠冠軍,2 次世俱賽冠軍,23 次國內聯賽冠軍,9 次奪得土耳其盃 以及 4 次奪得土耳其超級盃。

眾所周知 E 家經常性買大量外援,當中最強陣數到 2016 - 2017 賽季
主攻 - 4. Damla [TUR] , 7. Baladin [TUR] , 10. Larson [USA] , 15. Kosheleva [RUS]
副攻 - 6. Thaisa [BRA] , 8. Adams [USA] , 9. Busra [TUR] , 16. Ceylan [TUR]
接應 - 3. Boskovic [SRB] , 14. Yilmaz [TUR] , 17. Neslihan [TUR]
二傳 - 1. Gizem [TUR] , 11. Nilay [TUR] , 18. Ognjenovic [SRB]
自由人 - 2. Gulden [TUR] , 5. Simge [TUR]

然後曾加盟過 E 家都不乏球星,除左以上出現過嘅外援之外,仲有
Poljak [CRO]、Harmotto [USA]、Havelkova [CZE]、Hanke [GER]、Furst [GER]、De La Cruz [DOM]、Kreklow [USA]、Gibbemeyer [USA]、金軟景 [KOR]、Krsmanovic [SRB]、Natalia [BRA]、Lloyd [USA]、Newcombe [USA] 等等,仲有一位可能大家未必有印象,早喺 2013 - 2014 賽季,王一梅 [CHN] 都加盟過 E 家 !

Fenerbahce
Fenerbahce 同 Galatasaray 都係以經營體育事業為首嘅公司,如果係有睇足球嘅都會聽到呢兩隊。所以因為品牌效應嘅關係,有啲一直鍾情於球會嘅,都會選擇支持佢地嘅足球籃球排球等嘅項目。Fenerbahce 奪得 1 次歐冠冠軍,1 次世俱賽冠軍,12 次聯賽冠軍,3 次土耳其盃,3 次土耳其超級盃冠軍

Fenerbahce 曾經出現一個夢幻陣容,喺 2011 - 2012 賽季
主攻 - 6. Yagmur [TUR] , 10. 金軟景 [KOR] , 15. Logan [USA]
副攻 - 1. Fabiana [BRA] , 7. Duygu [TUR] , 8. Ipek [TUR] , 14. Eda [TUR]
接應 - 5. Sokolova [RUS] , 9. Seda [TUR]
二傳 - 3. Nihan [TUR] , 11. Naz [TUR] , 12. Uslu [TUR]
自由人 - 4. Merve [TUR] , 17. Didem [TUR]

然後曾加盟過費內同樣不乏球星,除左以上出現過嘅外援之外,仲有
Fofao [BRA]、Furst [GER]、Mari [BRA]、Paula [BRA]、Berg [USA]、Glass [USA]、Fe Garay [BRA]、Havlickova [CZE]、Bosetti [ITA]、Lo Bianco [ITA]、Mihajlovic [SRB]、Harmotto [USA]、Skorupa [POL]、Natalia [BRA]、Nootsara [THA]、Grothues [NED]、Rəhimova [AZE]、Jerkov [CRO]、Antonijevic [SRB]、Vargas [CUB]、Bricio [MEX]、Rabadzieva [BUL]、Robinson [USA]、Thompson [USA] 等等

Galatasaray
相比前面三隊,Galatasaray 就顯得弱勢,拎嘅冠軍都係喺早期聯賽之中。而佢一直喺土超以衝擊三大豪門嘅球隊,當中 2017 - 2018 賽季陣容最吸引

主攻 - 1. Cetin [TUR] , 2. Ilkin [TUR] , 5. Kosheleva [RUS] , 6. Yagmur [TUR] , 18. Rabadzieva
副攻 - 8. Jack [TTO] , 9. Kalac [TUR] , 14. Rusewa [BUL] , 16. Su [TUR]
接應 - 7. Seda [TUR] , 17. Neslihan [TUR]
二傳 - 10. Nursevil [TUR] , 11. Alikaya [TUR]
自由人 - 3. Gizem [TUR] , 12. Bihter [TUR] , 13. Buse [TUR]

然後曾加盟過 GALA 同樣都不乏球星,除左以上出現過嘅外援之外,仲有
Lo Bianco [ITA]、Gioli [ITA]、佐野優子 [JPN]、木村沙織 [JPN]、Veljkovic [SRB]、Meijners [NED]、Bosetti [ITA]、Centoni [ITA]、Leys [BEL]、Rychluk [UKR]、Belien [NED]、Vasilantonaki [GRE] 等等
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

中國女排超級聯賽

廣州恆大
講到中國聯賽曾經最有話題嘅一件事,莫過於 2009 年成立嘅廣州恆大,完全以全職業化運行,實行自負盈虧嘅模式,試圖為排球聯賽創造一番新景象。由教練到隊員都星光熠熠,09-10 賽季,第一年加盟聯賽嘅佢地由乙組打起,Jenny 連同 馮坤、周蘇紅、楊昊 等強將,另有外援 美國副攻 Harmotto、美國自由人 Davis,毫無懸念取得乙組冠軍而升至甲組。10-11 賽季,恒大成功保留 馮坤,並引進三位外援,分別係 塞爾維亞球星 Brakocevic、美國球星 Tom 以及 泰國知名主攻 Wilavan,只係呢四位球星已引起話題。而 11-12 賽季,馮坤決定退役,恒大繼續大手筆引進外援,有花蝴蝶波蘭名將 Katarzyna、世界盃 MVP 意大利主攻 Costagrande 以及 美國接應 Fawcett,值得一提係喺 Costagrande 成功喺世界盃前嘅時候經已同完成交易,Jenny 選人目標明確,可以話買返黎係物超所值,最終只係成軍三年就獲得聯賽嘅最高領獎台,風頭一時無兩,同時亦一度令大家以為中國聯賽一直向好。

12-13 賽季,恒大成功續約 Katarzyna 以及 Costagrande,另外簽約美國主攻,參加過北京奧運會嘅 Glass,最終衛冕失誤,獲得第二名。13-14 賽季,恒大以國內冠軍身份參加亞俱賽,當中 Jenny 邀請 徐雲麗 以及 張嫻 加盟,最終獲得冠軍,徐雲麗 奪得當屆 MVP。亦因此獲年尾世俱賽資格,因當時 Jenny 成為中國女排主帥,為左比隊員有更多實戰經驗,呢次難得嘅世俱賽決定由中國女排嘅成員參加,朱婷、徐雲麗、楊珺菁、沈靜思、曾春蕾 作短期加盟,外援 美國接應 Faucette、美國主攻 Easy 以及 意大利副攻 Guiggi,另外 惠若琪 亦都以一年加盟嘅身份一同出征世俱賽,最終以第三名完成賽事,同時為亞洲球隊之最佳成績。比賽過後聯賽期,袁心玥 亦加盟恒大,最終賽季獲第四名。

Jenny 決定辭任恒大職務,主力主理國家隊之後,恒大亦都開始減少左投入,14-15 經已無買任何外援,而許家印亦都決定放棄投資女排,之後就與廣東女排合併,恒大光輝史績就好似轉眼即逝,令聯賽重新變回以前嘅格局。16-17 方岩入主恒大成為教練後,廣東女排亦都重新培養本土球員,外援方面請回 Faucette 以及 巴西主攻 Fe Garay,雖最終喺資格賽未能奪冠,不過得益聯賽改革,廣東可參加 17-18 甲組賽事。而得益於深圳政府支持,因此廣東隊確定落戶深圳之外,每年都有 2000 萬資助發展其事業,17-18 外援有 古巴接應 Carrillo、保加利亞主攻 Yaneva 以及 塞爾維亞主攻 Sanja,18-19 外援有保加利亞主攻 Rabadzieva 以及 巴西球星 Tandara,而 19-20 賽季更強,除續約 Rabadzieva,仲簽左 俄羅斯球星 Kosheleva,以及搵黎內援 林莉 以及 鄭益昕,另外第二次出征世俱賽,最後獲得第七名,聯賽更是時隔多年重返四強行列,似乎廣東恒大女排喺方岩帶領下有望重新成為國內強隊 !

因為恒大不斷地增強陣容,及後其他球隊亦逐漸彷效,上海、北京、天津、浙江、雲南、河南、四川、遼寧、福建 都有買外援嘅紀錄,當中不乏球星,如上海 17-18 有 南韓主攻金軟景 加盟,19-20 美國主攻 Larson 以及 德國接應 Lippmann,北京 美國副攻 Dixon、澳洲接應 Rachel、美國主攻 Bartsch,仲有 美國主攻 Robinson 出道之後揀左北汽成為佢第一個俱樂部 ! 天津歷屆最大牌應係 Mihajlovic !

另為左增強中國聯賽嘅影響力,排協喺 17-18 將聯賽改名成「中國女排超級聯賽」,更推行二次轉會制度,鼓勵其他經已出局嘅球隊能讓球員轉會,另外仲將決賽增至七場四勝制。惟因聯賽未令國家隊受惠,其聯賽水平與世界排壇差距甚大之外,亦影響國家隊集訓,因此及後都需要取得平衡,七場四勝制只維持左一屆。而另外排壇都無太大作為,喺賽制設定以及宣傳轉播都大不如前之下,排超嘅影響力喺 18-19 賽季大不如前,即便 19-20 朱婷加盟天津女排,排超品牌影響力都較為一般。

北京汽車 + 天津渤海銀行
而該兩年亦出現強陣容,得益二次轉會制度,北汽祭出了國家隊加外援嘅豪華陣容,可以媲美當年恒大女排嘅實力,佢地奪冠嘅道路亦都相似,因為北汽都係喺 10-11 開始由乙組升上甲組,經過多年努力,為北京體壇完成三大球最後一塊拼圖,至今喺排超仍然係非常有競爭力嘅一支球隊。而 19-20 嘅天津女排都非常豪華,以 朱婷、李盈瑩 以及 美國外援 Hooker 為邊攻線陣容,未出場經已贏在起跑線,加上天津女排一直屹立不倒嘅成績,都令到天津女排一直都係當地人民心中嘅一支旗幟。
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

意大利女排聯賽

之前簡介過意大利俱樂部曾經因外在因素而影響其發展,喺一零年代後期慢慢重拾地位,喺歐冠由兩名額變為三名額。Pomi 曾經喺歐冠爆冷奪冠,得益於以東道主身份直入四強,以逸待勞,不過球隊都有一定實力嘅 ! 之後 2018 - 2019 賽季 Novara 以及 Conegliano 雙雙進入歐冠決賽,都係另一個歷史時刻 ! 但對於歷屆最強嘅意大利球隊,2019 - 2020 嘅 Conegliano 係最有統治實力嘅陣容 !

主攻 - 6. Geerties [GER] , 12. Enweonwu [ITA] , 15. Hill [USA] , 17. Sylla [ITA]
副攻 - 5. De Kruijf [NED] , 7. Folie [ITA] , 9. Botezat [ITA] , 11. Ogbogu [USA]
接應 - 1. Sorokaite [ITA] , 18. Egonu [ITA]
二傳 - 13. Gennari [ITA] , 14. Wolosz [POL]
自由人 - 8. Fersino [ITA] , 10. De Gennaro [ITA]

而 Conegliano 作為一支新嘅排球隊伍,運作只係八年就獲得三屆聯賽冠軍,而且仲有潛力繼續喺聯賽中建立統治實力 !

瑞士女排聯賽 + 德國女排聯賽

喺阿塞拜彊聯賽逐漸沒落之際,瑞士球隊 Volero Zurich 就接棒成為最多外援嘅球隊,但好快亦無以為繼,更與法國俱樂部合併更名 Volero Le Cannet,現時喺參加法甲比賽。而德國嘅 Stuttgart 就成為左現時最多外援嘅球隊。喺呢幾年中,Volero Zurich 喺 2016 - 2017 賽季最為豪華 !

主攻 - 1. Lengweiler [SWE] , 5. Rabadzhieva [BUL] , 9. Mammadova [AZE] , 12. Mariana [BRA] , 14. Carcaces [CUB] , 17. Unternährer [SWE]
副攻 - 6. Schottroff [SWE] , 10. Malkova [RUS] , 15. Orlova [RUS] , 16. Akinradewo [USA]
接應 - 7. Rykhliuk [URK]
二傳 - 3. Fabíola [BRA] , 4. Zivkovic [SRB]
自由人 - 8. Popovic [SRB] , 13. Gizem [TUR]

俄羅斯女排聯賽 + 巴西女排聯賽

俄羅斯女排聯賽以及巴西女排聯賽睇世俱賽都認知到都係唔算差,不過同頂尖強隊都係有差距。可能因為俄羅斯外援限制以及巴西評分制度所致,而目的都係為左提供本土球員可以多上場機會。2013 - 2014 陣容都算係有競爭力,以 Del Core + Larson + Gamova 組成嘅邊攻陣容,喺當屆贏下 世俱賽 + 歐冠 + 聯賽 三項冠軍 ! 亦係 Kazan 成立而黎嘅最強陣容 ! 而巴西方面,2014 - 2015 嘅 Rexona 嘅陣容應該係歷屆最強,最後呢個陣容都拎到 世俱賽亞軍 + 南美洲冠軍 + 聯賽冠軍 !

主攻 - 1. Gabi [BRA] , 5. Regiane [BRA] , 8. Amanda [BRA] , 12. Natalia [BRA] , 17. Drussyla [BRA]
副攻 - 2. Mayhara [BRA] , 6. Juciely [BRA] , 13. Paula [BRA] , 15. Carol [BRA]
接應 - 3. Bruna [BRA] , 10. Andreia [BRA]
二傳 - 4. Giovana [BRA] , 7. Helia [BRA] , 9. Roberta [BRA]
自由人 - 14. Fabi [BRA] , 20. Juliana [BRA]
CBM NO.543 2020 W21
01 入侵 [1 周冠] / More Reverb
02 若有若無 [1 周冠] / iii
03 Waves / Vanish

TOP

返回列表