返回列表 發帖
本帖最後由 patrick1029 於 2019-12-14 18:31 編輯

江蘇主場挑戰系統太多問題...
恆大二傳今日少比曹婷婷 可以適當分配幾個
吳晗下球率咁低可以早啲換許璐瑤

第四局恆大二傳突然就思路唔清晰死傳拉巴...
唔熟規矩 第五局寶寶個球唔算過中線?

TOP

本帖最後由 patrick1029 於 2019-12-17 21:56 編輯

恆大第一局發球失誤多 絲毫無造成遼寧隊壓力
第二局發球穩定 追發自由人開始見效

李雙盈第五局n扣n中
恭喜恆大入四強

TOP

本帖最後由 patrick1029 於 2019-12-19 18:51 編輯
稍後完曬成輪歐冠再講 , 反正 20 21 都無好睇嘅比賽
見到尋日銀行打火車頭第一局 32 比 34 輸左就 ...
chanchan0909 發表於 2019-12-18 17:15

江蘇隊今年提速唯一好處係 寶寶同埋小宇宙可以將係國家隊訓練嘅成果拎出黎 並繼續練習保持穩定性
但寶寶對角、刁二傳嘅基本功未夠紮實以致提速唔太成功

美其名曰鍛鍊本土球員唔搵外援
但兩個副攻千年如一日 長期同二傳配唔到 替補換上黎發球就走
鍛鍊成果係點大家有目共睹
全華班唔係值得驕傲甚至作爲賣點而沾沾自喜
只會覺得教練固步自封 井底之蛙
雖然鐘意寶寶但樂於見到江蘇隊四強不入
教練學習下點樣換人先 後排換返吳晗落場真係笑死人
值得鍛鍊嘅吳夢潔唔入大名單 許璐瑤長期後備席

我唯一覺得全華班好嘅係山東隊
打法比較細膩 速度戰術攻各種都有 少少似小日本隊
打波嘅人多 每次出場名單都唔同 仲租借左好幾個球員出去

另外平安夜同埋倒數日夜晚仲有比賽 而且時間並無錯開
要人點睇你個宇宙聯賽?

TOP

本帖最後由 patrick1029 於 2020-1-8 00:19 編輯

先睇左中國男排
發球穩定 攻擊性提高左
失誤算偏少
小球唔錯 串連都做得比之前好好多

TOP

男排韓國差少少就贏伊朗
伊朗setter聲稱受傷破壞韓國發球節奏湊效

TOP

費內發球搵Baladin 比較有針對性
兩邊一傳都唔穩 不斷打緊調整攻
相對上費內一傳比較好 但攻手得分能力偏弱
Ecz一傳唔好但有boskovic補救
兩邊唔係最強陣容 各自優劣分明 估計會比較焦灼

TOP

尋晚睇左陣
苦瓜姐第一局尾連續兩球二次 一球近網 一球遠網
Moscow後排無人有反應
單手升快攻同後二完美到位

再睇睇對面
Carlini第一二局set得太多倒三角或者適合美國隊打嘅波比Goncha
隔網Setter對比明顯

TOP

好奇E家會簽邊個二傳返黎
倘若金哥走埋
Thompson+Badadin 打主攻個一傳會係咩樣
E家終於買到個可以上場嘅副攻返黎

朱婷去遼寧直接將遼寧嘅地面提升幾個level
同時丁霞都可以少啲撲救波
但好有可能比朱婷嘅全部係大調整攻

江蘇有贊助商都唔考慮買個副攻

TOP

苦瓜肯定唔會同 E 家合作,最搞笑有人傳佢去 Moscow 呢個真係流到爆  
Wolosz 肯定留科內,除非 E  ...
chanchan0909 發表於 2020-4-8 17:08

希望遼寧邊攻同埋自由人趁呢段時間練好一傳
不斷朱婷擦完地板再打大調整攻 啲婷粉估計會暴動
如果唔係要同二傳夾的話 恆大都唔錯

苦瓜唔會返去Moscow啦
同樣唔睇好Thompson打主攻 但E家買佢返黎無可能要佢做Boskovic替補
好期待E家個一傳體制究竟會係點

TOP

唯有希望美子努力啲  今季表現一般般
如果成真,咁邊攻以外配置都幾好,就係邊攻同朱嘅兩個搭檔會你 ...
chanchan0909 發表於 2020-4-9 00:04

無意外嘅話遼寧會用段放+據聞已傷癒復出嘅保障性接應王美懿
Kosheleva應該返去俄羅斯繼續接一傳?

E家肯唔要美國個位副攻係好嘅開始

TOP

土超 Galatasaray 女排下賽季無意買外援,將會以全本土出戰,上賽季荷蘭外援 Belien 將轉戰意甲 Firenze, ...
chanchan0909 發表於 2020-5-7 11:55

恆大會唔會最後無要到Bjelica,Robinson + Rabadzhieva + 陳佩妍 + 栗垚 已經好豪華 ,輪番上陣有得輪休
中國邊隊比得錢請而又會要Kosheleva,天津或者上海?
Fatma入E家保障,開始擔心E家又係一點攻
現有銀行陣容豪華而且夠人打土耳其聯賽時,古德蒂放Karakurt同Ylimaz出去打係好事


有留意美國個聯賽,賽制似綜藝節目花巧,比美國唔同嘅Setter多個機會同攻手磨合,長遠黎講對美國隊員鍛鍊默契同埋教練搵人有唔錯嘅作用
睇返舊比賽,原來Bjelica 2015年已經係到,但要去到上年先真正打到出黎,
另外睇完都唔明荷蘭成個週期唯一一個維持到狀態嘅Belien,點解無豪門睇上佢

TOP

本帖最後由 patrick1029 於 2020-5-8 22:10 編輯
唔知會唔會最後 Bjelica 係無份呢,自從嗰一次爆料之後佢已經再無消息。不過如果真係簽到 Robinson + Rabad ...
chanchan0909 發表於 2020-5-8 20:28

Kosheleva去天津的話楊藝又要隆重登場,有無諗過鍛鍊下王藝竹 如果恆大放棄Bjelica不如天津入手
今年VNL都取消埋,綜觀全球最有可能提早比賽嘅得返宇宙聯賽,不過現時外援去唔去到中國又係一個問題,不如直接將全運會提早舉行

有睇返15年世界杯中國對塞爾維亞,想研究下點解塞爾維亞會反勝為敗 第二局曾春蕾沈靜思失誤後接連換人,大劉一上場丁霞直接傳個後三比佢 塞爾維亞個2換3係致命傷,明明Boskovic後排能力都唔弱,結果Zivkovic傳都無傳過比Bjelica 到第三局又2換3,Zivkovic繼續無傳比Bjelica,第四局先有傳但係瘋狂被攔 呢個2換3只係起到Fake對面副攻嘅作用 不過2019年佢的確進步好多諗緊塞隊Miha狀態差嗰陣可能會換佢進攻,反正Miha都幾乎唔接一傳唔知出年反輪仲會唔會叫Boskovic接下

荷蘭隊兩點攻嗰陣,前排隊長平拉開唔下球就要靠Belien,同埋佢有效攔網好多 另外想問下點解de Kruijf呢個周期無打荷蘭隊比賽,佢之前講過退出國家隊比賽? 希望Sloetjes休息下之後再出返黎打

奧運推遲左,巴西會唔會仲帶老將去

Anderson 簽約上海

TOP

本帖最後由 patrick1029 於 2020-5-10 23:33 編輯
王藝竹如果嘗試打接應位置,一係就佢做首發,楊藝做替補出黎幫手佢一傳嘅唔穩。另一個係佢做主攻接應替補, ...
chanchan0909 發表於 2020-5-9 10:10

于鑒煒本身係打接應,如果天津接應位置無外援可以比個位佢打,接五輪一傳,王藝竹/Koshe打主攻接1-2輪左右。或者王藝竹都可以試下打接應,當然如果王藝竹已經有接幾輪一傳能力嘅話就另當別論

餓左波好耐 如果中國肯安排多啲友誼賽打下都會想睇嘅

上個周期論實力而言Brakocevic絕對係Bjelica之上,Bjelica(同Drews)係之前打得一般但2019年進步得好快嘅球員,今年都比左好多機會佢哋打波,突然覺得塞爾維亞放棄舊年嘅VNL同世界盃係想鍛鍊下板凳深度,畢竟Rasic進攻狀態大幅度下滑,攔網進攻平衡嘅15號又唔玩,如果Miha再好似16奧運決賽啞火,成隊高機會得返Boskovic一點攻,今次比賽都鍛鍊到Popovic、大眼同埋Bjelica出黎 估計Bjelica有必要時會替補Miha登場,18年塞爾維亞有場VNL都玩過但佢好快被換走

第一次見Boskovic接一傳係舊年VNL塞爾維亞打土耳其,塞爾維亞出主力個場,反輪撞正Gunes強發球,Gunes準確發到Boskovic到,個輪Miha直接唔接一傳,卡左好幾分

De Kruijf係科內打成咁,唔係號覺得佢傷左 上個周期幾睇好Plak,但係今個周期完全無刻劃下佢應該往邊個方向走,打主攻嘅一傳唔見得穩,打接應剩係可以替補上去衝,不過佢18年換佢替補上去衝分見成效嘅都有好幾場,18年場世錦賽同Sloetjes左右開弓打美國個場好經典 VNL打巴西第三局最後換佢出場N扣N中但最後打落網又係幾好睇 荷蘭個幾個Setter,唔識講,唔係好明點解18年同19年狀態可以差咁遠

除左副攻我覺得可能Adenizia頂替Thaisa外,其他我都覺得應該要係咁 Fabiana攔網仲係唔錯但進攻已經唔得,帶Sheilla不如帶個小將上去衝下,因為Tandara都唔係好穩,好大機會要2換3

TOP

本帖最後由 patrick1029 於 2020-5-17 14:14 編輯
基本上天津個陣都係睇一傳跟進攻,望落仍然都有好多人可以調配,就睇識唔識用 !
仲要等多兩三個月至可能有 ...
chanchan0909 發表於 2020-5-11 23:13

好多比賽無睇過 呢排慢慢睇返
同意你對塞爾維亞個12人大名單啊,無咩爭議
荷蘭隊最大問題係二傳 18年世錦賽美國對荷蘭個場明顯睇得出荷蘭二傳能力遠勝於美國,但一年之後兩個荷蘭二傳突然狀態失準
睇返2017年大冠軍杯比賽,美隊嗰陣搵Carlini替補Drews發球嘅用意何在 今次奧運會唔會又浪費一個位搵個發球替補去,如果係嘅話Hancock係不二之選,前提係教練比佢開Jump Serve而唔係跳飄
講起發球,意大利Pietrini會唔會開返Jump Serve

Wolosz 宣佈再度續約科內 !
而 E 家目標係塞隊替補二傳 Mirkovic !!!

歐排聯敲定歐冠男女排總決賽會喺 20 ...
chanchan0909 發表於 2020-5-13 22:42

Mirkovic都唔錯,佢可以傳到E家第一進攻點Boskovic想要嘅波,Ogbogu填補到E家副攻線嘅漏洞,加埋主攻線Baladin進攻,Fatma養一傳,就咁睇E家今個賽季買人合理左,唯一隱憂係一傳線始終唔算穩陣,同埋雖然Thompson兩個位置都打得,但佢打主攻明顯弱於接應,加上無一傳能力,打接應只可以做Boskovic替補,要睇下E家點使用佢。另外Ogbogu去左E家個人更加睇好佢可以取代Dixon去出年奧運

之前無點關注日本隊,睇大冠軍杯覺得富永傳得唔錯,想問下佢呢家去左邊?佐藤就唔好帶啦,全場唔係剩係得四號位嘅 今個周期日本隊問題係二傳時常更換,無一個同攻手用長期嘅配合。石川真佑要練下一傳,不過舊年世界杯日本韓國大戰,金哥打小斜線比石川真佑卡起,石川真佑防守反擊打個小斜線好好睇,個人覺得係19世界杯最好睇嘅一場 年輕日本隊拎到好成績都幫助唔到國家隊,久美幾時先醒下

韓國無左個強大嘅自由人,A組嗰邊多米日本韓國3爭2會幾好睇其實韓國隊陣容都老化,下個周期需要大量新人

另外你講泰國隊講得好好 17年話新老結合到今年打韓國隊全場舊人,保守到好離譜

Fatma同Ercan,進攻嘅話前者好少少,防守嘅話後者防守好少少,要睇下Guidetti想加強邊方面,個人傾向Ercan入,年初打波蘭隊替補Meliha出場,第四局末佢連續係後排卡起Smarzek強攻為土隊爭取到連續幾球嘅防守反擊,佢算係Meliha嘅弱化版,如果Meliha唔好可以用佢替補

TOP

阿塞拜疆女排聯賽

講到阿塞拜彊嘅球隊,喺 2010 - 2015 呢幾個賽季每支球隊都幾大手筆,仲吸引唔少亞洲球 ...
chanchan0909 發表於 2020-5-25 12:12

咁岩早幾日見到有人講緊Igtisadchi Baku
Moscow VS Igtisadchi Baku 呢到有得睇,但係要用大陸野睇
https://pan.baidu.com/s/1No7bBAFyqYHXRItQTtR_sw#list/path=%2F
密碼:zqxl

TOP

返回列表