返回列表 發帖

劉浩龍火滾護祖兒 鬧爆何韻詩X樣

本帖最後由 Frankiekiekie 於 2019-8-7 11:23 編輯

祖兒今晚將於紅館展開共18場《PRETTY CRAZY JOEY YUNG CONCERT TOUR》演唱會,大前晚她在社交網上載在排舞室噴空氣清新劑的短片,避免開騷前受病菌感染,而阿詩留言「Chilasin」再加哈哈公仔搞氣氛,祖兒雖畀「Like」示好,但卻激嬲祖兒的粉絲,紛紛留言鬧阿詩「唔好搞我Joey」及「等容祖兒搞埋演唱會先製造混亂」,不過亦有網民撐她,引發意見不同的網民互片。

「MY JOEY」車牌相示愛

不過,插得阿詩最「應」的可算是祖兒前度男友劉浩龍,未知是否不欲太張揚,故棄用公開的社交網,改用以「_7_」為帳號名及「劉浩龍小音樂會」其中一場景相為頭像的私人帳號,向圈中好友包括祖兒、鄭希怡、周柏豪、張致恒、丁子高等發表其「愛之深」及「恨之切」心意,上載一張車牌「MY JOEY」的車尾相,隔空向祖兒示愛,再留言「呢個世界好多壞人,例如何韻詩個X樣」,擺到明「唔妥」對方,更「博」得多位圈中好友讚好,而他似乎嫌一相一文撐祖兒的攻勢未夠,昨日祖兒在官網上載演唱會通行證相,他第一時間以emoji打氣。就浩龍爆粗插阿詩一事,記者分別聯絡過浩龍、祖兒及阿詩,但截稿前未有回覆。

「龍兒戀」破壞三人行

其實祖兒、阿詩及浩龍的「三角關係」可謂「剪不斷,理還亂」,阿詩曾與浩龍傳緋聞,之後與祖兒成為頭號好朋友,當年Friend到三人行,不時在家煮飯仔。直至2012年,浩龍背住阿詩暗撻祖兒,阿詩傷心氣憤即時與兩人割席,但隨着維持了5年的「龍兒戀」宣布玩完,浩龍降呢變成朋友,祖兒跟阿詩亦冰釋前嫌,去年兩女齊到東京捧黃耀明演唱會場,更世紀破冰影大合照,但浩龍和阿詩則一直保持「老死不相往來」的關係,現在男方更視阿詩如仇人般,那些年的「我們仨」相信一去不復再。


Link

劉浩龍呢條X樣暗星真係又煩又肉酸

糖果拆家? 真定假?
講真祖兒同hocc嘅感情一定深厚過劉浩龍,佢咁樣講只會令祖兒更尷尬。
我都同意 ...
Serendipity 發表於 2019-8-9 09:24



呢單傳聞都好陳年講緊佢重同緊鄭醜一齊嗰時

TOP

返回列表