返回列表 發帖
歌曲提名
歌曲:春秋
歌手:張敬軒
發行年份:2010年
提名原因:十分富有感情嘅一首歌。雖然首歌一開頭彷彿好平靜,但係其實係表達緊被拒絕後嗰種好失落嘅感情;亦都可以將佢視為舖墊,因為首歌之後會一路疊加,由平靜嘅失落漸漸轉化成澎湃嘅感情爆發,去到最後回復平靜,可以話係感情爆發後回復開頭嘅失落狀態。張敬軒喺感情拿捏得非常好,又表現到一種滄桑感,真係帶動到聽者嘅感情。
// 我沒有為你傷春悲秋不配有憾事 你沒有共我踏過萬里不夠劇情延續故事 //

歌曲:孔明燈
歌手:李克勤
發行年份:2011年
提名原因:先唔講首歌唱成點,呢首歌想表達嘅內容真係十分入心。呢首歌用咗孔明燈嚟表達一個人嘅人生,由嬰兒、學生時期到大個之後,唔見咗好多歡樂,添加咗好多壓力、負擔,聽完真係會思考一下人生。
// 孔明燈升到萬呎高 浮生千百樣煩惱 難得轉化做情操 //

歌曲:今天終於一人回家
歌手:李幸倪
發行年份:2012年
提名原因:《今天終於一人回家》係講緊一對情侶分手後各自返屋企嘅故事。就噉睇份詞,就已經好感受到首歌想帶出嘅嗰種傷感、嗰種寂寞——雖然全首歌都係叫人堅強啲,但係我會將佢睇成想掩飾傷心而不斷自我安慰。加上 Gin Lee 佢將呢首歌演繹得好有感情,呢首歌的確令人印象深刻。
// 不需要他 可以嗎 可以的 一個於路上才明白 //

專輯提名
專輯:十八
歌手:野仔
發行年份:2010年
提名原因:呢張專輯圍繞住一個主題,就係「十八歲」——童年結束、正式成年嘅象徵。充滿著青春感覺但係又暗藏住「真係大個喇」嘅傷感,喺呢張專輯度完全展現到出嚟。
// 怎麼又記起 花開令我想你 //

專輯:有故事的人
歌手:鄭欣宜
發行年份:2011年
提名原因:鄭欣宜嘅第一張專輯。同專輯名十分貼切,收錄嘅每一首歌都有固中嘅故事,而當中有啲歌甚至係至今都仍然深深記得,證明令人印象深刻。
// 愈得不到 愈會傻傻地等 //

專輯:長大
歌手:許廷鏗
發行年份:2012年
提名原因:呢張專輯嘅曲目都圍繞住「長大」。每一首收錄住嘅歌都能夠牽動到感情、都如此充滿共鳴,的確唔多專輯做到。
// 既是有力挺起胸膛即管好好作反 無懼雨水沾濕兩眼 //
1

評分人數

小企鵝推介流行榜.2023Q1季度推介.敬請期待

TOP

返回列表