tham

佢講嘅係香港是我家，建設靠我們大家啵
gzsbx3 發表於 2019-11-23 20:44

係咯，都唔知佢哋有無睇片，其實呢句有咩問題？呼籲大家去投票唔啱乜

tham

you are the company you keep
kin888 發表於 2019-11-24 17:09

你意思係其他人係藍？不過身為文匯之友幫大公文匯拍片我覺得ok，況且建設真係要靠香港人自己，其實無論係呢段片嘅語氣，或者佢咁多年做過嘅嘢，我唔覺佢鐘意分顏色搞對立，就講近d，今次19場演唱會期間嘅talk同埋ig，我認為佢一直表達緊願意親近同埋理性溝通嘅重要性，不過可惜，好似無乜效。。。對我嚟講，一旦開始咗暴力，無論係對死物或者生人，唔識尊重人，咁佢哋所代表，或者追求嘅公義、民主，仲有咩說服力？

tham

其實係咪過份解讀容祖兒？橫睇掂睇容祖兒都似係不關心政治嘅港豬，但由於公司安排就幫埋啲親共傳媒宣 ...
Serendipity 發表於 2019-11-24 20:33

我記得佢幾年前講過系外地都鐘意睇香港嘅新聞，因為覺得咁樣可以同香港嘅距離好近（十二道鋒味定係咩大陸節目，總之係講國語嘅），仲俾阿y笑過佢嘅政治理想幼稚（呢個係電台訪問講嘅，大概意思係咁），不過而家睇落佢仲堅持緊呢種“幼稚”，雖然無乜人受落。。。12年國教嗰陣佢有呼籲要正視學生嘅抗拒，要同佢哋講清楚成件事，如果唔係影響會好大（報導有寫），不過傳媒淨係關心佢係咪反國教（呢段片係容祖兒今次系微博俾人攻擊嘅其中一點），結果今年出嚟嘅大多數應該都係當年嘅學生

tham

上次口罩相就咁快出黎澄清
今次就潛水
星夢情真 發表於 2019-11-24 22:29

口罩相影響到佢身邊人噶嘛，又要邀請單位臨時臨急改rundown，佢道歉都係同佢哋道歉啫，不過可能個po有d串，定係唔夠盡，微博嗰班小粉紅唔收貨，佢都費事睬佢哋今次澄清d乜？建設要靠暴力先至啱？

tham

上面條友護主護到呢。。。

拍得依D 片。。已經表明立場啦。。
kk8733 發表於 2019-11-24 23:11

如果咁就係立場，佢成日都參加中國官方活動噶喔，係藍，點解你哋認為佢黃？我始終覺得佢無顏色，佢成日都話睇嘢要客觀，d人可能覺得佢無主見，但係作為fans，睇住佢身邊嘅人同事，無主見，唔夠肚量嘅人係做唔到嘅

tham

我同意你話佢冇顏色呀，所以我咪話佢根本係港豬，冇立場嘅。
但問題係佢個人如果冇顏色但又同呢啲親 ...
Serendipity 發表於 2019-11-25 05:20

都話係文匯之友咯，親共梗嘅啦，你哋話咁樣代表佢放棄香港，但係條片俾微博班人話態度不明確，無講中國，無支持香港警察，無譴責暴力，無呢樣無嗰樣，話俾藍黃聽都得（唔知係咪咁所以央視同人民日報加咗delete，delete完又加，真係辛苦曬）我本身覺得ig寫嘅熱愛和平唔係得個講字，佢一直想用音樂拉近兩邊，甚至世界各地，而家都仲未放棄，所以同其中一邊割席係無可能，可以話佢食兩家茶禮嘅，不過佢十幾廿年咁撲心撲命去食，身邊人有黃有藍（如果要分顏色嘅話），咁dum本咁落力搞show、搞碟，唱歌跳舞等等日日喺度進步緊，咁佢呢種食法我受喔

tham

啱啱睇到尋日投票結果，我至唔like嗰位輸咗