kelvinho726

2019 差唔多過去 呢個半年真係相當難捱
我自己都排一排我既十大 雖然我平時都唔多出聲 但我覺得呢個2019 都可以咁樣去回顧
抱歉呢半年其實政治騎劫哂整個樂壇 所有既人同事都變化得好緊要 所以排位大家唔好介意
至尊歌：願榮光歸香港  香港人s
呢半年相信大家都一齊渡過好難捱既時刻，我自己都唔例外，參加過遊行去過附近地方都會知道POPO幾咁過份，曾經試過只係經過附近都連續食2-3個TG 真係心有餘悸 點解呢個政府可以咁無恥只顧滅聲唔肯正視問題 呢首歌對於我黎講 對於同路既手足都係好有意思 呢首一定係我今年既至尊！
第二位：最後的信仰 林二汶
二汶呢首歌真係陪伴左我好多個夜晚,係呢半年間自己雖然日日仍然要返工，但一睇到好多既不公義對待，好荒謬既大話蓋過一個大話,不停咁去抹黑大家爭取緊既野，信仰呢樣野真係好重要，大家各自爬山既兄弟堅信終有一日會光復到這遍土地！大家加油！
第三位：在錯誤的宇宙尋找愛 陳健安
回顧返一下今年既音樂，我最鍾意真係安仔呢首歌，佢既表現實在係有無限既可能性，聽呢首歌LOOP到不能自拔，成隻本原呢隻碟真係好有驚喜好LOOP得，希望安仔單飛後可以發掘更多自己既可能性，對你有信心！
第四位：我們都是這樣長大的 鄭秀文
Sammi呢首歌道出左好多人經歷左好多既過去高高低低，包括大家在低谷時有一種勉勵既感覺，從歌曲中可以得到一點力量，雖然路還是很長走，但仍然要面對，越聽越鍾意既一首歌，今年在我自己既Playlist中亦都係一首LOOP唔停既歌！
第五位：人話 方皓玟
小明今年既《願》《望》其實對於整個社會事件都有好高既關注度，向大家打氣，自呢首人話出左之後，小明不單直線抽擊POPO及政府呢幾個月所有既警暴及推卸責任，用粗口直接去形容而家社會政府百態相當入心入肺！
第六位：山旮旯 馮允謙
Jay今年年初派呢首歌實在係FIT到漏，自佢係英皇完約後轉到黎寰亞之後，呢一首歌可以講係驚艷既感覺，個一排係不停聽到而家都仲係會不停聽住，可惜電台唔太支持呢首歌，其實呢首歌三台冠至四台冠都唔過份，本來Jay既音樂性就很高，亦係充滿可能性，加油！
第七位：一秒 林欣彤
私心我係Mag既一位忠粉，呢首歌由佢曲詞唱包辦，聽呢首歌會好似醉左入首歌度，軟綿綿既感覺，編曲令首歌好似一層層咁撼入你心坎處咁，其實眼見佢一路走來一路都有進步到，自從入左華納唱片之後，佢似乎都係度嘗試唔同既歌路搵更多既可能性，剛剛開完演唱會既佢滿滿是正能量，加油Mag 希望可以係紅館見！
第八位：我們與愛的距離 許廷鏗
Alfred自轉會到華納後，睇得出佢好有野心去做好多既歌曲，去提升自己既質素及能力，短短兩年幾間其實都已經越黎越摸得到自己既定位係邊一度，呢一首歌既MELODY好入腦，就前奏同整首歌既感覺都好易入腦，係我個Playlist留左好耐都仍然聽緊！加油！向男金進發！
第九位：773312 謝安琪
Kay 整個蒲銘心既故事我最覺得呢首有驚喜，太耐無聽過Kay再唱快歌既感覺，對上一首係《香女人》，呢一首歌不論前奏、副歌，以及有中樂樂器既配襯都能夠完全Catch到我去聽呢一首歌，一整個Groof都被呢首歌一路帶住，好正！
第十位：Two at a Time AGA
R&B風一向係AGA身上係一件好Easy既事，佢唱開R&B都已經好幾年，坦白講每一次都有唔同既驚喜，由《一》、《Superman》、《3AM》、《小問題》去到而家Two at a Time ，AGA都有係呢一方面既擅長，亦都好恭喜佢2020年終於開佢既紅館演唱會，加油AGA！

今年既歌手排名：
男歌手：
金：陳健安
銀：馮允謙
銅：許廷鏗

女歌手：
金：林二汶
銀：林欣彤
銅：陳蕾

組合：
金：Rubberband
銀：Dear Jane
銅：Supper Moment

專輯：
本原 陳健安

kelvinho726

仲以為彤彤至尊
hehehaha 發表於 2019-12-29 19:18

-_-... 唔會咁啦....認真 .... 我唔係盲粉到咁既