返回列表 發帖

豪花15萬睇姜濤出show 姜糖:佢令我哋搵番青春!

《全民造星II》已於周日(15日)選出冠軍,不論是否你的心水,都已經塵埃落定。不過即使新一屆冠軍已經誕生,上屆冠軍姜濤在一班姜糖(姜濤歌迷的暱稱)心目中,他的「超級冠軍」地位永遠不變。

記者沒有看上輯《全民造星》,訪問之前也沒有聽過姜濤(姜b)的歌,想到做此專題,是因為某日在網上見到有姜糖為姜濤開小型展覽,展館名叫「姜公館」。姜公館內,整堵牆掛滿姜濤造型照,是姜濤過去一年出席過55個公開活動的相片。開設姜公館的姜糖阿Yee,為了慶祝姜濤出道一周年,兩個月前租用了觀塘工廈一個單位作為姜糖的聚腳地。

相約在姜公館做訪問前,我看了不少有關姜濤的資料,結果發現網上資料都不及阿Yee,她是一本會行會走的姜b百科全書,每個姜b出席過的活動、造型、表演,她都倒背如流。姜濤由《全民造星》監製花姐發掘出道,阿Yee指,花姐首次擔任經理人角色,要處理MIRROR和ERROR兩隊組合並不易,姜糖都希望出一分力,所以公館展出的姜濤周邊產品,年曆、攬枕、毛毯、襟章,全都是姜糖自發設計和印製,目的是為姜濤做勢,實行「全民造星」。

寵物系偶像 「我想抱他」

阿Yee指,姜糖中有超過三分二都是媽媽糖或是姐姐糖。姐姐糖的優勢是有一定的經濟能力,姜濤代言的產品,可被旋風式掃光。「除非他代言樓或車,否則我們都會即衝去掃貨,我們只會擔心買不到,但不擔心買唔起。」最近姜濤拍了香水廣告,阿Yee在廣告片發佈後不足兩小時搶購了兩支,我問:「你愛塗香水嗎?」她答:「不,用來擺都要買。」至於為甚麼要搶購?姜濤早前擔任香氣手帶代言人,手帶兩日內被掃斷貨,姜糖的威力厲害至此,今次如果阿Yee遲了半秒也未必買到。

訪問後兩天,我跟阿Yee去姜濤出道一周年慶祝活動,不過當日姜濤沒出現。10月11月,因為社會運動的緣故,大部份商場活動被取消,姜糖大呻,已經有接近兩個月冇見過姜濤真人。不過即使真人不在也不要緊,她們一人帶着一隻「濤寶寶」(姜濤造型的公仔),手拎姜濤名牌一齊切蛋糕,算是與姜濤隔空慶祝了一周年紀念日。當日約有40個姜糖出席,近八成是姐姐糖和媽媽糖,話題離不開姜濤的種種,問到姜濤到底魅力何在,她們都異口同聲搶答,最欣賞姜濤勇於追夢的積極態度。

阿Yee本身是一位會計師,她坦言自己不是「十八廿二」,要出去追星,甚至是追只有20歲的「小鮮肉」,的確有心理關口,「但是姜濤做了我不敢做的事。」原來阿Yee本來想做記者,但最後大學選擇讀會計,她說:「這是好現實的選擇,但時間過了就是過了,見到姜濤20歲就勇敢追夢,欣賞他亦好想他能成功。」另外一位已為人母的媽媽糖阿本指,自己仔仔都是姜濤粉絲,「他鍾意姜濤後,沒以前般懶惰,因為他知道要好努力,才可以達成想做的事。」有幾位姐姐粉說,她們從未追星,姜濤是第一位,「因為姜濤給我的感覺是寵物系男生,令我們好想抱他,呵護他。」阿本如是說。

再過一個月,姜濤終於有公開活動,那次是《全民造星II》十強記招。阿Yee和十多位姜糖前一晚到達會場,她們好清楚,記招的主角不是姜濤,通頂霸位只是為了爭取較前位置見姜濤一面。大家不知道姜濤會出現多久、表演甚麼,天寒地凍,擔凳仔等偶像,不再是後生女專利。又或者在姜濤面前,這群別人眼中的中女,可以尋回失去了的青春。「我有些朋友已結了婚、生了小孩,他們好羨慕我,因為覺得我青春了。姜糖都不會介意大家有多瘋,好像全班人一齊變回小朋友那樣。」姜糖May說。

由於阿Yee生日臨近,當晚還有其他姜糖為她準備蛋糕慶祝,凌晨在沒人的商場中唱生日歌,漫長的等待添了點暖。看得出姜糖們頗期待今次的活動,除了是壓抑了兩個月的思念終於可以抒發,這次更代表姜濤已榮升為「造星大師兄」,一眾姜糖為姜濤做勢,見她們自製的燈牌和橫額,彷彿重回中學運動會,因姜濤而走在一起的友誼,比一切來得真誠。阿Yee預訂了酒店房,可隨時上去休息和梳洗,如其他姜糖有需要,也可借用房間,「我負擔得起,通常都會訂酒店,有些妹妹糖會上來休息和叉電。」老公會不會呷姜濤的醋?「老公最多都係話『睇你好得幾耐』。他不在家時,我會和姜濤的攬枕和毛毯睡,但他在家時,姜濤的產品就不能在房間出現。」

仔女唔乖 聽姜b歌才開心

活動中午才開始,但不少粉絲清晨6點便到達活動場地。媽媽糖「非洲」因照顧小孩而遲了,雖然逼不進內圍,不過同樣有奇招,她在扶手電梯舉牌,在地下和一樓之間來回50多次,成功見多姜濤幾眼。作為全職媽媽,她有兩個分別5歲和3歲的小孩,她笑指自己平日在小孩面前要保持嚴肅,惟有在姜糖面前才可以放下家裏的自己,爆發內心的活潑,「如果個女曳,我要聽姜b的歌才能開心。」話姜濤吸引姐姐,真是一點也沒誇張,因為縱觀其他MIRROR粉絲,唯獨是姜糖比較成熟一點。不少姜糖告訴我,她們對上一次迷偶像,已經是四大天王、梅艷芳年代。不是探討香港樂壇生態,而是很多時候,年齡會給我們很多無形限制,20歲要讀大學,30歲要成家,40歲要為事業衝刺。那數小時的瘋狂,又何必被年齡局限。

活動一小時便結束,姜濤出場大約十分鐘,足夠嗎?「滿足度有100分,甚至有120分。他有打招呼,有做心心手勢,仲有一個飛吻,已經足夠排通宵。」阿Yee答。我再追問:「姜濤未必知道你們在背後的付出,值得嘛?」阿Yee隨口講了句令我非常深刻的話:「我們認識他,但他不需要認識我們,做歌迷應該是這樣的。我去追星是希望終有一日要用望遠鏡才見到他,到那刻就代表他真的成功了,他的舞台真的夠大了。」

記者:劉芷晞
攝影:林正言、許先煜

https://hk.lifestyle.appledaily. ... e/20191220/60386738


一眾姜糖一起慶祝姜濤出道一周年。左為阿May,右為阿Yee。(蘋果日報)


為了慶祝姜濤出道一周年,阿Yee在觀塘工廈租用了一個單位作為「姜公館」。(蘋果日報)


阿本(左)和仔仔同是姜糖,有時會一齊追星。(蘋果日報)


姜濤出道一周年,即使真人沒現身,姜糖依然與「濤寶寶」一同慶祝。(蘋果日報)

感想:姜b好紅好受歡迎

本帖最後由 小伙子. 於 2019-12-20 13:47 編輯

15萬可以買幾多張太空卡
恭喜定姜濤攞到最男 大概率拎埋最歌

TOP

龐大既太空卡來源

TOP

好偉大!追過歌星影星球星但係從來無佢地咁瘋狂過...
舞來舞去 不日內開始錄音。

TOP

感想:姜B同PTBF有咩分別
純搞事

TOP


唔怪得入到5強,明了

TOP

支持姜糖做自己鍾意既事!

TOP


唔怪得入到5強,明了
daniel1136 發表於 2019-12-20 14:28



   好酸阿你

TOP

決定華麗轉身
由荃粉變姜粉
DM多仔多到覆唔哂

TOP

去叫鴨好過啦15萬......
SUNDAY MUSIC CHART WEEK 12
1. 自我反省 2. Little Love 3. Control Freak

TOP

OMG,有無可能最男唔係姜濤,15萬裡面攞1萬蚊買太空卡,已經夠贏最男

TOP

好酸阿你
faithshun 發表於 2019-12-20 15:35

唔係酸嘅
係心痛呢個樂壇嘅變質姐!算啦!
鐘意佢嘅咪繼續鐘意佢
總有唔同嘅市場嘅

TOP

唔係酸嘅
係心痛呢個樂壇嘅變質姐!算啦!
鐘意佢嘅咪繼續鐘意佢
總有唔同嘅市場嘅 ...
daniel1136 發表於 2019-12-20 16:36


追星點樣令到樂壇變質呢

TOP

Quite toxic
利申:唔係鏡粉

TOP

姜B上年仲係
咁今年仲係唔係.......

TOP

其實叫自己"姜糖"唔尷尬咩,我就咁睇呢個Term都已經打冷震

TOP

嘩 同當年 作狀俊弘 一9樣
希望佢既星途一樣咁成功
側田:嚐過勾結醜惡的世間 了解到何謂卑鄙

TOP

終有一日攞到最男!!

TOP

感想:姜B同PTBF有咩分別
純搞事
表妹保莉 發表於 2019-12-20 14:12



PTBF起碼可以有Physical touch...

TOP

由初代LLV到吳唔知咩到牙Flop到佢
想知追星係同一班人定唔同人
LLV到而家有十年...佢啲粉係咪老到更年期

TOP

本帖最後由 jaytang 於 2019-12-20 21:36 編輯
15萬可以買幾多張太空卡
恭喜定姜濤攞到最男 大概率拎埋最歌
小伙子. 發表於 2019-12-20 01:44 PM


如果真係,天下間最大爆冷~~
如果係今年咁的時勢首奪最男最歌,
日後要再大紅,睇怕難度高好多。
香港人會記住佢。

p.s.如果佢真係今年首奪最男最歌,
本宮就賜佢姜妃稱號。
太平公主

TOP

羅力威,鄭俊弘,姜濤
逢歌唱比賽出身嘅都係吸引同一種fans

TOP

羅力威,鄭俊弘,姜濤
逢歌唱比賽出身嘅都係吸引同一種fans
Crooks 發表於 2019-12-20 21:43



   
47. Bring Him Home
week13
1 . Beanies        今晚抹掉你

TOP

姜糖個偶像比人查身分證
做港豬追星都唔出黎反popo
啲C9究竟係咪藍架
附件: 您需要登錄才可以下載或查看附件。沒有帳號?註冊
再將我相信的如煙火般綻放

TOP

返回列表