- 積分
- 8867
- 貢獻
- 994
- 參與
- 7873
|
AGA見男神怕醜 Gin Lee得閒瞓吓覺
2017年02月27日(一) 07:49
歌手AGA與Gin Lee繼歌曲《一加一》後再度合唱,新歌《獨一無二》講述兩個好朋友愛上同一人,雖然兩人現實生活中有相似經歷,但都說絕不會主動出擊!AGA表示遇到心儀對象就會變得害羞:「我都唔會,唔係專登,係因為真係一遇到鍾意嘅男仔就會好怕醜,所以唔得。」Gin Lee亦說:「雖然我好似好主動咁,但我冇試過,亦唔會追男仔,呢個係我嘅堅持又好,矜持又好啦!」
唔覺有人追
兩人均為近年樂壇被睇好的實力派歌手,忙於為事業打拚的她們,決定將感情生活放到最後,Gin Lee說:「現階段超級充實,不斷做嘢,有時間都想瞓吓覺。(有人追?)可能有嘅,但我唔覺。」AGA亦指不覺身邊有追求者:「就算有都好難分到時間去了解,日日都做住嘢,比較難發展,所以依家唔諗住先。」
硬朗與柔情
合作無間的AGA和Gin Lee私下亦是好姊妹,她們對於工作同樣抱有執着及好勝的一面,不過講到各自最「獨一無二」之處,Gin Lee就形容自己為「外Man內Girl」:「我成個感覺比較有硬朗啲嘅感覺,AGA就柔和啲,所以佢係長跑,我係短跑嘅,有爆發力、Man啲嘅,但其實我都有比較含蓄嘅一面。」AGA在工作以外,比較放鬆及喜歡慢節奏的生活,她說:「如果我去旅行係唔會追景點嗰啲,做創作嘅人都係鍾意比較隨性啲。」
又話私下好姊妹??? |
|