返回列表 發帖

究竟林家謙識唔識唱歌?

本帖最後由 just11256 於 2020-5-14 00:53 編輯

每次林家謙一出歌,就總會喺 Cool Hot Hits 引起熱議,究竟林家謙嘅唱腔係有性格定係冇唱功?其實呢個 post 佢出第一首歌嘅時候已經想寫,不過一路都等唔到佢出碟,已經等唔到了,希望都可以涵蓋佢出道至今嘅歷程同變化。其實呢個標題係僞命題,因爲好唔好呢啲嘢我答唔到,希望可以指出一啲佢唱歌嘅共通點,再畀大家自行批判,最後有啲個人感想。另外我唔係啲咩權威,個 post 有大量籠統概說,所以有錯請指證!

一、香港樂壇男聲發展
先撇開林家謙。究竟咩係「唱功」?

我本人諗香港樂壇男聲「唱功」,第一時間諗到嘅名係陳奕迅。我同好幾代嘅香港人一樣,都係聽陳奕迅大,而陳奕迅嘅流行程度同標誌性都不在話下,所以陳奕迅把聲同佢所用嘅技巧已經同「唱功」掛鉤。而亦都因爲咁,陳奕迅唱法深深影響近年出道嘅男歌手,唔多唔少都用上陳奕迅唱法,陳奕迅唱法已經超越佢一個人嘅領域。

咁咩係陳奕迅唱法?都有唔少權威講過,陳奕迅唱法最重要嘅元素係「感情」。呢個係一個好模糊嘅字眼,其實係指陳奕迅唱歌時所用嘅力同埋文字之間嘅關係。眾所周知,廣東歌詞大於曲,歌詞係極其重要。陳奕迅唱歌嘅妙處就係用啱力嚟強調字眼。最簡單,唱廣東話嘅時候,好多時依靠歌者用力度嚟蓋過一啲填詞唔啱音嘅地方。例如:「夕陽無限好~」,需要歌者喺個「好」字用力滑上去,唔係就變咗英文嘅「hoe」 。陳奕迅用嘅力係啱啱好,好似講個「好」字咁。但呢啲只係基本功,個人色彩往往蘊藏喺韻母入面,特別係複韻。廣東話嘅複韻母(diphthong)係好好玩嘅,例如個「好」字,由 o 轉入去 u,點轉、幾時轉、震唔震音等等,都視乎歌手個人發揮。陳奕迅畀我嘅感覺係將呢啲複韻用最自然嘅方法發揮到感情嘅極致,例如〈漸漸〉呢個最後嘅「老」(3:59),小小力震住轉韻,唔會李克勤式過度,但仍然交足感情,最後嚟個入聲 cut-off,完美。所以我認爲,香港聽眾聽唱功,其實音準拍子係其次,我哋真正想聽嘅,係歌手用文字表達感情。


但原來,呢種唱法唔係必然。舊年黎明出山唱〈忘記和記〉,浸黎明味即刻走晒出嚟。喺陳奕迅紅之前,九十年代嘅唱法大有不同。上述嘅李克勤、張學友等,零零後聽可能會覺得好尷尬,心諗點解咁誇張嘅。嗰種誇張,都係嚟自韻母,例如〈忘記和記〉「含笑跨過舊情『的』一刻」(3:10),你聽佢扭到,大力過陳奕迅個「好」好多。原來以前入流嘅唱腔係咁,換而言之,唱腔係流動嘅、係可以變嘅,今日嘅標準同聽日嘅標準唔一定一樣。作爲 CM 開明聽眾,我哋更加應該歡迎對固有標準嘅衝擊同埋具實驗性嘅嘗試(所以大家都咁鍾意 Serrini)!


二、林家謙特點
林家謙進場。佢派第一首歌嘅時候,已經好明顯聽得出佢嘅唱法同陳奕迅唱法好唔同。林家謙係九十後,都幾肯定係聽陳奕迅大。當聽眾接受咗陳奕迅唱法爲必然嘅時候,我大膽假設,林家謙係特登、有背後設計咁推出佢嘅唱腔。

先講幾樣林家謙特點:

1. 韻母。林家謙係盡量減少韻母嘅變動,每個字都盡量拉長韻母,複韻佢會選擇拉長其中一半,省略另外嗰半。例如〈下一位前度〉副歌,句句「aai」韻尾,佢拉長「aa」,「i」輕輕帶過(1:58)。就算冇複韻,佢都會拉盡韻母。好似「不」字,陳奕迅唱法可能會不惜縮短個音早啲去個「t」尾,但林家謙會拉長個「a」韻。其實呢個係非常符合傳統聲樂嘅做法,因爲簡單俐落嘅韻母係最響亮,複韻、聲母係唔出嘅。但擺落粵語詞到 work 唔 work,就見仁見智。YouTube 有一段佢唱法文,又別有一番風味。(https://www.youtube.com/watch?v=4qjDwyLDiZ4,6:40)


2. Melisma。Melisma 係指一個音節放落多過一個音符上,例如「若覺得第一位最愉『快~~』」。粵語填詞人係儘量少用 melisma,因爲每個音都有字先係廣東歌特色,但林家謙嘅歌係好多 melisma。而林家謙對 melisma 嘅處理都係好特別,當陳奕迅會用技巧(例如震音、轉韻)帶過啲 melisma,林家謙係選擇每粒音「燉」出嚟。同樣地,呢樣嘢都幾符合傳統聲樂,因爲傳統聲樂講求每個音都唱得出、唱到足。

3. 真假音轉換。無可否認,林家謙擁有好強嘅假音,而佢自己都知自己嘅強處,所以寫到啲好似〈潛水〉咁嘅旋律出嚟。但陳奕迅式唱腔其實唔係好用假音,高音都會用 mixed tone 上,大概因爲全假音好假,好似另一把聲咁,mixed voice 聽落冇咁出戲嘅。例如張敬軒版〈潛水〉,「活得瀟」假、「灑乾脆」mixed(1:19)。林家謙版,「活得瀟灑乾」全假,「脆」突然變真(2:11)。而佢嘅假音唔單止係音域限制,有啲更加係特登嘅,「just carry 『on』」明明喺真音音域入面都要用假音上,唱咗十幾次,相信都唔使我 link 啦。



4. 口腔形狀。呢樣其實係林家謙唱歌嘅基礎特點。見到林家謙唱歌成日都大露門牙,即係話口腔入面嘅空間好少(你試下笑住打喊露,打唔到)。傳統聲樂講求口腔入面空間最大化,即係用軟顎(soft palate)唱歌,咁樣聲先會響、實、深。林家謙合埋口唱歌,係非常反傳統。陳奕迅自小受傳統聲樂訓練,當然係用 soft palate 唱歌。

雖然林家謙出道甚短,但已經聽到唱腔有演變,最新〈一人之境〉「乾一罐的汽『水』」(1:28)個複韻係好正常嘅唱法,冇特別拉長,可以見到唱腔有所圓潤。仲有其他特色,例如氣聲、句末漏氣,等等。
1

評分人數

  • powerful

nice .......
gley_2 發表於 2023-2-10 20:12



    nice mud 9?
Nick's Music Selection 2024 (Week 13)
1. 白髮齊眉 - 鄧小巧  2. 過電 - 張蔓姿  3. Diff. - Gin Lee

TOP

佢咁多首歌真係聽得落一人之境同處女座. 係MATCH 到呢個唱腔
某種老朋友都可以, 但後段句9叫ADLIB 真係笑出聲
但係聽得過GE 歌都好快聽厭

TOP

本帖最後由 agafan4ever 於 2023-11-26 01:21 編輯

個人而言佢唱歌好普通,冇乜吸引力,但未至於唔識唱歌嘅

TOP

各花入各眼啫

TOP

同樣都係澤日生,慧敏哥同-O-O展現出黎既唱功係天淵之別
Oh~Wo~Yeah~~~
Wk36 1-6 花見之酩 2-4 一了百了 3-2 日常事故劇場

TOP

sorry,個人特色真係大哂,作品如是,唱功勁=/=唱歌好聽
Aliens,明荃之友

TOP

本帖最後由 huntergon 於 2023-4-4 08:40 編輯
一路聽一路笑到癲
kenneth 發表於 2022-10-13 06:56

是旦喇,除咗Janice,個個hk歌手都俾佢揾到位入(搞阿GEM真心笑咗)
Aliens,明荃之友

TOP

拼命無恙我都好鍾意  我由時光倒流開始頂唔順, 但係佢好似係呢首開始多人識? 一人之境岩岩出果陣 ...
people 發表於 2022-12-12 11:56



   時光倒流都接受到 之後越來越癲

TOP

nice .......

TOP

初初都唔多like,但聽多左又ok

TOP

我反而係越嚟越頂唔順佢啲轉音/唱腔。佢出道頭兩年啲歌我大部分都okay,拼命無恙係我嗰年年度之歌添。覺得 ...
Kzikzii 發表於 2022-12-9 22:23

個分水嶺應該係由佢彈起左多人撐唔再需要上大台果陣開始,即係上年年頭之後
太陽花 純真柔弱
10月3日 9點半 美麗戰場

TOP

我反而係越嚟越頂唔順佢啲轉音/唱腔。佢出道頭兩年啲歌我大部分都okay,拼命無恙係我嗰年年度之歌添。覺得 ...
Kzikzii 發表於 2022-12-9 22:23


拼命無恙我都好鍾意 我由時光倒流開始頂唔順, 但係佢好似係呢首開始多人識? 一人之境岩岩出果陣都冇人識

TOP

希望分析埋Serrini、容祖兒、楊千嬅同謝安琪的唱功
bagfgfcde 發表於 2020-9-30 12:17

[其他分享] (零難度) 如何自行製作伴奏音樂
http://www.cmusichart.com/discuz/viewthread.php?tid=22055&page=1&extra=#pid1902279

TOP

不過的確佢作既歌好聽

TOP

一直覺得他唱功只是一般

TOP

搵次concert全部唱返佢寫俾其它人嘅歌

TOP

本帖最後由 Kzikzii 於 2022-12-9 22:25 編輯

我反而係越嚟越頂唔順佢啲轉音/唱腔。佢出道頭兩年啲歌我大部分都okay,拼命無恙係我嗰年年度之歌添。覺得佢之後越嚟越走火入魔(例如某種老朋友段鬼叫),唔識欣賞嚕,夷家佢肯正正常常唱首歌我都好感恩啦,例如doo doo doo。不過百貨應百客啦
你別以為有人拜就叫偶像
有人拜是對著你憑弔那樣

TOP

但睇完佢清唱 某種老朋友
不能不佩服佢唱歌其實好夠氣

TOP

唱歌好唔好聽 順唔順耳 真係好主觀
林家謙聲線獨特 辨識度高 市場少呢種類型歌手 多個選擇都係好事

TOP

我覺得佢唱歌好似南嘸佬

TOP

佢出道頭兩年啲AI tone with 真假扭音轉嚟轉去的確聽到我頭暈兼un耳
苦榮聲唱”不哭了不想了” hea住唱”oh just carry on~(假音)”、扭盡六壬嘅「汽水~~~」同「未許~~倒~~~流」……等等不能盡錄
但唔知點解近幾年越聽佢啲作品就越上癮,依家幾乎日日狂loop
可能真係食得多屎真係會變好味

但不得不承認佢唱功感情投入、同埋台風的確比初出道時improve咗好多
至於樓上有人話佢用喉嚨唱歌,我不予置評

TOP

覺得歌手有特色係極其重要 而林家謙風格係好獨特 把聲介乎於男同女 小朋友同大人 人同機械 之間 記得第一次聽佢唱一人之境覺得好奇怪 聽聽下就好似上左癮咁 樂迷係需要新鮮感嘅

TOP

紅館七場仲係難買到癲仲唔夠紅?
ywcsinay 發表於 2022-10-13 17:15



   啲 CD 都 賣 斷 市

TOP

如果靚仔D應該會紅
henhenhen 發表於 2020-5-13 23:21


紅館七場仲係難買到癲仲唔夠紅?
嫌的比愛的多

TOP

佢啲聲用喉嚨出嘅
kenneth 發表於 2022-10-12 09:50


這樣做長遠會很傷喉嚨的。

TOP



一路聽一路笑到癲

TOP

以前覺得佢唱歌幾悶,但慢慢地,又聽得出溫柔中的平淡與細膩。
~herman~ 發表於 2022-10-7 01:02



說故事的人. 不過唔係人人識欣賞,有D 樂迷總係將 唱功勁 = 唱歌好聽.
然後再貶低一眾唱功唔勁嘅歌手, 而忽略廣東歌感情表達係幾咁重要.
(同公司唱功唔勁果班就唔會罵, 係罵有威脅果班)

TOP

佢啲聲用喉嚨出嘅
kenneth 發表於 2022-10-12 09:50



   所以佢唔會唱D好澎湃嘅歌

TOP

佢唱功未算好好
但話佢唔識唱歌又未免太苛刻吧?
clay 發表於 2022-10-12 07:40



   佢啲聲用喉嚨出嘅

TOP

今個星期初嚮5大批評佢唔識唱甚至有退步
所以唔值得播咁多同拎獎
個留言後尾被版主蒙蔽咗

TOP

希望分析埋Serrini、容祖兒、楊千嬅同謝安琪的唱功
bagfgfcde 發表於 2020-9-30 12:17


Serrini唱功好,但歌路唔夠大眾化。Joey聲線夠沉穩,可惜感情未夠。
千嬅唱功不好,但感情豐富。
Kay聲線較特別,可惜不是每首歌唱live都那麼穩定。

TOP

確實家謙唱歌吸引力不及Eason和Hins,比較平穩沉悶那種感覺。

TOP

佢唱功未算好好
但話佢唔識唱歌又未免太苛刻吧?

TOP

以前覺得佢唱歌幾悶,但慢慢地,又聽得出溫柔中的平淡與細膩。

TOP

本帖最後由 yoyo33342 於 2022-10-19 21:37 編輯

聽佢唱歌都幾眼訓








洗衣機不能成功排水有機會排水位置有雜物淤塞導致或水泵零件損壞而導致,可先檢查水泵垃圾格或排水位置是否處於正常,如清理排水泵垃圾格後仍然一樣情況未有改善,那是時侯要找專業維修人員上門維修 洗衣機檢查了


TOP

希望分析埋Serrini、容祖兒、楊千嬅同謝安琪的唱功

TOP

覺得好多歌嘅feel只有佢自己先唱到,好神奇
不知天高地厚是一個華人社會論資歷排輩的副產品。

TOP

佢首新歌 比起前幾首遜色

TOP

林家謙唱歌個腔唔係每個人都接受到…

TOP

我過去幾年好似唔係住喺香港咁嘅。因為琴日先知林家謙系乜水。(其實我根本5聽歌)

loop左幾次佢D歌同佢D訪問,好奇佢講嘢咬字好清晰(5造作哥種),仲要係讀英文系。所以search到樓主呢篇文。學到野。開個ac多謝你。

我5識唱歌。但覺得佢D呌氣聲比較輕,聽落5難頂。呼吸、運氣、聲音收放嘅基本功(以前標準)應該合格吧?好想睇吓佢唱5唱到越吻越傷心。
hello

TOP

本帖最後由 hkwilliamsiu 於 2020-7-31 05:12 編輯

睇咗林家謙上林志雲-傾-做嘉賓唱了多首歌曲, 訪問中更加認識他的性格和唱歌風格, 對他好感亦增加了不少.

TOP

香港人單一標準,未聽慣就只識一味批評
chungyiu11 發表於 2020-6-14 20:49

屎食慣咗會變好食?
Jason's Playlist 2024
Week 12 白髮齊眉 - 鄧小巧

TOP

其實客觀層面講,音準、真假聲轉換等方面家謙係絕對冇問題,甚至可以話十分專業,大家可以聽佢cover潛水,首歌難度好高但佢唱得好輕鬆,至於所謂唱歌冇感情,唱腔奇怪等等批評,其實系好主觀

TOP

香港人單一標準,未聽慣就只識一味批評
chungyiu11 發表於 2020-6-14 20:49



   香港人不是用單一標準,祗是要求稍高. 另外家謙一定識唱歌, 祗是自信過高, 作曲真的十分有天份, 可惜他又要做埋監製, 對自已freestyle 唱法沒有克制, 所以出來效果差強人意.

TOP

聽左 kkbox 同 Serrini 合作既音樂會,繼續睇到呢兩位音樂人既獨特同話題性
powerful 發表於 2020-6-14 15:20



   D歌交換唱真係搞唔掂

TOP

香港人單一標準,未聽慣就只識一味批評

TOP

聽左 kkbox 同 Serrini 合作既音樂會,繼續睇到呢兩位音樂人既獨特同話題性

TOP

林家謙的唱腔只有敝多於利, 完全沒有討論空間
快劍俠 發表於 2020-5-16 13:45



   #弊
47. Bring Him Home
week13
1 . Beanies        今晚抹掉你

TOP

有個人特色/風格已經夠
KU5249 發表於 2020-5-15 11:01



    所以依家咁多live垃圾嘅歌手出黎獻世 咪就係樂迷慣出黎咯
    一句個人特色大曬
歌曲 http://poll.fm/5qbaq 专辑 http://poll.fm/5qbah 组合 http://poll.fm/5qbal 女歌手 http://poll.fm/5qban 男歌手 http://poll.fm/5qbam

TOP

返回列表