返回列表 發帖
本帖最後由 powerful 於 2020-5-14 00:07 編輯

幾開心係只音見到呢個可以引爆下討論既話題。

首先我係肯定上文寫出左林家謙係刻意設計一種專屬自己既唱腔同演繹方式,包括某些音唔自然咁拉長、真假音交錯等等,呢D都係帶比樂迷鮮明既形象。我更加驚喜於對呢種表演既文化解讀,連結到電子科技既現代,佢既轉音、中途加速演唱節奏,都同新生代樂迷可以係聽到一首歌後然後自己tune聲玩既模式好似。

由於林家謙定位係唱canto-pop,同獨立音樂人去比較,我認為有D捉錯用神。冇錯,佢地唱歌根底更紮實,背後有更堅定既創作理念,致使佢地作品一定比林家謙來得統一、精彩、有意思。但黃衍仁唱果種愁苦、Stranded Whale (Tomii Chan, Jabin Law) 較接近西洋曲風,都唔係咁易令聽本地中文歌既樂迷入口 (不過真心推薦以上單位)。

對於林家謙呢個brand最大保留,台風當然係其一 (而家大部分香港歌手好似唔記得左台上表演有視覺成份咁,Mirror 呢方面就做得唔錯),反而係佢呢種創作既延續空間有幾多,若無基本功只搞gimmick,當新鮮感一過,就無野可以支撐。

正如目前viutv重頭劇《歎息橋》咁,冇錯,D拍攝角度係好特別,冇劇咁樣做,遠景拉到人物樣都睇唔清; 如果係一兩幕咁,的確做到驚艷效果,再多就曝露本質冇內涵既問題,而且將《綠豆》拍法複製得一次,已經係極限。

TOP

本帖最後由 powerful 於 2020-5-14 11:22 編輯
冇話捉唔捉錯用神既,因為個命題就係單純從唱功本質去討論,
呢點應該要撇開佢地本身係咪獨立音樂人同音 ...
bagfgfcde 發表於 2020-5-14 00:35


如果要比,Tomii Chan 同林家謙聲音方向比較接近,都係滿不在乎、虛無; Jabin Law 同黃衍仁其實係絕望呼聲多過唔care

Tomii Chan 最近都有新作 The Problem of Never Leaving Home,同林家謙一人之境可以對讀一下,兩首都係作者一手包辦,主題靈感似乎都由抗疫隔離而起,但釋出 message 係兩個方向。其實幾buy林家謙今次所表達既內容,對抗住各種要出街、要結伴既大潮流。

(順便share下 Tomii 聽日個event,大家可以聽下作為參考)

TOP

聽左 kkbox 同 Serrini 合作既音樂會,繼續睇到呢兩位音樂人既獨特同話題性

TOP

返回列表