skyhorse1111

其實佢隻碟嘅combination算幾好，4首張家誠, 3首徐洛鏘, 3首外面, 1首翻唱，
out左幾首古裝劇歌，最後一次分手同為何你要背叛太似，而張家誠個4首都算係3種味道有dd分別嘅罐頭。

比較熊君上隻碟一半膠歌，譚嘉儀連續幾首不倫不類嘅劇歌，鄭俊弘清一色style嘅偽熱血歌，仲有一姐宜家8首張家誠存貨，實在係好太多喇！
如果佢之後出歌可以繼續呢個combination，喺冇人要嘅情況下續約都ok嘅。

btw其實點解月巴人老可以咁out，宜家個樂壇已經轉左一年齋plug 4/5隻歌就夠，但佢又夠膽死連續出幾首一模一樣嘅歌 (i.e. 一姐同譚嘉儀)。另外佢手頭上明明有徐洛鏘朱俊傑韋景雲，情歌得黎style有少少分別，仲有熊君譚嘉儀林師傑都算parttime songwriter，一樣係自己友唔洗嘥錢外聘，但佢偏偏要用死張家誠，跟住又迫自己友唱埋d低質劇集膠歌，係要整死佢地為止，多得佢唔少。