返回列表 發帖

胡鴻鈞,你滿足嗎?

本帖最後由 Fine 於 2020-9-25 22:50 編輯

2013年化蝶開始留意胡鴻鈞,7年内見盡他由半紅不黑到受萬千寵愛再到現在受盡千夫所指。日前事隔三年推出新專輯後,我只能感嘆,胡鴻鈞,你滿足嗎?


先來看新專輯的歌單。



01.十字路口(電視劇降魔的2.0主題曲)
02.
凡人不懂愛 (電視劇降魔的2.0 插曲)
03.
沒身份妒忌
04.
一刀切
05.
妳幸福嗎?
06.
太難開始 (電視劇救妻同學會片尾曲)
07.
偷聽情歌
08.
偉業街
09.
為愛冒險 (電視劇救妻同學會主題曲)
10.
理性感性 (電視劇是咁的,法官閣下主題曲)


表面上,這的確可以理解為比以往更具誠意的專輯。劇歌比例下降,翻唱歌消失,自家創作佔一半數量(但先前表示會收錄更多自己的作品,沒想到只有一首新作品。)。但我想,專輯推出後在一般樂迷間負評如潮還是有原因的。

胡生今年比以往任何一年都勤力,但也深化了一個重要問題 —— 歌路單一。這對胡生是老問題了,但在以往出一首非劇歌也要還神的情況下這沒有引起太大重視,畢竟問題是沒有歌能推出。但今年5首新歌,除去十字路口是主題曲,題材清一色為分手後好傷心的慘情歌,連編曲,melody走向也近乎難以分辨。所以胡生,這就是有自主權的你嗎?

我理解胡生渴望有一首100%屬於自己的代表作,所以我雖然對「你幸福嗎?」又是慘情歌失望,但依然諒解。畢竟他僅有的代表作中,不是翻唱(化蝶,明知故犯)就是劇集歌(到此一游,遙不可及,太難開始……),唯一一首朋友身份亦是執二灘。但得知所謂「接力主打」一刀切亦是慘情歌,我真的無話可説。你就真的如此酷愛慘情歌?情歌也可以有其他切入點。首首慢板情歌,再喜歡你的粉絲也有審美疲勞的一刻。作詞方面如是,首首作品,除了偷聽情歌有加入一些物件或情景外,(如遙控被誰用過牛奶被誰偷飲/盗用你的音響聽情歌動聽得卻又令人怯),其餘非劇歌的歌詞實在沒有什麽特色。(期望各有偏差 分開妳更滿足嗎 實況不懂招架 只好給妳成全是 /憑何呼天怨地 其實未動搖你 連幻想都感到慚愧與卑……)我相信陳耀森絕對不止「離場後幸福嗎 不必擔心我過得差」的功力。

胡生不是沒有嘗試過慘情歌以外的類型,較為偏鋒的偷聽情歌,訴説夢想的偉業街,也是不錯的嘗試。爲何2020年毫無這方面的嘗試?

這張專輯的另一個問題,在於自己作曲的作品。以往每張專輯都收錄了一首自家作品,今回一口氣收錄了五首:凡人不懂愛,沒身份嫉妒,一刀切,太難開始以及偉業街。稍微有聽過的朋友也很容易發現兩個問題 — 風格過於雷同和某些旋律與其他歌太類似。(如凡人不懂愛「如若心聲相通 憑直覺都可感覺你」就和方皓玟的「仍懷著一顆謙卑 來面對不安的天氣」相似。)本來每碟一曲對於樂迷是驚喜(沒想到胡生也能作曲)。但在作曲數量增加後,胡生力不從心的問題慢慢浮現。目前看來他的能力就僅僅是慢板芭樂歌而已。其實旋律無太大變化本來已是問題,更大的問題是編曲幾乎也是無特色可言。這要看他自己的造化了。本以爲2019年沉澱一年和走過鬼門關後可以拿出和 讓我放開,今天之後 等等不一樣,更有深度的作品,沒想到質量不升反跌。但我又不是完全否定他的創作能力,要胡生寫一首k歌,也沒什麽大問題,太難開始就是一首夠k,又適合自己vocal range的作品。只是恐怕胡生要好好考慮一下如何提升自己的音樂造詣,不要勉强不斷推出自己的作品,亦不要再寫如此多的慘情歌了。

但我想,要寬闊他音樂上的視野,恐怕有點難度。胡生身邊缺少一個可以點醒他的音樂人朋友。自從2019年後,胡生漸漸疏遠了本來的音樂人朋友。除了Alfred 外,其實Sophie,Mag, 小巧,Joyce……等等看來已經甚少交流。取而代之是馬國明,何遠東,蔡思貝,賴慰玲……無意比較任何人,但可想而知胡生在音樂上可以如何進步?2017年開始辛苦找來的Terence, 周錫漢和舒文幾乎沒有再合作。蘇道哲雖然瞭解胡生,但似乎在音樂上遇到和胡生類似的問題– 自我重複。對比 妳幸福嗎?和沒身份嫉妒你很容易發現哪些部分出至蘇道哲之手。本來預期妳幸福嗎?會是質量稍高的作品,沒想到旋律反而很一般。當然蘇道哲亦曾在和其他歌手合作的作品内展現自己的天賦,但似乎暫時和胡生合作沒什麽火花。

除了身邊朋友,胡生更麻煩的是遇到一群不理性的粉絲。我想前幾天論盡音樂這個平台應該有很大感受吧。沒有任何惡意批判,卻意外惹來一群胡生粉絲的人身攻擊。在她們心中胡生仿佛是一個不能被批判的存在。任何另一方的意見或批評就是惡意的。更悲哀的是有部分較爲理智的粉絲反被她們批評(無資格去演唱會等等)。胡生的粉絲何時變成這樣?在胡生推出任何作品時,這群粉絲只會一味叫好,即使奇葩如攬枕亦會一掃而空,試問胡生如何進步?

雖然看起來我對胡生盡是批評,但我仍願意寫,只是對他有期望。即使擁有辨識度高的聲綫,扎實穩定的唱功,胡生一直沒有發揮自己的潛能。他仍有許多可能性。多年來一直被星夢投閒置散,不停翻唱又翻唱。好不容易等到入屋機會,2018順風順水了一年,2019年又懷疑因爲續約問題被抹黑和雪藏。

還記得2018年的造歌方向非常正確。年頭找來新班底方皓玟團隊合作偷聽情歌,年中推出一首自家作品偉業街討論情歌以外的topic(夢想),年尾有一首高質劇集歌太難開始維持熱度。話説回來,偷聽情歌的“變態”方向十分適合聲底偏薄的胡生。情人自擾,2018KKBOX
Live的雙飛也是走類似路綫,想尋求突破的胡生值得考慮較爲“變態”的歌曲。説到KKBOX Live,那次演唱會也透露了Hubert 更多的可能性。演唱明白了,天地不容等劇歌時採取全新編曲,洗去劇歌味之餘亦顯示自己不是沒能力駕馭其他類型的歌曲。

對於將來,若胡生真的想嘗試更多,我只有一個意見– 離開星夢。撇除音樂,星夢的marketing也可謂一塌糊塗。碟名只會用歌曲名也算了,由宣佈出碟到正式出碟相隔不夠一個星期,這就是力捧對象嗎?封面設計以及文案也是一貫的奇怪老土。更重要是星夢已經把他定位為情歌王子,要繼續發掘他在演繹上的可能性嗎?似乎沒有可能了。流行度是有的,但歌手最重要的個人特色,7年來也找不到和其他唱情歌的人有何重大分別。

我想這也是胡生的一個重要抉擇 – 想要人氣還是音樂性?留在星夢,每年拍一套劇集,唱一首劇集主題曲,推出一兩首情歌,我想再紅4-5年也不是沒可能。但胡生,你真的滿足嗎?一年有4首歌破百萬點擊是厲害沒錯,但你不想得到同行的認同嗎?已經不想在曾經憧憬的叱吒大放異彩嗎?還是跳出tvb這個舒適圈,真正做自己100%想要(無何生干預)或令人耳目一新的音樂,和更多音樂人合作(我記得你曾經多次透露想和王苑之合作),不用再唱一堆劇集歌維穩歌。Alfred正是前車可鑒,人氣雖然大幅下滑,但我想能夠唱自己想唱的歌,應該是一個歌手的志願吧。

老實說我對胡生的容忍度亦越來越少。本來這篇樂評只想表達我的失望,唯獨昨天在新城電台訪問中,胡生意外地透露了新碟已錄製好兩首新歌,會是類似R&B 比較groovy的作品,他本人亦不斷表示想繼續嘗試不同genre的作品。我真的希望他會有新嘗試,而不只是舊酒新瓶。請用下張專輯狠狠打我的臉吧胡鴻鈞!

1

評分人數

  • powerful

願你在那個讓我掛念的少年時代裡,永遠自由任性地笑與哭

胡鴻鈞,你幸福嗎
46. 我正發覺我有生命必會有光 若還未照亮別人也照亮了我
Week43
1再聚2地球來的人3幸福門

TOP

本帖最後由 hlyyy 於 2020-9-26 10:17 編輯

嘩 以為篇嘢係我自己打
估唔到有人同我一樣諗法 仲以為佢而家得返班腦殘盲粉
12年開始鍾意佢 中間嗰幾年唱埋啲垃圾歌都戥佢唔抵
17年出情人自擾開始對佢嘅音樂有返希望
自從佢上年開始淨係同TVB嗰班人frd仲要自甘墮落走去續約就冇晒期望

個人覺得佢對上一首好聽嘅歌已經係偉業街
之後首首都分手後叫春真係聽到厭 題材單一都算 曲詞編質素又唔係特別好
佢冇咗Alfred同sdoorworkshop之後好似連music sense都差咗好多
點樣喺冇人脈冇人指點方向嘅情況下出有質素嘅歌應該係佢而家最大挑戰
始終都鍾意咗8年 對佢再失望都好都期待佢音樂上嘅進步

TOP

聲底好 唱功好
問題真係音樂品味同眼光度。

TOP

本帖最後由 Bluejays 於 2020-9-26 01:29 編輯
胡生的粉絲何時變成這樣?
Fine 發表於 2020-9-25 22:42


其實離開 TVB,更大好處,係可以唔再比深宮鬥文化影響
根本唔只係星夢嘅問題,而係 TVB 幾十年嚟嘅山頭主義做成嘅深宮鬥
影響了 artistes 嘅心態與志向,亦創造左屬於 TVB 嘅粉絲文化

其實我最心痛,係睇見 Hubert 喺劇組編監演面前 hard sell 自己
(我睇哂 降魔的2 啲宣傳 event 片)
喺 TVB 唔鬥就冇運行,要鬥就要做某啲野
你唔想鬥,都總會 有啲人 有啲事 令你不知不覺跌落個陷阱度

註:「要鬥就要做某啲野」,包括埋要做有100萬點擊嘅歌
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

其實早幾日單野,我一直無打算參與
因為明顯係無討論意義嘅對罵
但當見到有 hubert 比較有禮貌 fans,反而被同路人惡意抨擊時
我一方面係覺得 O 嘴,另一方面真係估唔到原來有 fans 會咁樣
結果反而我響 dm 要安撫幾位向我求助嘅 hubert fans
甚至當中有一位係將一個月零用錢去買碟嘅初中生 (零用得 $150)
卻被同路人話「你買幾多先?我買 20 隻」然後叫佢收聲甚至叫佢脫粉
我真係大開眼界
論盡音樂 #愛香港樂壇而存在
https://www.facebook.com/stupidmusichk
Follow 埋我 IG 啦
論盡樂迷,敢愛敢恨

TOP

其實早幾日單野,我一直無打算參與
因為明顯係無討論意義嘅對罵
但當見到有 hubert 比較有禮貌 fans,反而 ...
星勤 發表於 2020-9-26 01:30


Alfred vs Fred 年代,我都煩到 要搵人求助啦
TVB 呢個文化,已經有幾十年歷史,改不了
但願 viutv/Mirror 嗰邊,唔好又開一個新文化出嚟
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

當初佢出偷聽情歌嗰排都會對佢未來嘅音樂動向有期待,
睇得出佢喺自己嘅音樂有自己嘅想法.
但之後佢同咗星夢續約之後就冇晒期望,
因為歌手同藝人之間, 佢選擇咗後者.

TOP

其实都唔算受盡千夫所責,最多只係一部分樂迷隔離左佢,另外仲有一批劇歌fans追棒佢

笨   亦是我選擇
不要怕 只等過去過去吧
何方精選作品
和你再沒有運氣敵對或愛下去

TOP

Alfred vs Fred 年代,我都煩到 要搵人求助啦
TVB 呢個文化,已經有幾十年歷史,改不了
但願 viutv/Mirro ...
Bluejays 發表於 2020-9-26 01:34



   Viutv碟都未出,可以開到咩文化出嚟
喜歡軒兒 新歌+精選 都喜歡 ​​​

TOP

Viutv碟都未出,班仔嘅FANS已經內鬥到精彩過的深宮電視劇

TOP

viutv係咪要氹得掂花姐先可以出歌
何方精選作品
和你再沒有運氣敵對或愛下去

TOP

本帖最後由 hkwilliamsiu 於 2020-9-26 16:41 編輯

Hubert 和坤gor 都是TVB同期發展歌手藝人, 而且亦是好好的朋友, 音樂路上亦有很多相同處境, 最大不同是Hubert 一開始就被捧, 但然後被冷落, 接著又再力捧, 估計星途上發生一些事才會有咁大反差.  另外音樂上製作亦看到好大的分別,以前會有很多的不同的嘗試, 但現在是無錂角和多了多首無靈魂的歌曲, 今年應該會取得勁歌大奬, 而且會在國內多咗好多粉絲, 但對於聽咗咁多年他的歌真的有點失望.
茫茫圍城的顛簸 層層燎原的星火
重燃原來消失的感覺

TOP

希望胡鴻鈞本人睇到呢個post
唔好再陶醉喺四首100萬views嘅MV同啲盲粉嘅「好好聽」呢啲膚淺嘅comments度
接受constructive criticism先可以令自己進步

TOP

我諗胡鴻鈞想拍劇,賺人仔,已經對佢冇希望。

TOP

本帖最後由 Y!NG 於 2020-9-26 13:29 編輯

回復 6# 星勤

辛苦你啦星勤,,一路都有follow你個page,,雖然我唔係胡生fans,,但果陣都有幫手鬧d腦殘粉,,仲要鬧左勁耐,,但佢地仲覺得我蝦佢地同胡生,,仲要無啦啦鬧返alfred轉頭orz,,佢地做乜要擺副old seafood樣蝦d理性粉? 覺得自己好巴閉,,買n百隻碟就係愛? 其實支持一個偶像,,盡自己能力已經足夠,,有時唔淨止買CD,,刷views投票已經幫到好多,,點解佢地咁都唔明?仲要咁多學生fans,,佢地仲要求d咩?
李珍基 金鐘鉉 金起範 崔珉豪 李泰民 SHINee♥♥

TOP

本帖最後由 on07111 於 2020-9-26 16:31 編輯
Hubert 和坤gor 都是TVB同期發展歌手藝人, 而且亦是好好的朋友, 音樂路上亦有很多相同處境, 最大不同是Hube ...
hkwilliamsiu 發表於 2020-9-26 12:36


吳業坤哥都可以衝破魔咒,我相信胡鴻鈞都可以係大灣區再出發
何方精選作品
和你再沒有運氣敵對或愛下去

TOP

情人自擾同偷聽情歌我都好鍾意
但呢兩年嘅歌一式一樣咁
就嚟分唔到邊首打邊首

睇下Alfred
雖然而家嘅人氣真係比係星夢時跌左好多
但歌曲嘅質素真係好好多,重點係佢肯搵唔同嘅音樂單位合作造歌,唔會來來去去都係唱情歌囉
陪我迷上荒謬
越過幻變山丘
拾塊木碎伸手學施小魔咒

TOP

好認同!正如洪卓立咁,作為Fans,聽得多同一曲風嘅歌都覺得悶

好奇咁句,朋友身份係執二攤嘅咩

TOP

好認同!正如洪卓立咁,作為Fans,聽得多同一曲風嘅歌都覺得悶

好奇咁句,朋友身份係執二攤嘅咩 ...
cyrus305cool 發表於 2020-9-27 00:52



係呀 原本係Alfred唱 但因為轉會冇用到首歌

TOP

胡生嗰班唔理性粉都不知幾開心胡生遠離許生坤哥去痴住馬生蔡小姐,成日以為許生坤哥痴胡生人氣博見報。
佢留得 tvb都知要人氣要賺錢為主,歌會繼續唱,但音樂性應該唔係重點,星夢咁樣對佢都要留好難去支持佢。

TOP

雖然但是,我都覺得唔好成日拉牙醫去同胡生比,一來牙醫唔想拍劇但胡生想拍,用同標準去睇胡生就無得咁比既...二來而家有d胡生fans顛顛地,一有對比成日製造佢兩個對立搞到牙醫成日俾人拎出黎鞭打 就很慘

TOP

其實依度不嬲有幾個胡生既粉絲好玻璃心
係估唔到有粉絲會醜到出面啫 醜呀~~

TOP

雖然但是,我都覺得唔好成日拉牙醫去同胡生比,一來牙醫唔想拍劇但胡生想拍,用同標準去睇胡生就無得咁比既 ...
Kaka07165 發表於 2020-9-27 19:03



已經見怪不怪
奉勸那班癲癲地嘅「胡太」一句
Fans行為,偶像埋單

佢哋再係咁癲不停周圍辣火頭
受害嘅只會係佢地最愛嘅胡生

TOP

由2013年化蝶開始留意胡鴻鈞,7年内見盡他由半紅不黑到受萬千寵愛再到現在受盡千夫所指。日前事隔三年推出 ...
Fine 發表於 2020-9-25 22:42

一半同意
方皓玟情歌一樣首首同一調,偷聽情歌好悶,係勵志歌才好d
胡生作情歌一樣悶,凡人不懂愛反而ok, 十字路口不錯,妳幸福嗎好悶仲2周冠bad taste

歌迷不要管偶像與邊位做朋友,我係胡生就憎fans連交甚麼朋友都要管住咁專制,音樂感關不關交友事真係誰人知

攬抌賺到錢賣來做音樂有咩問題?有心要tvb不出一樣可出面自行訂製,不如自己賺埋好過

TOP

情人自擾同偷聽情歌我都好鍾意
但呢兩年嘅歌一式一樣咁
就嚟分唔到邊首打邊首

睇下Alfred
雖然而 ...
KU5249 發表於 2020-9-26 20:04


你估個個似牙醫有錢自資鍾意揾邊個作,碟賺不到錢唯有靠賣攬枕拍劇,一句講哂錢從何來?

TOP

吳業坤哥都可以衝破魔咒,我相信胡鴻鈞都可以係大灣區再出發
on07111 發表於 2020-9-26 16:30



   許生拎過十優,坤拎過最男,胡生乜都無點有本錢離開星夢?

TOP

許生拎過十優,坤拎過最男,胡生乜都無點有本錢離開星夢?
sexykaren 發表於 2020-9-27 23:29



   佢嚮音樂上野心唔大
跳左可能同林師傑差不多情況
秉承cm精神 推廣好音樂
PINGPUNG潮爆榜 WEEK41
冠/生活本是一場嘉年華/GOGUY 亞/秋分/YUSOBEIT 季/標本/陳潔靈 殿/美男子與香煙/GINLEE 五/劫後餘生

TOP

除左佢第一隻, 我反而係好鍾意呢隻
因為夠多慘情K歌
最鍾意係TRACK 2-6,
失戀時喊住來聽

又唔係一定要唱唔同歌先好的
都要有的係唱慘情K歌的歌手
如JANICE我仍然係聽緊05-08的佢

TOP

除左佢第一隻, 我反而係好鍾意呢隻
因為夠多慘情K歌
最鍾意係TRACK 2-6,
失戀時喊住來聽

又唔係一定要唱唔 ...
gordon0807 發表於 2020-9-28 08:57


慘情K歌唔係問題
曲風/演繹都差唔多先係致命點

TOP

慘情K歌唔係問題
曲風/演繹都差唔多先係致命點
jasonng 發表於 2020-9-28 09:16

其實係因為而家轉左做SINGLE COLLECTION 年代等如鄭融一年一首K歌, 其實都差不多
如果09年佢隻精選唔係快慢交替咁放
其實都係一式一樣

同一情況, AGA個隻比我的感覺都係成隻的歌都好似

但因為好多歌都已經係聽左年幾兩年, 所以可以分到
只係當精選咁聽

TOP

佢d歌慘d定菊梓喬d歌慘d??
兩個都乸埋口面唱歌
SSN Chart (16 Oct)
1. 感 情 這 回 事 (1 Week No.1) - 陳 柏 宇
2. 劫 後 餘 生 - 周 柏 豪
3. 荒 島 之 幻 象 - 陳 蕾

TOP

慘情K歌唔係問題
曲風/演繹都差唔多先係致命點
jasonng 發表於 2020-9-28 09:16


你講緊牙醫?有幾多歌手首首不同?

TOP

聲底薄,高音歌手,唱功好,但又未好到可以炫技嗰種
佢而家點會受盡千夫所指,反而應該話佢靠劇集爆紅,吸咗好多tvb fans
有人氣就有話語權,睇下黎緊做歌會唔會好啲囉
嗰堆慘情慢歌我聽咗一首only,之後佢出歌我都無興趣聽。

TOP

你講緊牙醫?有幾多歌手首首不同?
sexykaren 發表於 2020-9-28 15:54


你攞牙醫嚟比? 搞唔搞笑d
佢星夢/星煥時期明顯仲係比較多掣肘
去到華納已經試多咗唔同曲風

胡鴻鈞而家明顯係好保守
都出唔返雙飛咁嘅quality嘅歌
咩到此一遊十字路口完全唔係嗰回事

TOP

你攞牙醫嚟比? 搞唔搞笑d
佢星夢/星煥時期明顯仲係比較多掣肘
去到華納已經試多咗唔同曲風

胡鴻鈞而家明 ...
jasonng 發表於 2020-9-28 21:02


曲風不同俾錢就做到
但演繹不同係能力問題,牙醫首首唱法都係差不多

我就係問你香港有幾多歌手識得首首不同唱法?不識就算離開星夢都係不識
到此一遊直頭煩膠歌,仲被港姐惡搞

TOP

到底牙醫有錢踩中幾多人條尾?
講到人地俾錢就買起成個樂壇咁
咁L鐘意比 同是tvb出身既StephHo都有錢女丫 你唔攞佢比 坤哥唔係有錢仔啦 你唔攞佢比
有錢但無踏出去做到咁多元曲風?關有無heart事
無錢但肯離開comfort zone再令人耳目一新?關有無heart 事
成日淨係識話牙醫有錢大哂
獨立行走啦 識唔識丫?

TOP

許生拎過十優,坤拎過最男,胡生乜都無點有本錢離開星夢?
sexykaren 發表於 2020-9-27 23:29

今年無左Eason同Joey, 應該輪到胡生同Hana有十優

TOP

今年無左Eason同Joey, 應該輪到胡生同Hana有十優
boy4dudes 發表於 2020-9-29 20:52



   胡生3冠無十優好慘,hana未必
原來星夢咁多quota但不冠hana

TOP

胡生3冠無十優好慘,hana未必
原來星夢咁多quota但不冠hana
sexykaren 發表於 2020-9-30 18:32

啲RTHK quota全部係哂胡生身上,今年得佢有冠

TOP

啲RTHK quota全部係哂胡生身上,今年得佢有冠
hello12324 發表於 2020-10-1 04:35



   周柏豪港台暫時1冠,就來2冠,胡生3冠應男歌手之最

TOP

返回列表