返回列表 發帖

周柏豪去年籲網民投票被狙擊感難受:喺屋企喊過好多次

香港自去年6月開始因反送中修例引發一連串社會運動,牽連甚廣並影響不少圈中藝人,不少人為了搵食而選擇表忠,或是不敢發聲。猶記得去年7月曾呼籲港人登記做選民的周柏豪,事後竟觸動大陸小粉紅神經,發動狙擊,有傳本來有份參演大台重頭劇《使徒行者3》的他,亦因此在劇中「離奇消失」,連帶該劇所有相關宣傳品亦不見其蹤影,有人便聯想是與政治有關。

今天柏豪於銅鑼灣出席活動,已逾一年未有出席商業活動的他大有感觸,坦言入場時更起雞皮,他接受訪問時亦有備而來,提到去年在網上呼籲大家做選民一事,令他深有體會:「其實從來冇發表過政治嘅嘢,有時幕前係會同敏感嘢掛鈎嘅,呢個年代坐又俾人話,企又俾人話,我唔識得點適應呢個社會,所以曾經quit咗出去,唔玩喇!當時係有少少驚,因為學校都冇教過點樣處理,所以我就匿埋,覺得好難過,唔係諗緊10幾年辛苦嘅工作或者形象,而係家人同事佢哋擔心我嘅情緒,令到我好難受,fans支持我嘅說話,我喺屋企喊過好多次,到能夠唔受評論影響情緒,就放心晒,加埋個女出世,而家要照顧家人。」柏豪更指現時在網上的言論會深思熟慮。「而家做每樣嘢都會諗清楚,因為而家隨時犯法、影響其他人、甚至影響自己將來同前途,而家我會再諗清楚啲,post之前要再諗清楚先撳發表個掣,但有時都仲會係串錯字,仲係post錯嘢。」

問到《使徒3》被消失,柏豪說:「套劇我只係客串兩組,得10幾秒,唔夠一集,戲份已經冇得再cut,我都聽到網上嘅討論,話我唔開心,其實從來都冇發生,我覺得莫名其妙。」他又指自己未看剪接後的最後版本,不過就算沒有他的戲份也不會失望。而此事讓人聯想到之前的政治風波,柏豪感慨說:「 都明嘅,社會同娛樂圈發生咗太多事係會令人聯想嘅。」

柏豪跟千嬅十分老友,千嬅之前因在IG貼出「R.I.P」疑似悼念一名「反送中」示威者後被狙擊,事後她解釋是被黑客盜用賬號。兩人的經歷相似,之前柏豪擔任千嬅節目嘉賓時,他謂亦有跟對方私下談論這些風波,他說:「當然私底下都有閒聊幾句,大家都會當呢個係一個人生嘅經歷,而唔係會阻礙自己前進,因為條路仲好長,事實上唔可以滿足成個social media,或者呢個世界嘅所有人,惟有做好自己珍惜每一日,疫情下令我深深體會到,有好多嘢真係唔係理所當然、亦唔係永遠,冇諗過我去呢個event都會起晒雞皮,10幾年都冇試過,有啲嘢真係要珍惜同好好享受,反而而家着重呢樣嘢多過諗返以前嘅。」

柏豪叫大家放心,他透露稍後會拍劇及開演唱會:「嚟緊馬來西亞演唱會都會宣傳,內地嘅如果係拍劇幾個月就會做,不過如果只係商演,來回隔離28日,就費時失事,要衡量過,我當然偏心我個女同老婆,唔想miss咗個女成長,咁樣就算拍10部劇都買唔返。」問到是否擔心上大陸會被小粉紅狙擊?他說:「係關疫情事,其實一直都有商演傾嘅,但如果只係為咗1個活動而去,就唔敢博喇,隔離咁耐唔知發生咩事,我係一家之主,要同個女沖涼,因為老婆唔夠力,個女28日冇沖涼就弊傢伙。」柏豪再三強調不會擔心因政治風波影響在大陸的發展,坦言現時分別有電視劇及電影上映,他謂:「由頭到尾都冇人話過有問題,嚟緊仲有4部電影上,所以從來都冇問題。」

https://hk.appledaily.com/entert ... ulYSQluFqvYr3tDpeCs

感想:有乜咁好喊?
對呢條友真係越黎越反感
再將我相信的如煙火般綻放

如果適應唔到而家個social media環境 quit左仲好過

TOP

呢個世界淨係得你喊?

TOP

本帖最後由 阻住 於 2020-10-17 12:37 編輯

而家做每樣嘢都會諗清楚,因為而家隨時犯法、影響其他人、甚至影響自己將來同前途,而家我會再諗清楚啲,post之前要再諗清楚先撳發表個掣,但有時都仲會係串錯字,仲係post錯嘢。

係咪講緊驚犯香港自治法俾侵侵制裁? 仲要話串錯字唔係打錯字...

TOP

佢最唔好係post過止暴制亂,其他都冇乜大問題

TOP

入TVB後 flop到.... 完約先出黎講野啦

TOP

佢最唔好係post過止暴制亂,其他都冇乜大問題
Serendipity 發表於 17/10/2020 12:50
唱再出發唔計?

TOP

入TVB後 flop到.... 完約先出黎講野啦
henhenhen 發表於 2020-10-17 13:45


明明華納時期嘅周柏豪好好多
同行 自由意志出呢啲歌 我都like
入咗星夢後變晒
又like何妖微博 又止暴制亂
再將我相信的如煙火般綻放

TOP

讚好何君妖真的接受不了
2024年最幸運,最幸福嘅,幸定就是李~!

TOP

好學唔學學楊小姐係度喊
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

TOP

「而家做每樣嘢都會諗清楚,因為而家隨時犯法」
《數愛》是香港女歌手謝安琪將於不日推出的第三張國語專輯,是她第十三張專輯。

TOP

喊? 真係黑人問號

TOP

佢真係抵死。講止暴制亂,like何妖同唱再出發,跪住奶結果人地唔領情

TOP

不如佢都係返去專心湊女做返好爸爸好老公
再將我相信的如煙火般綻放

TOP

既然咁大壓力點解要發明星夢做藝人呢?不如退出娛樂圈學人搞下生意啦
I dig my fingers in expecting more than just the skin~

TOP

事實上唔可以滿足成個social media,或者呢個世界嘅所有人
kaman921 發表於 2020-10-17 11:53

所以佢選擇滿足嘅對象就係中國人和藍絲們

TOP

真係痴線 躝啦
SUNDAY MUSIC CHART WEEK 12
1. 自我反省 2. Little Love 3. Control Freak

TOP

要做藝人就預左嫁啦,唔可以有任何發言

TOP

其實佢之前”紅“係因為包裝得好同埋識擦鞋,估唔到佢入左TVB反而老貓燒鬚,佢除左個樣有型之外唱歌同演戲都唔掂,所以依家得到如此下場都合理。
I talk a lot of BS.

TOP

其實佢之前”紅“係因為包裝得好同埋識擦鞋,估唔到佢入左TVB反而老貓燒鬚,佢除左個樣有型之外唱歌同演戲 ...
angelicdestiny 發表於 2020-10-18 23:45


一直都覺得佢嘅路線好似90年代嘅鄭伊健,賣樣加好形象
雖然入咗星夢後歌唱事業冇進步,但感覺佢入屋度高咗,佢都係追求呢樣,始終佢歌藝有限唱歌應該冇乜大發展

TOP

返回列表