- 積分
- 3347
- 貢獻
- 202
- 參與
- 3105
|
何秀萍 fb 分享,佢14號晚都有去現場呀!
//
其實我份人唔中意解畫,又賣仔唔摸頭,更加不好為人師,總相信有啲嘢你明就明,唔明就罷⋯⋯
吖,點知今晚<達明一派Replay Live> 裡面唯二令阿明仔唱時感觸落淚嘅歌詞都係我寫嘅,咁我覺得有啲責任令今晚至第一次聽呢兩首歌嘅(年輕?)人明白多啲嗰啲唔夠直白,文藝過文藝嘅字究竟講啲乜囉⋯⋯
《情流夜中環》
青春少艾,精力過剩的我們,最愛夜聚於中環,流連大街小巷。中環的日與夜,是兩種截然不同的風貌,最熱鬧的地方有最深的寂寞,最繁榮的城市背後有惘惘的威脅。然而年輕就是任性,抓住剎那歡愉是正經。
多少年過去,今天的中環,已經不是我們忘情流過的中環了。
《開口夢》:30年前嘅6月同舊年嘅6月一樣,全香港人都通宵睇住電視新聞直播,唔想瞓亦瞓唔著,唔同嘅畫面衝擊住我地嘅「神經」,深深刻喺我地嘅腦海。昔日北京有民主牆,今天香港有連儂牆,牆上密密麻麻嘅字句,我同你記得嘅都唔一樣,大家記住嘅有幾多,忘記咗又有幾多?有時但願嗰段日子發生過嘅,親眼目擊嘅,親身經歷嘅,都只不過係發咗一場惡夢。
夢裡夢外,交呢首詞嗰陣大概係89年秋,我最想同大家講嘅係:
「我歌我哭我笑我再默然沉睡
我醒我知我驚見星轉月移
我思我想我怕我會心意變灰
我寫我講我要唱出我夢」
// |
|