Gin Lee 傷心消瘦 拒回應是否繼續做環球一姐
歌手李幸倪(Gin Lee)因愛貓「芝麻糊」離世大受打擊,近日更疑患抑鬱突然失蹤。今日她首度現身宣傳新碟《Dear Secret》,身穿深色連身裙的她明顯再消瘦,問到她心情如何?她坦言比之前好好多:「今年情緒波動較大,好容易受少少嘢觸動而喊。(會唔會驚有抑鬱?)又未至於,我覺得自己OK嘅!慢慢每一日都好啲,知道經歷失去係必修嘅一課,每個人需要平復嘅時間都唔同,我又唔會迫自己冇事,會接受、勇敢面對,我畀自己傷心,但唔會畀自己沉淪、有太過灰暗嘅情緒。」
問到她早前為何突然失蹤數天兼Post喊片?Gin Lee自言沒有失蹤,只是想放下工作留家休息,暫離社交平台:「可能工作上我係秒覆,嗰幾日自己想休息,準備心情迎接出新碟同新歌,除咗心情上有起伏,自己都真係好忙要休息,搞到同事擔心,所以佢哋籌備呢個活動畀我放鬆。」遠在馬來西亞的家人亦非常擔心?她笑話有向家人自首、報平安,還懂得開玩笑反問家人為何沒有主動關心:「家姐話唔敢問,我話冇事,會慢慢好番。」
講回新碟,Gin Lee自爆出碟前心情好緊張、好複雜,不能好好進睡,因為新碟將揭露好多自身秘密、脆弱一面:「隻碟都使唔少錢,啲MV係電影製作,質感、質素都好唔同。(咁揼本,繼續做『一姐』?)又講呢啲!我用心造碟,公司又全力支持,好好呀!」
討論重點:OnCC又同球記夾新聞 好煩 個人意見:搞到好似Curry同Hana咁 好肉酸
https://hk.on.cc/hk/bkn/cnt/entertainment/20201120/bkn-20201120164654986-1120_00862_001.html
ONCC 20/11 |