返回列表 發帖
首歌最正係借用樂壇同年輕一代打氣
在這畢生不滅 無極的狀態

TOP

小克坦言,起初只是「諗住自己玩吓,擺上網就算」,隨著王雙駿加盟「件事就好專業」。緊貼樂壇的讀者可能已經發現,小克、吳林峰、王雙駿的「鐵三角」,早在 MIRROR 成員 Jer(柳應廷)主唱的《迴光物語》碰頭。去年 10 月,《迴光物語》成為商台冠軍歌,Facebook 專頁「King Jer娛樂台」分享喜訊後。不少網民留言就直指「未聽過未見過,唔知乜水」、「邊位?」、「完全唔識」,更有指「香港樂壇已死」。

三人再次合體,發起創作《樂壇已死》,似乎早有伏線。

更耐人尋味的是,負責和音的「樂壇已死大合唱團」12 名成員,包括鍾舒祺、符家浚、謝芊彤、謝芊蕾等,全部來自獨立單位。眼利的樂迷可能留意到,合唱團名單卻只有 11 個人的名字。有傳最後一人正是曾被揶揄是「乜水」、今年在叱咤獲生力軍金獎、屬主流唱片公司的柳應廷。《樂壇已死》MV 今日發佈,片末唱到「香港歌手不會死」一節,柳應廷現身,似乎已說明一切。

如此神秘地處理,負責埋班的王雙駿強調,做法獲當事人同意,說:「聽隻歌嘅時候自己去搵啦!唔係咁神秘嘅啫,只係想個 focus 喺件事嗰度,多過我有邊個嘉賓,所以我哋低調處理第 12 個人。」

https://www.thestandnews.com/cul ... 好放棄年輕人/
在這畢生不滅 無極的狀態

TOP

https://www.instagram.com/p/CKl3AsdHaMx/


我都係最近先知原來「小區」兩字來自蘇聯嘅地域管治,「小區」依家對大陸平民則是「屋苑」咁解,但响呢首歌呢個位並唔係以上兩個意思,而係老區舊區(啱音嘅話我就落咗啦),承接之前的「小店」,想連貫地表達當中「自家經營」及帶點卑微的感覺,個「小」字純粹係一個形容,怪只怪自己唔夠敏感。咁你話唔用「區」字得唔得?都得嘅,但响呢個位又唔捨得「店」同「區」兩個貼地嘅意象連結。況且「小區」源自俄文,咁即係翻譯啦?咁如果當初翻成「微區」,今日用「小區」係咪就無事了?當然「社區」可能係最好啦,但你睇呢幅相,係我屋企附近嘅一個「社區」,你哋唔會知係乜我話你知:成個統戰部office就係响入面二樓!喂如果咁講,係咪又連「社區」都唔應該用呢?


咁你問如果早知會令到聽眾哽耳,我仲會唔會落「小區」呢?咁又真係可能會揀唔落。

係呀填廣東詞已經難,要兼顧文言書面口語詞意詞風音調韻調雅俗語境正字俚語仲有詞源,呢碗三及第裡面殼殼都係血淚。語言本來只係為咗方便溝通,但家陣已經變成乜都政治行先嘅年頭,落筆步步為營自我審查,其實真係有啲辛苦。

當然,有執著有理念係好嘅,我下次會更謹慎小心,同行唔知又有乜睇法?



在這畢生不滅 無極的狀態

TOP

在這畢生不滅 無極的狀態

TOP

返回列表