同Edan齊單飛 肥仔狂碌人情牌兼倒貼

losyes

舊年《全民造星》出身歌手，在樂壇真係幾威威！新人的Jer（柳應廷）和Anson Lo（盧瀚霆）＠MIRROR成功喺頒獎禮攞到新人金獎，而今年有呢期勁紅Edan（呂爵安）＠MIRROR同ERROR隊長肥仔（梁業）接力單飛，推出新歌《E先生連環不幸事件》同《Lady Killa》。Edan單飛搵到猛人黃偉文（Wyman）寫詞夠晒面子，不過跳得的肥仔仲勁，新歌竟想挑戰韓國天團BLACKPINK韓式勁歌熱舞，處女MV製作成本高達百萬。原來兩人聽到花姐一句「睇你今次成績先決定有冇下首歌」，所以實行玩All In，搏盡！

成為首個MIRROR成員邀請到Wyman填詞，Edan超緊張，加上聽到監製Edward Chan話：「Wyman唔畀人咬唔正佢啲詞㗎！你要加油呀！」令不嬲咬字都唔多掂的他唯有加緊練習，「我每日讀報紙去校番啲讀音，我喺香港出世，但係爹哋媽咪係大陸人，學廣東話跟佢哋學唔係咁純正，但錄音咬字好緊要。」早前Edan同《頭條》事先張揚想搵Stephy（鄧麗欣）做MV女主角，但最終放棄咗，「出唔起錢？我願意出錢嘅。啲錢去晒肥仔個MV度？哈哈！」肥仔笑言：「我out bud out到打電話，『喂！阿爵爺你個MV點樣呀？未搞掂不如撥啲（錢）過嚟呀！』」

做得唔好驚冇下次

肥仔解釋超budget，除邀請20多位舞蹈員伴舞，還因太貪心，「我賣點係跳舞，淨係搵4個咁跳好弱，好彩我人緣好，叫啲朋友幫吓手半拍膊頭，有方方、Tank。入面仲有啲武打場面，搵咗特技人同吊威吔嘅人員。（Edan：同肥仔同期出歌好大壓力！）如果計足收錢，真係要過百萬嘅，花姐應該斬死我，不過後面都係自己嘔出嚟。實際用幾錢？一定有六位數字，實際out幾多就唔講啦！自己嘔幾多都唔好講啦！」原來MV拍足兩日，後期仲要加CG，連花姐都忍唔住話：「Edan你走先啦！」睇見Edan扮晒喊，肥仔即時補充：「MV故仔講《Lady Killa》以吸血鬼獵人去包裝，有啲CG嘢先幫到吓手，唔係就流得滯！」不過Edan明白肥仔瞓身內情，「都要㗎！分分鐘係我哋唯一一首歌嚟！」因花姐講過，「睇你今次成績先決定有冇下首歌。」肥仔說：「死啦！做得唔好冇下首歌喎！係咁掉錢落去，All In啦！」不過，肥仔覺得倒貼都值得，「係自己嘅投資，有機會單飛喎！我今次嘅曲風偏向韓國，你當香港BLACKPINK都得，因為有個夢想，有一日可以企喺MAMA台上，自己又唔係冇能力做，話廣東話配落韓國曲風好難？！我做畀你睇，都係唔好咁囂張！（Edan：你啱啱囂張完，BLACKPINK喎！）哈哈！」






跳唱歌有個勁嘅mv真係幫到好多，希望肥仔今年會有第2,3首solo

風見志郎

enough，everyday is mirror error，give me ada

losyes

enough，everyday is mirror error，give me ada
風見志郎 發表於 2021-1-27 10:06

呢個？




今年Mirror/Error應該個個月都有新solo/團歌，年頭派到年尾，有排你睇

gocrazy

個個月都有鏡仔出新歌好幸福
睇預告片edan同肥仔兩隻MV都好正

on07111

enough，everyday is mirror error，give me ada
風見志郎 發表於 2021-1-27 10:06

呢版熱鬧左好多
睇返年中6月得3個新post，7月6個新post，八月7個新post。今年一月已經三十幾個新post


btw反OT, 喜歡祖兒登

風見志郎

呢個？
losyes 發表於 2021-1-27 10:11

又幾似江小姐

gocrazy

呢版熱鬧左好多
睇返年中6月得3個新post，7月6個新post，八月7個新post。今年一月已經三十幾個新 ...
on07111 發表於 2021-1-27 10:37

鏡仔同造星相關嘅占幾多個？

Kkki

好期待Edan首歌啊

Garfield

呢版熱鬧左好多
睇返年中6月得3個新post，7月6個新post，八月7個新post。今年一月已經三十幾個新 ...
on07111 發表於 2021-1-27 10:37

CM娛樂新聞台要搞一個 年度十大娛樂新聞

on07111

反OT: 香港做跳唱歌手成本咁高，希望肥仔仲有歌可以出

CM娛樂新聞台要搞一個 年度十大娛樂新聞
Garfield 發表於 2021-1-27 10:49

根據點擊率，上年頭五位係謝安琪被指雙面人， 周柏豪出紅歌，AL被指fans買點擊率， 小肥come out， 楊千嬋25週年贏陳奕迅爭到冧莊跨年紅館騷


千千好勁

mrshadowll

反OT: 香港做跳唱歌手成本咁高，希望肥仔仲有歌可以出



根據點擊率，上年頭五位係謝安琪被指雙面人， 周 ...
on07111 發表於 2021-1-27 11:12

都係阿kay紅

kayzzz

咁edan係咪雙非？

樂壇之鬼

edan偷跑 lol

樂遊

聽哂兩首
Edan首歌只能講穩陣 大路嘢應該多人會 Loop
肥仔首歌反而有驚喜 洗腦歌 如果有 Rap 仲正
同埋聽一次已經好想快啲睇到 MV 睇隻舞

gocrazy

聽哂兩首
Edan首歌只能講穩陣 大路嘢應該多人會 Loop
肥仔首歌反而有驚喜 洗腦歌 如果有 Rap 仲正
同埋聽 ...
樂遊 發表於 2021-1-27 14:17

風格唔同，兩首都好值得loop
期待edan下首會帶另一種風格比大家睇

samxdxd

enough，everyday is mirror error，give me ada
風見志郎 發表於 2021-1-27 10:06

   唔緊要，等我出返堆許廷鏗胡鴻鈞中和返

chachacharlie

Edan 首歌唔喺電台聽觀感好左幾多下

stephybest

「我每日讀報紙去校番啲讀音，我喺香港出世，但係爹哋媽咪係大陸人，學廣東話跟佢哋學唔係咁純正，但錄音咬字好緊要。」早前Edan同《頭條》事先張揚想搵Stephy（鄧麗欣）做MV女主角，但最終放棄咗」

重點1：想搵美音做主角
重點2：父母係大陸人

kimjj

聽完覺得肥仔首歌唔係好似佢把聲，旋律無乜，主要係比人un下咁。

Edan嗰首大路情歌，曲好聽既，但明顯聽到唱歌仲係初階

Kkki

首歌既曲好好聽 特別段solo鋼琴