李幸倪率陳凱詠P1X3L開年 望疫情退散冀2022再踏紅館

Garfield

轉眼間牛年來臨，但因為疫情影響，新一年仍有很多未知之數。一班年輕歌手李幸倪（Gin Lee）、陳凱詠（Jace）和男子組合P1X3L等決定相約在一起熱熱鬧鬧來一個快樂開年好開始。因口罩仍是近來大家的必需品，他們決定搞搞新意思，在口罩上設計充滿新年氣氛的圖案，祝願新一年大家都身體健康，世界充滿愛。

年輕一族對新年的傳統習俗未必太講究，Gin Lee跟Jace也喜歡趁農曆年跟家人旅行，但今年有疫情，沒有機會去旅行，Gin Lee更與家人分隔三地：「家姐、父母同我都喺唔同地方，今年第一次唔係同家人一齊過。試吓視像食團年飯、拜年，約好咗時間，爸爸媽媽都悶，一家冇試過咁樣視像。」以往的新年，Gin Lee堅持盡量有假放，「試過有一年冇攞假，嗰年初四有音樂會，但好後悔囉！因為係初四做騷，之前備戰就住唔玩唔食，好似冇過年咁。當完咗騷，初五想玩但其他人就返工，錯晒！所以嗰次好似冇過年一樣，覺得除非有好緊要嘅工作，如果唔係都盡量攞假。」

Jace的父母喜歡泰國，所以農曆新年習慣一家人到當地旅遊，她笑說自己似泰國人：「同學以為我係泰妹，返鄉下。而且我又似，每年農曆年都去喎！仲唔係泰國人？膚色都因為每年去所以有『補色』。後來都唔解釋，但一講泰文就穿煲。」雖然家人不執着傳統習俗，但Jace亦會向父母斟茶兼講恭賀說話，覺得應該向母親學沖茶，把傳統承傳下去，Jace亦覺得可以嘗試學沖茶。
新年新希望，Gin Lee和Jace不約而同希望有實體騷能跟歌迷互動，Jace在去年尾被緋聞纏身，被指與顧定軒和導演陳健朗陷入三角戀，她希望新一年緋聞不要再炒旺下去：「緋聞唔好炒旺，旺係好，旺事業好啲，炒吓啲歌聽吓就夠，我而家同工作拍拖，好熱戀相愛。」而Gin Lee去年未能舉行實體個唱，舉辦網上音樂會儲足經驗，希望2022年能舉行實體演唱會再踏紅館舞台。

P1X3L三人反而較講究傳統，George跟家人十多人每年會堅持一起食團年飯：「要全部人在場，一定要齊齊整整，食完飯就食湯圓。今年疫情要喺阿嫲屋企食，齊人好熱鬧，之後通常會一齊玩魚蝦蟹應節。」Marco表示家人希望花開富貴，所以每年都會買桃花；而Phoebus就趁新年跟母親親近：「我每年都會錫佢，平時唔會錫，（新年）有一個契機，媽咪鍾意聽祝福佢後生、青春嘅祝福語，講完一連串後我就錫佢一啖。」

今年P1X3L三人都會雙線發展，同時參與ViuTV的劇集和節目，但他們在娛樂圈剛起步，雖然參與過《全民造星II》，但網民對於這個組合不看好，大呼「唔好啦！」不過他們沒有因此意志消沉：「唔會被打倒，抨擊好少，但起碼有人留意。可能要啲時間消化，第一次睇可能覺得我哋唔係好襯，但隨後發表更多作品，可能會改觀。會將大家講嘅嘢化為動力，希望未來作品做得更好，然後鍾意我哋。」

Garfield

討論及個人諗法：
1. 點解環球要分開Gin同Aga 以往都孖公仔。一加一同獨一無二都好高view，希望佢地有第三部曲！
2. 環球好international，有馬拉妹，菲妹，同泰妹！
3. Gin再開唔開到紅館，期待新碟有新風格，可能有跳舞，期待











Source :

https://hk.appledaily.com/entertainment/20210213/PNXBIRY3CVGM7HLSPD34S4KQTU/


(有片)
https://hk.appledaily.com/entertainment/20210213/JIN35WTQGNH4XL6AXTS3UJMH7Q/

Garfield

gin 有咩資格同aga 一齊出現丫
一個小子 發表於 2021-2-13 12:25

Gin singing:
自問自己只不過第二
更了解沒理據爭取你這位置

Garfield

Gin Lee 話兩年內結婚
616.1314 發表於 2021-2-16 00:30

姐係Gin仲有2年博殺 工作計畫去到2022年紅館
但唔知2022仲有無疫情同政治動盪，開唔開得成都係問題 希望佢順利。。

佢真係有拍緊拖？  係真就好，最終事業都都唔及家庭重要。。





／／


記者：你露咗出黎
片中果果畫面亦露出事業線

Garfield

Gin Lee 話兩年內結婚
616.1314 發表於 2021-2-16 00:30

「環球大師姐」Gin Lee（李幸倪）孖男子組合P1X3L三名成員Phoebus、George及Marco及Jace（陳凱詠）迎牛年。因疫情關係，首年未能返馬來西亞和家人圑聚的Gin Lee，只能靠視象食圑年及拜年，提到留港有富貴男友陪不愁寂莫時，即發自內心的冧笑，又連講7次「係好朋友啫」，被取笑已真情流露時，她緊張到講錯話：「我紅都面晒，交唔到戲呀。」再欲拉開話題：「我新碟第二版，顏色唔同咗。」


剖白心底話
她多番強調工作很重要，但問到何時嫁人？她終於肯剖白心底話：「近排成日都諗離開屋企都11年，我好掛住爸爸、媽媽，佢哋又開始老，希望呢2年做到最好，試唔同嘅嘢，之後可能會Take a Break，你明啦，但完全唔做唔知啦。（嫁人後返馬來西亞？）未知，（都要問吓男友意見？）我覺得兩邊（走）都有可能。（男友畀你好大自由度？）冇乜人可以控制到我喎。」又指男友和父母關係良好，直言：「我所有嘅朋友都係爸爸、媽媽嘅朋友同屋企人。」因此她未來已定下大計，因2年時間好短，所以要跑快一點，現已籌備下張碟。
講到雖然表現好，可惜獎項上卻差強人意？她自言沒有難受感受，不過最大感覺是：「身邊人、網民激動過我，着緊過我，覺得幾安慰同開心，呢樣嘢對我更加重要。我寧願啲人戥我唔抵，有人在乎重要過獎項。」談及Phoebus及George表示喜歡她，她說：「開心公司有小鮮肉，我覺得佢哋好得意、好怕醜，我鍾意怕醜嘅男仔，希望有合作機會，我嚟緊都有跳舞作品。」


Jace對於Marco話很冧她，她說：「受寵若『驚』，我哋第1次見，佢好Cute、好羞澀咁，搞到我本嚟唔醜都好怕醜。（佢唔肯同你表白？）表白又唔好，佢鍾意聽歌啫。（佢話鍾意你個人）咁都…開心嘅。（接受佢追求？）咁又唔好，辦公室唔好有戀情，佢太細個，立即令我太老成。」


P1X3L希望新一年能得外界認同：「鬧我哋外，都知我哋有好嘅一面。」問公司最愛哪位師兄師姐？George和Phoebus說：「鍾意Gin Lee師姐，鍾意佢啲歌同好靚女。」Marco就話偏愛Jace：「聽《隔離》呢首歌就開始鍾意佢，好開心同佢一間公司，其實貼錢打工都諗得過，影幅相都好開心。」


原來
Ｍarco鍾意Jace
Geroge同Pheobus鍾意Gin