陳柏宇(Jason)繼〈感情這回事〉及〈哪個明日〉後，於今日推出新歌〈悔過書〉。〈悔過書〉不論在歌曲編製上，以至MV拍攝，整個過程都是一絲不苟，令Jason讚不絕口。 〈悔過書〉來到故事最後章節，其實唱片監製Edward Chan及負責編曲的Ariel早已設計好三首歌的格局：〈感情這回事〉是樂章的前奏；〈哪個明日〉是中段，因此有較長的純音樂部份，而〈悔過書〉則是終站，三首歌曲由樂器運用到Key到整體氛圍都刻意做到一致性，編曲上亦做到前後呼應。
Jason表示：「如果細心去聽，就會發現今次〈悔過書〉嘅Outro (歌曲結尾)係同〈感情這回事〉嘅Intro (歌曲前奏)互相呼應，連同〈哪個明日〉，呢3首歌喺結構上、選擇音色上、音樂表達手法上都有仔細諗過點樣將佢哋互相緊扣，所以係可以連埋一齊聽，係一個循環。」在錄製的過程中，Edward與Ariel亦按Jason的演繹，不停修改編曲，令曲詞編唱更能融為一體，有別於過去的流水作業式錄製方式。
歌詞內容上，陳詠謙形容為「寫俾自己嘅悔過書，怪自己之前活喺人哋眼光之下，差啲想放棄獨當一面嘅自己。最失敗嘅人，就係怕犯錯嘅人。」而每一句歌詞，就像是為〈悔過書〉MV的每個畫面加入註解，而Jason再度以說書人的身份走進畫面，見證MV中故事主人翁葉麗嘉與歐日昇的愛情。
Jason說：「今次以一shot過拍攝，之前我喺〈霸氣情歌〉都試過，但今次有其他演員加入，鏡頭內外要互相配合，都好有新鮮感。」〈悔過書〉作為終結，揭開整個音樂故事的來龍去脈，必然令樂迷恍然大悟，但Jason仍請大家多留意場景內的細節，因為工作人員都下過一番苦心，這也叫Jason格外欣賞，他說：「今次我最鍾意就係場景set up，由牆身到地下，以至陳設都好靚，4間房代表唔同嘅時日，牆上唔同嘅相片、日曆等都有hints，等大家知道故事嘅發展，所以我要高度表揚佢哋所花嘅心思。」 | 
發表於 2021-3-7 11:33
| 