losyes

欣賞柳兒不斷踏出comfort zone俾驚喜樂迷
好鍾意呢個曲風
香港真係好少歌手會敢試
令我諗起蕭敬騰

要慢慢消化歌詞同編曲
但5 fun for sure

losyes

如果長期要某某同某某比，唔客觀，同無乜實質既討論性。不如你翻去聼某某D舊歌好啦
首播時的確無物語系列順耳。元素太多，第一次會難消化。
聼多几次，首歌綜合真係好豐富，有層次。首先發現 Jer 既辨析度中低係比較模糊，所以開頭有D唔似距。
Junnnnnn 發表於 2021-3-18 04:33

我反而鍾意介乎認到同認唔到佢嗰個感覺
好有新鮮感, 好似搵返初戀咁

losyes

Carl叔叔差唔多年年都會有一兩首歌俾人話音樂太大聲

認真講，個人覺得有啲歌好順理成章要突出vocal，
但係都有啲歌講求人歌合一，人聲可以係其中一種樂器，樂器又可以用嚟表達歌詞嘅意思
無啱定錯，係睇做歌嗰個想點表達嘅啫

losyes

話時話我又真係由琴日2點開始冇聽過其他歌咁濟
  係咪得我一個會不停單曲循環呢首 ...
foreverkontinue 發表於 2021-3-18 17:11

我都不停聽

losyes

似蕭敬騰多過eason
timc524 發表於 2021-3-18 23:12

其實係

部份人淨係講得出陳奕迅因為香港已經搵唔到另一個更接近嘅例子 (Maybe nowhere boys?)
That’s why 好值得支持下，鼓勵做多D多元化嘅音樂

losyes

補返足本訪問link:

losyes

首歌高汁過樂壇已死
beethoven250 發表於 2021-3-18 23:51

個人覺得吳林峰作嘅旋律弱左d
rubin01 發表於 2021-3-19 00:02

估唔到同一個班底會做兩首咁唔同嘅歌

吳林峰應該唔擅長作好有起伏嘅旋律but good try

losyes

最後廿秒嗰位好似狂人mv女主角

losyes

同意 聽幾次都抓狂啦
kenneth 發表於 2021-3-19 01:21

咁可能真係多左好多人留意柳新歌

上到KKBOX四榜第一位

losyes

狂人試造型
mm7

losyes

唔夠2日已經有100人投票

柳兒好紅

losyes

唔明咁嘈。點解有人可以全日狂聽。。Mute左當聽緊。。
kk8733 發表於 2021-3-18 20:09

自暴其短。。。
kk8733 發表於 2021-3-19 15:57

點解同一個comment琴日quote完今日又quote多次咁搞笑嘅
係咪想推到uncle siu覆你

losyes

終於唔似師奶
kwanie 發表於 2021-3-19 14:26

我都麻麻地佢近月個髮型
不過剪短左+呢張相個角度ok

losyes

節錄from吳林峰ig:

過左兩日終於有時間分享一下首歌係創作背後嘅故事。今次有點長，抱歉！

記得初初收到指示嘅時候，知道Jer兄今次要玩首咁嘅style 嘅歌，我係興奮到痴線，講真，係自己係度構思嘅時候係無啦啦咁係度大笑。

個原因係因為其實自己一直都好想寫哩type 嘅歌，但成日覺得好似無咩人會肯去試，所以當知道可以寫首咁rock 咁Dramatic嘅歌時候，真係好似「阿媽！我得左啦！」咁，所以哩首歌我寫得好enjoy！好爽！

跟住，都幾多人問「喂首歌真係好唔似你平時，你點寫ga？」個答案係「打機」！

的確，今次《狂人日記》真係自己好大嘅突破，雖然好似上面所講我好想寫哩type 嘅歌，但問題係我無寫過even 唱都無試過，所以一開始嘅時候我係極度苦惱嘅，點都落唔到筆，個下我係真係好似精神分裂咁係度試，越試就越嬲，跟住連續兩日構思無果後我就決定放底下返去打個機....

然後，我好記得我個下返到屋企攞起手制，Carl叔叔就問我「喂首歌寫成點啊咁～～」跟住我心虛即刻話「差唔多la，就寫好啦咁」（對唔住，我認我錯！抱歉Carl叔）

然後覆完佢之後，我完全投入唔到係打機嘅世界度，我仲要玩緊「隻狼」，係咁死，真係就嚟痴線，越玩越燥！（如果你有玩隻狼你就會明我講咩，然後證明我地都係毒男）

然後，係極度無奈同燥底嘅情況底下，我想到點寫了......

一開始我所收到嘅主題係「發狂」，同埋Jer兄有話今次佢係想講一個靈魂重生，經歷唔同時空嘅自己，簡單來講就係一個有精神分裂嘅痴線佬啦～

然後我突然覺得，其實佢所講嘅嘢其實同現時打緊機嘅自己好似，唔知大家覺唔覺，當你打緊機嘅時候，你會好自然進入左遊戲入面你所控制嘅角色，然後自然地就會同個虛假角色一齊感受緊張，開心同憤怒；但個電視螢幕反射出來嘅自己其實係成個廢人咁用個有別於常人嘅姿勢訓係度or坐係度，仲要當刻我卡關，真係好x嬲，但其實哩個感覺同畫面咪同首歌有莫名嘅聯繫。

於是，我個下好興奮，凌晨兩點幾好high咁同jer講我知點寫啦，之後即刻飛返去studio繼續寫～

然後就完成左第一版嘅demo，之後再改改改，最後就係大家依家聽到嘅版本啦！

losyes

要化狂野妝 畫眼線 紋身
stephybest 發表於 2021-3-19 16:23

相比過往一日拍哂, 今次MV好似好花時間
專登分開拍條Teaser, 但係原來又未試造型
唔知幾時先真係開拍/拍完
不過唔同姜濤撞都未嘗唔係一件好事
唯一希望係今年sheng負責哂3首, 可以有多啲連貫性

losyes

覺得音樂太大聲嘅可以聽呢個版本

losyes

d人成日話佢似林宥嘉，其實我一直覺得佢handle蕭敬騰嘅歌係做得好d，Mirror First Concert唱王妃係好驚艷 ...
hkaddoil 發表於 2021-3-21 10:48

你搵到未？YouTube有
其實都炒炒地，不過佢造星完全無得發揮咁濟，突然咁rock應該真係好驚喜
造星2全是愛就真係唱得好左好多，但係國語發音到宜家都係佢弱點

losyes

揾到啦，我個時特登問當時嘅柳fc admin佢話無，我死唔斷氣之後搵到你而家呢條片
同意國語發音係佢 ...
hkaddoil 發表於 2021-3-21 12:02

無睇哂，不過印象中聲林之王導師同參賽者都好高質，台灣有呢啲節目係樂迷之福

losyes

呢個post寫得幾好 https://www.instagram.com/p/CMwnfTogTq_/

|蒼生種萬年傷口 因果因 果因果 永沒有出口|
.
很多時候當我喜歡一首歌，我都會單曲循環又再循環。這首歌於我是一聽鍾情那種，但彷彿有限額一樣，不敢聽太多遍。第一下看到歌曲名字，自自然然想到魯迅，馬上認真讀著歌詞聽了兩遍，又覺太血淋淋，只得做其他事轉換心情。
.
若問我，自小我已經覺得大部份教條都是莫名其妙的。後來讀了多一點書，再加上社會和職場的種種，我已完全無法理解什麼叫正常。如詞人寫的「美滿事業」和「購置物業」，不是不好，但又為什麼一定是好的呢？《狂人日記》就是挑撥著這些思緒，它表面寫著「狂」，實則說著「常」，如果「常」是「狂」，那麼「狂」是我們該追求的嗎？可是，當大家都那麼習以為常，我又無法證明「狂」才是「常」。
.
另一樣讓我覺得血淋淋的是歌者，看來還是一臉稚氣的他唱著「蒼生」、「因果」和「共業」，好像有點太殘忍了吧？我上網查一下歌者的年紀，原來跟我差不多。自覺不算年輕了，但由他來唱對世界的質疑，還是不減殘忍。因爲他看起來更年輕，甚至頓時喚醒了我心中的老人靈魂，讓我想到我城好多孩子，年紀小小就和體制角力，遍體鱗傷。
.
大抵這就是世界最真實的一面：無分年紀，大家都在寫著狂人日記。

losyes

比佢上年物語系列高難度左咁多嘅。。。
有d替佢擔心唱live會失控
mchan816 發表於 2021-3-26 18:52

會瘋狂fing頭

losyes

宜家唱返水刑好effortless

losyes

最狂係編曲, 聽日有MV喇
junku 發表於 2021-3-27 22:05

今晚8點!
睇teaser已經覺得好勁, 係另一個層次

losyes

等MV
lmml4 發表於 2021-3-28 19:24

嘩張cover
應廷好壞

losyes

OMG 個MV完全打破一般人對鏡仔嘅固有形象
我愛花姐 花姐好嘢

losyes

有冇人解釋下個MV講咩? 唔係幾明
個女仔係JER?
Pure. 發表於 2021-3-28 20:12

應該係抽象地講緊同一個靈魂輪迴嘅三個人生

不過仲有好多細節位要慢慢睇多幾次

losyes

我見MV個description寫:

「『重生』系列三部曲，記錄靈魂三次轉生 ... ... 第一生，《狂人日記》。 ...
Pure. 發表於 2021-3-28 20:35

雖然都有可能

不過Sheng之前拍MV都經常唔會跟足首歌原意的

個description係純for首歌

losyes

MV credit見到
Sound design: Hirsk
Song title: Kendy Suen

losyes

有個英國人拍左reaction video

losyes

派台撞姜濤
MV撞醫人

losyes

個MV有美Jer師奶, 香煙, 毒品, 美男子大戰, 會唔會好似Gin香煙美男子被RTHK banned架? ...
boy4dudes 發表於 2021-3-30 15:26

鏡打鏡 + YT黃標 + (如果)港台BAN = 狂人連環不幸日記

losyes

【狂人日記MV伸延閱讀：】

三個不同維度的人，在同一地方，不同空間地遇上。

伯伯在嘗遍人生百態後，
選擇寫下大悲咒予後世，
藏在盒中，上吊自殺。

死後的世界，
藍色/黃色的花
連繫着不同的維度空間。

黃花：rock star

「狂」= 放縱
縱毒、縱名，
以迷幻音樂麻醉自己
以狂妄自大自居。

藍花：model

「狂」= 縱名、縱慾
由身邊工作的女model
到女model的男友，
試圖mix up哂身邊所有關係。

正當model同rock star
enjoy放縱自己之際。
腦海中閃過伯伯生前領悟，
再而自殺的畫面。

【後記：靈魂擁有記憶，肉體死亡，記憶都會跟隨到下世。】

伯伯的記憶，
於兩人腦海響起後，
兩人前往腦海中的「雲吞店」，
尋找伯伯留下在信內「那個屬於世界的真相」。

「當你了解哂所有真相後，你會選擇醒覺嗎？」

1. Model後悔，選擇改變
2. Rock star拒絕相信，否認一切，繼續忠於自己的「狂」。

人生一切都是「選擇」，靈魂來到世界之前--------都是「選擇」。

而「狂」只是常出現於「人生課題」之其一，一切東西會重覆出現，只是說明在「該」課題的學習未夠。

https://www.instagram.com/p/CNFBCvmA1i5/

losyes

愈loop 愈正
真係好瘋狂
好想聽柳現場唱呢首
Jason0223 發表於 2021-4-3 11:33

好啱演唱會唱!

losyes

柳應廷《狂人日記》MV打破偶像尺度　導演Sheng：放眼世界好小事

根據MIRROR慣常做法，MV往往在歌曲上架當晚上載YouTube，不過《狂人日記》似乎是個例外，相隔近一周MV才上架，Sheng在接受訪問時否認是因為製作延誤，而是為了讓聽眾先理解歌詞而故意為之：「一早Set好係唔同時間出，其一係檔期問題，其二係小克（填詞）提過寧願隻歌出咗街有時間畀人有幻想空間，好過一嚟就出MV，有時作為MV導演我哋疊加咗太多自己諗法，可能未必係詞人嘅原意，不如先畀首歌大家消化，再由導演角度以畫面去詮釋，似乎比較適當。」的而且確，筆者第一次聽歌時有種摸不着頭腦的感覺，曲風亦與一貫的廣東歌迥異，在看畢MV後彷彿以另一方式去理解歌曲，亦賦予歌曲另一層意義。

至於MV劇情包括自殺、情慾、吸毒等有違一般道德觀之行為，尺度之大直逼18禁，問起有否曾因MIRROR的偶像身份而有所避忌，Sheng說：「Jer雖然係偶像，今次MV喺香港尺度算大，但其實放眼世界呢啲好小事，拍攝前見花姐匯報意念好快一次就通過咗，完全冇創作上嘅限制同顧忌，都幾Surprised。拍攝嘅時候我自己都Scan過係咪好敏感，但花姐覺得冇問題可以過，今次花姐嘅信任同自由度都好大。」

Sheng又分享了個人在《狂人日記》最喜歡的部份：「我最鍾意Opening那段戲，喺氣氛營造上、整件事嘅中心思想都投放咗喺度。」他又解釋了背後的深義：「就算知道所有佛經、宇宙法則、靈魂系統、來這個世界的原因，就會發現一切都只不過係選擇。」Sheng又分享了自己很喜歡的2009年科幻電影《Mr. Nobody》（港譯《小國民尼謨》）：「世界上冇一個決定係錯，（唔同決定）只會帶你去唔同嘅方向，就好似靈魂選擇咗唔同課題，有啲人係需要透過好Hard-core嘅生活、或者普世價值覺得唔啱嘅事去經歷，今年嘅主題我好想講所有人都要記得自己係邊個。」

losyes

仲記得全民造星果陣，劉美君話覺得Jer冇乜表演力or想像力（唔係好記得具體點講），所以掉去Team B
結果宜家 ...
rubin01 發表於 2021-4-4 11:34

話佢無"drama"

losyes

支持jer
阿媽好鍾意jer 成日喺屋企播jer嘅歌 搞到我成日聽到
lok013 發表於 2021-4-5 22:10

伯母know d yeh

losyes

【U Magazine LIFE 20210409 封面故事】MIRROR小歌神 柳應廷

//今次再見阿Jer，他在派第四首個人作品《狂人日記》。一個人單飛的第二年，沒有循規蹈矩循偶像套路製作大路情歌。現階段的他，像一個幸運地抽中到主題公園入場門票的小學雞，一支箭向夢想世界衝過去，什麼都想玩，什麼都想試。//

//J：《狂人日記》是大家都願意陪我去癲，Carl叔叔話編一首《狂人日記》，相等於編五首歌的工序，這是我繼《迴光物語》後再跟作曲人吳林峰合作，他既作曲又負責和音。我又邀請了黎曉陽幫我唱喉音，他帶了私伙樂器來玩，令到首歌更加瘋狂。至於唱功，我沒有刻意賣弄或要飆高音，這不是賣點。我知道這個音樂類型未必能迎合大眾，喜歡固然好，萬一大家不喜歡，我也賺了過程，大家玩得開心，已是樂事。歌藝，會再努力磨練。//


個訪問做得好好

losyes

成敗決定
贏在過程
如若我未停
John 發表於 2021-4-10 00:36

想聽家瑜同鏡仔合唱

losyes

2021年3月谷撐音樂流行榜
1　　狂人日記　　Jer 柳應廷
https://award2021.musiclivevalley.com/

恭喜柳

losyes

但以商台作風，通常歌手既第二年都係幾難挨。距地好少比第二年既歌手冠軍歌同大既獎項。除非你係唱作人 ...
Junnnnnn 發表於 2021-4-15 08:20

柳話團隊覺得呢首歌坊間反應比預期中好，下plug可能會更痴線。
我估佢都對電台成績無期望㗎喇，最緊要佢同幕後做得開心，又搵到知音人欣賞。

losyes

呢集睇得好開心，又笑又喊

losyes

【 1圈圈 圈中 柳應廷 Jer】
https://www.facebook.com/881903com/videos/186254550005413

好似第一次証實"披起鑽飾 如露西橫越 天幕"係關Lucy In The Sky With Diamonds同LSD事

losyes

單手聽柳應廷

最後一個「狂」字攀上三段高音，樂器一一退卻剩下人聲，再歸於寂靜。一陣狂亂衝擊中回到現實，就在一切靜下來，下一曲仍未起樂的一點隙縫之中，才突然醒覺一般感到，耳膜一直非常痛。

再這樣下去，我開始想，出到哪個系列的第幾部曲，我會聾掉呢。

* * * *

收音機到得太晚，〈EGO〉早就落榜，只剩下 903 Jingle 剪進了那一小句 Break Down，不久後，也聽不到了。但時間行進著，派台的週期是沒有明確界線，相互滲透的波幅，一首歌 fade out，下一首悄然而至。〈MASTERCLASS〉是首非常可喜的作品，像姜一貫的風格，聽著會讓人心情愉快；但每次聽到〈MASTERCLASS〉那彈吓彈吓的前奏，內心總不免一下沉下來 — 總擔心，這意味着同一個節目接下來會播其他鏡仔的機會，會不會就低了。

自從拿到收音機後，基本上是機不離耳。只要是被允許聽的時間，都會至少塞一邊耳仔，在電視的噪音（ J2 或無線配音韓劇），囚友的談笑乃至吆喝，看管者的號令與對講機的訊號，公放 RTHK 音樂情人的舊歌之中，留一點心 ，聽着 903 （大概）在播放什麼，並漸漸習慣在這樣的高分貝環境中，不受干擾地如常讀書寫字。

耳朵始終懸着，等着〈狂人日記〉的前奏隨時出現。除非你是 903 DJ，否則除了（盡量）全天候地等，根本就沒有辦法知道什麼歌會在什麼時候出現： 專播廣東歌的節目固然要守着，但談話節目再搭半 / 搭正之前，甚至在節目的任何時候，都有可能會播歌，以半小時為一節，有時一首，有時兩首：甚至在播日韓歌的節目，也不是沒試過神經刀地插播一首廣東話作品。與此同時，一日二十四小時中，懲教所內各種各樣的 Routine 和規限再把時間斬碎成分割開的幾個小時；就在這每日的僅有的幾個小時，耐心地等待着目前境況下，唯一可以聽到柳應廷的機會。

過程中，不免有自己已聽了九萬次〈俏郎君〉、〈The Pink Room〉和〈天光前〉之感（而 Per Se 似乎永遠只活在 Jingle 裏），也試過 4 小時內聽了三次〈MasterClass〉。播放率是個撲朔迷離的遊戲：對街外而言，除了自己喜歡的歌手年底有冇獎，其實無關宏旨，反正想聽的話隨時可以聽得到。但對我而言則是個令我緊張不已的問題：一首歌在大氣電波裏的壽命，大概就只有派台後的一段短時間；打歌期一過，再次在電台播出的機率，大概和中六合彩差不多，尤其是那些既非慢板，也非抒情的作品。

撞正一次，聽一次，就少一次，直到某日某時未必意覺的一次，已是最後。如果可以的話，真是一次也不想錯過呢；尤其是柳的歌，每聽一遍，都只會強烈地感覺得必須再多聽一遍。

* * * *

總覺得，柳應廷的聲音，特別難以記憶。

並不是說柳應廷的聲音沒有辨識度 — 恰恰相反， 柳的聲音非常容易辨認，即使在 12 人的團歌裡亦然。然而與其他人不同，要憑空記起柳的聲音，是非常困難的事。
（以下是作為一個 laymen 不知是否準確的理解）以 Ian 為例：在鏡團之中， Ian 和 Jer 的聲音似乎分屬兩個極端：Ian 的嗓音非常，非常清澈，沒有一點雜質。即使在跳唱快歌中，格外用了勁，也始終像般清泉一樣，獨特而突出，讓人很容易憑音色記住，只要多聽幾遍，在腦中回放〈鯨落〉的旋律，自然就可以配上 Ian 的個性。但相對而言，Jer 的嗓音特質，其實並不那麼明顯 — 令人覺得與別人不同因而易於辨認的，不是嗓音本身，而是歌者運用嗓音的方式，以及，其轉換之頻繁。

柳應廷的聲音，變化多端，沒有形狀 — 大海的洶湧探索，宇宙的寂靜無邊，風的幽微與無孔不入，都蘊藏在同一把聲音裏。歌與歌之間已非一人， live 是另一個人，這次 live 那次 live 又是另一個人 ...... 可以溫柔細膩非常純粹，也可以糜爛爆發徹底癲狂，唯獨是，無法定義。

一般形容歌聲有表現力/感染力，會形容為「聽佢唱一首歌，好似講咗一個故事咁」。但柳的聲音並不是在敘述一個故事，或勾勒一個畫面，而是，營造一種氛圍，構築一個空間。旋律、編曲、詞固然重要，但其歌聲本身似乎也具有這樣的能力。

聽一首歌，恍如置身於一個感覺無比真實，但又比真實更加豐富的空間，或許有邊界，或許沒有。所以柳的聲音裏可以聽得見峻嶺，聽得見大海，聽得見蒼茫宇宙；也所以，一曲既終，回到黯淡壓迫的人世，記不住聲音的本質，無法在腦中重構出聲音的輪廓，卻走不出歌裏栩栩如在眼前的情境和感覺。

正因其無以名狀，更令人揮之不去。只有在，再一次聽到之時，記憶中的缺口才能被填滿，同時，又被此前未有察覺的變化，再度擴大。

若說〈水刑〉、〈迴光〉與〈風靈〉是在營造一種外在的環境，那麼〈重生〉系列會不會是，將這樣的演繹方式，用以呈現「人的生命經歷」這一個，與前作的外在題材事實上同樣廣闊的場域？因為，每個人所置身的，那個每一個人都獨一無二面對著的世界，難道不是更加多變，更加複雜？如果未能在越發澎湃的編曲當中，聽得清柳應廷聲音裏的每個轉折，便無法進入歌裏那一步一步鋪開的世界。

* * * *

倉友對我經常到處「神打」已經見怪不怪。

經常會突然間在倉內四處走動，自己的上鋪，甚至別人的床上 — 最靠窗的那張 — 握著收音機的手四處揮動，在緊閉的雙眼前描劃著不存在的形狀，時而舉到最高，然後就定住在那裏幾分鐘不動，手臂開始抖了都不放下來。

獲發的收音機是個略大於 2 枚 AA 電芯的，小小的黑盒。調頻的時候，會令人覺得自己從來沒有操作過這麼精密的儀器：機面一小道以紅點表示頻道的坑道上，FM87-108 的距離只有 3cm，手指碌過機側的齒輪，每個頻道都稍瞬即逝，只有極精準的一點，一旦碌過，上上下下，都是雜音一片。來回碌搵台所花的時間，彷彿已聽完一首（刺耳到爆）的電子。

最大鑊的是，大欖收商台，收得非常差。即使找準了台，也長期處於沙沙沙沙沙沙的狀態，像一窩螞蟻在耳窩裏咬嚙。雖說在還沒等到〈狂〉的時間，只要約略辨認到播甚麼就可以，但抵不住蟻咬之時，未有舉起它挪來挪去，試著找一個收得好少少的位置。

由是發現，接觸到皮膚，沙沙聲會減少。為了減輕螞蟻嚙耳之刑，沒辦法，只能不時一手握著收音機，隨時移動位置 — 於是我練成了單手完成各種事情的能力：單手執嘢，單手在風扇猖獗之時揭書，單手鎮紙寫字，單手鋪床再單手摺返啲被，爭在未單手沖涼 ....（不過會睇準搭正報新聞時狗衝）

而當我放下手上的各種瑣事，突然將手舉到最高，那就意味著，等到了。如果那幾分鐘收音機（竟然）生性，不用這麼大費周章的話，可以空出雙手捂住耳朵，盡可能將一切紛擾雜音都屏蔽在自己的雙手以外；不然，只能將音量碌到耳仔能夠接受的最大聲，讓收音機的聲音可以壓過一切眾聲喧嘩。

還必須合上雙眼。眼睛一閉，現實世界糾然消失，聽覺會突然清晰，敏銳起來。

狂怒衝擊，可以如此細緻。失控是一個漸進的過程，癲狂並非 white noise 一般的混沌，而是有着可以不斷分裂細化再造的層次 ....

每等來一次，都好似又有一點此前未曾聽得出的新發現，要再等下一次去驗證。

* * * *

但更多時候，等來的是（必須放下收音機）去完成各種各樣 routine 的指示。每次我都忍不住想，唉屌，等咁耐都冇，唔好冇得聽先嚟播啊 .... 未免庸人自擾，但白等的時間越長，怨念便越無法消解。

通行至不同地點，會穿過一小段露天範圍。看得見環抱這個山谷的群山與大壩，從 3 月初滿山綠冠中零星有花樹，到木棉落盡，到越發茂密的樹葉，令整個山頭的綠色漸深。

風略過遠山上的樹，穿過樹梢，穿過葉底。搖晃著，看得見的聲音。這聲音讓我忽爾醒覺：如果 903 真的如我所慮地在播柳應廷，那麼，就在此刻，在葉底枝梢間，在樓頂閉路電視支架之間，在圍牆頂的圈狀鐵絲網向外一道一道突出的鐵尖之間，可以穿透一切的大氣電波就飄散在我穿過的空氣之中；觸及外露的皮膚，拂過耳邊的髮，在我聽不見的空間裡，全都是柳應廷的聲音，無以名狀，卻又變幻萬千的，複雜難解，卻又瑰麗莫名。

* * * *

未來一段很長的時間，大概都只能等待，而無法像以往一樣聽上許多許多遍；不論我多有耐性和恆心等到幾多次，要記住那無法記住的聲音，大概也只是緣木求魚。不過即使可以 loop 也沒有分別，就像我明明聽過〈物語〉二部曲無數次，記住了旋律歌詞與編曲起伏，如今，卻始終無法在腦內重構同一份感動一樣。

旋律與歌詞與編曲起伏，像空間的邊界，而穿透缺口擴散，滲透每一處空氣，照射出每一點浮塵的那股能量，沒有形狀，也無法被看見。

第一次聽到全首〈狂人日記〉時，還不知道歌詞；最後那器樂退盡仍在往無限延長的一個字，我聽成了，光。

* * * *
PS： 反高潮：一開始真係次次一聽到前奏就開始神打，搵收得好啲嘅位，去到第 6、7 次先明，其實係因為嘅耳機太渣，render 唔到個 bass，所以先次次到〈狂〉都咁多沙沙沙沙聲 .....

PPS：然而我並沒有說柳兒已經收放自如（吹到咁大，戴返個頭盔先），也很明顯火候未夠，證據是最後一次 chorus 應該是想顯得很狂，但是「終於會貪夠」和「大悲咒」為什麼結果唱得那麼可愛 .... 99 柳表露無遺 hahahahaha

PPPS：後來我知道了自己並沒有 FF 過度。明明聽了九萬次〈MASTERCLASS〉，〈The Pink Room〉和〈白眉〉，〈狂〉有時一天都聽不到一次，結果〈狂〉在榜上的位置竟然高過曬佢哋？！？！？！ Given 903 唔係做數，即係真係喺曬我無得聽住嘅時候播啦

PPPPS：畫公仔畫出腸之氛圍，在日文中不就是「空氣」嗎。

losyes

youtu.be/ezjDmkmCMcM
Jer正到cls
Leetsfungtat 發表於 2021-5-10 01:22

幫你直接post出嚟