返回列表 發帖
所以見到而家呢一幕都唔太意外,可見咁多年過去個風氣都係冇咩進步。

一個後起之秀冒起,開始受到獎項肯 ...
elky 發表於 2021-4-20 17:53



啱呀
一心做音樂但當音樂得到肯定嘅時侯 啲人反而走去關注其他野......
誰管廢話漂亮 放心去愛你的真實模樣

TOP

回歸音樂本身
寫多D好歌出來吧
一棵樹要成長得茂盛,根一定要札實。無論我去到哪裡,我都會記住,我的母語是廣東話。我只愛廣東歌

TOP

帶上白色口罩可以點露齒,有笑容。
hkwilliamsiu 發表於 2021-4-19 16:23



    獎又唔拎,仲有佢果晚睇幾個獎講乜

TOP

所以見到而家呢一幕都唔太意外,可見咁多年過去個風氣都係冇咩進步。

一個後起之秀冒起,開始受到獎項肯 ...
elky 發表於 2021-4-20 17:53


你講得冇錯

大部分人都唔係認真聽流行曲架啦, 以前同而家都係一樣

不過仍然有班人認真睇和聽緊歌手既, 好似美之講, 歌手有心做/唱歌, 始終一定有人用心去聽/睇歌手既表演既.

TOP

你講得冇錯

大部分人都唔係認真聽流行曲架啦, 以前同而家都係一樣

不過仍然有班人認真睇和聽緊歌手既,  ...
lblemon 發表於 2021-4-23 00:32



浮躁速食又吵嘈既年代,認真既聽眾先係滋養音樂人既土壤,
希望越嚟越多人加入呢個人群
真昼間の月に僕は種を植えに行くんだ

TOP

本帖最後由 bagfgfcde 於 2021-4-23 08:50 編輯

樓上講大眾都唔係認真聽音樂
但事實上林家謙就係一個好大眾既歌手

不過我同意大眾唔係認真聽歌
Tomii Chan, Jabin Law, MouseFX, Matt Force, Olivier Cong, Jay Fung...
呢啲男歌手高質咁多 反而完全唔紅 部分關注度連林生1%都未必有

TOP

//唔係馬後炮,其實佢一出道的已經唔係好like佢,覺得佢有少少扮嘢,同埋係有後台成team人谷佢造佢有錢仔但就扮獨立素人得一個人咁...呢d都算啦,上年又偶然見到佢係鏡頭前d論調更寸,扮林夕,但因為網上突然多咗好多佢嘅粉,所以我都費事留言xd (個人觀感:扮嘢、造作、自我感覺優良,份人越來很sociable但聲稱內向去捍衛自己,語言偽術,王子病,唱歌有d難聽,d歌唔識欣賞)//

睇到有人咁講

TOP

TOP

浮躁速食又吵嘈既年代,認真既聽眾先係滋養音樂人既土壤,
希望越嚟越多人加入呢個人群 ...
elky 發表於 2021-4-23 00:44


相比起七八十年代, 而家聽歌既人文化水平係高好多.

TOP

樓上講大眾都唔係認真聽音樂
但事實上林家謙就係一個好大眾既歌手

不過我同意大眾唔係認真聽歌
T ...
bagfgfcde 發表於 2021-4-23 00:47


商業化, 大眾化無罪, 香港一直都係好忙的社會, 好難要求好多人都好有心去聽每隻歌

TOP

商業化, 大眾化無罪, 香港一直都係好忙的社會, 好難要求好多人都好有心去聽每隻歌 ...
lblemon 發表於 2021-4-24 16:48

同意 對唔少都市人黎講,有時做完野好攰好辛苦 仲要用腦聽歌真係好折磨
太陽花 純真柔弱
10月3日 9點半 美麗戰場

TOP

相比起七八十年代, 而家聽歌既人文化水平係高好多.
lblemon 發表於 2021-4-24 16:45



咁比較嚟睇又的確係,

而家接收資訊渠道咁多元,好難好似以前咁改編日文歌做廣東歌詞就會紅。

近年唱作歌手崛起,都可能同呢個因素有關。
真昼間の月に僕は種を植えに行くんだ

TOP

咁比較嚟睇又的確係,

而家接收資訊渠道咁多元,好難好似以前咁改編日文歌做廣東歌詞就會紅。

近年唱 ...
elky 發表於 2021-4-24 17:02

改編其實無野既 我自己都會攞啲泰文歌黎入廣東詞
不過現代樂壇既自尊心越黎越高 正式既歌手攞日文歌黎改編比人知道左觀感唔係咁好
太陽花 純真柔弱
10月3日 9點半 美麗戰場

TOP

商業化, 大眾化無罪, 香港一直都係好忙的社會, 好難要求好多人都好有心去聽每隻歌 ...
lblemon 發表於 2021-4-24 16:48



又係你話大部分人都唔係認真聽流行曲
咁林生咪係受惠嗰個

TOP

本帖最後由 foreverkontinue 於 2021-4-24 17:30 編輯
又係你話大部分人都唔係認真聽流行曲
咁林生咪係受惠嗰個
bagfgfcde 發表於 2021-4-24 17:08



   啲人講到佢好有才華 吹捧到佢好似天下無雙咁
   但其實由佢出道到而家啲歌好似嚟嚟去去都係嗰個樣咁
   個人覺得情歌嗰幾首嘅創作角度全部都好似(下一位前度 拼命無恙 時光倒流)
   其他就全部/大部份都係講獨處同內心世界
   所以我覺得佢紅得起 係因為佢賣包裝賣形象 多過真係Sell佢啲音樂
   當然啦 我覺得佢係有音樂才華嘅 但唔係班人吹到咁犀利 咩有料就串得起嗰類囉
   講創作其實我覺得佢一定唔係最top 純由音樂角度出發
   Ivana G.E.M.呢啲要Pop又得 要Artistic又得 唔同曲風又得 咪仲有料過佢 又唔見啲人吹捧佢哋

TOP

改編其實無野既 我自己都會攞啲泰文歌黎入廣東詞
不過現代樂壇既自尊心越黎越高 正式既歌手攞日文歌黎改編 ...
kevin2011 發表於 2021-4-24 17:06



有道理,

唱作歌手既身份可能因為咁而自帶光環,

而家原創好似受推崇啲
真昼間の月に僕は種を植えに行くんだ

TOP

本帖最後由 qwerasd123 於 2021-5-29 21:50 編輯

支持林家謙   加油呀逆按揭計算

TOP

越紅越多金句!新一代樂壇金句王林家謙10句精彩語錄盡覽

標榜全民投票的第一屆《Chill Club推介榜年度推介20/21》完滿落幕,唱作人林家謙(Terence)橫掃6獎成大贏家,不過人紅是非多,有網民直呼Terence表現寸嘴無禮貌,不碰獎座又不講感言,但亦有人欣賞他低調又不善辭令反而夠真。以下總括10句林家謙的妙問妙答精彩語錄,如果不過份解讀,很多都能令你會心微笑!



「多謝曲詞編監。」
《一人之境》獲得《Chill Club》頒獎禮十大歌曲時,處女座的林家謙這樣說。但:
《一人之境》
作曲:林家謙
作詞:林家謙
編曲:林家謙
監製:林家謙

林家謙時不時會說一些冷笑話,但不知是否表情不多,別人都不知他是講笑還是講真,反而塑造了「冷面笑匠」的感覺。


「如果真係有太多討論,我真係會縮,會想返去做幕後!」
林家謙贏得「Chill Club年度男歌手金獎」時直言,頒獎禮的壓力已令他爆瘡又肚屙,怕自己「老是常出現」會惹來更多大眾評論,令他壓力倍增。後來受訪時亦說主業是作曲而非唱歌,因此獲得金獎後更感憂心,擔心被人討論他值不值攞獎。


「嗰晚聽到係姜B,我係舒一口氣,我好驚係自己。」
《叱咤樂壇頒獎典禮2020》林家謙在「我最喜愛男歌手」和「我最喜愛歌曲」都輸了給姜濤,直言「幸運」,說若贏了是壞多於好,因為會很大壓力。其實當屆他已獲頒「叱咤樂壇男歌手銅獎」及「叱咤樂壇作曲人大獎」,成績已經十分驕人了。


「我大佢(姜濤)咁多,拍埋去成個關愛座咁。」
《叱咤樂壇頒獎典禮2019》林家謙曾打敗姜濤,奪得叱咤生力軍金獎。兩人相差8歲,近年在樂壇鬥得難分難解,當年林家謙打贏姜B時,他直言怕被姜粉攻擊,後來卻收到對方粉絲祝福,之後更監製姜B新歌。受訪時,他直言跟本沒想過跟任何人鬥,反而希望業界一起合作,做好香港樂壇。


「可能佢當我女歌手呱?」
記者問林家謙雖然他有四首歌入圍《2020年度勁歌金曲頒獎典禮》,卻無緣角逐「最受歡迎男歌星」,他打趣如是說,又稱「無留意」和「無所謂」。其實當時他已贏得「最佳唱作歌手金獎」,又憑《一人之境》奪得「最佳原創歌曲金獎」,他直言滿意成績,不過滿足感主要來自樂迷反應,獎項他放得很輕。


「鍾意睇人哋鬧我嗰啲(留言)……然後就喺度耿耿於懷。」
參加大學歌唱比賽入行的林家謙,多次表示對自己「機械人」聲線沒信心,初時當唱作人時更會對網上批評耿耿於懷,後來才學會放開、看化。


「早排行山有人認得我,話我係唱《下一位前度》嗰個,唔再話我係作《矛盾一生》嗰個。」
林家謙接受TVB《StarTalk》專訪,提到由幕後走進幕前的感受。他在2014年以作曲人身份踏入樂壇,2015年為JW王灝兒創作的《矛盾一生》不但是他在作曲生涯的代表作,亦扭轉JW的歌唱事業。


「陳蕾叫我唔好露齒笑,但係啲人話我最靚係棚牙囉。」
2019年才由作曲人走到幕前,林家謙曾言很不習慣面對傳媒,亦問過歌手朋友平時影相怎樣chok,後來總算接受了,但外人仍不難察覺他的木訥和害羞,這「小宅宅氣質」反而成為他的個人標誌,圈了不少粉!


「我喜歡有話直說,會誠實表達對作曲較有信心,但有人認為不夠謙卑或有點自戀。」
林家謙入行短短6年,創作過多首膾炙人口的歌曲,如JW《矛盾一生》三部曲、容祖兒《心之科學》、張敬軒《潛水》、林宥嘉《壞與更壞》、陳奕迅《是旦求其愛》和《致明日的舞》等,以歌手身份出道推出實體碟《MAJOR IN MINOR》又賣斷市,他從不掩飾對自己作品的信心,也從不否認對唱歌沒信心,從來都是有話直說,直來直往。


「如果你鍾意我呢種冇乜唱功而又感動到你,我覺得ok。」
入行後才學唱歌的林家謙,雖然說過對自己唱功沒信心,但一直相信唱歌是情緒表達,未必需要功力很厲害,總之真誠地唱,令他感動,在他心中已經100分。
Ooh~Tell me how you feel it
Ooh~ Gonna let you know  Imma let you go
I won't say sorry
Oh feeling so high

TOP

尋晚鄭中基叫佢唔好縮 真係好多人錫佢

TOP

希望佢繼續做好想做嘅音樂啦

TOP

咁比較嚟睇又的確係,

而家接收資訊渠道咁多元,好難好似以前咁改編日文歌做廣東歌詞就會紅。

近年唱 ...
elky 發表於 2021-4-24 17:02


所以以前D 歌詞要好淺白,即使文雅都要易明

TOP

又係你話大部分人都唔係認真聽流行曲
咁林生咪係受惠嗰個
bagfgfcde 發表於 2021-4-24 17:08


林家謙勁在可以做到 “商業化” 但唔係傳統K歌既旋律

同埋林家謙D詞都係比較易明, 唔駛好用心都聽得明歌詞想點

踩林家謙D人都係話佢 串,木口木面之類, 一係就話歌藝/聲線唔掂吧。

係呀, 林家謙都有份受惠

TOP

所以以前D 歌詞要好淺白,即使文雅都要易明
lblemon 發表於 2021-4-26 13:33

以前果啲歌... 即係講緊啱啱開始有廣東歌顧嘉輝填詞果個年代
兩段主副歌啲歌詞完全係copy and paste 重唱兩次 唔好話依家 廿年前都無人再敢咁做 因為人係會進步
太陽花 純真柔弱
10月3日 9點半 美麗戰場

TOP

以前果啲歌... 即係講緊啱啱開始有廣東歌顧嘉輝填詞果個年代
兩段主副歌啲歌詞完全係copy and paste 重唱 ...
kevin2011 發表於 2021-4-26 13:39


同意,關正傑 雪中情 都係呢種copy and paste, 連唱法都一樣

部分戀舊派根本睇唔到而家D歌相比以前都有進步的一面,有欠公允

TOP

以前d歌都係得3分鐘 melody又簡單 咪可以文雅d 句子短d 而家下下都4至5分鐘一首歌 個melody唔會有機會用到以前果種copy and paste 好似狂人日記咁 如果俾霑叔寫詞佢都R爆頭
殘破身軀注滿熱血 堅拒眼前由誰掠奪
日後歲月 以初心 對抗暴雪

TOP

本帖最後由 elky 於 2021-4-26 16:33 編輯
林家謙勁在可以做到 “商業化” 但唔係傳統K歌既旋律

同埋林家謙D詞都係比較易明, 唔駛好用心都聽得明 ...
lblemon 發表於 2021-4-26 13:38



同意,係商業與新意之間拎平衡呢點,家謙係做得好出色。

而直白既歌詞亦都往往可以平衡翻佢旋律好多時比一般K歌複雜既twist位。

我覺得與其不忿“點解佢紅而邊個邊個比佢唱得好作得好都唔紅”,

不如參考下佢做得優秀既地方,取長補短。

(當然覺得小眾要比大眾化優勝既話,可以選擇忽略呢個大眾化得好成功既例子。)
真昼間の月に僕は種を植えに行くんだ

TOP

上面嗰兩個會員之前明明話大眾唔係聽歌為主
而家又變咗林家謙大眾化得好成功 要人學下

咁我希望 Jay Fung 學下林生咁識包裝啦

TOP

以前d歌都係得3分鐘 melody又簡單 咪可以文雅d 句子短d 而家下下都4至5分鐘一首歌 個melody唔會有機會用到 ...
beethoven250 發表於 2021-4-26 15:57


以前未電子化年代,錄音通常一TAKE過,因為分段錄的話,剪接好煩,所以旋律要易唱D,令歌手錄音時可以不用剪接而完成錄音

TOP

同意,係商業與新意之間拎平衡呢點,家謙係做得好出色。

而直白既歌詞亦都往往可以平衡翻佢旋律好多時 ...
elky 發表於 2021-4-26 16:26


講得好好,特別是“直白既歌詞亦都往往可以平衡翻佢旋律好多時比一般K歌複雜既twist位”

TOP

上面嗰兩個會員之前明明話大眾唔係聽歌為主
而家又變咗林家謙大眾化得好成功 要人學下

咁我希望  ...
bagfgfcde 發表於 2021-4-26 16:42


JAY FUNG 都好明顯有進步啦, 至少呢兩年我聽多左好多佢D 歌

雖然我都覺得JF 好聽, 但我講唔出佢D歌點解好聽,你係咪熟佢D歌? 可否分享吓對JF 既心得?

TOP

原來林內向作曲填詞咁高水平 所以都係專心做幕後好過

見佢fans幫佢啲唱功護航就想笑 年歌live唱到一pat屎咁又話咩因為好多人而盡興唔到
明明就係一位音準 音色 情感都差既歌手 仲可以吹奏得落
Jason's Playlist 2024
Week 12 白髮齊眉 - 鄧小巧

TOP

本帖最後由 elky 於 2021-4-26 19:01 編輯
上面嗰兩個會員之前明明話大眾唔係聽歌為主
而家又變咗林家謙大眾化得好成功 要人學下

咁我希望  ...
bagfgfcde 發表於 2021-4-26 16:42



我表達既係當一個幕前音樂人走紅之後,大眾同埋媒體往往會將焦點放係花邊新聞等等速食既嘢上而不斷放大,

唔代表大眾唔聽歌,兩者亦都並存緊。

只係前者究竟會點樣影響一位音樂人,就因人而異。

可能好似軒仔同kay咁,越過呢啲噪音勇往直前。

亦都可能會令另一啲人淡出,睇個人性格,但我覺得就係每個人性格唔同咁先有趣。





我本身都好鍾意Jay Fung,亦都好想佢俾大眾認識。

但我唔認為每個人應該用同一條公式走紅,最緊要適合自己路線。

當然你話好似家謙咁識包裝,

如果推出一啲好personal但亦好普適、同時可以build up到個人形象既作品(一人之境/特倫斯/聽風),

令大眾認識到呢個人既性格同世界觀,做到歌人合一,咁我認同家謙包裝非常成功。

我認為呢種包裝亦都好值得參考,

唔一定需要係同一類型作品,

但係最緊要帶出歌者/創作者既個性同獨特性,甚至係佢既思想同人生體驗。

而我一直認為Jay既獨特性係佢既中西結合文化背景,同佢唱R&B超游刃有餘,

如果可以快啲推出一系列展露佢強項又令到佢既個性被人了解到既作品就好啦,

期待見到佢快啲俾大眾喜愛。
真昼間の月に僕は種を植えに行くんだ

TOP

我表達既係當一個幕前音樂人走紅之後,大眾同埋媒體往往會將焦點放係花邊新聞等等速食既嘢上,

唔代表 ...
elky 發表於 2021-4-26 18:33



   我覺得將呢件事講成花邊新聞係有啲偷換概念
   你話而家係挖緊佢私生活啲嘢嚟批評佢就話係花邊新聞啫
   但佢而家係喺一個電視台頒獎典禮做咗啲舉動比人批評 而出席公開場合係佢幕前工作嘅一部份 何來"花邊"呢?

TOP

我覺得將呢件事講成花邊新聞係有啲偷換概念
   你話而家係挖緊佢私生活啲嘢嚟批評佢就話係花邊新聞啫 ...
foreverkontinue 發表於 2021-4-26 19:01



有道理。

因為我上文係聯繫埋軒仔等前輩既例子,所以講得過於一概而論。

應該係“花邊新聞/態度/發言等對音樂人嚟講好minus既嘢”,

如果佢呢啲行為係發生係一個冇咁大出風頭既人身上,

大概都唔會有人留意到跟住再放大添。
真昼間の月に僕は種を植えに行くんだ

TOP

我表達既係當一個幕前音樂人走紅之後,大眾同埋媒體往往會將焦點放係花邊新聞等等速食既嘢上而不斷放大 ...
elky 發表於 2021-4-26 18:33



咁我呢一頁第一個留言都好簡單
就係有好多人比佢值得更多

同埋你之前話佢哋就算唱得好過佢、作得好過佢
但都要 learn from 林生 係有啲愚昧
因為佢哋已經唱得好、作得好
同埋個個都有自己強烈個人風格架啦

TOP

咁我呢一頁第一個留言都好簡單
就係有好多人比佢值得更多  

同埋你之前話佢哋就算唱得好過佢、 ...
bagfgfcde 發表於 2021-4-26 19:15



你啱。
但我講既係取長補短,取其可取之處,

睇唔上眼既地方不理即可。

咁可能起碼會比起一味批判健康少少。
真昼間の月に僕は種を植えに行くんだ

TOP

本帖最後由 foreverkontinue 於 2021-4-26 19:31 編輯
有道理。

因為我上文係聯繫埋軒仔等前輩既例子,所以講得過於一概而論。

應該係“花邊新聞/態度/發 ...
elky 發表於 2021-4-26 19:06



   有冇大出風頭呢一點我有少少保留
   因為真係有啲人(我屋企人)一見佢拎第一個獎嘅表現已經覺得好反感
   但係會唔會發酵到講足咁多日就的確係另一回事

   另外個人覺得態度 發言雖然係對音樂本質唔會有影響
   但其實社會對於公眾人物應有嘅態度表現係有一個標準喺度
   今次佢嘅表現的確令到部份人覺得係低過條標準線嘅
   當然啦 應唔應該有個咁嘅標準係後話啦
   但係坦白講 要背離社會現有嘅標準 從來都需要勇氣去面對結果(例如一定會比人批評)
   所以佢要繼續自己呢一套嘅話 佢都要諗吓佢有冇咁嘅心理準備去面對批評喇

咁我呢一頁第一個留言都好簡單
就係有好多人比佢值得更多  

同埋你之前話佢哋就算唱得好過佢、 ...
bagfgfcde 發表於 2021-4-26 19:15



   我覺得係會有嘢可以learn from林生嘅
   不過唔一定係音樂上嘅嘢
   例如係歌手包裝 Marketing之類
   正如喺流行榜個po都見過有人話有唱片公司拎Serrini做case study
   咁應該點都唔係study Serrini嘅缺氧式唱法 而係study佢吸到咁多死忠嘅原因啦

TOP

有冇大出風頭呢一點我有少少保留
   因為真係有啲人(我屋企人)一見佢拎第一個獎嘅表現已經覺得好反感 ...
foreverkontinue 發表於 2021-4-26 19:23



你後半部分既討論好有意思,

的確背離大眾對某一樣嘢既認知標準係需要代價,

佢可能亦都會因為咁而上一課,

至少係一個大眾會參與既大型場合應該如何自處同修改自我表達方式,

都係一個好重要既課題
真昼間の月に僕は種を植えに行くんだ

TOP

本帖最後由 bagfgfcde 於 2021-4-26 19:39 編輯
啲人講到佢好有才華 吹捧到佢好似天下無雙咁
   但其實由佢出道到而家啲歌好似嚟嚟去去都係嗰個樣咁
...
foreverkontinue 發表於 2021-4-24 17:24



講開又講,
我覺得有人見佢包辦曲詞編監就話佢好有才華、香港無人能出其右係最惡頂

曲 - 我覺得幾好既,2019年之前我因為呢樣而幾欣賞佢
詞 - 好basic,唔應該自豪,特倫斯 is quite fun but not written by him。取材太平凡,有時明明有啲好少少嘅angle可以用,都寧願用翻最普通既角度去寫,幾附合歌者本身。
編 - 覺得佢編寫樂器旋律好普通,對位法嗰啲麻麻,成日用一大堆樂器但好forgettable,唔知條主線去咗邊。最新嗰首有雷生助陣所以好啲。覺得佢有啲編曲好elevator music feel。
監 - don’t get me started

同埋所有野做哂香港都有其他例子,it’s not that special!
講講下好似O哂T

TOP

講開又講,
我覺得有人見佢包辦曲詞編監就話佢好有才華、香港無人能出其右係最惡頂  

曲 - 我 ...
bagfgfcde 發表於 2021-4-26 19:33



   其實係
   我唔否認佢係有音樂才華 但未去到咁誇張 要吹捧成咁嘅level囉
   講真佢作比小巧嗰幾首歌我都鍾意 所以本身係對佢感覺唔差
   佢出道之後我自己一路都冇聽開佢啲歌 因為我完全接受唔到佢把聲(除咗特倫斯之外冇一首我接受到)
   但睇完佢嗰日嘅表現 再加見到咁多人吹到咁大仲要周圍辣火頭 我係覺得對佢個印象係差咗嘅

   利申:我知成件事係好唔理性同完全情緒主導 但感覺呢樣嘢係咁架啦


你後半部分既討論好有意思,

的確背離大眾對某一樣嘢既認知標準係需要代價,

佢可能亦都會因為咁而上 ...
elky 發表於 2021-4-26 19:30



   其實今次對佢嚟講係一次幾寶貴嘅經驗 令佢學吓點樣搵"保持自我"同"跟從社會標準"之間個平衡
   有啲人會覺得其他歌手多謝呢個 多謝嗰個係好假
   但換個角度睇 有啲人雖然都係有多謝呢個嗰個 但就可以令人覺得佢哋嘅表現係真摯
   例如Alfred多謝Viu尊重音樂就係一個例子 所以呢一樣嘢佢可以試吓
   我覺得佢未必可以一步登天 而且佢亦都唔需要做到好圓滑 但最起碼盡量唔好做啲可能會令人反感嘅嘢啦

TOP

我有買謙b隻Major In Minor, 幾鐘意佢d歌同佢作曲俾其他歌手d歌, 不過同意佢唱歌真係似機器無感情, 但明白佢想唱自己歌的情意結, 建議佢每年最多只出兩首歌, 減少獲得年度歌手獎的機會

TOP

講開又講,
我覺得有人見佢包辦曲詞編監就話佢好有才華、香港無人能出其右係最惡頂  

曲 - 我 ...
bagfgfcde 發表於 2021-4-26 19:33



    幾同意你的講法。特別監制個部分,他真的要找一位好監制執下他的唱法和用聲的部份。

TOP

返回列表