foreverkontinue

「我真係會縮返去做幕後」

我真係信你呀
WZA111 發表於 2021-4-19 02:25

   我印象中記得佢有講過話"唔會出道"同"唔會出碟"

foreverkontinue

坦白講
我都算幾鍾意家謙既音樂
但尋晚既表現係真係好趕客
佢想自己無咁受歡迎所以搞串個Party?
唔係完全唔 ...
表妹保莉 發表於 2021-4-19 08:23

   佢仲要多謝佢班fans幫埋佢一齊趕客
   見到佢班fans盲撐到咁更加覺得成件事好核突同對佢更加反感
   即係咁 有人唔接受呢種表現係好合理
   "有冇禮貌" "串唔串"呢個standard合唔合理係一回事
   但你唔可以否定有人係會用呢個standard去睇 而呢班fans亦都冇資格去批評人哋用咩standard架喎
   然後班fans就spin去批評者係眼紅佢啦 又叫人唔好睇Viu去睇CCTVB啦 又話批評佢=搞死樂壇啦
   其實我自己都諗咗好耐 到底接受唔到佢嘅表現係咪自己問題
   但係見到班fans咁樣不停人身攻擊其他人 我就開始覺得更加對佢冇好感

foreverkontinue

係咩我以為佢無多謝Fans
佢一直係多謝樂迷
樂迷就包埋Fans？
我就好奇怪阿科叫佢多謝Fans
佢勁串咁唔多謝 ...
表妹保莉 發表於 2021-4-19 09:09

   我意思係佢要多謝佢班fans搞到成件事觀感更差

foreverkontinue

解釋自己話驚消毒酒精la親

佢呢一年幾嚟唔會用? 呢樣驚嗰樣又驚 咁脆弱既咩?
冇人強逼佢做幕前㗎 可以認 ...
JasOh103 發表於 2021-4-19 09:27

   同埋如果真係驚la親 點會用特登用自己隻手去掃
   咁掃法唔la親都變la親啦

foreverkontinue

真係好怕自己成日出現 -> proceeds to 出道做歌手
大台頒獎禮又去

佢啲思想都幾跳脫 ...
JasOh103 發表於 2021-4-19 11:16

   我覺得佢成個人都好反覆
   佢所講嘅嘢同佢啲行為好多時都自相矛盾

foreverkontinue

其實haters點都有，最緊要做番好自己就冇問題gala
wood1024 發表於 2021-4-19 18:51

好煩，點解仲有啲人鍾意用一個表情或者幾句話去Judge人哋？其一嗰啲嘢根本冇代表性，其二人哋有冇well beha ...
Lydiaa 發表於 2021-4-19 19:17

   做得公眾人物 特別係幕前 你就要理吓個公眾觀感架啦
   係 佢可以出親function都黑面 可以乜嘢都唔理唔care 呢個係佢嘅自由
   但有人因此對佢觀感差唔係觀眾問題 有人覺得佢咁樣有問題 講出嚟係好正常
   唔該唔好亂咁標籤人做haters 唔好話人係斤斤計較吹毛求疵
   入得呢一行 佢嘅工作就係必須要面對群眾
   佢想唔理世俗眼光嘅話冇必要做幕前 要做音樂有好多種方法 而家冇人逼佢做幕前
   就算佢堅持做幕前又堅持要咁我行我素都唔係問題 但唔該佢同埋你哋明白
   喺呢世界係冇可能please到所有人 你哋覺得佢好有character係一回事
   但係唔係所有人都應份要接受佢嗰一套 而所有人都有理性表達意見嘅自由 評論佢嘅公開行為根本係冇問題
   本來就真係一件小事 但成班人因為佢比人批評 就係咁亂咁標籤人做hater 不停人身攻擊
   其實就係因為你哋呢班人所以件事先發到咁大 先令人對佢更加反感

foreverkontinue

可能佢性格係咁，或緊張到失言，又或者真係發生左d唔開心既事令佢心情唔好，
但佢選擇左做幕前，就要知點玩 ...
nitanita 發表於 2021-4-19 21:48

   坦白講 冇人對佢音樂才華(唱功除外)有質疑
   當然啦 有班人會死拗話有才華就點都得 咁我冇嘢好講嘅
   但生活喺一個充滿人嘅社會 仲要再進入埋一個要面對一大班人嘅幕前行業
   有啲嘢佢就預咗要接受 呢個世界唔係圍住佢轉
   佢冇可能要求所有人接受佢嘅一切 而其他人亦都冇義務去了解佢嘅內心世界同真實想法

foreverkontinue

係，大家有批評嘅權利，但係如果因為一兩個表情就話佢態度乜乜係咪太過武斷？有啲人真係好mean，同 ...
Cinnabar 發表於 2021-4-20 01:26

我覺得做自己係一件好事
只不過呢個世界係有好多機會同場合可以做自己
例如創作音樂 做訪問 social media etc
係咪一定要揀一個咁樣嘅場合嚟咁做先
我個人覺得唔係話要做到好圓滑好世界仔
但今次佢起碼有啲嘢係要去學要進步
因為喺咁多歌手入面 得佢個態度比人無啦啦抽出嚟批評 點都有原因
當然啦 你可以繼續話係hater打手 但事實係我屋企人(冇聽開任何呢一代歌手 即係街客嘅角度)睇足全晚都係覺得佢嘅表現唔好 對佢第一印象好差
所以到最後我覺得睇佢想行咩路
想100%做自己 佢就要overcome到會比人批評嘅心理關口
想更多人接受同認同佢 佢最起碼就要學識分場合 喺啲多街客或者相對formal嘅場合收斂一下
但呢個世界係好現實 冇乜可能完全100%做自己而冇人批評佢

foreverkontinue

所以見到而家呢一幕都唔太意外，可見咁多年過去個風氣都係冇咩進步。

一個後起之秀冒起，開始受到獎項肯 ...
elky 發表於 2021-4-20 17:53

   我個人覺得尊重係好basic嘅嘢
   而我覺得佢當時個表現係唔尊重場合(個人意見 大家諗法有可能不同)
   所以我會著眼於呢一樣嘢 會覺得呢一樣嘢係佢做得唔好嘅地方
   至於作品同performance 其實就呢一個頒獎禮而言都冇乜好講
   一人一票投出嚟嘅結果就擺咗喺眼前 唔通討論首歌/佢個人點解會hit咩 咪又係離不開個曲夠Pop/歌詞有共鳴etc
   同埋都係嗰句啦 冇人逼佢做幕前
   佢做得幕前 佢嘅工作就唔單止係唱歌/創作 佢賣緊嘅仲係成個人嘅人氣+形象(唔通你覺得佢去拍道地廣告係完全因為音樂?)
   所以要做幕前嘅代價就係其他人唔會只係focus落佢嘅作品同音樂

foreverkontinue

又係你話大部分人都唔係認真聽流行曲
咁林生咪係受惠嗰個
bagfgfcde 發表於 2021-4-24 17:08

   啲人講到佢好有才華 吹捧到佢好似天下無雙咁
   但其實由佢出道到而家啲歌好似嚟嚟去去都係嗰個樣咁
   個人覺得情歌嗰幾首嘅創作角度全部都好似(下一位前度 拼命無恙 時光倒流)
   其他就全部/大部份都係講獨處同內心世界
   所以我覺得佢紅得起 係因為佢賣包裝賣形象 多過真係Sell佢啲音樂
   當然啦 我覺得佢係有音樂才華嘅 但唔係班人吹到咁犀利 咩有料就串得起嗰類囉
   講創作其實我覺得佢一定唔係最top 純由音樂角度出發
   Ivana G.E.M.呢啲要Pop又得 要Artistic又得 唔同曲風又得 咪仲有料過佢 又唔見啲人吹捧佢哋

foreverkontinue

我表達既係當一個幕前音樂人走紅之後，大眾同埋媒體往往會將焦點放係花邊新聞等等速食既嘢上，

唔代表 ...
elky 發表於 2021-4-26 18:33

   我覺得將呢件事講成花邊新聞係有啲偷換概念
   你話而家係挖緊佢私生活啲嘢嚟批評佢就話係花邊新聞啫
   但佢而家係喺一個電視台頒獎典禮做咗啲舉動比人批評 而出席公開場合係佢幕前工作嘅一部份 何來"花邊"呢?

foreverkontinue

有道理。

因為我上文係聯繫埋軒仔等前輩既例子，所以講得過於一概而論。

應該係“花邊新聞／態度／發 ...
elky 發表於 2021-4-26 19:06

   有冇大出風頭呢一點我有少少保留
   因為真係有啲人(我屋企人)一見佢拎第一個獎嘅表現已經覺得好反感
   但係會唔會發酵到講足咁多日就的確係另一回事

   另外個人覺得態度 發言雖然係對音樂本質唔會有影響
   但其實社會對於公眾人物應有嘅態度表現係有一個標準喺度
   今次佢嘅表現的確令到部份人覺得係低過條標準線嘅
   當然啦 應唔應該有個咁嘅標準係後話啦
   但係坦白講 要背離社會現有嘅標準 從來都需要勇氣去面對結果(例如一定會比人批評)
   所以佢要繼續自己呢一套嘅話 佢都要諗吓佢有冇咁嘅心理準備去面對批評喇

咁我呢一頁第一個留言都好簡單
就係有好多人比佢值得更多  

同埋你之前話佢哋就算唱得好過佢、 ...
bagfgfcde 發表於 2021-4-26 19:15

   我覺得係會有嘢可以learn from林生嘅
   不過唔一定係音樂上嘅嘢
   例如係歌手包裝 Marketing之類
   正如喺流行榜個po都見過有人話有唱片公司拎Serrini做case study
   咁應該點都唔係study Serrini嘅缺氧式唱法 而係study佢吸到咁多死忠嘅原因啦

foreverkontinue

講開又講，
我覺得有人見佢包辦曲詞編監就話佢好有才華、香港無人能出其右係最惡頂  

曲 - 我 ...
bagfgfcde 發表於 2021-4-26 19:33

   其實係
   我唔否認佢係有音樂才華 但未去到咁誇張 要吹捧成咁嘅level囉
   講真佢作比小巧嗰幾首歌我都鍾意 所以本身係對佢感覺唔差
   佢出道之後我自己一路都冇聽開佢啲歌 因為我完全接受唔到佢把聲(除咗特倫斯之外冇一首我接受到)
   但睇完佢嗰日嘅表現 再加見到咁多人吹到咁大仲要周圍辣火頭 我係覺得對佢個印象係差咗嘅

   利申:我知成件事係好唔理性同完全情緒主導 但感覺呢樣嘢係咁架啦

你後半部分既討論好有意思，

的確背離大眾對某一樣嘢既認知標準係需要代價，

佢可能亦都會因為咁而上 ...
elky 發表於 2021-4-26 19:30

   其實今次對佢嚟講係一次幾寶貴嘅經驗 令佢學吓點樣搵"保持自我"同"跟從社會標準"之間個平衡
   有啲人會覺得其他歌手多謝呢個 多謝嗰個係好假
   但換個角度睇 有啲人雖然都係有多謝呢個嗰個 但就可以令人覺得佢哋嘅表現係真摯
   例如Alfred多謝Viu尊重音樂就係一個例子 所以呢一樣嘢佢可以試吓
   我覺得佢未必可以一步登天 而且佢亦都唔需要做到好圓滑 但最起碼盡量唔好做啲可能會令人反感嘅嘢啦