返回列表 發帖

姜濤姚焯菲新人王結盟 乘勢攻影壇

https://hk.on.cc/hk/bkn/cnt/entertainment/20210723/mobile/bkn-20210723030107734-0723_00862_001.html


人氣王姜濤將踩入影壇,夥拍影后毛舜筠拍攝英皇新片!據知該片還有另一女角,電影公司屬意現已有大批擁躉的另一新人王姚焯菲(Chantel)參演,若落實的話,兩大年輕偶像聯手合演新片,勢必成為影壇焦點!

男團MIRROR人氣爆燈,近日12位成員更對進軍影壇虎視眈眈,當中「大叔情侶」Anson Lo(盧瀚霆)及Edan(呂爵安)早前已先後進組拍片,一嘗躍登大銀幕的滋味。至於隊中的「風頭躉」姜濤,亦已被導演彭秀慧睇中「處男下海」,下月將夥拍影后毛舜筠演出英皇電影投資、大打溫情牌的新片,據知該片還有另一女角,有指屬意找憑《聲夢傳奇》彈起的「國民初戀」Chantel或「跳舞女神」鍾柔美,但一切要待電影公司安排試鏡落實,如果Chantel「中標」,她與姜濤兩大人氣王齊齊「破處」拍戲,定必掀起不少話題,極具睇頭!而MIRROR多位成員包括Anson Lo、Edan以及Jer(柳應廷)有傳亦有份試鏡,其中一人將參演該片。

彭秀慧4年前執導《29+1》後,雖然贏盡口碑,但未有乘勝追擊,慢工出細貨的她近月終於「拍板」製作新片,預計下月開拍,目前劇本及故事各方面仍在「更新中」。日前她接受訪問時表示,很感謝英皇電影老闆楊受成全力支持她的創作,對於成功奪走姜濤的「第一次」,她說:「佢都要經過幾次試鏡先獲得落實。其實唔止佢,其他好幾位MIRROR成員都邀請過嚟試鏡,要睇啱唔啱、檔期配唔配合到都好講緣分,總之能夠搵到毛姐(毛舜筠)配姜濤,我想得到嘅嘢已經得到咗!」

角色保留獨特魅力

她直言很欣賞姜濤,覺得他有「獨特的魅力」,今次劇本將為他保留7成「原形」:「我同花姐(MIRROR經理人)都覺得第一套戲唔需要將佢大改造,咁樣可能會令佢壓力好大,我哋會攞佢獨有嘅元素,留番3成畀我創作同埋『畫』出嚟。」她指花姐起初不覺得姜濤可以成為演員:「佢由細到大只鍾意唱歌,但佢喺台灣拍劇前後,分兩段時間跟過我上堂學做戲,坦白講,後嚟我覺得佢真係開咗竅,好明顯成長咗,終於覺得演戲其實好好玩。」而毛舜筠與姜濤見面後,對這位年輕人亦甚有好感,並曾在試鏡時助陣,彭秀慧說:「佢陪我一齊同啲年輕人試鏡,仲落埋場同佢哋撞戲。(佢幫姜濤試鏡?)嗰日毛姐啱啱唔得閒呀!」至於英皇電影高層邵劍秋昨日亦有受訪,問到姜濤的檔期會否很難度?他說:「佢好專業,會盡量調配其他工作配合電影拍攝檔期,電影預計8月底開拍。」



個人感想:姜b chantel都幾襯
isn't me

RE: 姜濤姚焯菲新人王結盟 乘勢攻影壇



人氣都差幾遠下
附件: 您需要登錄才可以下載或查看附件。沒有帳號?註冊

TOP

人氣都差幾遠下
kenneth 發表於 2021-7-23 14:57



奧海城今晚先開始,而且聲夢係去西九草地
isn't me

TOP

姜濤係時候拎影帝啦
//一個人華麗地寂寞 一班人熱烈地冷漠//

TOP

唔好啦
Chantel好似好悶咁
姜濤已經比較文靜內斂 配個活潑啲唔係好啲咩?
Jace / 試當真Jessica 得唔得

TOP

最新消息
另外,有報道指姜濤將與對台的《聲夢傳奇》人氣王姚焯菲(Chantel)合作拍攝彭秀慧執導的電影,姜濤否認傳聞,但透露電影將在8月中開工,期待跟影后毛舜筠合作,目前正積極上戲劇堂。

最近東方d料好似唔係太準
isn't me

TOP

呢個combination係會想睇嘅
始終如果合作嘅人局限喺一個台內
長久以來會覺得悶
呢個亦係ViuTV一直引入歌手KOL嘅原因

不過如果係姜濤同Chantel合作
其實會想聽佢兩個出合唱歌先

TOP

最新消息
另外,有報道指姜濤將與對台的《聲夢傳奇》人氣王姚焯菲(Chantel)合作拍攝彭秀慧執導的電影,姜 ...
myrichardac 發表於 2021-7-23 16:19



   星夢放流料黐金糠
明眼人一睇就知

TOP

最新消息
另外,有報道指姜濤將與對台的《聲夢傳奇》人氣王姚焯菲(Chantel)合作拍攝彭秀慧執導的電影,姜 ...
myrichardac 發表於 2021-7-23 16:19

彭秀慧ig都話唔係
東方亂傳,唔知有咩目的

TOP

呢個combination係會想睇嘅
始終如果合作嘅人局限喺一個台內
長久以來會覺得悶
呢個亦係ViuTV一直引入歌手K ...
PenguinMusic 發表於 2021-7-23 16:39


ViuTV 外唔一定要搵TVB人合作
搵TVB藝人就等俾人杯葛

TOP

國民初戀?瞓醒未呀老人台?
$$$宇宙天團$$$BLACKPINK成員泰國大嘴猴LISA首支solo單曲韓國音源榜日榜走勢: 29>71>84>85>86>87>89>96>100>OUT

TOP

人氣都差幾遠下
kenneth 發表於 2021-7-23 14:57

你中伏了 奧海城沒有聲夢學員
好心嗰啲歌手唱又麻麻作又唔夠好
就專心啲做好自己野啦學人搞音樂會扮熊貓 {:1_9:}
知唔知醜字點寫

TOP

星夢放流料黐金糠
明眼人一睇就知
kenneth 發表於 2021-7-23 17:15



   感覺是viu.因為錯與否.無人會鬧viu

TOP

你中伏了 奧海城沒有聲夢學員
kevin2011 發表於 2021-7-23 18:47



     星夢班人咁大陸 唔想睇
大陸啲金要撈 ,香港啲獎要爭 ,奶共啲嘢要做, 暗黃啲名要留  - 猜一種茶樓點心 答案:棉花雞

TOP

一啲都唔覺襯
如出走 身處死角 逃不走 走遍低處 無出口 只有這傷口

TOP

聲夢個班中學生放完暑假係咪會消失
不要迷戀大台天后李幸兒六月新歌 - Hope
李幸兒七月不痛不癢主打 - 奪金
李幸兒八月大無謂香港商營廣播機構聯ban金曲 - 日出時讓街燈安睡
李幸倪九月我最喜愛驚悚兒歌 - Let it go

TOP

原來係靠黐人氣,而家俾人話從來無預佢,係咪樣衰呢?
論盡音樂 #愛香港樂壇而存在
https://www.facebook.com/stupidmusichk
Follow 埋我 IG 啦
論盡樂迷,敢愛敢恨

TOP

彭秀慧ig都話唔係
東方亂傳,唔知有咩目的
梨胃言 發表於 2021-7-23 17:24



    幫廢柴台宣傳囉

TOP

最新消息
另外,有報道指姜濤將與對台的《聲夢傳奇》人氣王姚焯菲(Chantel)合作拍攝彭秀慧執導的電影,姜 ...
myrichardac 發表於 2021-7-23 16:19



從來東方都係TVB日報只幫大台

TOP

彭秀慧ig都話唔係
東方亂傳,唔知有咩目的
梨胃言 發表於 2021-7-23 17:24

套戲邊個出品的?
估唔到姜濤會拍英皇電影就真。
我們都是這樣長大的
人大了 難得放肆地笑   才會懂 煩惱盡量忘掉
而患病這刻 才發現極渺小   學會珍惜了

TOP

東方成日報流料

TOP

果陣 VIU 頒獎又話 ALFRED 簽約同做造星導師換男金獎
結果人地玩投票 均均真真 三甲都入唔到

TOP

襯你個頭
btw 大台唔知醜
我估錯這個世界得到教訓

TOP

果陣 VIU 頒獎又話 ALFRED 簽約同做造星導師換男金獎
結果人地玩投票 均均真真 三甲都入唔到 ...
hissorhk 發表於 2021-7-24 21:22


做得好同今年音樂作品好,可能下年有機會呢~
不要迷戀大台天后李幸兒六月新歌 - Hope
李幸兒七月不痛不癢主打 - 奪金
李幸兒八月大無謂香港商營廣播機構聯ban金曲 - 日出時讓街燈安睡
李幸倪九月我最喜愛驚悚兒歌 - Let it go

TOP

「人氣王」姜濤被導演彭秀慧睇中「處男下海」踩入影圈,下月夥拍影后毛舜筠拍攝英皇投資的新片,兩人飾演母子大打溫情牌!日前曾傳出新片屬意找《聲夢傳奇》姚焯菲做女主角,但導演彭秀慧已在社交平台否認傳聞,至於幾位曾有份試鏡的Mirror成員,據知除姜濤外,最新消息是Jer(柳應廷)揮低魏浚笙(Jeffrey)落實參演,劇本更加會參照花姐經理人跟MIRROR的故事作為藍本,絕對有睇頭!

  相隔4年,導演彭秀慧終於「拍板」開拍新作,今次獲得英皇電影老闆楊受成全力支持創作,選角方面,彭秀慧除了邀請到毛姐(毛舜筠)外,更成功奪走姜濤「第一次」,新片劇本暫定以花姐的經理人角色為藍本,講述由毛姐飾演的經理人,將生活大部分時間放在旗下藝人身上,結果忽略了家中兒子(姜濤飾)感受,故事夠寫實。彭秀慧曾透露除了姜濤,其他好幾位MIRROR成員都獲得試鏡機會,而事實上,彭秀慧曾考慮過由《膠戰》魏浚笙(Jeffrey)夥拍姜濤,但因為檔期及其他細節問題,最終由Jer(柳應廷)突圍而出,在新片中飾演明星角色。

  知情人士透露:「彭秀慧都揀咗好耐,但因為好多人都覺得Jer有陳奕迅影子,又話佢係Eason接班人,所以覺得今次嘅角色好啱佢。今年22歲的姜濤,出道短短三年已經歌、影、視三線發展,去年姜濤要去台灣拍劇集《超感應學園》,為了增值自己,姜濤再忙也抽時間跟彭秀慧上堂學戲,彭秀慧多次表明欣賞姜濤,覺得他開了竅,演戲方面有潛質之餘,亦明顯成長不少,今次彭秀慧能夠找來毛姐配姜濤合作,她表示:『我想得到嘅嘢已經得到咗!』」新片全速籌備,兩個星期後正式開工,相信這個組合必定能夠擦出不少火花!

TOP

希望祖兒爭取個角色
SSN Chart (24 Sep)  ||  鏡榜冠軍: 愛不作聲 - 姜濤、盧瀚霆鏡榜第二季季選
1. 無 名 (1 Week No.1) - Kolor
2. 懸 崖 有 路 - 衛 詩
3. 難 道 喜 歡 處 女 座 - 林 家 謙

TOP

「人氣王」姜濤被導演彭秀慧睇中「處男下海」踩入影圈,下月夥拍影后毛舜筠拍攝英皇投資的新片,兩人飾演母 ...
losyes 發表於 2021-7-25 13:33

個故事聽落好伏

TOP

希望祖兒爭取個角色
John 發表於 2021-7-26 14:09



    飾演花姐?
Dua Liza: 羅家英 wanna see me dancing with somebody

TOP

國民初戀? 咩國先?

TOP

人氣都差幾遠下
kenneth 發表於 2021-7-23 14:57


屯門廣場係邊?

TOP

返回列表