返回列表 發帖
本帖最後由 kelvinho726 於 2021-12-4 02:55 編輯

我既年度十大:
至尊歌:記憶棉 - MC張天賦
MC的確係可造之材 基本上佢全年首首歌我都Loop到不停 呢首真係唔會停到 單曲唔知幾多個夜晚 雖然首歌好遲出 但HIT到爆 至少係佢未有下一首歌之前 呢首我會LOOP到爆

第二位:思念即地獄 - 馮允謙
我好鍾意Jay 成首歌既FEEL 中間爆上去既高音 唔會突兀又SELL到佢既唱功 一聽到個前奏就已經比佢吸左入去聽

第三位:Ciao - RubberBand
散聚其實都係呢1-2年內既好多課題 RB寫既歌詞好有感覺 說了再見 約定再見 就會再見 即使而家大家暫時分開 但終有一日會再見 共勉之

第四位:留下來的人 - C AllStar
CAS一向比我既感覺都好唱得 而佢地4位既聲線其實一直都好似講緊故仔比我地聽咁 係而家呢個時代 走既走 留既留 聽呢首歌會有一種莫名既唏噓 但又要繼續行既感覺 無力感好重 但係仍然要繼續向前行

第五位:先哭為敬 - 鄭欣宜
欣宜既唱功一直都無懷疑過 佢每隔幾年就會遇到一首好歌 包括呢首先哭為敬 佢比到我一種莫名既感動 我會比佢打動到 因為佢既演繹 佢既態度 值得作為Loop爆既歌

第六位:狂人日記 - 柳應廷
Jer我一直都覺得佢係鏡入面唱功係比較好個位 亦都覺得狂人日記呢首歌佢唱得到個種狂既感覺 真係有種爆發小宇宙既感覺 當聽到呢首歌既時候有種驚艷既感覺

第七位:Dear My Friend - 姜濤
姜b一直比我既感覺係魅力好強 但我本來就麻麻地佢既唱腔 佢唔係唱得差 只係唔係好習慣 但呢首歌佢同中鋒既故仔 touch到我 亦令我諗起我失去既屋企人 寵物 等等 有種同路同思想同經歷既感覺

第八位:林中鳥 - 林欣彤
呢首無疑係Mag 出道以來接近最難唱既一首歌 低去到好低 高又去到好高 個Range闊到我都唔知點講 對於我黎講 呢首值一個十大既

第九位:風的形狀 - 岑寧兒
YoYo呢首歌真係好唱得到隨風既感覺 佢唱既副歌位置 合埋眼聽真係好舒服 好療癒人既心靈 可以令人放鬆心情 放低一切 去好好享受呢首歌既短短幾分鐘

第十位:係咁先啦 - MC $oho & KidNey
喂呀 唔係呀 真係要走喇 唔係呀 喂呀 真係要走啦喂 呢首歌一出個陣已經極度洗腦 再聽耐D D歌詞其實好有意思 對於而家呢個時勢 好多身邊既人都走 唔淨止係聚會玩咁簡單 玩完走咁樣 而係個社會 成個氛圍都好多人因為好多因素去移民 去第二度 下次再見啦 下次再玩啦咁樣 不禁令人覺得有種沉重既感覺 但佢地既演繹加埋Kayan既featuring 成件事好groof 成首歌比到人一種好輕快好釋懷既感覺 聽完咩煩惱都無一掃而空


年度:
男歌手:

MC張天賦馮允謙張敬軒
女歌手:
林欣彤鄭欣宜陳凱詠
組合/樂隊:
RubberBandC AllStarSupper Moment
唱作人:
林家謙
男新人:
MC張天賦

女新人:
張蔓姿
新組合:
MC $oho & KidNey
最愛歌曲:
記憶棉
1

評分人數

TOP

係咁先啦只有明嘅人先明呢首有咩意義
唔明嘅人就會覺得係膠歌
kaman921 發表於 2021-12-7 01:15


我算唔算解讀錯首歌 至少我聽既感覺係咁

TOP

返回列表