返回列表 發帖
小企鵝推介流行榜
2021年度推介

年度推介.華語十大


第六位:深夜浪漫 - 張蔓姿

最高排名:第2位(58分)
曲:張蔓姿
詞:張蔓姿
編:李一丁
監:李一丁

// 時間到了兩點 你text我問我去咗邊 冇啊 我等緊你上線 //

夜闌人靜嘅時候搭車,好多時都會選擇呢首歌。
喺聽呢首歌嘅時候,好多時都會不期然諗起某一個人。
由等待嗰個人,到等到嗰個人,再到返等待嗰個人,
嗰種少女心、嗰種戀愛嘅感覺,加上嗰種迷幻而朦朧嘅編曲,
喺歌起嘅第一秒就已經甜入心,令人不禁雞皮疙瘩。
香港樂壇無幾個可以做到呢種感覺,唯獨張蔓姿呢位新晉歌手做到。

// 忐忑這晚你可會告白 終於你愛我不是秘密 共你進入這深夜浪漫 //

TOP

小企鵝推介流行榜
2021年度推介

年度推介.華語十大


第五位:出走半生 - Forward

最高排名:第2位(58分)
曲:釗@Forward
詞:Kar@Forward
編:Forward
監:Charleston@Forward

// 星夜裡 仍會看 亦嚮往 //

除咗疫症本身,我哋都有因爲好多唔同原因失去咗好多嘢。
一啲曾經係理所當然嘅嘢、一啲從來無想像過會失去嘅嘢。
可能只係我哋當時年紀太小﹐將身邊一切都幻想得太美好。
可能呢個世界從來無變,只係我哋一直都生活在假象之中。
當現實搵上門,我哋只有抱住自己嘅勇氣,面對身邊一切。
即使世界不能變好,我們仍可以懷著信念與堅持活得更好。

// 風掠過 如確信 便看到 //

TOP

小企鵝推介流行榜
2021年度推介

年度推介.華語十大


第四位:I Wish - 陳凱詠

最高排名:第1位(58分)
曲:Linnéa Norlén、Matilda Frommegård
詞:鍾說
編:JNYBeatz、馮翰銘
監:馮翰銘

// 全人類太難頂 作詩po呀po找見證 Clubhouse傾呀傾也扮型 //

如何在逆境中活得更好?
一、突破框框:
打破重重複複嘅生活模式,用一種不同嘅方式生活,畀自己一種截然不同嘅體驗;
二、達成目標:
有唔少心理負擔係源自於一啲一直唔敢達成嘅目標,放膽嘗試,享受如願以償嘅滿足感;
三、分擔壓力:
與身邊人傾訴,亦嘗試傾聽別人嘅煩惱,讓自己感到有個人與自己同在。

// 不必擔心一聲嘲諷 放棄重擔別要失重 Yeah I Wish I Wish //

TOP

本帖最後由 PenguinMusic 於 2022-2-28 01:47 編輯

小企鵝推介流行榜
2021年度推介

年度推介.華語十大


第三位:集合吧!地球保衛隊 - C AllStar

最高排名:第1位(76分)
曲:頼映彤
詞:梁栢堅
編:頼映彤
監:簡

// 一加一加一再合成做注碼 若然加多一位相信事情就變化 //

一班曾經一齊拚搏過,一齊奮鬥過嘅人,可能因爲唔同原因而失散。
孤獨嘅時候,或者會擔心自己再無辦法再同呢一班人喺埋一齊。
唔使擔心,因爲當時間一到,大家仍然需要互相扶持,
只要大家仍然有信念,就終有一日可以回到往時,
宛如舊日般爲新嘅目標再次一齊奮鬥。

// 長命火就長命救 (不斷地搏鬥) 各位歸隊同路走 //

TOP

小企鵝推介流行榜
2021年度推介

年度推介.華語十大


第二位:樂壇已死 - 吳林峰 w/ 樂壇已死大合唱團

最高排名:第1位(2週冠軍,76分)
曲:吳林峰
詞:小克
編:吳林峰、王雙駿、孔奕佳、阿權、Jason Kui、黃兆銘
監:王雙駿

// 對著作曲填詞罵句 這乜水 怎麼可唱出 垃圾金句 //

每年嘅樂壇頒獎禮後,網上總會有人指出「樂壇已死」,
認爲現在嘅樂壇已大不如前,已經無法回到八、九十年代嘅光輝。
若然覺得係頒獎禮有問題,不妨試下發掘多啲非主流嘅本地音樂,
喺呢笪地方,仍然有唔少人默默耕耘,嘗試用作品說話。

// 豆豉記錄興與衰 用心愛這裡 小店 小區 //

但若然係認爲整個樂壇都有問題,或者嘗試改變下思維。
我哋要做嘅嘢唔係要回到舊日嘅光輝,而係要創出新時代嘅光輝,
要以另一種方式獨當一面,噉先可以再次成爲亞洲第一。

// 六百字四十句 是故事與情緒 有歌在我心裡 //

TOP

小企鵝推介流行榜
2021年度推介

年度推介.華語十大


第一位:係咁先啦 - MC $oho & KidNey

最高排名:第1位(77分)
曲:鄧東成、MC $oHo
詞:MC $oHo
編:鄧東成
監:李一丁

// 走先喇係咁先喇 下次再玩吖 再見喇係咁先喇 下次見啦吓 //

喺呢個樂壇新時代,好多時流行音樂都係由網絡主導。
網絡係一個好神奇嘅世界,人人都有權定義呢個地方。
網絡會話你知,其實邊啲音樂先係真正嘅受歡迎。
若然年度歌曲係由一班YouTuber去奪得,
無㗎,佢哋真係做得好吖嘛。

// 喂啊 唔係啊 喂 真係要走喇 唔係啊 喂啊 真係要走喇 喂 //

歌曲風格用上電音同 Hip Hop,新潮得嚟帶點懷舊。
以口語入詞,令成首歌更入心入肺。
表面上講嘅係深夜開party想走嘅故事,
內裏只有歌曲介紹中嘅三個字:講移民。
用一樣有共鳴嘅生活小事,講一樣有共鳴嘅社會大事。
反映時代潮流、反映社會現況,
年度之歌,就係要呢啲。

// 走先喇係咁先喇 下次再玩吖 再見喇下次見啦 有下次嘅話 //

TOP

小企鵝推介流行榜
2021年度推介

年度外語推介


得獎歌曲:Freedom - 方皓玟

最高排名:外語榜第1位(2週冠軍)
曲:方皓玟
詞:方皓玟
編:鄧東成
監:王雙駿

// Freedom, where's our freedom? //

自由。
自由,可以係一種人權,係每個人與生俱來嘅;
自由,可以係要爭取嘅,係唔少人夢寐以求嘅。
生活喺呢個世代,有啲人越來越自由,亦有人越來越不自由。
其心自由,其行自由,其生自由。

// This is our freedom, freedom comes and goes //

TOP

小企鵝推介流行榜
2021年度推介

年度樂迷推介


得獎歌曲:白眉 - 孫曉賢(得票:60%)

最高排名:第20位(1分)
曲:孫曉賢、SOHO、朱琳
詞:朱琳
編:孫曉賢、SOHO
監:孫曉賢、SOHO

// 靜默逃避 想躲進夢裡那天地 //

「一切有為法,如夢幻泡影,如露亦如電,應作如是觀。」
——《金剛經》

// 怪人寒夜遠飛 世人娛樂不死 //

TOP

本帖最後由 PenguinMusic 於 2022-2-28 02:50 編輯

小企鵝推介流行榜
2021年度推介

年度音樂專輯推介


銅賞:(seven)⁷ - 林家謙 <113>

專輯監製:林家謙
冠軍作品:時光倒流一句話 [1]、神奇的糊塗魔藥 [1]
上榜作品:難道喜歡處女座 (3)、難道喜歡處女座 Alter Ego (6)、在空中的這一秒 (10)
// 只需要隨心編 隨手寫結尾 當一個幸福的 傻更更的你 //

銀賞:Processing - 陳凱詠 <116>

專輯監製:何山、馮翰銘
冠軍作品:虛擬人與我 [1]、I Wish [1]
上榜作品:(所有上榜歌曲皆取得冠軍)
// 模擬伴侶是你是你吧 來提示我生活不算差吧 //
//
願望有日真實見面可是見面我恐怕 終止了牽掛 //

金賞:人類世 - C AllStar <188>

專輯監製:簡
冠軍作品:集合吧!地球保衛隊 [1]、留下來的人 [1]、沒明日的恐懼 [1]
上榜作品:還有48小時 (10)、北極熊的遺言 (7)、共同望銀河那時 (5)
// 人類世 就結束 來為這未來好好記錄 和明日再見今天繼續 //

所有獎項已頒發完畢,明晚將會有後記及完整得獎名單,敬請期待!
~PenguinMusic

TOP

Hold
MC’s Secret Playlist Week 11
冠軍歌: 有我 — 陳柏宇

TOP

希望幸兒下年拎多啲獎

多謝各位喜歡幸兒嘅榜主
那怕更孤單 向每個背影講再見
時間似輕 開始不甚麼永遠
如舊 遙遙無期為愛糾纏

TOP

希望幸兒下年拎多啲獎

多謝各位喜歡幸兒嘅榜主
on07111 發表於 2022-2-28 23:06


Ctrl+F咗第一版 發現Gin Lee出現咗好多次都係來至我

多謝各位Love Gin嘅榜主

知得多終於得知一件事 學識講我Love Gin~ 我Love Gin~
Week 27 - 墜落 | 有今生沒來世 | 悲中帶喜

TOP

本帖最後由 PenguinMusic 於 2022-3-4 01:58 編輯

小企鵝推介流行榜
2021年度推介

完整得獎名單


經過一輪複核,本年度三十七項年度推介確認完成。
以下列出《小企鵝推介流行榜》年度推介得獎名單。

2021全年冠軍歌巡禮

Q1 — 致明日的舞 / 時光倒流一句話 / 奇妙事不斷有 / 東京人壽 / 窮小子 / 遲了悔改 / 是但求其愛 / Epilogue / Lay On My Shoulder / 明年見 / 虛擬人與我 / 樂壇已死 / Catherine /
Q2 — 你是一片雲 / CityPop / 集合吧!地球保衛隊 / 樂壇已死 / 自由散步 / 就讓我陪你走過 / WARRIOR / 千世爬行 / 狂人日記 / 神奇的糊塗魔藥 / 留下來的人 / 一路 / 爭氣 /
Q3 — 離散序 / 聖馬力諾之心 / 突如其來的心跳感覺 / Ciao / I Wish / 堅持的意義 / 離不開 / 砂之器 / 沒明日的恐懼 / 太子之花 / 你好嗎 / Dear my friend, / 係咁先啦 /
Q4 — 因愛之罪名 / 純孩兒 / 荆棘海 / 日出時讓街燈安睡 / 跌嘢唔好搵 / 塵世美 / 玻璃心 / 鐵樹 / 廢柴 / 記憶棉 / 收聲多謝 / 佛系人生 / 每當幻變時 / 人類群星閃耀時 /


年度樂迷推介  白眉 - 孫曉賢

年度推介.華語十大
第一位  係咁先啦 - MC $oho & KidNey
第二位  樂壇已死 - 吳林峰 w/ 樂壇已死大合唱團
第三位  集合吧!地球保衛隊 - C AllStar
第四位  I Wish - 陳凱詠
第五位  出走半生 - Forward
第六位  深夜浪漫 - 張蔓姿
第七位  Lay On My Shoulder - The Hertz / Yukilovely
第八位  就讓我陪你走過 - Hey Rachel
第九位  Master Class - 姜濤
第十位  逆時車站 - 洪嘉豪

年度外語推介  Freedom - 方皓玟

年度音樂錄像推介  Ciao - RubberBand

年度主題曲推介
電影及舞臺劇類  歡迎嚟到呢座城市 - Heyo / 阿弗 / Lydia / Jan Curious
電視或廣播劇類  行路難 - 周國賢

年度音樂專輯推介
金賞  人類世 - C AllStar
銀賞  Processing - 陳凱詠
銅賞  (seven)⁷ - 林家謙

年度男歌手推介
金賞  柳應廷
銀賞  洪嘉豪
銅賞  林家謙

年度女歌手推介
金賞  陳凱詠
銀賞  謝安琪
銅賞  黃妍

年度組合推介  C AllStar

年度樂隊推介  Dear Jane

年度小型樂隊組合推介  MC $oho & KidNey

年度新力軍推介
男歌手  lagchun 力臻
女歌手  張蔓姿
樂隊組合 MC $oho & KidNey

年度唱作人推介
金賞  林家謙
銀賞  洪嘉豪
銅賞  lagchun 力臻

年度作曲人推介  林家謙
年度填詞人推介  黃偉文
年度編曲人推介  王雙駿
年度監製人推介  王雙駿

連結:
預吿
第一輪公布 (24/2)
第二輪公布 (27/2)

TOP

小企鵝推介流行榜
2021年度推介

後記

舊年,我哋喺新年假期間公布年度推介,
用半個月時間「擠牙膏式」公布40項推介。
今年,其實本來係打算沿用舊年嘅方式公布結果。
然而,因爲疫情造成嘅影響,生活上有唔少計劃都被打亂,
其中之一,就係《小企鵝推介流行榜年度推介》。

其實諗返都幾諷刺。
相比起上年甚至前年,今時今日病毒嘅殺傷力已經比當初細好多;
然而,當全世界都漸漸開始步入後疫症時期,
我哋卻要面對前所未有嘅壓力同恐怖。
原因,相信都唔使多解釋。
(照舊加多句,真係唔想再Zoom。)

如果要單純每星期單純公布一份榜單,可能每次只需要半粒鐘;
但若然係要整理好所有數據再以年度推介嘅形式公布,所需時間就多好多。
不過,即使時間再緊迫,我都想喺關帖前完成好2021嘅年度推介。
舊有嘅傳統,繼續維持;新增嘅改革,做得就做。
因爲年度推介象徵住嘅係一年嘅總結,紀錄好過去、預備好未來。

2022年,除咗既有每週一期嘅報榜同一年一度嘅年度推介,
我亦有幸成爲CM共和榜統計員,以另一種方式爲大家服務。
因爲個人嘅轉變,相信我今年將可以投放更多時間應付呢兩方面嘅工作,
希望來年可以恢復喺新年假期間公布年度推介嘅安排。

係囉,就係咁多喇。
嚟緊嘅時間相信只會越來越艱難,
試下搵個人一齊傾下計、聽下歌吖!
喺最痛苦嘅時間,陪伴就係最好嘅靈藥。

2022年,讓音樂陪你好好地過
講埋年度推介最後六個字:我哋下年再見。



~PenguinMusic

TOP

返回列表