家燕媽媽改編跳唱《FLOWER》網民：即變皆大歡喜版

韓國女團BLACKPINK成員Jisoo自3月推出首支Solo歌曲《花FLOWER》後，即成為YouTube全球熱門音樂影片之一，超級洗腦，隨即掀起一鼓「開花舞」熱潮，世界各地唔少網民、藝人、KOL都跟住跳呢隻「開花舞」。近日就連薛家燕（家燕媽媽）都跟住跳，仲要改編埋中文歌詞，勁有誠意！

家燕媽媽驚喜跳唱Jisoo《FLOWER》
近日薛家燕聯同家燕媽媽藝術中心學員喺8月12日出席《家燕媽媽藝術中心暑期繽紛大匯演2023》活動。家燕媽媽著上鮮紅色上衣、金色褲亮相，手戴金色花花，跳唱Jisoo的《FLOWER》，仲將《FLOWER》將歌詞改成中文歌詞。家燕媽媽將《FLOWER》完美融入咗自己的獨特元素，網民睇完都表示好似睇緊跳十字步但又唔係咁！

網民：痣秀媽媽好正
網民對於家燕媽媽出色的表演都大讚，認為家燕媽媽竟然咁融入到自己的個人特色，好似聽緊TVB主題曲，仲改名叫家燕媽媽做痣秀媽媽「皆大歡喜版」「好想瘋狂同家燕媽媽跳舞」「作詞嗰個勁，啲詞加埋個唱腔，老咗廿年」「今時今日仲作到老曲風歌詞唔易架」

感想：家燕好正