鍾舒漫做獨立歌手自資出新歌

鍾舒漫做獨立歌手
拒被恐懼支配自資出新歌
「喺我嘅生活入面好多困難，
但唔好俾環境拉住走，
踏出第一步，然後先有第二、三步！」

#鍾舒漫（Sherman）在2020年離開英皇，之後一直做獨立歌手，天大地大，很自由，但也有一定壓力。新歌《What you get》是她回復自由身後，首支面世的單曲。這些年賺到的錢，她願意投資在歌曲上，這是她對音樂的熱誠與投入。今年39歲，但她沒選擇Play safe，她寧願走自己喜歡的路。

#Sherman 日前完成新歌MV的拍攝工作，她告訴《娛壹》：「拍完當然鬆一口氣，但真係一段時間冇出歌，我好緊張。一路都想出新歌，但始終要有好多嘢配合，例如對的人、資金等等！」

最近她終於跨出新一步，「呢幾年香港比較負面，好多人可能因為恐懼先做一啲選擇，帶住恐懼去生活，我覺得咁做人係好冇自由，好唔開心。當然，喺我嘅生活入面都好多困難，但我覺得唔好俾環境拉住走，否則唔會有next step。你去嘗試踏出第一步，然後先有第二、三步！」

新歌《What you get》，「係沿於同一個意念，What you see is what you get，你睇得見你想做乜，自己有個意念，跟住去開發，然後可能慢慢會做到。」

最初沒太多資金，但她不想給自己太大限制，「呢個MV有8個Dancers，無論係製作成本定其他方面，係我入行以來，規模最大嘅。我有個意念，跟住去做，最後好開心開到路，好感謝今次有贊助支持。」

她相信栽種有時，收割有時。
「栽種緊嘅時候就唔係收割，由栽種到收割係一個過程。呢個過程可以有好多難題同埋苦澀，無論工作、家庭、關係……，人都喺呢啲事上每日搵出口、搵答案。」她選擇積極樂觀面對將來，「逆」隨心境轉，「收割嘅喜悅會大過晒我哋之前栽種嘅辛苦！」誠心所願。