柳應廷Jer撩女仔獲網民撐「藝人都要溝女」

本帖最後由 losyes 於 2024-3-20 00:52 編輯

MIRROR完成世界巡迴演唱會英國站，完騷後Edan呂爵安與Jer柳應廷一起入場睇波，卻被爆出Jer睇波期間IG私聊性感女網紅事件。今晚（19日）Jer由英國回來即被追問事件，他緊張地回應：「下次會小心啲！」

日前，一名來自香港、現居倫敦的性感女網紅Jessica Chan，將對話截圖分享到IG story，當中顯示Jer正是她的對話對象。Jer先對Jessica的自拍照片發出emoji，又再回應Jessica在酒吧睇波story：「On nice match~」。之後Jessica在story留言：「Honestly thought this was a fake acc」，又表示最初懷疑對方是假帳號，但細心看對方IG帳號有藍剔認證，證明他是「真Jer」。

Jessica的IG現有4.5萬追蹤者，其帖文不乏性感相片，未知是否因此吸引到Jer的垂青。另一邊廂，Jer與Edan向來老友，過去Edan亦曾被發現用IG帳號看香港AV女優素海霖，因此不少網民笑言Edan教壞Jer，另有網民認為「好小事」、「藝人唔使媾女咩。」

二人今晚由英國返港，自然成為追訪焦點，Jer與Edan是最後步出機場的MIRROR成員，在經理人花姐護駕壓軸現身，Jer被追問有否上網撩女仔，他坦承：「下次會小心啲，真係….小事。」被傳媒再問，意指「下次」夠膽再玩？他說：「唔敢亂講嘢，多謝晒。」之後就快步上車離開。

至於Edan被指教壞隊友，他顯得輕鬆得多：「咩係我教壞呀，平時係你們（傳媒）教壞我。」再問到Edan怎樣形容Jer上網媾女，他重申：「一單還一單，唔好乜都關我事。無眼睇！」

而比Jer及Edan早一步現身的姜濤，被問到Edan被指教壞隊友，他先呆了秒才九唔搭八謂：「唔關事，多謝，（有冇教壞你？）我冇留意呢件事，係好遲喺飛機上先知。」AK、Alton及Lokman打頭陣現身，AK表示同行的家人早一班機回家，而開騷後有睇球賽及郊遊，談及有歌迷指巡唱表演時間縮短，Lokman就覺得每站有所不同，會有小小改變，承諾下次會做得更好。對於有網友指Edan教壞隊友，Lokman話：「唔關事，唔教都壞，有幾壞就下次講你知。」

Link

延伸閱讀：
野外露營｜柳應廷Jer插畫師Coey疑似多人聖誕煮飯仔

在這畢生不滅無極的狀態