阿mark

聽完成只碟，其實都明點解天窗系第2plug，最k就系呢首了

ＰerryXD

呢隻碟真係好小日子  除左派台果兩隻好似唔多岩theme

tungbilly

其實我覺得最surprise反而係舒文= =
如果幾年前既舒文,我杯茶個編曲應該係習慣失戀心淡d fd
同埋個vocal take得好過花千樹好多喎,真心有進步!
反而carl對我黎講已經開始有d樽頸
唔係差,但只係不過不失. 同祖既花火比alex同舒文比下去.
今日第一次聽7不思議,但覺得做3rd plug會有d"mung"水wo
小日子值得plug多d!

EDD

JY呢只碟真係好驚喜.
之前霖住J&J之後好難有只可以全碟loop既唱片
但係呢只真係好驚喜兼好聽

l00540

做咩一有歌手出碟就話有機攞至尊
新trend黎架
講番隻碟，最愛無電才是災難
好耐無聽距咁少女情懷 ...
nicknicknick 發表於 2013-8-15 18:55

今年原創廣東碟得the key, 小日子， 同我自在 係有質素
暫時好似無人話其他碟值至尊

l00540

知唔知道cd warehouse有冇簽名證送@@?
tungbilly 發表於 2013-8-15 14:15

有簽名會嗎？

tungbilly

有簽名會嗎？
l00540 發表於 2013-8-15 22:18

7月果時vcity個網頁有寫過話會請祖去搞簽名會
暫時未知係咪真

KyleHo

年尾靠小日子食糊啦!!
開頭段音樂真係超似 無力挽回!!!
詞又係Y文,同 我的宣言 好似
(並無突然地拿著鮮花///只知道是時候拿著鮮花)
隔空同柏豪談情

蟲之家,我杯茶都幾好

coolwanted

要泓景臺豪宅還是浪漫小民宿 － 容祖兒【小日子】碟評 （文：瓊姐）(轉貼)

離上一張廣東大碟【Joey & Joey】有兩年的時間，容祖兒上年在廣東歌方面稍作休息，只交出一大堆血肉模糊的廣告歌。今年重整旗鼓，終於推出以「家居浪漫」為題的廣東概念大碟。

以往很怕香港歌手做概念大碟，因為結果只會淪為歌詞上很統一，但音樂風格上完全是支離破碎、為概念而概念的所謂「概念大碟」，經典例子有古巨基的【星戰】、。所以最初聽到容氏要做概念大碟，心裡不禁一涼，因為以往她的概念大碟，例如以「天氣」為題的【Give Love a Break】、以「光」為題的【Glow】等，質素都慘不忍睹，反映容氏其實並不擅長做這類碟。

經歷兩年時間，由單身變拍拖，再經歷何韻詩事件，兩次唱「黃色大門」都不禁痛哭起來。究竟【Joey & Joey】中的樂天女孩，用了兩年時間搬進這個【小日子】新家，會有什麼改變？

聽畢全碟，我想大家也不能否認這兩年的事件的確讓容氏成長起來。【小日子】所流露的浪漫成熟女性味道，是第一次在容氏的大碟中找到。大碟的統一完整性，亦是第一次在容氏的大碟中找到，之前對於會否只成為流於表面的概念大碟的憂慮，完全消失。這個家，不再是【In Motion】只為求創新，而不理傢私是否適合主人風格的家；也不是【A Time For Us】過於保守，沉悶至極的家。容氏終於繼R&B風格的【全身暑假】後，炮製一張更加統一、更有中心主題貫穿全碟的大碟。

全碟以爵士管弦樂貫穿以「家」為題的歌曲，開首點題作「小日子」，是家中的大門，一打開進入家中，放鬆心情。歌曲旋律優美，編曲高雅而不俗氣，顯然是一首「大歌格」，完勝同類作、娘味極濃的「零時零分」九條街，因此，除了「周柏豪效應」外，完全理解不到為什麼捨「小日子」而派「天窗」，英皇又再一次派錯歌。而弦樂風格的「臨床」，則是浴室中的玫瑰花沐浴露，延續了「牆紙」的文藝浪漫，翁瑋盈的編曲加添那種法國歐陸味，容氏唱出那種柔弱女人的感覺，畫面完全是那些乜乜花沐浴露的廣告歌，非常浪漫。

容氏最拿手的音樂風格還是R&B，在唱片就可以找到「蟲之家」及「深閨」。「蟲之家」就像廚房，屋主擔任大廚大獻身手，大騷最拿手的輕快 90s 歐美R&B，比起Jazz，容氏唱腔更從容不逼，甚有上隻碟的亮點作「蜉蝣」的影子，終究到底容氏還是唱這種歌最討好，輕易成為本人最愛。「深閨」是關上房燈，灑滿玫瑰花的 King Size 大床，很典型的方大同「橙月」式 R&B，非常有groove和入腦，可幸的是林夕的歌詞沒有交行貨，寫出寧願躲在深閨也不願多花心機在感情事上的傲嬌。

另一高潮位是「無電才是災難」，彷如家中的電器部，新鮮又有玩樂味，歌詞更和 Electro 曲風襯到一絕，是「跟珍芳達做健身操」的延續。歌曲表現到的可愛跳脫，令人想起同樣是講「家」，梁詠琪的「家有小熊」和楊千嬅的「家有幾米」，更勝一籌的是容氏的節奏感更強，以及何山的電音觸覺。

第一主打「另眼相看」沒有派錯，這首歌就像掛左客廳的巨型畫作，攝人氣勢顯然是第一主打的材料。但其實容氏失聲後，雄厚聲線已不及當年勇，被舒文不斷扯高音的磨練下，聲線其實早已淪為李紫昕之流，幸好有 Alex Fung 幫忙，令容氏在這首歌的唱腔轉變有令人驚喜的感覺。可惜部分香港樂迷以及某些樂評網的質素實在低得不能接受，同風格的歌曲竟可被標籤為「抄歌」，其實某某樂評網就像樂壇的念珠菌，說某某抄歌，然後就一傳十，十傳百，傳染各方，令聽者都從 Rumor Has It 的角度代人腦袋去聽這首歌，但我仍然相信香港樂迷是有 Critical Thinking 及懂得挑選高質素的樂評去看。

「七不思議」為全碟最不易入口的一首，港人較少接觸百老匯曲式，而且旋律不算易記，容氏在此曲的表現算是全碟最失色，又要顧及百老匯澎湃的編曲，但又要兼顧歌詞的恐怖感覺，平衡不到，駕馭不來。「近在咫尺」為小調曲風，就像一對老夫老妻，坐在家中窗台懷緬過去開心的日子，有種六十年代香港老歌的風格，但不喜歡容氏的唱腔，太現代，不夠 Vintage，少了一份老白頭的唏噓，只是用以前唱「夢非夢」那種方式去唱。

最後，第二主打「天窗」反而是全碟最突兀的一首。為什麼是「反而」？因為派台時，獨立來聽是一首好作品，很有台灣味的情歌，帶回【一個人的情歌】時的感覺，旋律沒有「花千樹」的拉牛上樹，但全碟一氣呵成地聽，「天窗」就像個放在西式客廳的中式古董，格格不入，質素亦被「小日子」比下去。「我杯茶」為全碟谷底，一見 Zoo Music 已有浸涼氣，果然不出所料是一首罐頭情歌，旋律老土，又熟口熟面，是放在廚房乾貨櫃的五香肉丁罐頭嗎？那些為融入大碟風格而做的管樂編曲非常格硬，為做而做，就像將魚子醬加上五香肉丁上，拖低全碟氣質。

作為廣告歌，將「充電器」和「途經北海道」放在 Bonus Track 非常明智。作為新版李紫昕，容氏將「充電器」發揮得淋漓盡致，是100%活生生的一首多啦A夢片尾曲，實在令人忍俊不禁，看見是「我的驕傲」的班底製作，更見無奈。「途經北海道」就根本不是容氏的專長，高潮位的 Adlib 太突兀，而且這種 Jazz 這三年實在太多，非常生厭。

綜觀這個新家，質素上乘，風格一致，是可幸沒有淪為「古巨基式」概念大碟之流的高評級大碟，用兩年時間搬屋，絕對值得。究竟是否容祖兒歷來最高質素大碟？看你的「最高質素」如何定義，要耐聽度的，有【Something About You】；要自助餐式大雜儈，有【In Motion】；要Pop，更有大把。同樣賣曲風統一，我認為【小日子】已經贏賣硬朗R&B的【全身暑假】，因為有 Alex Fung 這個靈魂人物的 Leading，以及有清晰的大碟主題。

這次的家，賣的是小溫馨和浪漫氣質，不需要像【Moment】般，大堆頭請十幾廿個裝修師傅打造泓景臺豪宅，只需一個 Alex Fung，就打造到浪漫溫馨的小民宿。究竟下一步，容氏會繼續住在【小日子】，還是繼續找不同監製為她搬屋？

Top Pick：蟲之家
Recommend：無電才是災難 臨床 深閨 小日子 另眼相看

water:)

要泓景臺豪宅還是浪漫小民宿 － 容祖兒【小日子】碟評 （文：瓊姐）(轉貼)

離上一張廣東大碟【Joey & Joey ...
coolwanted 發表於 2013-8-15 23:04

見你POST左就DEL左我開果個啦~

全文最LIKE : 作為新版李紫昕，容氏將「充電器」發揮得淋漓盡致，是100%活生生的一首多啦A夢片尾曲，實在令人忍俊不禁，看見是「我的驕傲」的班底製作，更見無奈。

Wonders

見你POST左就DEL左我開果個啦~

全文最LIKE : 作為新版李紫昕，容氏將「充電器」發揮得淋漓盡致，是100%活 ...
water:) 發表於 2013-8-15 23:11

呢句簡直係亮點
唔好再唱膠歌喇以後... so sad

bagfgfcde

要泓景臺豪宅還是浪漫小民宿 － 容祖兒【小日子】碟評 （文：瓊姐）(轉貼)

離上一張廣東大碟【Joey & Joey ...
coolwanted 發表於 2013-8-15 23:04

    新版李紫昕，咩事

rubylovessss

近在唔係百記歌....?!

Wonders

近在唔係百記歌....?!
rubylovessss 發表於 2013-8-15 23:37

最新嗰首冇入碟

TT进化论

要泓景臺豪宅還是浪漫小民宿 － 容祖兒【小日子】碟評 （文：瓊姐）(轉貼)

離上一張廣東大碟【Joey & Joey ...
coolwanted 發表於 2013-8-15 23:04

    容祖兒已點“贊” 瓊姐真系本質真愛

KyleHo

點解無人同Reflection比? 製作班底一樣喔~
某D歌曲風格都好似...

無電才是災難 = 點心
一樣咁膠

~蛋撻~

點解無人同Reflection比? 製作班底一樣喔~
某D歌曲風格都好似...

無電才是災難 = 點心
一樣咁膠 ...
KyleHo 發表於 2013-8-15 23:45

《點心》膠?
Maybe~
但係我一d都唔覺

星夢情真

我覺得無電有d似以前hanjin寫比佢嗰d歌tim~

people

希望joey 有至尊碟拎啦, 呢個應該算係佢最恨既獎喇

antiware

呢隻確實值至尊碟

tungbilly

我都覺得7不思議handle得無咁好
之前未出碟我一直以為會係dark dark地既歌
依家個感覺無左鬼異,係編曲同vocal都無不可思議既感覺
唔值得搏做3rd plug
無電才是災難我自己會覺得係早期03年左近既作品
始終覺得陳生既作品用字唔夠精準,好多沙石
尤其有玩味既歌詞佢handle得唔夠好. <種我>已經係.
反而蟲之家既水準就比較好
小日子不單作為主題作好稱身之外,vocal係take得好有心機
無左好多chur到盡既聲,用慢歌做opening有咁surprise既效果真係好得!
最後就係覺得臨床如果比返alex監,個效果應該比carl好好多
依家把聲係呢首歌黎講有d tough,唔似alex底下既祖果種女人嫵媚

~蛋撻~

《無電才是災難》係咪搵左Ivana做back vocal?

kingsfacheung

其實而家覺得eeg冇派錯歌，另眼同天窗獨立聽都ok嘅
不過真係唔夾呢隻碟，唔係好適合做小日子嘅第一第二主打

yuelk

真係好呀，SPOTIFY有齊成隻碟，WEEKEND可以慢慢聽

叱咤吃喳喳

小日子大概会卖到几多只碟呢，大家估下

PangChiYeung

我覺得 我杯茶 好正~~~~~

rubylovessss

要泓景臺豪宅還是浪漫小民宿 － 容祖兒【小日子】碟評 （文：瓊姐）(轉貼)

離上一張廣東大碟【Joey & Joey ...
coolwanted 發表於 2013-8-15 23:04

   

Lewis

Plug 充電器同另眼真係晒quota lol
天窗其實啲詞唔多得，wyman真係睇人黎填詞
小日子嘅碟俾蛋記plug到做大日子真係神乎奇技
轉會吧啦

風見志郎

俾我就一定咁plug (903食糊mode)

另眼相看/天窗/七不思議/小日子/途經北海道/無電才是災難

water:)

Plug 充電器同另眼真係晒quota lol
天窗其實啲詞唔多得，wyman真係睇人黎填詞
小日子嘅碟俾蛋記plug到做大 ...
Lewis 發表於 2013-8-16 18:22

wyman 係咪睇人黎填詞唔該就睇埋碟入面其他作品
唔好係度睇一份你覺得唔掂既歌詞就咁快下定論

thanks

叱咤吃喳喳

有机会至尊碟哦，另眼同埋天窗都冠埋左，小日子应该都会冠，十大料

l00540

Plug 充電器同另眼真係晒quota lol
天窗其實啲詞唔多得，wyman真係睇人黎填詞
小日子嘅碟俾蛋記plug到做大 ...
Lewis 發表於 2013-8-16 18:22

全靠yy呢份“打開天窗說亮“詞
將pakho作的旋律昇華

而yy寫嘅小日子，另眼都係佳作囉
   
相信JY今年四首903冠軍歌有三首都會係y填
(*concert theme song應該有冠 +*小日子+另眼+天窗）
*估計

Our_Souvenir

唔知破了的米菲兔會唔會 PLUG 去 TVB8 呢
容祖祖今年冇歌@TVB8 喎

賴爽

俾我就一定咁plug (903食糊mode)

另眼相看/天窗/七不思議/小日子/途經北海道/無電才是災難 ...
風見志郎 發表於 2013-8-16 18:55

蟲之家好似比較接近 903 中意既風格 ..

just11256

完全認同
悶到不得了...
另眼真係唔錯
cdcdcdc01 發表於 2013-8-17 02:00

有幾首真系頗悶
近在咫尺

remus

有幾首真系頗悶
近在咫尺
just11256 發表於 2013-8-17 02:01

近在咫尺有人話係老式情歌

星夢情真

唔知點解近在咫尺個intro入完之後我期望係ivana把聲
不過呢首應該都係我成隻碟入面最少會揀黎播..

yuelk

原來小日子首歌都好適合做國語歌
破了的米菲兔出奇地好聽，唔會覺得係一雞兩味
不過聽完破了的米菲兔之後即跳到充電器就真係WTH

阿mark

見你POST左就DEL左我開果個啦~

全文最LIKE : 作為新版李紫昕，容氏將「充電器」發揮得淋漓盡致，是100%活 ...
water:) 發表於 2013-8-15 23:11

唔講唔覺，又真系幾多拉A夢feel

Our_Souvenir

原來小日子首歌都好適合做國語歌
破了的米菲兔出奇地好聽，唔會覺得係一雞兩味
不過聽完破了的米菲兔之後即 ...
yuelk 發表於 2013-8-17 10:33

    agree
破了的米菲兔 d 詞都填得好好囉

721AXA

原來小日子首歌都好適合做國語歌
破了的米菲兔出奇地好聽，唔會覺得係一雞兩味
不過聽完破了的米菲兔之後即 ...
yuelk 發表於 2013-8-17 10:33

同埋小日子同破了的米菲兔既arrangement係有唔同
小日子用左horn, 而破了的米菲兔就用左violins

炎力

agree
破了的米菲兔 d 詞都填得好好囉
Our_Souvenir 發表於 2013-8-17 12:41

有冇人發現小日子同破了的米菲兔編曲有邊度唔同阿！

just11256

agree
破了的米菲兔 d 詞都填得好好囉
Our_Souvenir 發表於 2013-8-17 12:41

我以前唔知alex fung識填詞，上wiki睇先知
填得幾好!

kingsfacheung

同埋小日子同破了的米菲兔既arrangement係有唔同
小日子用左horn, 而破了的米菲兔就用左violins ...
721AXA 發表於 2013-8-17 13:38

    你就唔可以講用brass同string嘅? 聽都聽到唔止得horn同violin啦

叱咤吃喳喳

点解冇咩新闻宣传祖儿出新碟噶

hkay

雖然無聊
但我想講小日子冇大日子咁正
碟同歌都係
小日子首歌係幾入耳
但略嫌普通
可能要煲多陣先有味
但點都好過本年爛歌極度爛melody 之最 --- 天窗

低bb

回復 304# hkay


   同周柏豪講~哈哈

hkay

回復  hkay


   同周柏豪講~哈哈
低bb 發表於 2013-8-17 20:19

佢呢D 極度自我感覺良好狂同佢講都冇用架啦
我想同佢講佢轉做全職model 唔好扮實力派污染樂壇呃蝦條佢係咪會聽我講?

我杯茶D 詞係咪inspired by 囍帖街?
唔覺得係抄
但係有D 關連咁