返回列表 發帖

超級巨聲的突破與困境

本帖最後由 powerful 於 2013-10-6 12:42 編輯



2009年-2011年,TVB大型音樂比賽節目《超級巨聲》進行了三季,橫跨了三年。
從最初不被外間看好,僅為台灣同類型的《超級星光大道》翻版,
到後來縱然節目製作質素不算相當理想 (評審、淘汰制度等都有批評聲音),
卻真的能吸引樂迷追看,亦因此讓第一季成為許廷鏗入屋的關鍵,
成為第一位簽下唱片公司的巨聲新人。
第二季接續播放,節奏更緊湊,亦在尾段終於掀起了話題,
同時成為目前三季中最多參賽者成功得到唱片公司賞識,有推出個人專輯的機會,
連帶踢館的李幸倪,都得以推出廣東大碟,留港發展。
可惜第三季未能延續口碑收視,播放以來最高收視只有20點,
加上有實力有條件的而又報名的可能已都遴選過,就讓《超級巨聲》暫時告一段落。

三年過去了,超級巨聲出身的歌手們 (慣稱為巨聲幫) 在香港樂壇的地位如何?
港樂能唱能表演的生力軍歌手們確實不多,
能有巨聲幫加入,著實更熱鬧更有競爭力,但是否在可見未來進軍天王天后級?
已經出道,經歷過新人階段的,就有四位,許廷鏗、林欣彤、胡鴻鈞、馮允謙。
他們有再進一步的潛力嗎? 會成為支撐起港樂市場的核心嗎?
就先逐一從他們的新專輯新歌曲,
就其音樂路線、形象宣傳、演繹水平去看他們的實力與飛躍空間。

剩下的又如何? 隨著時間,巨聲熱逐步散去,電視機前觀眾的記憶漸模糊,
還能有新的流行歌手從巨聲幫走到香港樂壇前線嗎?
2013年度先後有陳慧敏與何雁詩,有單曲正式派台,
時隔巨聲畢業已一段日子,她們真的還可站得住腳,不當一碟一歌的單位嗎?
其他的參賽者,又是否還有未被發掘的新星?

超級巨聲的突破與困境 (一) – 許廷鏗
超級巨聲的突破與困境 (二) – 林欣彤
超級巨聲的突破與困境 (三) – 胡鴻鈞
超級巨聲的突破與困境 (四) – 馮允謙

(一) 許廷鏗



坐享市場上的先發優勢 (First-mover advantage),
作為第一季第一位出道的巨聲幫,有樣有唱功,自然受歡迎。
在巨聲舞台上首次認識他的聲音,在於他選了方大同的《夠不夠》,
當時就覺得此子有品味,竟然以一首不算流行亦不易取分的歌來參戰,
還要在初登場的一次去演繹高難度之作,
在一共超過二十位面目模糊的單位中,真的叫人眼前一亮。

那一次是落敗了,就算一路走到最後,他也只排在十名以外,
卻已有足夠信心叫星煥收歸力捧,
2011年《出走》《螞蟻》《厭棄》三部曲以聖經篇章入詞,
奠定其苦難慘情代言人身份,贏盡銷量及年尾各大頒獎禮的新人王稱號。

另外,TVB的高曝光率亦是許廷鏗走紅的有利條件。
得到眾多現場發揮的機會,其演唱面對的受眾群亦相當廣闊,
就目前所見,可與不同歌手合作,帶來的好處就是讓其台風漸成形,
愈來愈對舞台有信心,就愈見大將之風,
當中他所擅長的和音,亦有熟能生巧的進步,穩定之餘還可帶領著台上歌手,
且看保良騷中夾謝安琪、星夢中夾鄭俊弘,都有著默契與火花。
只是,高音的爆發位還有待磨練,
一直以來許廷鏗的低音都響亮清脆,假音的轉換尚算流暢,
唯獨是真音上高音位,會有失手或承接不住之前鋪墊的情感氣勢。

可惜在公司老闆主打改編歌的大前提下,其專輯毫無概念性亦毫無個人風格可言,
就是一大堆口水罐頭情歌的改編,還要是台灣早已大熱的作品複製,
驟耳聽都可以,但沒有讓人停下來細聽的意欲。
歌唱比賽的後遺總是如斯,因為翻唱他人名作而得人認識,之後就難突破固有框架。

幸好在《長大》一碟中找對了主題,本來一路順序聽都有重覆懨悶之感,
直到最後一首《青春頌》才醒神起來,
奉上曲詞的藍奕邦曾為其作評判,這首歌本來就有名師贈高徒的意味,
之後在星夢與鄭俊弘合唱,就更有代代相傳的正面鼓勵。 (雖然許廷鏗還比鄭俊弘年輕)
也許唱好「青春」此大主題,容易得到共鳴,又能得到傳媒廣播推介,
許廷鏗暫時就可順著這方向去選唱原創作品,而不需獨沽一味去改編歇斯底里的慘情吧。

於是,有了新作《魂遊太虛》。
這一次,不再外借旋律,反而埋首CASH自創曲目,
馮彥中得季軍獎的作品,得到林若寧筆下延續《年少無知》的情感宣洩,
結合《青春頌》的題目,與其成名的唱法,
大路得來卻不再覺得一式一樣,也許源於旋律走向,及其鋼琴編曲營造的偏黑暗氣氛。
只有脫離公司政策,多嘗試新曲風新題目,
許廷鏗才不致流於當個被擺佈的偶像,
而可做回當初敢於揀選偏離大眾的曲目,自由駕馭不同音樂類型的實力派,
能同時得到粉絲們、樂評人及普羅樂迷的認同,
許廷鏗目前不止是巨聲幫中,更是香港樂壇的新一代歌手中,最有力做到的一人。



延伸分享:
廣東流行曲式示範 – 許廷鏗《出走》
許廷鏗 《長大》- 概念成熟 音樂停滯

TOP

(二) – 林欣彤



《超級巨聲》三季來中最矚目的大戰,莫過於林欣彤與李幸倪的對決,
一曲《A.I.N.Y》,換來了高分紀錄、點撃率、冠軍名銜,還有天價的合約。
之後的星途,卻未如預期般一鳴驚人,不是順遂平坦,
反而有了壓力,有了失聲,與一堆不高不低、半紅不黑的流行曲。

她的聲音當然有感染力,亦有個人特色,不然單憑嗌歌又如何得到樂迷喜愛?
但她的鼻音至今仍是偏重,有時會聽得很辛苦,亦會予人唱得不清不楚之感。
而其現場演出可能受到聲帶曾受損的影響,不再如當初有暸亮的辨識度,
但願給點時間,全面康復之後,台上表演會更揮灑自如。

除了身體狀況,也許心理狀態亦是另一因素,
雖然她的歌曲中經常談及自信心與勵志訊息,
但在咪高峰前聽眾群前,現在的她正正欠缺了從前的一鼓作氣向前衝,
就如在《星夢傳奇》所唱,林憶蓮的《沒有你還是愛你》,
沒有從容地投入,只聽到緊繃,亦充滿著不自然的計算,
先天的聲音再漂亮,還需在後天的修飾,有境界與層次的提升。

一年的一張大碟,似乎反映林欣彤尚在摸索合適的歌路,
既不想只得《A.I.N.Y》式咆哮歌,卻又沒有另一種曲式能深入民心,
《The Vocalist》第一張還可以多點玩味,多元化地去拓展聲音的可能性,
第二張第三張還是如此,就會淪為欠缺特色,猶如歌唱機器。
這是每每對唱得之人的警號,沒有了靈魂,只是例行公事,任由市場主導商業化去。

但林欣彤理應不甘於此,至少她有參與創作,
不過《番梘》的宣言不痛也不癢,畢竟其出道歷程順風順水,
沿途亦沒有太多緋聞或受抨擊的負面新聞,她亦不是謝安琪吳雨霏,
唱《番梘》沒有太大說服力,亦未見其作曲的亮點,風頭給編曲徹底蓋過。
也許不應作過份挑剔,始終能同時譜曲填詞而通樂理與修辭的歌手,香港並不多,
只是林欣彤的起跳點實在太高,背負著比其他新人更高的期望,那就是非戰之罪,
另外還有 G.E.M. 與李幸倪作直接比較,更顯她的音樂有局限有重擔。
G.E.M 的《Exposed》已達到曲風與詞意統一完整的水平,
李幸倪的《Gin Lee》亦在故事性上有連貫,
反觀林欣彤三年來仍在原地踏步,就未免要為其焦急。

新作《District 23》仍是沒有焦點,
一首又一首風格割裂的主打曲面世,始終沒有好好利用歌者的聲線,
還是兩年前第一派《洗澡》感覺最合身,
那受虐的頹廢感,正是她應好好把握的風格,
此質感同樣可見於《樹藤》的氣聲中,她本人聽不見嗎?
音樂監製聽不見,還是英皇不容許她向這形象路線進發?

話說到此,點題作再一次交到林若寧手中,卻是水準每下愈況。
不用計較《一千零一次人生》的數量詞是否誇張,
本來在年輕氣息的歌者身上,
交出這份老套而陳腔濫調的詞,就已完全不過電。
不押韻不通順也都算,
這種《Shall We Talk》式老氣說教,在港式K歌中已響遍一千次,
沒有新的觀點角度,亦註定在一片道理歌的洪流中,消失得無影無蹤。

最後要說,林欣彤這幾年在英皇的日子,最對的決定就是找到了麥曦茵。
作為其御用MV導演,麥曦茵的心思創意,使最平凡的歌曲,都有了格調的提升,
《番梘》的造型固然耳目一新,《樹藤》亦色彩鮮明,影像凌厲,
在沒有資本的情況下,將街頭演唱剪輯成《一千零一次人生》更是神來之筆,
只是其開場白仍不免如同歌詞般流於俗套,
「有冇人你想見但未見,甚至你愛既人」!? 真的嗎? 最愛卻很久不見?
「有冇戲你好想睇但你未睇」!? 這樣的句子放到最後不反高潮嗎?
《一千零一次人生》的創作意圖正在於真實反映歌者與聽眾的交流,
奈何正如畫面忠實的呈現,林欣彤所表現出的,只是一種表面而膚淺的空泛情感。



延伸分享:
香港樂壇這一代 – 華麗之前 自虐墮落
林欣彤的洗澡告白, 李幸倪的愛情潛水
華麗之後的空洞 低俗喜劇的悲哀

TOP

(三) – 胡鴻鈞



巨聲第二季備受矚目,只因為林欣彤的超班表現,之後還有她與羅孝勇的緋聞宣傳,
第二名的胡鴻鈞樣子平凡,聲音特色不顯著,沒想到可走得這樣遠,到現在還算能站穩陣腳,
多得自身實力不斷提升,及TVB很有心,不斷安排其出賽出鏡,唱劇集主題曲,
現在歌曲有知名度,在樂壇保持著高度的存在感,主要是來自公仔箱的重複播放。

跟許廷鏗一樣,加盟星煥有利有弊,至少仍保有在TVB的主場地位,
但音樂製作上嚴重失去主導權,比許廷鏗更甚,更壞情況是不獲力捧,
看其新專輯封套已見毫無設計,碟名更取其翻唱作品《化蝶》,隨便程度為全星煥之最。
《化蝶》此歌還是因為劇集《師父明白了》而為人熟悉,
宣傳全在經理人公司而非其發行,整張專輯從曲目到編排都是流水作業,
一張毫無誠意的唱片在新人第二年推出,會虛耗支持者的等待,亦會在外界印象大打折扣。

不過,有娘家的舞台支撐住,胡鴻鈞的銷量及大眾認識度還是有保證,
參加過新秀、韓國選拔、春晚等比賽後,有了經驗,逐漸脫離當初的面目模糊,
誠然首張專輯已有多樣風格嘗試,他的唱法變得很突出鮮明,
只是公司重點主打常是倒模的台式情歌,讓其在坊間形象停留在「情歌王子」的塑造。
最流行的歌曲,始終源於劇集,亦讓他成為巨聲幫中最能受惠於電視平台的歌手,
《一生一心》、《明白了》與《化蝶》是他出道三首最大熱的歌曲,
又難得他唱出古裝的意境,此等慢板大路金曲,適合他娓娓道來的演繹,聽得窩心,
更難得是兩部劇都有不俗質素,才可讓歌曲與劇情融和,
給觀眾樂迷帶來強烈的畫面感,代入故事中人的情緒情感。

《化蝶》雖唱得好而具豐富感情,畢竟仍只是一次成功的翻唱。
巨聲幫中就只剩他,尚未離開參賽時選他人之歌重新演繹的路線,
就像台灣那邊,林宥嘉已打造自家品牌,楊宗緯則依然停留在口水歌的層次。
新專輯帶來另一個變化,多了與同公司女歌手的合唱,
有其他聲音參與,初試會有新鮮感,
但連本身風格都未確立,只會讓音樂方向更模糊更凌亂,
何況選擇的都是迎合市場的K歌,一聽就知不是發揮胡鴻鈞聲音及感情優點的類型,
再一次證明星煥正在浪費胡鴻鈞的歌唱才華。

另外,關於其中性造型,似乎可另闢一片市場的天地,
能將何韻詩的歌化成自己的作品,也許他其實大可走其早期路線,說不定可以鞏固其樂迷群。
當然以他雄渾厚實的聲底,去唱《神經痛》《露絲瑪莉》等深情作必然能擊中聽眾要害,
但筆者想像的是《娃鬼回魂》式型格放諸他身上,應別有一番嶄然一新的氣象。

TOP

(四) – 馮允謙



周杰倫革新了華語界的R&B,方大同亦憑Soul Boy獨特創作與唱腔站穩一線位置,
拿馮允謙的創作跟兩大巨頭相提並論,也許是言之過早,亦是過份抬舉,
只是港樂中,少有主打西洋曲風 (目前唯一成功例子就是 G.E.M),
2009年曾經有李治廷,亦曾手執結他要今天開始,
現在已轉型當演員,下一張專輯遙遙無期,
跟他走同類路線的馮允謙,比李治廷還有更佳的背景與條件,可以為沉悶的港樂帶來新的可能性嗎?

有外形 (巨聲第三季時己獲封人氣王)、
有唱功 (巨聲亞軍得主)、
有創作才華 (自彈自唱,與恭碩良音樂班底合作極有火花)、
歌曲風格具個人特色,
有英皇發行,有TVB作經理人,
坐擁所有走紅的因素,為何至今仍是已出道的巨聲幫中受歡迎度最低迷的一位?

是香港樂壇的歌迷真的尚未可接受馮允謙所擅長的曲風嗎?
沒有典型可於卡拉OK選唱的歌,過份偏重英文歌曲的演繹方式,套進廣東歌有不協調感嗎?
還是英皇與無線之爭,讓馮允謙成為得不到重視的犠牲品?
到底是市場不接受,還是宣傳不足? 到此刻還未弄清答案,
唯一可肯定的是,馮允謙的歌曲,是在濁流間一道清泉,帶來陽光與希望。

要等多久,才可再找到這樣正氣又富才情的大男孩?
只要一拿起結他,就可玩出不同花樣,但都是一致的舒服坦然,
從前的 Demo 如《Knowing Right From Wrong》、《Don’t Know Why》;
到現在的廣東歌《夜半敲門》、《想想想》,都是輕盈具節奏感,
輕掃結他與拍打結他的間奏表演,一向都是隨心率性。

就是這份天生的正能量,舞台上常見的傻笑容,
讓首支廣東作品《今天開始》高舉和諧旗幟卻不像政客般造作,
讓楊熙寫《世界劇團》的主題縱是每人都戴假面孔面對社會,詞中卻全無負面批評,
讓其現場表演往往能感染樂迷一起投入一起拍和。

他的音樂感無容置疑,只是目前能多在舞台練習的機會比巨聲時少,
因為其風格多是即興,少了曝光,就少了親和魅力的展現,
同時亦少了在現場實驗不同風格的機會,生疏了就會唱得不夠得心應手,
李治廷之前遇上同樣的情況,幾乎沒有與現場樂迷交流過,
歌唱水平亦隨之滑落,連創作變化都被局限了。
英皇/TVB 若有心造就馮允謙,
就需要多一點在勁歌、慈善騷、工房或Music Cafe的曝光,
只可惜現在他淪為談判條件,兩間公司的關係又不復從前,
馮允謙要入屋,似乎具一定難度。

巨聲第三季的《I’m yours》明明已成其打響名堂之作,
單看當集收視及後來網上投票已可知一二,
只是既然已有一定樂迷基礎,何解就不算多人認識?
其實巨聲第三季開播以來,都沒有引起追看的話題,
《I’m yours》就是唯一的亮點,
欠缺激烈競爭,加上兩季過後再倉促推出新季度,觀眾已厭倦,
亦是馮允謙未能憑當時密集亮相而得到注目的一大原因。
就連筆者都在《今天開始》推出後,才找回當時參賽片段,從而正式認識他。

派台歌視頻點撃率偏低,討論區投票率同樣落後,
也許就要數到英皇的宣傳問題。
去年年頭已有亞洲星光大道的羅力威,高調宣傳其首張大碟,
何解年尾又要再調配資源,安排馮允謙正式發表新歌新碟?
結果就是零宣傳零迴響,目前流行度全因電台電視台的支持。
另外,反正馮允謙需要短時間內苦練廣東歌,何不將英文單曲一併放於碟內?
中文不好,一直是其詬病,固然需要克服,
但他的英語演唱才是殺手鐧,才是樂迷最喜愛的本色,為何要強行放棄?

《What do you want from me?》一文中已高度讚揚過歌者的能力,
我相信馮允謙只要堅持其風格,必能在地平線上闖出一線天,
但也需要適當的配套,和有效建構知名度流行度的一套方案,
英皇近年來力捧新人的策略出現嚴重偏差,
既沒有好好利用網絡平台,現在連電視台那邊亦得不到支持,
相信吳雨/Mani需要好好的調整,才不致得人才無所發揮空間。

另外,既已提到羅力威,亦必須批評一下《超級巨聲》的製作,
論收視,論格局,論資源,TVB遠勝ATV,
但為何《亞洲星光大道》可以將羅力威打造成師奶偶像,
替其吸納一批忠實到底的支持者,而三季以來巨聲都無法泡製如斯氣勢,
而羅力威的曲風只限於周杰倫式台式情歌,
馮允謙的創作卻更突出,更為港樂罕見。

最後,執筆之際,得悉其新歌《世界劇團》得到出道來叱吒第一首冠軍歌,
亦很有機會衝擊叱吒十大與男歌手三甲,
衷心奉上祝福,馮允謙可以憑藉一路走來的獨特風格,得到媒體及樂迷肯定。
畢竟《世界劇團》是一首精彩的歌曲,在歌者輕聲的演唱下,
聽眾可以放鬆感受,就像MV中繁忙的苦悶工作,可找到喘息發白日夢的空間。



延伸分享:
What do you want from me?
香港樂壇 年度十大 2012 – Come on now, Sing it loud
香港樂壇 年度總結 2012 – 唱作新人王

TOP

Full of bias。

TOP

「一張毫無誠意的唱片在新人第二年推出,會虛耗支持者的等待,亦會在外界印象大打折扣。」
好同意呢句
我都開始對Hubert冇乜信心
佢把聲其實真係好靚好清, 但第2隻碟搞成咁
希望佢有機會再出碟可以做番一隻有誠意d嘅
起碼唔好碟名咁hea先.. 2隻都用歌名

TOP

許廷鏗紅其實彩數唔少,遇著幾首好歌
不過我覺得佢去到樽頸,要點樣再落去好睇佢+唱片公司
繼續咁樣ge唱片質素+取態未必好事,同埋佢越唱越緊,把聲有少少越拉越薄,需要小心

對於林欣彤,無疑佢仲未出到首hit爆ge歌係好遺憾,不過喜見佢ge唱片質素唔錯,而且佢宜家咁樣反而可以有更多變化、嘗試,未嚐唔係好事,不過當然亦要搵到啱ge方向
樹藤嗰類唔錯,但佢最拿手ge爆歌都唔可以忽略

胡鴻鈞,覺得佢ge唱腔依然造作,加埋今年張咁ge碟,其實四個入面佢的確最弱~加埋同唱片公司似乎個個同一formula咁做碟,更加無個人特色

馮允謙得903寵愛,應該有少少運ge~起碼會多人聽到
鐘唔鐘意就睇佢點平衡la

TOP

巨聲出歌講既主題來來去去都係青春, 抑鬱等等類似既題材,
寫得1年2年第3年都會悶,
始終都突破唔到呢D題材,

TOP

十分認同馮允謙最有紅既條件, 但人氣竟然係最低果個

許廷鏗今年遇到青春頌係好彩, 但好彩唔會有好多次, 如果佢肯歌視雙線, 應該有得再上

MAG 應該會穩步上揚, 胡生一日唔轉公司一日等死...

TOP

本帖最後由 mosesming 於 2013-10-6 15:59 編輯
十分認同馮允謙最有紅既條件, 但人氣竟然係最低果個

許廷鏗今年遇到青春頌係好彩, 但好彩唔會有好多次,  ...
酷樂 發表於 2013-10-6 14:32

馮允謙既style唔岩香港
去台灣可能會多啲人中意 (雖然台灣已經有好多呢類既歌手-.-)
佢呢類鬼仔feel應該會吸引到中意聽英文歌果班香港人

巨聲出歌講既主題來來去去都係青春, 抑鬱等等類似既題材,
寫得1年2年第3年都會悶,
始終都突破唔到呢D題材, ...
艾石仔 發表於 2013-10-6 14:21

因為巨星果班其實年紀仲細
題材偏向青春都好正常
過多幾年應該唔會架啦
~Moses Idle in a Narrow Garden~
http://mosesming.blogspot.com/

TOP

提示: 作者被禁止或刪除 內容自動屏蔽
簽名被屏蔽

TOP

本帖最後由 thecool123 於 2013-10-6 17:47 編輯

看來呢位人兄本身對Mag有極大偏見, 不認同呢位人兄某D觀點。去嘗試唔同風格就叫"欠缺特色,猶如歌唱機器"? Give me a break! 難度作為一個新人每隻唱片就要不斷去repeat「洗澡」先叫好? 到時你咪又會話佢悶欠突破?

Mag今年只得23歲, 咁快就要定位不斷去唱怨婦悲歌嗎? 未免太小看她吧!  她的聲線唱功還有太多可性。 慶幸Mag不是這種但求食老本嘅歌手而是非常積極進取型, 所以每次出唱片可以必能令樂迷有驚喜。 就係Mag呢種堅持,"District 23"才可驚喜處處, 出現<怪獸大學>, <自主型>, <你以為>等不同風格佳作。 如果Mag嘅唱片首首好似星煥式K到唔K改編情歌, 可能我早就放棄咗佢。

《一千零一次人生》係少有能打動人心能引起共鳴好歌,咁都可以踩到一文不值? 這份詞陳腔濫調?  香港99%歌曲都係情歌, 難道又有幾唔陳腔濫調? 我覺得只要能打動人嘅就係好詞,老土D又何妨? 此曲在Youtube一片好評如潮已經speak for itself, 唔再多講。

論唱功,唱片質素, Mag係四人中最好。只要佢身心完全康復, 英記俾自由度佢去做好音樂, 無記又keep住佢曝光,一定可以繼續上位。

TOP

其餘兩位唔作點評。

先講Alfred Hui...今年有《青春頌》真係好好睬,但好睬會有下次嗎?
Mag Lam,經過幾只唱片的洗禮之後,我始終都係覺得這位小妹妹等緊一首大熱的K歌上位。

TOP

Full of bias。
rainbowdash 發表於 2013-10-6 13:05


邊一方面? 我認為四位歌手都各有優劣之處,但都值得支持期待。

「一張毫無誠意的唱片在新人第二年推出,會虛耗支持者的等待,亦會在外界印象大打折扣。」
好同意呢句
我都 ...
星夢情真 發表於 2013-10-6 13:26


胡鴻鈞呢一張專輯一出封套同曲目名單,已覺相當嚇人。
就算《化蝶》作點題,都係完全格格不入。

許廷鏗紅其實彩數唔少,遇著幾首好歌
不過我覺得佢去到樽頸,要點樣再落去好睇佢+唱片公司
繼續咁樣ge唱片 ...
dimitri 發表於 2013-10-6 14:07


許廷鏗係有D肉緊到七情上面,但現場表現愈來愈穩定。
佢亦有走紅條件,因為佢可以將大路歌唱得好好並注入自己特色,
但期待佢製作更多《魂遊太虛》一類作品。

只怕林欣彤再百變下去會迷失左,爆歌唔係無,但始終未遇到一首大熱曲。
之不過若然憑《一千零一次人生》呢種平凡歌而hit,亦欠更上一層樓的說服力。

胡鴻鈞同馮允謙,前者欠好歌後者欠歌迷,處境不妙。

巨聲出歌講既主題來來去去都係青春, 抑鬱等等類似既題材,
寫得1年2年第3年都會悶,
始終都突破唔到呢D題材, ...
艾石仔 發表於 2013-10-6 14:21


又的確係,但馮允謙好似無呢個負擔,胡鴻鈞亦偏成熟型情歌。

十分認同馮允謙最有紅既條件, 但人氣竟然係最低果個

許廷鏗今年遇到青春頌係好彩, 但好彩唔會有好多次,  ...
酷樂 發表於 2013-10-6 14:32


講得無錯,英皇有時處事真係莫名其妙。

許廷鏗都唔係單靠運氣既,青春頌交比其他人甚至藍奕邦自己,都未必有咁理想既效果。

馮允謙既style唔岩香港
去台灣可能會多啲人中意 (雖然台灣已經有好多呢類既歌手-.-)
佢呢類鬼仔feel應該會 ...
mosesming 發表於 2013-10-6 15:51


希望馮允謙堅持到,令呢種style廣為港人所接受,
初初方大同頭兩年都係只得樂評人buy同903 support呢。

Alfred唔係今年好彩,佢年年都有hit歌ga la。至於Jay Fung,我唔覺得佢呢類曲風會紅,除非佢配合樂迷口 ...
koalabear 發表於 2013-10-6 16:27


蛋記近期宣傳經常放錯重點,亦經常派錯歌推介錯重點主打... 旨意間公司有困難。

看來呢位人兄本身對Mag有極大偏見, 不認同呢位人兄某D觀點。去嘗試唔同風格就叫"欠缺特色,猶如歌唱機器"?  ...
thecool123 發表於 2013-10-6 17:20


多元化不等於優秀,呢個term經常被高估。
《一千零一次人生》受眾仍未普及,不過當然有一定支持,只係呢種歌平平無奇,紅到都係《紅綠燈》程度,幫唔到歌者星途。
唱片質素,亦不敢斷言 Mag 係四人中最好。

其餘兩位唔作點評。

先講Alfred Hui...今年有《青春頌》真係好好睬,但好睬會有下次嗎?
Mag Lam,經過幾只 ...
Kenny 發表於 2013-10-6 20:29


點解《青春頌》大熱就係好彩,而Mag拎到一首大熱曲就會上位?
兩者分別在哪?

TOP

ALFRED有樣唱又唔差,之前都講過佢有能力成為第二個黎明
我意思係歌影視都爆到出黎

其實阿MAG 隻新碟D詞都幾爛。。。
你以為好東西。。。聽落好唔舒服囉
不過曲係OK既~~唱都OK~~

HUBERT把聲係咁多個最靚,亦係暫時最被浪費既一個
佢要搵到個幫到佢既前輩
ALFRED人緣幾好就有PONGPONG幫
MAG亦都有林若寧,雖然有時D詞真係聽落好UN耳
而JAY有阿JUNE,完全MATCH自己STYLE

JAY其實好正,其實係應該話香港人接受能力低﹠求變心高
如果喜歡JAY既,聽佢成隻碟係好正,成個FLOW係一個ART WORK
只有香港人先會講又係呢D曲風,一首都夠啦又唱呢D。。。

最後我想講我係睇哂3輯巨聲既
其實當中仲有好多好歌手,不過冇機會發展係可惜既
始終香港只係一個小城市,並唔能夠容納到多元音樂
每人都只係跟著潮流走。。。
希望呢4位可以保留自己原有特色

TOP

本帖最後由 Bluejays 於 2013-10-7 00:48 編輯
2009年-2011年,TVB大型音樂比賽節目《超級巨聲》進行了三季,橫跨了三年。
powerful 發表於 2013-10-6 12:39


站在音樂角度,我接近完全同意你的觀點,只是我較著重市場(即是做到林峯那樣也冇壞),所以我認為Hubert現在行的路一樣有前景,還可能更舒服而沒有那麼多障礙。撇除音樂角度,市場已證明 魂遊太虛 找不到共鳴,反而 一千零一次人生 降低到大眾化層次才能找到平衡位。

你對阿Mag唱 沒有你還是愛你 及 番梘 的評語,正是我的心底話,但我作為一個愛之深責之切的人,實在不想與其他評論糾纏,所以非常佩服你將它寫出來甚至回應其他人的勇氣。不過我不同意你對麥曦茵的看法,麥曦茵對市場有太多不滿,太多hang ups,那股怨氣,對現階段的阿Mag反而有不良影響。

阿Jay的形象入屋,所以有很多廣告找他,只是唱歌路線被否定。他在今年勁歌第一季季選的演出,那種自由奔放,我甚至覺得好過I'm Yours,完全拋離了那晚其他歌手,但一點迴響也沒有。巨聲上星夢,阿Jay的觀眾評分是出奇地低的(請看我在星夢那邊post#492的列表)。所以,他有形象支持,但唱歌路線就一定要找到平衡。
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

本帖最後由 rainbowdash 於 2013-10-7 11:10 編輯
ALFRED有樣唱又唔差,之前都講過佢有能力成為第二個黎明
我意思係歌影視都爆到出黎

其實阿MAG 隻新碟D詞都幾爛。。。
yuelk 發表於 2013-10-7 00:37


阿mag新碟除咗周生嗰首「你以為」我覺得係比較麻麻之外請問邊首詞係爛? 請舉例大家研究一o下。

相反我見到很多難得一見好詞。「怪獸大學」係林日曦少有驚喜感人之作。「自主型」玩味之餘亦見深度。Little Something亦是平凡中見不平凡佳作。其他幾首亦不見得有任何一首有爛詞出現。

TOP

距唔肯放棄牙醫 要歌影視都幾困難     
遲下樽頸位解決唔到 又比星煥改編歌玩死  最後都選擇去做牙醫就真喺浪費

TOP

Alfred好運的歌,叫螞蟻和面具。
如果青春頌好運,就不會在坊間谷極也谷不起啦。

其實如果沒有螞蟻,再有面具和重新長大去承接,
就算Alfred有幾多首出走和青春頌,
都只會好像阿Jay那樣,到現在還在尋找歌迷。
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

本帖最後由 rainbowdash 於 2013-10-7 04:13 編輯
邊一方面? 我認為四位歌手都各有優劣之處,但都值得支持期待。
powerful 發表於 2013-10-7 00:16


完全唔覺得你對Mag有幾中肯, 字裏行間除咗踩就係踩。樓主似乎對Mag成見甚深。Mag嘅versitility就係佢強項, 你就講到好不堪沒有個人風格。吹毛求疵吧 。Mag嘅風格早已在Love Is Light出現,全碟風格統一大多都係抒情歌,你可能自己沒有去留意而已。

青春頌此類題材出現過幾百幾千次難道就不陳腔濫調? 樓主為何又只覺得「一千零一次人生」陳腔濫調?  未免太double standard 吧。

至於Hubert,我係同意唱片公司係浪費咗Hubert,出道以來大多唔係翻唱就係改編, 個人不是他的fans, 但覺得佢公司的確沒有珍惜佢。

TOP

距唔肯放棄牙醫 要歌影視都幾困難     
遲下樽頸位解決唔到 又比星煥改編歌玩死  最後都選擇去做牙醫就真喺 ...
nykerfish 發表於 2013-10-7 01:28



    其實牙醫都要不斷進修,再遲點真係要二選一了

TOP

回復 7# 星夢情真


我覺得hubert是最無辜的一個, 不同 Mag & Jay,EGG 始終是大公司, 他們兩個可以有很多資源,例如作曲,監製,作詞都是好的.好像jay的 MV是903光仔做 producer, 葛文輝 design
封面.
相反星煥, 根本沒有資源,監制只有Joseph Wei, 作詞也都是來來去去都是天旋,劉卓輝.HermanHo又以為自已是唱片大亨, 簽一大堆人, 又無錢出歌, 只好買一大堆歌給旗下歌手翻唱.

Alfred 比較幸運, 每隻碟都有Hit歌, 加上屋企有錢, 可以幫他買所碟, 所以公司都將所有資源放在他身上,他對上張碟以比較少翻唱歌.

相反 Hubert 如果不是明白了和化蝶兩首歌大 hit, 我相信明年他也沒有机會出碟, 結果只會慢慢消失.所以雖然他這張碟很hea,but thisis out of his control, 作為新人, 他完全沒有話事權, 只能任老板魚肉. 希望大家可以支持他這張唱片,otherwise如唱片唔買得, 我相信他可能會消失,除非TVB Music肯簽回他.

TOP

看來呢位人兄本身對Mag有極大偏見, 不認同呢位人兄某D觀點。去嘗試唔同風格就叫"欠缺特色,猶如歌唱機器"?  ...
thecool123 發表於 2013-10-6 17:20
完全唔覺得你對Mag有幾中肯, 字裏行間除咗踩就係踩。樓主似乎對Mag成見甚深。Mag嘅versitility就係佢強項 ...
rainbowdash 發表於 2013-10-7 01:42

同意你們所講,小弟都要忍不住講一句:
樓主簡直是戴著有色眼鏡看MAG!!
HEUNG GONG YAN HO YEAH!!

TOP

本帖最後由 rainbowdash 於 2013-10-7 12:07 編輯
只怕林欣彤再百變下去會迷失左,爆歌唔係無,但始終未遇到一首大熱曲。

多元化不等於優秀,呢個term經常被高估。
《一千零一次人生》受眾仍未普及,不過當然有一定支持,只係呢種歌平平無奇
powerful 發表於 2013-10-7 00:16


多元化不一定等於優秀,但因人而定。Mag的多元化肯定是優秀。佢對音樂非常有堅持, 有自己見解, 不覺得作多嘗試就一定如你所說會迷失。你哪裏見到她迷失?

我唔覺得<一千零一次人生>平凡, 看似平凡的歌加上touch中人嘅詞再加上Mag充滿感染力嘅演譯就變成不平凡。是你沒心去欣賞而已。這首歌還未發力正式做宣傳就批死會消失歌海? 恐怕你會失望了。YouTube /微撙overwhelming的好評已證明這歌樂迷勁buy。能否更上層樓只欠上電台宣傳同無記會否安排Mag上電視唱live。

阿jay我就唔會好似樓主你那麼睇好。先唔講佢D歌悶唔悶, 單是觀眾綠似乎只是好過羅孝勇小小。不是説他唱得差,只是香港觀家不大受鬼仔唱中文。

TOP

多元化不一定等於優秀,但因人而定。Mag的多元化肯定是優秀。佢對音樂非常有堅持, 有自己見解, 不覺得作多 ...
rainbowdash 發表於 2013-10-7 11:45



    睇泥你都幾勤力lol
邊到有人講d吾係讚呀mag既言論
就仆去反對~

見到句肯定是優秀真係笑左出泥
依家究竟邊個full of bias lol

TOP

睇泥你都幾勤力lol
邊到有人講d吾係讚呀mag既言論
就仆去反對~

見到句肯定是優秀真係笑左出泥
依 ...
屮SiU霖屮 發表於 2013-10-7 14:23


大家都勤力,無話邊個勤力啲........

TOP

可唔可以唔好再護主, 好煩
如果話林欣彤有Hater, 可能都係因為你地咋
佢本身是非都唔多, 唔好令人對埋林欣彤呢個人反感好唔好?

TOP

回復 26# 屮SiU霖屮

你都好勤力,人地support必反。

TOP

《超級巨聲》三季來中最矚目的大戰,莫過於林欣彤與李幸倪的對決,
一曲《A.I.N.Y》,換來了高分紀錄、點撃率、冠軍名銜,還有天價的合約。
之後的星途,卻未如預期般一鳴驚人,不是順遂平坦
反而有了壓力,有了失聲,與一堆不高不低、半紅不黑的流行曲。

但林欣彤理應不甘於此,至少她有參與創作,
不過《番梘》的宣言不痛也不癢,畢竟其出道歷程順風順水
沿途亦沒有太多緋聞或受抨擊的負面新聞,她亦不是謝安琪吳雨霏,
唱《番梘》沒有太大說服力,亦未見其作曲的亮點,風頭給編曲徹底蓋過。


我利申先我唔係想護主,我係想問下樓主紅色字部份我理解唔到,樓主講嘅野係唔係有啲自相
矛盾,「不是順遂平坦」「畢竟其出道歷程順風順水」咁樣係順定唔順先?

TOP

點解《青春頌》大熱就係好彩,而Mag拎到一首大熱曲就會上位?
兩者分別在哪?

咁我又想反問翻你,《青春頌》和《1001》的題材一樣
但係待遇點解又會反差咁大呢?
本人覺得《1001》絕對唔差。

TOP

本帖最後由 Bluejays 於 2013-10-7 21:37 編輯

我打算以後都只係 re-cycle 呢個 post 算了 -----> 68#
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

回復  屮SiU霖屮

你都好勤力,人地support必反。
rainbowdash 發表於 2013-10-7 19:48


吾得閒反你個mag 只係見到你依d護主_好_煩lol
   人地一講小小相反意見就係咁反反反~
遲早mag係到就泥變成克勤2.0 融e2.0
鄧d真正mag 既fans 慘~

TOP

人地鍾意support關你咩事? 煩就唔好睇辛苦晒你。樓主post 得上來就預咗會有反對聲音。佢可能好開心咁多人回佢個post都未定?

TOP

mag粉們大家要客觀中立,不要為反而反,唔好護主,唔係比人話有點嘅偶像就有點嘅粉絲。

TOP

人地鍾意support關你咩事? 煩就唔好睇辛苦晒你。樓主post 得上來就預咗會有反對聲音。佢可能好開心咁多人回 ...
rainbowdash 發表於 2013-10-7 22:40



    冇話關吾關我事既
都係個句啦 鄧呀mag慘姐
明明係依到本身冇乜野
比你地依班盲粉攪到越泥越多haters姐~

TOP

歌曲好唔好聽/歌手有冇實力係一件事
唱片公司捧唔捧/傳媒支唔支持又係一件事
Mag/1001未必好歌有好報
但fans將呢啲火氣發洩係唔支持/批評Mag既樂迷身上
旁人好難唔對Mag同埋佢既支持者有所微言
~Moses Idle in a Narrow Garden~
http://mosesming.blogspot.com/

TOP

ALFRED有樣唱又唔差,之前都講過佢有能力成為第二個黎明
我意思係歌影視都爆到出黎

其實阿MAG 隻新碟D詞都 ...
yuelk 發表於 2013-10-7 00:37


許廷鏗目前都係專心唱歌比較著數,有時好的演出會有助人氣,
但一個壞的演出就會破壞辛苦既形象經營,唱下主題曲就無壞。

林若寧既詞真係好礙耳,但偶然又可以寫得好好,
我反而喜歡為人詬病的《洗澡》題材。

《今天開始》作為artwork又有點誇張,不過一張碟直落聽真係好舒服,
佢又唔係鎖定一種曲風,但就係好完整好流暢,
亦證明要確立特色,並不等於只得一種曲式,
但對香港樂迷而言,可能都當成一式一樣了。
Mag 目前就未可以做到呢一點。

第三輯我睇得最少,錯過左好多Jay既精彩表演,之後youtube先逐一追返。

站在音樂角度,我接近完全同意你的觀點,只是我較著重市場(即是做到林峯那樣也冇壞),所以我認為Hubert ...
Bluejays 發表於 2013-10-7 00:46


比著幾年前,或者我都唔太介意市場主導,甚至可能會對《一千零一次人生》受落,
只係而家港樂已經開始(或需要)轉型,
我當然無懷疑呢類ballad仍然有好多既定支持者,無可否認一定有好多人鍾意,
但迴響同聲勢已經不復從前,既然如此,何不勇敢發掘擅長類型而殺出一條血路?
特別係講緊既係巨聲冠軍,無謂浪費時間在呢種歌身上,
我既睇法係舊日走紅方程式遲早都會被淘汰。

無話咩勇唔勇氣,只係實話實說,唔啱聽我都無辦法,對我亦無傷害。
以音樂而言,一個歌手最重要知道自己想表達咩,走統一的風格,
亦都係文章講過,我明顯對林欣彤要求特別高,
因為佢真係有潛質,唔係評黎都無謂。

Jay有好多廣告咩? 都唔多覺有電視播過既?
勁歌第一季季選唱左咩歌? 等我都上網搵黎重溫下。
佢自由奔放既演繹真係好正,可惜無咩人有機會聽佢live,
不過目前 Jay 未算完全收放自如,有時即興太多會亂左節奏 (但佢又自己救得番),
遇著電視台電台 cut剩分幾鐘時間就慘喇,淨係聽到ad-lib咁濟。

距唔肯放棄牙醫 要歌影視都幾困難     
遲下樽頸位解決唔到 又比星煥改編歌玩死  最後都選擇去做牙醫就真喺 ...
nykerfish 發表於 2013-10-7 01:28


真係唔知佢兼顧到幾耐,呢一兩年真係需要有個抉擇。
慶幸傳媒算支持,碟亦賣得,歌迷群已鞏固,唱片公司都會爭佢。


完全唔覺得你對Mag有幾中肯, 字裏行間除咗踩就係踩。樓主似乎對Mag成見甚深。Mag嘅versitility就係佢強項 ...
rainbowdash 發表於 2013-10-7 01:42


其實我就係唔希望 Mag 只單純地做一個 Vocalist,講真多元化呢回事確係被高估。
無歌手係完美,一D積極正面既意見,我認為係對佢好多過要踩佢兩腳。

同一個題材可以成為好多首歌既靈感,但可以採取不同的觀點。
《一千零一次人生》既message已經講過無數無數次,就連《末日》之類都係帶出類似意義,
《青春頌》成功關鍵在於藍奕邦既曲詞配搭,亦無甚沙石可挑剔,情感推進上亦相當有層次。

回復  星夢情真


我覺得hubert是最無辜的一個, 不同 Mag & Jay,EGG 始終是大公司, 他們兩個可以有很多資 ...
vtang 發表於 2013-10-7 05:19


有劇集主題曲唱都算保持到人氣,Jay至今連插曲都未有過。

TOP

點解《青春頌》大熱就係好彩,而Mag拎到一首大熱曲就會上位?
兩者分別在哪?

咁我又想反問翻你,《青春頌》 ...
Kenny 發表於 2013-10-7 21:10


《青春頌》和《1001》題材唔算一樣啦,前者係在有限年月勇敢去衝去愛去夢,可延伸到好多人生意思,
年輕人同年長既,都會有唔同既體會。
後者就係好簡單,珍惜眼前所有,真係係人都識講。

《超級巨聲》三季來中最矚目的大戰,莫過於林欣彤與李幸倪的對決,
一曲《A.I.N.Y》,換來了高分紀錄、點撃 ...
carols26 發表於 2013-10-7 20:05


出道三年來,有冠軍,有大唱片公司,有大班fans,有銷量,
有利條件俱備,這是順風順水。
不是順遂平坦,就是指有相當高既起步,但之後未有寸進。

另外,我唔介意大家反駁我既意見,因為有討論先可讓大家理解不同樂迷想法,
但只寫偏見有色眼鏡之類留言,就無助大家既討論氣氛。

TOP

其實話就話星煥唔重視Hubert新碟hea, 其實可能能其他三位iTune同其他收費平台嘅sales加埋都唔夠Hubert咁多, CD sales應該有番咁上下,。所以某程度上Hubert係殺出一條血路。

TOP

本帖最後由 rainbowdash 於 2013-10-8 03:12 編輯

成日話統一風格, 局限一個風格有會被人話欠突破。彭羚當年就係一種風格work就不斷重複唱苦情慘歌,結果好快被樂迷厭棄話佢唱來唱去都係慘歌,之後先改歌路去出咗"給我愛過的男孩們"。隻碟非常精彩, 佢把聲可以玩好多種音樂。可惜已遲了, 如果早小小試多啲歌路, 佢應該不至於走下坡得咁快。可惜。

TOP

巨聲幫最突出得許庭鏗,JAY FUNG,其他就一般....

TOP

《青春頌》和《1001》題材唔算一樣啦,前者係在有限年月勇敢去衝去愛去夢,可延伸到好多人生意思,
年輕 ...
powerful 發表於 2013-10-8 00:37

順風順水??MAG去年失聲+抑鬱症陷入低潮,仲可以講係順風順水嗎??
冇寸進??你有冇細心聲MAG全部3張碟??第2,3張明顯比第一張《VOCALIST》有進步、曲風更多元化,我覺得最近呢隻《DISTRICT 23》仲要好一點。詳細碟評小弟已在"只有好音樂"另文出POST,呢度不再多講,你自己去睇啦!
HEUNG GONG YAN HO YEAH!!

TOP

本帖最後由 艾石仔 於 2013-10-8 09:25 編輯
順風順水??MAG去年失聲+抑鬱症陷入低潮,仲可以講係順風順水嗎??
冇寸進??你有冇細心聲MAG全部3張碟 ...
酷愛903 發表於 2013-10-8 09:19


歌唱比賽完左即有大唱片公司簽約,
之後再有碟出又有強勁宣傳
歌曲傳唱度都OK,
又有2部電影又有主題曲唱, 真係唔覺得唔順風順水
唔通你講既順風順水要好似JY 02 03 04咁急速上位?
=======================
失聲+抑鬱症都係黎自內在自己既問題
失聲因為嗌得多,唱歌方法有錯
抑鬱症因為失聲+情緒問題,
其實仲有碟出又有BUDGET做歌已經順風順水過唔少EEG既ARTISTS架喇

TOP

巨聲出歌講既主題來來去去都係青春, 抑鬱等等類似既題材,
寫得1年2年第3年都會悶,
始終都突破唔到呢D題材, ...
艾石仔 發表於 2013-10-6 14:21


我覺得不是因為他們年紀細,而是因為他們太乖。乖學生看得到的世界,始終有局限。乖學生是他們的selling point,但諷刺地亦可能是他們很容易「好快冇貨」的原因(阿Mag經歷過舊年的事,應該會好很多)。

以Hubert為例,樓主提到他沒有主導權,但即使讓他主導,他有沒有東西能夠主導出來呢?他在訪問中說過公司問他喜歡唱甚麼歌,亦鼓勵他作曲(這點我信,因為這樣最便宜),但出來的作品是《勇氣》(詞是天旋,方向應該是Hubert)。

從他的訪問中,你會聽到一個從小到大都不敢逆家長意,生活圈子也不闊的乖學生,體內還未有足夠的材料去知道自己有甚麼想說,所以我認為Hubert的核心問題是仍需要時間去開竅。

巨聲一出的時候,成班乖學生帶來的那種清新而獨特的氣質,其實成為巨聲一個重要特色,亦是他們與星光幫最大的分別。加上G.E.M.和C AllStar,你說香港有多久沒有出現過這種乖學生歌手潮。我其實一直覺得這是大家忽略了的角度,樓主可以考慮下(尤其當你喜歡阿Fred,更加要探討這個對比)。
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

我覺得不是因為他們年紀細,而是因為他們太乖。乖學生看得到的世界,始終有局限。乖學生是他們的selling  ...
Bluejays 發表於 2013-10-8 10:30


以前所謂乖學生潮都係cookies twins戀愛大過天呀果隻都係中學生lol
而家既學生全部都係大學生/HD出黎
好多時都有自己想法,
好似KAY都係讀完大學出黎, 但已經有哂想法每隻歌講D咩題材
呢班咁既巨聲, 反而個個出黎爭住講青春講任我行呢D題材
但講又唔夠深度
搞到首首都普通到乜咁, 所以佢地唱下情歌都唔係唔好

TOP

阿mag新碟除咗周生嗰首「你以為」我覺得係比較麻麻之外請問邊首詞係爛? 請舉例大家研究一o下。

相反我 ...
rainbowdash 發表於 2013-10-7 01:00


stop trying to rebut every single unsupportive/negative comment about mag. it gets old and it gets annoying because it gives an impression that you're defending mag because you support her and not because you feel that you have a point

TOP

以前所謂乖學生潮都係cookies twins戀愛大過天呀果隻都係中學生lol
而家既學生全部都係大學生/HD出黎
好 ...
艾石仔 發表於 2013-10-8 11:04


阿Kay 25歲才入大學,畢業時已28歲,不能一同說。

倒反而可能要將外國幫分開計:Aarif, JW, 大部分巨聲3幫 etc
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

我是因為看到「胡鴻鈞的明日–《化蝶》」那邊的一句「唱別人的故事」而開始寫這個「好快冇貨」的問題的,好像應該將我那邊的兩個 posts 引埋過來才完整:   5#    6#
沒有盛世要賒 沒浮華暫借 沒時代 沒有記憶 來拉扯 燦爛地凋謝

TOP

本帖最後由 people 於 2013-10-9 01:08 編輯

其實我都唔覺樓主有咩踩呀mag,
反而仲對佢有幾大既期望, 我自己都係甘諗

番梘對呀mag係有突破, 但係唔係快歌入面既突破, 唔會耐聽
我*覺得* *可能*係個 dotted rhythm 有D悶, 編曲又冇咩特別既聲

一千零一次人生 我覺得個感動可能係因為個MV多過首歌
之前講既 紅綠燈 我覺得真係幾好既比喻,
呢首同我對 青春頌 都係同一個感覺
係D我會唱K唱, 但係唔會聽既歌

講起呀MAG我真係會諗起 洗澡 同 樹藤 呢兩首真係好好,
而新碟暫時覺得 怪獸大學 幾"溫"住

另外想講既就係jay,
初初未聽過佢, 見到佢D歌名真係冇乜興趣,
eg 世界劇團 What do you want from me, 夜半敲門
真係好麻麻既歌名haha
但係903播左甘多就去聽下
聽左之後佢真係好正
例如 世界劇團 其實有少少似軒仔既deadline, 但係耐聽好多好多
大家都唔好對佢有bias 去試下聽下啦
(唯有頂唔順既係佢唱歌個樣有D衰)
ps忽然諗到 JAY 可能都可以試下唱 SARA BAREILLES 類型既歌

TOP

返回列表