chuniiii1020

初步評核時高估了電視市場可容納的競爭有咩問題?

"政府12年的申請指南已明確指出無須解釋" ...
cchow2 發表於 2013-10-20 12:55

所以無論審核報告、行會建議與特首取向有幾大分歧
都只因為呢一行字
我地就唔可以覺得有問題
唔可以就模糊既地方問清楚
唔可以表示我地覺得政府向王維基作政治打壓
盲目真係可以盲成咁?
如果係呢件事上面無須作出解釋
日後會有幾多件事都會以同樣手法處理?
你唔為自己爭取權利
日後冇人會可憐你

Bluejays

呢個都似係政府會通過不斷放風用嘅解釋喇，呢個說法算係最說得過去：

http://the-sun.on.cc/cnt/news/20131021/00407_005.html?pubdate=20131021

Bluejays

仲有呢個說法，更加冇得博 ...
都話公開左就只會見到王維基其實有幾弱架啦

http://www.hkheadline.com/news_topic/nt_content.asp?sid=14261&nt=np

timmy

呢個都似係政府會通過不斷放風用嘅解釋喇，呢個說法算係最說得過去：
Bluejays 發表於 2013-10-21 11:01

http://www.cmusichart.com/discuz/redirect.php?goto=findpost&ptid=4701&pid=185969
我冇馬後炮...

Bluejays

我冇馬後炮...
timmy 發表於 2013-10-21 11:45

我都冇

之前煽動左群眾，而家變左有反效果，
因為呢班群眾會令到個實情見光，就係其實幾十億係唔夠。 ...
Bluejays 發表於 2013-10-16 23:38

rubylovessss

林文龍返tvb個話可以同bobby拍返法證先鋒4

chb23

仲有呢個說法，更加冇得博 ...
都話公開左就只會見到王維基其實有幾弱架啦

...
Bluejays 發表於 2013-10-21 11:09

立法會啊司法復核啊
快Ｄ做啦


程序上做足
然後：

呼籲政府公開個詳細報告踩HKTV啦
chb23 發表於 2013-10-16 22:56

p.s.我都無馬后炮

阻住

唐唐都出埋嚟插689


前政務司司長唐英年認為，政府可以在不違反行政會議保密制下，向公眾交代免費電視發牌的決定。他指保密制的原意，是讓行會成員暢所欲言下發表意見，當有決定後，政府可以向市民解釋原因。唐英年指今次發免費電視牌照的決定，令公眾的合理期望落空，政府欠市民一個交代。

阿mark

林文龍返tvb個話可以同bobby拍返法證先鋒4
rubylovessss 發表於 2013-10-21 12:25

    甘咪好怪，法3明明無左果班人，法證呢出戲點拍都唔會齊人的啦，1、2欠文龍，3欠張可頣，尤其系後者

rubylovessss

甘咪好怪，法3明明無左果班人，法證呢出戲點拍都唔會齊人的啦，1、2欠文龍，3欠張可頣，尤其系後者 ...
阿mark 發表於 2013-10-21 23:28

法證4嘉欣bb都有GA!!!如果監制返tvb就拍到,上年佢都走左...而家著晒黑衫遊行,仲無得發牌?

Tonlo

http://www.youtube.com/watch?v=LcFJ7dMGymg


介紹 首好野  比大家

rubylovessss

TVB「愛回家」計劃救港視棄將
http://news.on.cc/cnt/entertainm ... 1022_00862_001.html

阻住

曾志偉辭任演藝人協會會長 (18:45)

曾志偉今日召開記招，辭去演藝人協會會長一職。

2日前蕭若元在電台透露，曾志偉曾致電吳思遠，阻止他帶領電影公會等遊行，並斥責吳思遠的行動將搞亂香港。

曾志偉在記招上辭去演藝人協會會長，表示有時希望以個人身分發表意見，不希望再背負演藝人協會的名義。曾志偉表示職務暫由秘書處頂替。

希望奬門人之後可以暢欣欲言咁撐689啦
依家羅范果班已經割哂蓆啦陰公

Bluejays

蘋果即時新聞:

噚日辭去演藝人協會會長職位嘅曾志偉，今日繼續接受電台訪問解畫，除咗再次解釋點解要辭職，更表明「業界」唔應該「呼籲」上街。

主持李慧玲問佢，演藝人協會只係唔贊成導演會個聲明，遊行前一日導演會十大屬會聯署冇落演藝人協會名義，但問到志偉點解星期日唔去遊行，係咪唔支持業界，曾志偉仍然強調，如果星期六出聲明或記招，就好似煽動人上街咁，佢唔想有一個煽動嘅行為，佢話:「我覺得呼籲唔應該係煽動性，係一個支持就好，可能我保守，我唔希望香港有少少事就出街 ，點解成日有人上街，係咪會覺得香港會混亂咗呢?」

主持又問:「咁會唔會諗係政府做得唔好?」志偉答:「我知，咁但我哋個行業唔係呼籲人哋上街。」

主持再問:「雖然你唔認同份聲明，點解你唔上街?」志偉話:「我覺得咁多個會長未Clear個動機，係指責政府?一齊出街?要有明確指示。」

訪問中志偉好幾次質疑王維基炒人的決定:「而家唔係撐一個台去有牌，點解一話唔發牌就炒人呢?組織一個公司係諗一個年期，點解係320人呢?係咪一早預咗要炒人?....你應該要考慮政府唔發會點?點解你做野咁草率?」主持話有政府官向王維基表示合資格就有牌，志偉話:「咁大個人點會信政府?」之後仍強調:「點解要炒人?有能力去捱幾年，點解依家要炒?點解我唔係咁支持王維基，因為覺得佢做事草率。」

主持話志偉令人覺佢對維基有火，但對政府反而體諒，志偉辯解:「政府依家請人已經冇人敢做，個個都比人鬧得好犀利，我唔覺得有人做政府部門會懶懶閒唔想做好，咁我哋要比啲時間佢唔好迫佢。」

主持問:「咁12萬人辛苦啲定政府辛苦啲?」志偉話:「大家都辛苦。」但佢話唔覺得「12萬人都係支持一個機構」又反問政府係咪每一樣嘢都要交待:「某程度上政府做咗嘢，有時好多嘢唔能夠太過責罵，因為其實今次件事俾咗個交代...我唔明白，我哋究竟逼佢哋話『喂，你樣樣都有交代』...係咪每樣嘢都要交代呢?」

Crooks

蘋果即時新聞:

噚日辭去演藝人協會會長職位嘅曾志偉，今日繼續接受電台訪問解畫，除咗再次解釋點解要辭職 ...
Bluejays 發表於 2013-10-24 17:49

最尾嗰兩段 - 佢係咪痴x咗線？如果罷睇TVB嘅話第一個應該罷獎門人！！

gordon0807

我幾同意志偉哥的說法

其實，人人都有自己的觀點，意見，點解同你地唔同就要比你地唾鬧

阻住

志偉哥咁大膽上李慧玲果節目撐689

星勤

今晚政總站台有 rubberband 同 yellow

張少

志偉唔似幫689，似係speech for tvb

星勤

HKTV 香港電視：

小編前幾日從facebook 搵到 This is my dream 原唱 Kashy Keegan，膽粗粗問佢可唔可以星期五黎香港支持 HKTV， 佢好爽快就應承咗，即刻買咗機票由倫敦飛嚟香港，聽日會到，真係好感動！希望聽日都見到你哋，支持我同我啲同事啦！萬分感謝！
============
Kashy Keegan shared a link.
13 hours ago

AMAZING NEWS! I am flying to Hong Kong this evening and will be performing 'This Is My Dream' before the crowds gathered outside the Central Government Offices in the centre of Hong Kong tomorrow night (Friday)! I hope to see as many of you there as possible! Please come and show your support!

I am unbelievably excited about this and really looking forward to performing and showing my support for HKTV! I can't wait!

#HKTV #Justice4FreeTV #thisisourdream
============

Tonlo

http://www.youtube.com/watch?v=HEvuU9ywlUM&feature=youtu.be


今晚亮點~~  劉特首XD

屮SiU霖屮

我幾同意志偉哥的說法

其實，人人都有自己的觀點，意見，點解同你地唔同就要比你地唾鬧 ...
gordon0807 發表於 2013-10-24 18:50

   嗯~唔同人有唔同觀點 有人支持有人反對好正常
冇話邊個絕對正確 依樣就係政治

在我而言 我都唔認同政府做法
我會係FB like去支持 但上街? Sorry 我唔會~
我亦同意曾志偉所講 點解佢唔考慮政府唔發牌比佢會點
只可以講wiki今鋪買大細買輸左

張少

嗯~唔同人有唔同觀點 有人支持有人反對好正常
冇話邊個絕對正確 依樣就係政治

在我而言 我都唔認同 ...
屮SiU霖屮 發表於 2013-10-27 12:44

大家要知道
1／ 廣管局：若申請人合符資格就會發牌
2／ 專家報告：幾次王維基都係排第2，未試過包尾（logical sense：如果唔發牌俾王維基，係未now都應該唔發牌？）
3／ 行會成員：大部份發2／3個都無所謂
照甘睇，梁挀英係未最後決策人？

不過大家要知道，特首唔係最大個個。
特首都唔可以凌駕政府

屮SiU霖屮

大家要知道
1／ 廣管局：若申請人合符資格就會發牌
2／ 專家報告：幾次王維基都係排第2，未試過包尾（log ...
張少 發表於 2013-10-27 13:18

    如果上面post個段野係真
政府私下建議wiki減頻道而wiki自己擺姿態吾妥協既
政府已經有個理由（籍口）可以吾發牌比佢
開30幾個頻道會吾會真係多左d?

kenny1102

如果上面post個段野係真
政府私下建議wiki減頻道而wiki自己擺姿態吾妥協既
政府已經有個理由（籍口 ...
屮SiU霖屮 發表於 2013-10-27 17:17

仲有佢賣左hkbn而令傅送頻道成本大增


都係等公開更加資料先有討論價值~

星勤

佢賣左電訊，好似無賣 HKBN

kenny1102

佢賣左電訊，好似無賣 HKBN
星勤 發表於 2013-10-28 09:39

http://paper.wenweipo.com/2013/10/29/HK1310290010.htm

   王維基賣掉固網，也是他失落牌照的原因之一。「他賣掉香港寬頻，以後免費電視傳送，就需要租用別人網絡，這必然令成本大增。」除了審視專業部署外，當局還會考慮財力、廣告收益、投資計劃及電視產業的持續發展。有消息說，港視要投8億元建廠房，每年投6億元拍攝劇集，2年就耗資20億元，「如何還能持續運作，實在令人生疑」。

http://news.sina.com.hk/news/20131021/-2-3095422/1.html

消息人士估計，首兩、三年開支已高近二十億元，且王維基已賣掉原擁有的香港寬頻，要重租網絡傳送免費電視，令成本大增。

http://thehousenews.com/media/%E ... %E8%81%9E%E5%8F%B0/

香港電視發言人昨日接受傳媒查詢時表示，自從前城市電訊主席王維基去年賣出香港寬頻業務，新聞部亦跟隨脫離香港寬頻，改屬王維基開辦的「香港電視」，同時改名「香港新聞台」。根據協議，新聞台只會在香港寬頻播放到8月底。目前由私募基金CVC擁有的香港寬頻發言人則強調，這是商業決定，公司將重組頻道。

rubylovessss

聽晚有無人熄電視？
7:00-11:00
睇劇個話睇mytv

張少

港視反擊 揭政府網頁上月突刪「發牌無上限」段落
2013-10-30 18:12:36
Share on facebookShare on twitterShare on sinaweiboShare on email

王維基就免費電視牌照一事尋求司法覆核，主要理據是指控政府未循法定程序，擅自改動廣播政策，將「無限量發牌」改為「3揀2」，不符程序公義；香港電視facebook專頁今午指出，商務及經濟發展局網頁上有關免費電視牌照的介紹，在9月曾遭改動，寫明「發牌無上限」的段落遭刪去。

香港電視前日（28號）發表聲明，指若政府能清楚交代理據，或可不作司法覆核；但特首梁振英卻毫不領情，翌日即公開表示，縱沒有司法程序政府仍需遵行行會保密制，堅拒解釋不發牌予香港電視網絡的詳細原因。一直緊密監察政府政策聲明的香港電視，今日的舉動似為逼使政府交代的新一輪攻勢，未知接下來會否發放更多文件和資料。

香港電視的官方facebook專頁上載今年三月及九月的網頁截圖，可見三月份的舊版本首段寫明，港府1998年起開放電視市場，「政府不會就所發牌照的數目訂定上限」 （” There is no celling on the number of licences to be granted”），但九月的新版本中，這一整段「被消失」。9月新版本中消失的段落如下：

The Government carried out a comprehensive television policy review in 1998, and subsequently opened up the television market in 2000. There is no ceiling on the number of licences to be granted, subject to physical or technological constraints.

（原版／修改後新版）

香港電視facebook專頁僅提供英文版對照；《主場》翻查該頁面的中文版內容，發現下列段落，亦於9月更新後消失。

政府於一九九八年進行了全面的電視政策檢討，其後於二零零零年開放電視市場。政府不會就所發牌照的數目訂定上限，但發牌與否須視乎實際情況或技術上的限制而定。

（原版／修改後新版）

圖：香港電視's facebook

http://thehousenews.com/politics/港視反擊-揭政府網頁上月突刪-發牌無上限-段落/

阿mark

最好tvb永不錄用果班去hktv的，個個都走火入魔甘

Bluejays

熄電視行動，TVB收市只跌一點（同之前嘅星期三比），
即係家中有收市調查器嗰800戶冇彩佢地。
呢800戶係經Nielsen專業性地選出來，應當有其代表性，
（如果連Nielsen都唔信，咁美國電視都唔洗做）。
既然有代表性，即係我地見到出嚟發聲嘅嗰班，唔係大多數。
當然，呢個「大多數」係指全港所有人中嘅大多數，
而唔係60歲以下，10歲以上，會用智能手機會上網嘅人中嘅大多數。

nelyin

「奇妙電視」同「香港電視娛樂」
點睇都唔似會自拍劇集睇0.0

支持hktv發牌~~~

rubylovessss

阻住

689得罪左tbb呀

明知聽日圍政總仲搞D咁既野, 擺明要谷多D人去

Bluejays

689得罪左tbb呀

明知聽日圍政總仲搞D咁既野, 擺明要谷多D人去
阻住 發表於 2013-11-5 22:20

未必嘅，被東張西望說服嘅人，未必少得過被蘋果說服嘅人。

Our_Souvenir

而家 d 網民好似癲晒咁既款
為反而反
已經失去理性同失去當初既目的了...

hktv
我只係諗到四個字黎形容佢地成班人
輸打贏要

大家都係接受現實吧啦

Bluejays

而家 d 網民好似癲晒咁既款
為反而反
已經失去理性同失去當初既目的了...
Our_Souvenir 發表於 2013-11-6 00:15

太同意喇，我一向都鍾意睇蘋果，新聞或娛樂都係，
呢排為左唔想再睇佢地咁一面倒去報導一件事，
唯有避開唔睇蘋果住，而家淨係好想件事快啲過氣，
等我有翻蘋果睇。

講真，東張西望嘅報導，起碼「清新」啲，唔洗咁悶。

kenny1102

東張我睇左~~
只係想問一句, 當年TVB開台係咪符合晒佢所講既要求先???~

星勤

東張我睇左~~
只係想問一句, 當年TVB開台係咪符合晒佢所講既要求先???~
kenny1102 發表於 2013-11-6 12:14

只係想問一句, 而家ATV係咪符合晒佢所講既要求先???~

Bluejays

阿mark

衣家咩投訴都系網民，乜綱民唔系上網噶咩，都唔睇電視，人地電視做咩節目關佢地咩事?
想講下d轉去hktv噶前無線藝員，使唔使對原公司踩到甘盡先

kenny1102

梁振英要求政府公開所有資料......(一年前)

被指擔任西九概念規劃比賽評審員時漏報利益的特首參選人梁振英，一日內四度回應事件。­他否認所屬的戴德梁行被列為參賽公司的團隊，指有關報道失實。對於政府指，在保密原則­下，已公布所有可提供的資料，並無補充，梁振英晚上回應，再度促請政府公開有關比賽的­所有資料，包括交代，政府消息人士提供的消息，是否真確，及政府消息人士是否等如政府­。 梁振英舉例指，有報章指當年擔任規劃地政局長的曾俊華，曾要求調查事件，但被當時的行­政長官董建華喝止，認為政府及曾俊華本人應該澄清，報道是否屬實。被問到有報道指，他­曾去信政府確認戴德梁行獲得參賽作品的設計草圖，梁振英說，會等政府公開資料後，再作­評論，而立法會調查事件前，政府應盡快公開所有資料。(881903.com)------------------------------------------------------------------------------
老實講~邊個有牌邊個無牌真係冇咩所謂~

但最睇唔順眼, 係政府既處理手法~

Our_Souvenir

梁振英要求政府公開所有資料......(一年前)

被指擔任西九概念規劃比賽評審員時漏報利益的特首參選人梁振英 ...
kenny1102 發表於 2013-11-7 21:35

    咦
有 d 面善...

唔怪得紫棋 bb 咁撐狼先生啦

屮SiU霖屮

E～？ 點解王郁投棄權既？？

星勤

E～？ 點解王郁投棄權既？？
屮SiU霖屮 發表於 2013-11-8 12:23

佢只撐原議案，即所有資料要被公開
呢個講緊修訂動議，即除敏感/機密資料外，其他資料要被公開

timmy

回帶一下, 大家當初想要既係?
1) 多些競爭者, 反壟斷
2) 王維基電視台, 要睇佢地拍既劇集

其實如果結果係同樣有一個申請者發唔到牌, 但不是王維基, 大家既反響會唔會咁大呢?
是次問題核心究竟係黑箱作業定係輸打嬴要呢?
值得深思

光之父

回帶一下, 大家當初想要既係?
1) 多些競爭者, 反壟斷
2) 王維基電視台, 要睇佢地拍既劇集

其實如果結果係 ...
timmy 發表於 2013-11-9 01:19

其實呢, 我係澳洲已經住左7年同落左地, 所以其實有幾多間我都無得睇, 等我呢個局外人睇下呢件事......
點解今次會搞到咁大獲?

1. 本末倒置
其實而家拎到個兩間, 到而家都俾唔到廣大市民睇到佢地有諗住真係競爭......其實當初就係想無線有競爭下做好D, 唔想一台獨大......
但而家似乎睇唔到就算加呢兩間無線會有任何需要做好D......
咁其實係唔係本末倒置左? Defeating the purpose?
你真係覺得而家多兩間亞視會威脅到無線?


2. 計劃經濟?
香港幾時變左計劃經濟? 點解要驚有公司倒閉?
同埋佢地咁講就更加突顯其實加呢兩間連亞視都唔會有壓力.....
迫唔迫到無線做好D就更加唔駛講.....

3. 唔公道
一路無講過4間(2間新)係LIMIT, 無端端搬左龍門邊個會服? 香港人唔鍾意唔公道既事......

4. 政府處理手法
成千年前岳飛就係"莫須有"死, 唔明點解今時今日政府仲覺得可以唔駛交代......
仲多次"此地無銀", "有聽大多數行政會議意見", "係一籃子因素但係無政治考慮"
本身呢個政府已經多次有誠信問題俾人質疑, 又一路俾人覺得其實同市民根本唔係同一陣線......
今次直情係自製與民為敵.....同埋其實佢大可以作一千個理由唔俾佢, 就算再離譜, 最多鬧幾日就算.....
睇下醉駕波咁多獲大野之後都仲係度就知, 其實香港人過幾日就有新話題會move on......
點解今次連佢個理由都費事? 定係連自己都覺得唔會搵到上得台既理由?

5. 無反方幫政府
呢件事除左無線亞視之外, 由市民到電視從業員到廣告商, 我睇唔到俾多間做會對邊個有可能有壞影響......
到頭來可能直情做大左個餅.....所以極少人真係從心係呢件事上幫政府......

其實我就連點解唔俾WIKI都諗唔明, 我係真心連枱底既理由都諗唔到......開多個台又唔見得會到政府/梁特首有咩負面影響.....
所以點解政府要係呢件事上面企到咁硬? 唔係"身有屎"我就真係唔信......

Our_Souvenir

咩邏輯
考試我求其話你唔合格, 唔俾你CHECK 卷得唔得
你答我呢條問題就得架喇 ...
cdcdcdc01 發表於 2013-11-11 01:56

   
得
真係有權唔比你 CHECK 卷架喎