屮SiU霖屮

得
真係有權唔比你 CHECK 卷架喎
Our_Souvenir 發表於 2013-11-11 09:36

      唉 HKEAA都唔比人CHECK卷啦
一句到尾幾時先上街?

Bluejays

清新D?
亂UP一D與別不同既說話就叫清新D??
佢地講野有冇論証?
宜家係時事, 唔係娛樂, 唔係劇集, 點 ...
cdcdcdc01 發表於 2013-11-11 02:01

唔係個個都認為蘋果喺呢件事上嘅角度係正確嘅，
既然我唔同意蘋果喺呢件事上嘅角度，
喺我心目中，佢同東張西望有乜野分別？
都係同樣地為左自己嘅觀點不停地堆砌。

Bluejays

阿Timmy哥, 我咁樣問你丫~~
一個政府高官被殺, 同坪石邨一位阿太被殺, 邊個較吸引市民既眼球?!
一隻小動物 ...
窩輪仔阿豪 發表於 2013-11-11 12:06

有唔少人都係撐「反對黑箱作業」，但就唔撐「支持王維基」。
當兩件事必須要綑綁在一起時，我會先選擇唔支持王維基，
直至有一個單一討論黑箱作業嘅時機出現。

這種綑綁性，無疑令件事多左好多人支持，
但亦不能否定佢令到有啲人唯有選擇反對。

mosesming

有唔少人都係撐「反對黑箱作業」，但就唔撐「支持王維基」。
當兩件事必須要綑綁在一起時，我會先選擇唔 ...
Bluejays 發表於 2013-11-11 13:51

但你有冇諗過「唔支持王維基」其實都綑綁住好多其他野？
例如「容許TVB繼續獨大」、「支持政府漠視民意」

的確有好多人都唔覺得王維基好好
不過政府實在有太多決策不符合市民預期
透明度愈來愈低
TVB又繼續廢落去
所以先有咁多人出黎撐發牌

Bluejays

但你有冇諗過「唔支持王維基」其實都綑綁住好多其他野？
例如「容許TVB繼續獨大」、「支持政府漠視民意」
mosesming 發表於 2013-11-11 14:15

我係支持「唔支持王維基」所包含嘅其他綑綁意義嘅。

當年梁振英未上任前，也有一大班有見識嘅人支持佢，
我覺得佢地睇錯左梁生，我都唔會支持佢地支持梁生嘅民意。

至於TVB獨大嘅問題，我係相信有啲野係要咁大先做得到。
大家淨係針對TVB比你睇得到嘅事事旦旦，
但就無視佢因為有咁大先至做得到嘅幕後行政與技術配合，
唔可以因為大家睇唔到或者冇足夠認識去衡量佢嘅幕後配合，
就當呢啲野唔重要。

Bluejays

正解~~
我阿媽都唔鍾意王維基, 但一個小師奶都睇到政府今次處理得唔妥~~
咁係咩原因?! 又唔見佢撐東張西 ...
窩輪仔阿豪 發表於 2013-11-11 14:57

東張西望中名為「一個電視台的誕生」嗰part，
正係只有TVB自己講翻先最有力，
亦係我一直最重視，而冇其他媒體可以清楚陳述嘅point。
另外，佢highlight啲文件條文照讀出嚟嗰part，我亦覺得有需要。
我同意佢講資金同30條頻道會播乜嗰兩part，
仲有搵兩個主持作總結嗰啲評論，的確非常誤導，
但我一直等聽嘅幕後行政與技術配合嗰個point，終於出到嚟:
電視台嘅製作部（包括幕前同幕後），
只係佔一個電視台所有工作嘅八分一至十分一架咋。

mosesming

我係支持「唔支持王維基」所包含嘅其他綑綁意義嘅。

當年梁振英未上任前，也有一大班有見識嘅人支持佢， ...
Bluejays 發表於 2013-11-11 14:58

你果兩段野我完全睇唔明

Bluejays

你果兩段野我完全睇唔明
mosesming 發表於 2013-11-11 15:40

第一段答緊「漠視民意」，第二段答緊「TVB繼續獨大」。
即係如果「唔支持王維基」嘅綑綁意義，
係「漠視民意」同「TVB繼續獨大」，
咁單喺呢件事上，我兩樣都支持。

timmy

今次既問題係HKTV係好多人期待既電視台, 得唔到牌大眾會較關注, 合情合理~~
相反如果其他台得唔到牌, 而HKTV得到, 到好多人黎講仍然係乎合預期,
因為大家根本就唔熟悉, 甚至唔認其他台~~
我冇講過佢地得唔到牌就叫做「乎合程序公義」,
但就正如阿太被殺一樣, 就算都一樣係謀殺,
本身事件就冇辦法得到好多人關注~~
大家唔太關注, 咁又如何引起大家對程序產生疑惑呢?!

窩輪仔阿豪 發表於 2013-11-11 12:06

所以王維基咪識運用民意...
發牌前強力宣傳, 高薪挖角, 結果有好多人期待HKTV, 令人覺得你實拎到牌..
到時發唔到牌, 都有民意幫你爭

好多事明明好簡單, 但往往都會被不同傳媒渲染, 左報有左報講, 右報又有另一立場
你而家搵一份中立既報紙都幾難, 一個唔小心就會比人話偏頗


正如如果我話我支持689, d人一定會話係投共一樣 (佢地已經有一籃子預設因素覺得689一定係共產黨)

mosesming

第一段答緊「漠視民意」，第二段答緊「TVB繼續獨大」。
即係如果「唔支持王維基」嘅綑綁意義，
係「漠視 ...
Bluejays 發表於 2013-11-11 15:48

因為唔支持王維基而寧願政府漠視民意同埋比TVB繼續獨大
真係令人費解既因果關係

Bluejays

因為唔支持王維基而寧願政府漠視民意同埋比TVB繼續獨大
真係令人費解既因果關係 ...
mosesming 發表於 2013-11-11 16:14

王維基發動產生出來嘅民意，我唔會支持，
等於當年支持梁振英做特首嘅民意我唔會支持。

王維基除左製作外，
冇任何證明佢可以順暢地做到TVB另外嗰90%嘅工作，
咁我寧願要TVB做得好嘅嗰90%。

Quote翻我上面：電視台嘅製作部（包括幕前同幕後），
只係佔一個電視台所有工作嘅八分一至十分一。

Bluejays

迷思一: 真係只係傳媒既問題?!
聽過Ivana既我來自火星, 應該知道有個Infinity Journey Mix,
以音樂證明,  ...
窩輪仔阿豪 發表於 2013-11-11 19:45

Re: 迷思二

咪就係因為Cable同Now喺一個類近嘅平台，
做左比我睇佢都做到嗰90%，
咁點解我唔信佢地多啲呢？
點解一定只準我用佔10%嘅製作部嚟衡量，
而唔準我認為另外嗰90%更重要？

Re: 迷思三

你認為競爭係來自製作，
但真正做生意嘅人會話比你聽，
競爭係來自infra-structure。

mosesming

對於觀眾黎講，只有果10%既製作先到會比佢地見到 (其實我唔知個%點計出黎)
好睇就buy，唔好睇就bye
剩低果90% infrastructure完全係生意人既問題
點解觀眾要理？
係咪即係如果許廷鏗簽唔到好公司冇人捧
無論唱得幾好聽都好
班聽眾都要因為佢冇勢力而踢佢出局？

Bluejays

Re: Re: 迷思二
問題未解答: 你有咩證明王生唔可以順暢地做到TVB另外個90%既工作?!
點解非三揀二不可?!  ...
窩輪仔阿豪 發表於 2013-11-11 21:05

迷思二:
又將兩個問題綑綁在一起喇，我講緊我點睇，
唔代表我反對政府需要公開說明佢地嘅原因。

迷思三:
如果唔係當生意睇，政府過去嗰幾年開會就唔係傾嗰啲野，
市民要投訴嘅亦應該係點解政府
唔叫每個台拍啲野嚟作質素高低嘅評估。

Bluejays

對於觀眾黎講，只有果10%既製作先到會比佢地見到 (其實我唔知個%點計出黎)
好睇就buy，唔好睇就bye
剩低果9 ...
mosesming 發表於 2013-11-11 21:14

觀眾可以唔理，但觀眾唔應該要求政府都唔理，
因為咁係好不負責任既做法。

Our_Souvenir

睇黎你都幾喜歡守護有權力既人, 無論佢地做既野合唔合理, 你都甘心受壓~~
窩輪仔阿豪 發表於 2013-11-11 12:06

    甘心受壓同喜歡守護有權力既人係兩回事
呢兩樣野係唔可以畫上等號的
唔好將你既觀感隨便標籤別人

我唔中意王維基唔代表我會支持隻狼

Bluejays

「有咩證明王生唔可以順暢地做到TVB另外個90%既工作」
窩輪仔阿豪 發表於 2013-11-11 22:20

如果佢冇拍過劇比你睇，你都會叫佢證明比你睇佢識拍劇，而唔會講「有咩證明王生唔識拍劇」。佢證明過比你睇，但佢冇證明過比我睇。

小事如交個廣告比佢播，唔可以播錯時間、版本或製式，需要營業部、製作部、節目部、film traffic、內部審查 N個部門順暢嘅配合，先可以成事，錯一次廣告客戶都唔會原諒。如果佢對呢啲野有信心，就應該將佢自己對呢啲部門嘅計劃宣揚出嚟。

又請你講下, 除左係想控制喉舌, 仲有咩原因要政府咁大程度去干預私人機構商業運作呢?!
窩輪仔阿豪 發表於 2013-11-11 22:20

免費電視唔等同於一般私營機構，而係等同於電燈公司同巴士公司，需要政府更強嘅監管。

mosesming

救命，啲n重否定否到我都唔知否左去邊
有冇得簡單直接少少

Our_Souvenir

回帶



睇下你答得幾欣然爽快?!
窩輪仔阿豪 發表於 2013-11-11 22:43

    梗係啦
條問題咁簡單
唔比 check 卷我唔覺有咩問題囉
如果事先講明話可以 check 既話咁就有問題啦




就有冇得 check 卷呢個問題我仲想講多 d
係咪全港所有學校 所有公開試 入職試都可以 check 卷先
公務員入職試係咪都可以 check 卷
我就唔信全部機制都可以

係咁既話叱吒係咪都可以 check 票數 check 播放率呢?
就我個人認知而言 冇得 check 卷唔係件奇聞囉

屮SiU霖屮

迷思一: 真係只係傳媒既問題?!
聽過Ivana既我來自火星, 應該知道有個Infinity Journey Mix,
以音樂證明,  ...
窩輪仔阿豪 發表於 2013-11-11 19:45

   咁當然唔止只係傳媒既問題
但單單係依件事上面 我好認同TIMMY咁講
WIKI真係好識借所謂民意泥幫自己
亦同時係我唔太認同WIKI既原因
為左要逼政府發牌 明明都味落實個牌就攪亂個局
雖然係有勇有謀
但係唔發牌就炒人 我唔明既係先前冇諗過政府唔發牌？
定係一早預左個班人係炮灰？


事實上 今次政府就係比個姿態你睇
就算你有民意又如何 我係唔比你就唔比你
理得你事前做幾多野逼我發牌比你
遊行？ 集會？ FB LIKE？ 味驚過
等你地班人唔好以為做小小野就可以阻住政府做野
廢事上次國教件事開左個唔好既先例 以為出黎反對下就一定可以反對得到

只可以講WIKI今次事運低 政府借你黎開刀
當然我唔係認同政府做法啦
但就今次事件上面 我覺得WIKI輸得唔係完全冇道理

BTW 我真係睇唔明你地兩個個D對話 真係好難明

Bluejays

BTW 我真係睇唔明你地兩個個D對話 真係好難明
屮SiU霖屮 發表於 2013-11-12 00:25

如果有邊度睇唔明，請指出（quote翻個post no.都得架喇），
我會嘗試解釋得清楚啲。
我有時會跳得太快，漏左中間一啲轉折位講得唔清晰。

我從來唔覺得對事件抱疑問, 就一定要撐王維基~~
但反對壟斷同反對黑箱作業, 兩者既利益衝突就令到大家密不可分~~
係樓上先會自high到以為咩都可以分開立場扮睇唔到啫~~
窩輪仔阿豪 發表於 2013-11-12 00:35

我反對王維基。
我支持政府應該公開原因。
如果我以上嘅立場遇到有互相衝撞嘅情況，
就以我反對王維基為首選，其他嘅立場就要讓開。

mosesming

既然有人都話到明以反對王維基做首選
其他衝突都唔重要
咁講咩都冇用啦

屮SiU霖屮

感覺上你有少少個人推測, 雖然有好多我唔否定~~
But anyway, 我從來唔覺得對事件抱疑問, 就一定要撐王維基~~
窩輪仔阿豪 發表於 2013-11-12 00:35

同意
反對黑箱作業係政治手段
反對壟斷係商業決定
而將兩樣野拉埋一齊係Wiki手段之一
令到依家成件事一環扣住一環 密不可分


係FB上面所見既係
好多人就正正係比依種密不可分既情況混淆
究竟本身自己支持緊既野係乜?
反對壟斷? 反對黑箱作業? 定係ANTI祖提到既多個選擇?
只要諗深一層 其實係WIKI所做既野令到你將
發唔發牌比佢 同埋以上三樣野
畫上if and only if既符號
發牌比佢當然可以解決到所有問題
但係唔係唯一既辦法呢??

你唔能夠唔同意呢到唔完全冇人唔鍾意我唔用N重否定句啵
窩輪仔阿豪 發表於 2013-11-11 23:19

睇完你依句 頭即痛~_~

Bluejays

總之對某會員黎講, 佢唔鍾意既人就可以點死都冇所謂~~
就算佢有咩唔公平既待遇都係自己攞黎衰~~
你再睇下 ...
窩輪仔阿豪 發表於 2013-11-12 14:17

我反對王維基，除左最明顯嘅原因，
亦因為我最憎人利用創意做武器。
創意唔應該被利用，唔應該用嚟sell，甚至唔應該去賣弄。
創意係應該喺最佳嘅行政與技術支持下，
默默地，如常地做出嚟，冇刻意去宣傳佢嘅創意，
然後讓大家看到，一樣可以爆紅，例如《天與地》。
咁先係對創意嘅尊重。

我同意，要有最理想嘅創作環境，頂級嘅人才，
最佳嘅行政與技術配合，先可以做得到。
所以我認為解決電視節目質素嘅方法，係迫TVB去改，
而改嘅方法，係應該改變收市率統計嘅方法，
除左現有嘅全民收市，應該學美國咁，
加多一個只計 15 - 55 歲嘅收市報告。
廣告客戶會非常喜歡呢個做法，
因為佢地都好怕對住個收市報告，
都唔知有幾多係唔出街唔消費嘅。
收市方法一改，有廣告客戶壓力，
TVB就需要改變佢地既製作方向。

現在成件事，存在住兩個問題，
電視節目質素問題，同埋壟斷與黑箱作業嘅問題。
大部份人將焦點放係壟斷與黑箱作業度，
因為呢樣野對佢地更重要，
但因為件事牽涉到電視，而我對呢樣野有更強嘅意見，
（反對將創意變武器，同我認為應該行嘅路），
所以呢樣先係我嘅焦點，
即使我唔贊成壟斷與黑箱作業，都唯有等下次我冇衝突嘅時候。

mosesming

我反對王維基，除左最明顯嘅原因，
亦因為我最憎人利用創意做武器。
創意唔應該被利用，唔應該用嚟sell，甚至唔應該去賣弄。
創意係應該喺最佳嘅行政與技術支持下，
默默地，如常地做出嚟，冇刻意去宣傳佢嘅創意，
然後讓大家看到，一樣可以爆紅，例如《天與地》。
咁先係對創意嘅尊重。
Bluejays 發表於 2013-11-12 15:29

創意唔拎出黎做賣點
唔拎出黎比觀眾支持
唔通叫王維基做十集同《May姐有請》一樣既哈哈哈哈哈劇節目爭取民意？
定係拍完啲劇，一集都唔好放上網，千其唔好比人知道？
你唔係覺得咁樣會work掛？
仲有，TVB坐擁咁多資源
但要幾多年先有一套《天與地》叫做比較有意思既劇集？

我同意，要有最理想嘅創作環境，頂級嘅人才，
最佳嘅行政與技術配合，先可以做得到。
所以我認為解決電視節目質素嘅方法，係迫TVB去改，
而改嘅方法，係應該改變收市率統計嘅方法，
除左現有嘅全民收市，應該學美國咁，
加多一個只計 15 - 55 歲嘅收市報告。
廣告客戶會非常喜歡呢個做法，
因為佢地都好怕對住個收市報告，
都唔知有幾多係唔出街唔消費嘅。
收市方法一改，有廣告客戶壓力，
TVB就需要改變佢地既製作方向。

呢堆野個原意好好
但大前提係政府有冇做野去提升電視節目質素？feel唔到有
政府唔識做唔緊要
依家有個睇落幾來勢洶洶既新電視台想做呢樣野
政府又唔批
又冇提到其他可以提高兢爭既方案
咁即係最後都係TVB想點就點
繼續專橫

現在成件事，存在住兩個問題，
電視節目質素問題，同埋壟斷與黑箱作業嘅問題。
大部份人將焦點放係壟斷與黑箱作業度，
因為呢樣野對佢地更重要，
但因為件事牽涉到電視，而我對呢樣野有更強嘅意見，
（反對將創意變武器，同我認為應該行嘅路），
所以呢樣先係我嘅焦點，
即使我唔贊成壟斷與黑箱作業，都唯有等下次我冇衝突嘅時候。

你咁講
其實咩都可以係武器黎架喎
TVB咁多錢搞行政同技術 (亦即係你之前講果90% infrastructure)
又多靚仔靚女小生花旦
我都可以好唔鍾意TVB拎陳豪, 翟威廉出黎做武器

唱片公司簽有唱功既歌手, 搵好既幕後做歌, 搞好唱片形象
唔通又係拎音樂做武器？
咁Alfred不如唔好練歌, 成隻碟都翻唱, 唔好減肥, 化妝化到八兩金咁既樣
等其他男歌手少左個威脅
好唔好？
武器唔係咁樣解架下話

Bluejays

我反對王維基，除左最明顯嘅原因，
亦因為我最憎人利用創意做武器。
創意唔應該被利用，唔應該用嚟sell， ...
Bluejays 發表於 2013-11-12 15:29

仲有，即使王維基攪得掂佢嘅infra-structure，
佢而家已經將創意當武器用，第日開台後，
自己係細台，更加要利用創意做宣傳先可以立足，
所以我唔覺得放長雙眼睇佢做成點會令我改觀。

咁一個新台應該sell啲乜我先覺得係好嘅呢？
話比我聽你嘅營業部、技術部會請乜野人同點發展，
到時有左製作後會點樣將啲製作推出市場。
當你詳細話比我聽你打算點樣攪好你嘅infra-structure，
我就知你對電視真係有認識同埋有長遠計劃，
亦即係你真係擁有讓創作可以平平安安出街嘅配套。

當然，show呢啲野出嚟唔會爭取到市民嘅注意，
但要爭取市民注意，只不過係王維基所利用嘅手段，
唔係要開一個新台必行嘅路。

Our_Souvenir

大哥, 你商業機構, 商業決定, 梗係冇人理你啦
宜家呢個係政府 wor

而且真係一早講過不設上限, 之 ...
cdcdcdc01 發表於 2013-11-12 06:05

    喂
請留意
我從頭到尾只係就某會員既問題: 考試唔比 check 卷得唔得? 而回應咋喎

而你地就用我個回應黎以自己主觀思想去不斷解讀成無窮無盡既意思
你地都得架啦

根本我想帶出既意思就係:
某會員一開始 set 條問題就有問題

屮SiU霖屮

呢度D人邏輯好恐怖

FB 都係, FB 好多五毛
最恐怖唔係有打手
而係有人真係覺得五毛講既野係岩 {:4_ ...
cdcdcdc01 發表於 2013-11-13 13:58

   
討論依d政治最怕既就係講小小相反既意見
就比人冠以五毛之名 講落去又有咩意思
同你相反 我只係覺得依家社會/網絡上
好多人都只係見人講咩就講咩
然後以為自己好有c.thinking
自己所講o既野既然係（佢自己所見）大部分人支持 實岩實冇錯

好似依件事咁
在我而言我只係吾滿意wiki所用既手段
發牌比佢多個選擇係好事
吾發牌比佢亦有其道理
但係正正因為政府黑箱作業既關係
好多人都混肴左
吾同意wiki 〈-〉支持政府黑箱作業
但其實相方跟本冇iff關係
吾通因為政府黑箱作業就一定要人轉做支持wiki?
如果吾係就係五毛？
我相信我同b字頭（以我睇得明佢講既野泥講）
都冇打大標題講明支持政府黑箱作業
而你只係不斷用人支持政府0透明泥反駁人地吾滿意wiki
顯而易見你既邏輯都吾好得去邊

Bluejays

討論依d政治最怕既就係講小小相反既意見
就比人冠以五毛之名 講落去又有咩意思
同你相反 我只係覺得 ...
屮SiU霖屮 發表於 2013-11-13 16:02

其實對我嚟講，個問題係冇人關心電視業
（係電視業，唔係電視質素呀吓），
所以當我提出電視業嘅討論嘅時候，
講兩講又轉翻去佢地真係關心嘅黑箱作業問題，
好似討論電視業係 out of place 咁。

「自由市場，有人站出嚟咪比佢試下，就算唔得，
個行業都會自己復原架啦。」
因為呢個可能會出現嘅復原過程，唔駛大眾去承擔，
但對電視業嚟講，就可能係一個好沈重嘅過程。

我相信有更好更易更安全嘅方法，去改善電視質素，
而唔需要電視業去 take the risk，就係改變收市統計方法。
如果將現在嘅民眾力量，改為迫TVB改變收市統計方法，快靚正好多。
如果真係關心電視業，破除壟斷唔係唯一嘅方法。

rubylovessss

aiiii....有時d嘢係唔可以咁執著，唔發牌姐嘛

屮SiU霖屮

個道理係....?!

BTW, 我樓上已經提過,
王維基同黑箱作業會被一齊提及係無可厚非,
呢到先唔重覆~~


但B ...
窩輪仔阿豪 發表於 2013-11-13 16:22

   太過急進 開30幾條頻道 打破TVB壟斷之後再壟斷番個市場
   目標SET做向中國發展
   賣香港寬頻令自己成本大增



其實我一直唔明 唔發牌理由其實係有 但唔知點解政府唔肯公開講出黎
而我既想法之前都講過係 唔想市民控制番個政府 想做乜就做乜
當然亦有可能係涉及利益輸送啦
我十分支持亦十分希望政府公開所有細節
但我唔覺得公開左之後WIKI一定係贏家反而我怕佢只會輸得更慘