Bluejays

回復  rubylovessss
pccw 唔係維基台喎......
jvzus 發表於 2013-10-15 17:15

Wikipedia有能本事已經edit左如下：

香港電視娛樂（全稱香港電視娛樂有限公司；英語：Hong Kong Television Entertainment Company Limited），為一家正在申領香港免費電視牌照的公司，現時由電訊盈科（港交所：0008）擁有，同時間奇妙電視及香港電視網絡亦有申領該牌照。香港電視娛樂計劃在獲發牌後的12個月和18個月內，分別開設粵語及英語頻道。2013年10月15日正式獲准免費電視牌照。

Bluejays

睇到結果o左...
係咪有咩特別原因?
tungbilly 發表於 2013-10-15 17:32

上頭唔想要一間新聞時事不受控制嘅免費電視台麻。

Bluejays

羅鈞滿剛剛再回應話:「我只係針對王先生係未批牌照前就大肆擴軍，導致今天要大幅裁員的局面。為甚麼批就公義唔批就唔公義？他成功利用群眾煽情想迫政府就犯，但他當初行這一步時有想過相信他的員工的後果嗎？我看到我同期訓練班的同學仔、昔日的隊友，320名的同行被裁難道我不痛心嗎？」
jvzus 發表於 2013-10-16 16:25

我撐阿Moon回覆的那段話，因為也是我的睇法，不過我不撐他說出來。
有些說話，自己圍埋講就算喇，水不能亂抽。

Bluejays

我撐阿Moon回覆的那段話，因為也是我的睇法，不過我不撐他說出來。
有些說話，自己圍埋講就算喇，水不能 ...
Bluejays 發表於 2013-10-16 18:57

佢今晚8點錄梅艷芳喎，原來係要喺有份錄影嘅成班歌手中，
獨霸報紙報導 ... 好絕呀。啲時間較得咁好，不愧係做金融出身。

Bluejays

我絕對相信政府呢個係政治決定，所以我贊成應該追問政府解釋。

但我亦認為維基嘅錢同經驗都唔夠，只可以係另一個佳視。站係市民角度，因為有佳視，所以我們才可以有徐克同鄭裕玲，但站係社會角度，係咪可以為左短暫嘅文化追求，就寧願接受未來將會出現另一次電視台倒閉嘅事件呢？

陳百祥今日的話：「如果長線投資，呢兩間公司市價以百億、千億計，搞件事唔係幾十億就可以，呢兩個台(指有線、電盈)先係無綫最大對手，做電視係要燒錢」。

真正有錢有經驗嘅大企業，係沈默唔亂發聲嘅，發得聲嘅，就一定有動機，例如需要煽動民眾。

Bluejays

劇集類型係我覺得最無理嘅一點
點解大家可以接受明珠台播諷刺+血腥嘅歐美劇
但接受唔到同類型題材放喺中文 ...
jvzus 發表於 2013-10-16 21:16

電視尺度嘅問題，牽涉到統計收市率嘅方法。

美國統計收市率，有分總收市率及只計25-54歲收市兩種。如果香港所有電視台肯同時接受增加25-54歲嘅統計，就可以改變廣告客戶嘅比錢模式，繼而改變製作尺度，直至觀眾習慣新尺度不再投訴為止。根本依家好多電視台內部審查，都比政府規定嚴，因為怕觀眾投訴。

如果你問我王維基有機會做到嘅最大貢獻，唔係劇集質素，而係佢曾經話過佢想引入新嘅收市計算模式，因為呢個係佢唯一有機會搶到足夠廣告嘅方法。TVB永遠唔會增加25-54歲嘅收市統計，因為咁樣佢地要由零開始重新製定製作方向，除非有第二間電視台咁做，佢地先會有呢個壓力。

Bluejays

呼籲政府公開個詳細報告踩HKTV啦
chb23 發表於 2013-10-16 22:56

之前煽動左群眾，而家變左有反效果，
因為呢班群眾會令到個實情見光，就係其實幾十億係唔夠。

Bluejays

我想講翻一個技術性問題。

當一個免費電視台全年嘅劇，水準都係《天與地》或以上，仲要有埋TVB嘅慣性收市，全年平均收市率都只會係20點，即係死得。

香港嘅沈默大多數係好大同好保守嘅一群，提高製作質素係未夠，只有改變收市率統計方法，先可以改變廣告客戶嘅比錢模式，令高質素節目有生存空間。

保守節目有26點收市，廣告客戶又點敢去搏，投資喺雖然有口碑，但只係得20點收市嘅節目度呢？但其實又有邊個廣告客戶唔想知道，所謂嘅26點，佔左幾多係廢嘅呢（例如10歲以下，60歲以上，永遠唔出街唔消費嘅）？

Bluejays

咁佢講到依家發牌比果兩間好公道
因為佢地都蝕左咁耐,所以應該比返個牌佢地?
咁無論賺定蝕都係一間公司有 ...
tungbilly 發表於 2013-10-18 11:54

我嘅理解係，蝕左咁多年都仲可以若無其事做落去，即係證明佢地蝕得起。
政府列出嘅發牌條件，係最低要求，真正營運起來，要唔洗倒閉，
就要好似Now同Cable咁。

Bluejays

王晶:

「這幾天香港因為一家公司沒得到免費電視牌照而弄得閙哄哄，除了這家公司的老闆員工外，鬧的人幾乎清一色沒做過電視。我19歳進電視台，廿五歲就有機會當製作部經理，但我放棄了。因為做電視台很難。做一個好的劇不難，也就幾十集，八九個月。但電視台是never ending story，最優秀的人也會被吸乾。

「這家沒得到牌的公司，衝勁是有，但我冷眼旁觀，走的路有點天真，恕我烏鴉嘴，冇牌可能輸少啲。華語區的電視劇供過於求，需求早已飽和，大量拍劇可能出路只有本地，而要用機頂盒的台要和現存大氣電波台比收視，跟用刀和機關槍打差不多。有牌開播天天出街，被迫一直拍不能停，收支無法平衡，是很可怕的。」

Bluejays

呢個都似係政府會通過不斷放風用嘅解釋喇，呢個說法算係最說得過去：

http://the-sun.on.cc/cnt/news/20131021/00407_005.html?pubdate=20131021

Bluejays

仲有呢個說法，更加冇得博 ...
都話公開左就只會見到王維基其實有幾弱架啦

http://www.hkheadline.com/news_topic/nt_content.asp?sid=14261&nt=np

Bluejays

我冇馬後炮...
timmy 發表於 2013-10-21 11:45

我都冇

之前煽動左群眾，而家變左有反效果，
因為呢班群眾會令到個實情見光，就係其實幾十億係唔夠。 ...
Bluejays 發表於 2013-10-16 23:38

Bluejays

蘋果即時新聞:

噚日辭去演藝人協會會長職位嘅曾志偉，今日繼續接受電台訪問解畫，除咗再次解釋點解要辭職，更表明「業界」唔應該「呼籲」上街。

主持李慧玲問佢，演藝人協會只係唔贊成導演會個聲明，遊行前一日導演會十大屬會聯署冇落演藝人協會名義，但問到志偉點解星期日唔去遊行，係咪唔支持業界，曾志偉仍然強調，如果星期六出聲明或記招，就好似煽動人上街咁，佢唔想有一個煽動嘅行為，佢話:「我覺得呼籲唔應該係煽動性，係一個支持就好，可能我保守，我唔希望香港有少少事就出街 ，點解成日有人上街，係咪會覺得香港會混亂咗呢?」

主持又問:「咁會唔會諗係政府做得唔好?」志偉答:「我知，咁但我哋個行業唔係呼籲人哋上街。」

主持再問:「雖然你唔認同份聲明，點解你唔上街?」志偉話:「我覺得咁多個會長未Clear個動機，係指責政府?一齊出街?要有明確指示。」

訪問中志偉好幾次質疑王維基炒人的決定:「而家唔係撐一個台去有牌，點解一話唔發牌就炒人呢?組織一個公司係諗一個年期，點解係320人呢?係咪一早預咗要炒人?....你應該要考慮政府唔發會點?點解你做野咁草率?」主持話有政府官向王維基表示合資格就有牌，志偉話:「咁大個人點會信政府?」之後仍強調:「點解要炒人?有能力去捱幾年，點解依家要炒?點解我唔係咁支持王維基，因為覺得佢做事草率。」

主持話志偉令人覺佢對維基有火，但對政府反而體諒，志偉辯解:「政府依家請人已經冇人敢做，個個都比人鬧得好犀利，我唔覺得有人做政府部門會懶懶閒唔想做好，咁我哋要比啲時間佢唔好迫佢。」

主持問:「咁12萬人辛苦啲定政府辛苦啲?」志偉話:「大家都辛苦。」但佢話唔覺得「12萬人都係支持一個機構」又反問政府係咪每一樣嘢都要交待:「某程度上政府做咗嘢，有時好多嘢唔能夠太過責罵，因為其實今次件事俾咗個交代...我唔明白，我哋究竟逼佢哋話『喂，你樣樣都有交代』...係咪每樣嘢都要交代呢?」

Bluejays

熄電視行動，TVB收市只跌一點（同之前嘅星期三比），
即係家中有收市調查器嗰800戶冇彩佢地。
呢800戶係經Nielsen專業性地選出來，應當有其代表性，
（如果連Nielsen都唔信，咁美國電視都唔洗做）。
既然有代表性，即係我地見到出嚟發聲嘅嗰班，唔係大多數。
當然，呢個「大多數」係指全港所有人中嘅大多數，
而唔係60歲以下，10歲以上，會用智能手機會上網嘅人中嘅大多數。

Bluejays

689得罪左tbb呀

明知聽日圍政總仲搞D咁既野, 擺明要谷多D人去
阻住 發表於 2013-11-5 22:20

未必嘅，被東張西望說服嘅人，未必少得過被蘋果說服嘅人。

Bluejays

而家 d 網民好似癲晒咁既款
為反而反
已經失去理性同失去當初既目的了...
Our_Souvenir 發表於 2013-11-6 00:15

太同意喇，我一向都鍾意睇蘋果，新聞或娛樂都係，
呢排為左唔想再睇佢地咁一面倒去報導一件事，
唯有避開唔睇蘋果住，而家淨係好想件事快啲過氣，
等我有翻蘋果睇。

講真，東張西望嘅報導，起碼「清新」啲，唔洗咁悶。

Bluejays

Bluejays

清新D?
亂UP一D與別不同既說話就叫清新D??
佢地講野有冇論証?
宜家係時事, 唔係娛樂, 唔係劇集, 點 ...
cdcdcdc01 發表於 2013-11-11 02:01

唔係個個都認為蘋果喺呢件事上嘅角度係正確嘅，
既然我唔同意蘋果喺呢件事上嘅角度，
喺我心目中，佢同東張西望有乜野分別？
都係同樣地為左自己嘅觀點不停地堆砌。

Bluejays

阿Timmy哥, 我咁樣問你丫~~
一個政府高官被殺, 同坪石邨一位阿太被殺, 邊個較吸引市民既眼球?!
一隻小動物 ...
窩輪仔阿豪 發表於 2013-11-11 12:06

有唔少人都係撐「反對黑箱作業」，但就唔撐「支持王維基」。
當兩件事必須要綑綁在一起時，我會先選擇唔支持王維基，
直至有一個單一討論黑箱作業嘅時機出現。

這種綑綁性，無疑令件事多左好多人支持，
但亦不能否定佢令到有啲人唯有選擇反對。

Bluejays

但你有冇諗過「唔支持王維基」其實都綑綁住好多其他野？
例如「容許TVB繼續獨大」、「支持政府漠視民意」
mosesming 發表於 2013-11-11 14:15

我係支持「唔支持王維基」所包含嘅其他綑綁意義嘅。

當年梁振英未上任前，也有一大班有見識嘅人支持佢，
我覺得佢地睇錯左梁生，我都唔會支持佢地支持梁生嘅民意。

至於TVB獨大嘅問題，我係相信有啲野係要咁大先做得到。
大家淨係針對TVB比你睇得到嘅事事旦旦，
但就無視佢因為有咁大先至做得到嘅幕後行政與技術配合，
唔可以因為大家睇唔到或者冇足夠認識去衡量佢嘅幕後配合，
就當呢啲野唔重要。

Bluejays

正解~~
我阿媽都唔鍾意王維基, 但一個小師奶都睇到政府今次處理得唔妥~~
咁係咩原因?! 又唔見佢撐東張西 ...
窩輪仔阿豪 發表於 2013-11-11 14:57

東張西望中名為「一個電視台的誕生」嗰part，
正係只有TVB自己講翻先最有力，
亦係我一直最重視，而冇其他媒體可以清楚陳述嘅point。
另外，佢highlight啲文件條文照讀出嚟嗰part，我亦覺得有需要。
我同意佢講資金同30條頻道會播乜嗰兩part，
仲有搵兩個主持作總結嗰啲評論，的確非常誤導，
但我一直等聽嘅幕後行政與技術配合嗰個point，終於出到嚟:
電視台嘅製作部（包括幕前同幕後），
只係佔一個電視台所有工作嘅八分一至十分一架咋。

Bluejays

你果兩段野我完全睇唔明
mosesming 發表於 2013-11-11 15:40

第一段答緊「漠視民意」，第二段答緊「TVB繼續獨大」。
即係如果「唔支持王維基」嘅綑綁意義，
係「漠視民意」同「TVB繼續獨大」，
咁單喺呢件事上，我兩樣都支持。

Bluejays

因為唔支持王維基而寧願政府漠視民意同埋比TVB繼續獨大
真係令人費解既因果關係 ...
mosesming 發表於 2013-11-11 16:14

王維基發動產生出來嘅民意，我唔會支持，
等於當年支持梁振英做特首嘅民意我唔會支持。

王維基除左製作外，
冇任何證明佢可以順暢地做到TVB另外嗰90%嘅工作，
咁我寧願要TVB做得好嘅嗰90%。

Quote翻我上面：電視台嘅製作部（包括幕前同幕後），
只係佔一個電視台所有工作嘅八分一至十分一。

Bluejays

迷思一: 真係只係傳媒既問題?!
聽過Ivana既我來自火星, 應該知道有個Infinity Journey Mix,
以音樂證明,  ...
窩輪仔阿豪 發表於 2013-11-11 19:45

Re: 迷思二

咪就係因為Cable同Now喺一個類近嘅平台，
做左比我睇佢都做到嗰90%，
咁點解我唔信佢地多啲呢？
點解一定只準我用佔10%嘅製作部嚟衡量，
而唔準我認為另外嗰90%更重要？

Re: 迷思三

你認為競爭係來自製作，
但真正做生意嘅人會話比你聽，
競爭係來自infra-structure。

Bluejays

Re: Re: 迷思二
問題未解答: 你有咩證明王生唔可以順暢地做到TVB另外個90%既工作?!
點解非三揀二不可?!  ...
窩輪仔阿豪 發表於 2013-11-11 21:05

迷思二:
又將兩個問題綑綁在一起喇，我講緊我點睇，
唔代表我反對政府需要公開說明佢地嘅原因。

迷思三:
如果唔係當生意睇，政府過去嗰幾年開會就唔係傾嗰啲野，
市民要投訴嘅亦應該係點解政府
唔叫每個台拍啲野嚟作質素高低嘅評估。

Bluejays

對於觀眾黎講，只有果10%既製作先到會比佢地見到 (其實我唔知個%點計出黎)
好睇就buy，唔好睇就bye
剩低果9 ...
mosesming 發表於 2013-11-11 21:14

觀眾可以唔理，但觀眾唔應該要求政府都唔理，
因為咁係好不負責任既做法。

Bluejays

「有咩證明王生唔可以順暢地做到TVB另外個90%既工作」
窩輪仔阿豪 發表於 2013-11-11 22:20

如果佢冇拍過劇比你睇，你都會叫佢證明比你睇佢識拍劇，而唔會講「有咩證明王生唔識拍劇」。佢證明過比你睇，但佢冇證明過比我睇。

小事如交個廣告比佢播，唔可以播錯時間、版本或製式，需要營業部、製作部、節目部、film traffic、內部審查 N個部門順暢嘅配合，先可以成事，錯一次廣告客戶都唔會原諒。如果佢對呢啲野有信心，就應該將佢自己對呢啲部門嘅計劃宣揚出嚟。

又請你講下, 除左係想控制喉舌, 仲有咩原因要政府咁大程度去干預私人機構商業運作呢?!
窩輪仔阿豪 發表於 2013-11-11 22:20

免費電視唔等同於一般私營機構，而係等同於電燈公司同巴士公司，需要政府更強嘅監管。

Bluejays

BTW 我真係睇唔明你地兩個個D對話 真係好難明
屮SiU霖屮 發表於 2013-11-12 00:25

如果有邊度睇唔明，請指出（quote翻個post no.都得架喇），
我會嘗試解釋得清楚啲。
我有時會跳得太快，漏左中間一啲轉折位講得唔清晰。

我從來唔覺得對事件抱疑問, 就一定要撐王維基~~
但反對壟斷同反對黑箱作業, 兩者既利益衝突就令到大家密不可分~~
係樓上先會自high到以為咩都可以分開立場扮睇唔到啫~~
窩輪仔阿豪 發表於 2013-11-12 00:35

我反對王維基。
我支持政府應該公開原因。
如果我以上嘅立場遇到有互相衝撞嘅情況，
就以我反對王維基為首選，其他嘅立場就要讓開。

Bluejays

總之對某會員黎講, 佢唔鍾意既人就可以點死都冇所謂~~
就算佢有咩唔公平既待遇都係自己攞黎衰~~
你再睇下 ...
窩輪仔阿豪 發表於 2013-11-12 14:17

我反對王維基，除左最明顯嘅原因，
亦因為我最憎人利用創意做武器。
創意唔應該被利用，唔應該用嚟sell，甚至唔應該去賣弄。
創意係應該喺最佳嘅行政與技術支持下，
默默地，如常地做出嚟，冇刻意去宣傳佢嘅創意，
然後讓大家看到，一樣可以爆紅，例如《天與地》。
咁先係對創意嘅尊重。

我同意，要有最理想嘅創作環境，頂級嘅人才，
最佳嘅行政與技術配合，先可以做得到。
所以我認為解決電視節目質素嘅方法，係迫TVB去改，
而改嘅方法，係應該改變收市率統計嘅方法，
除左現有嘅全民收市，應該學美國咁，
加多一個只計 15 - 55 歲嘅收市報告。
廣告客戶會非常喜歡呢個做法，
因為佢地都好怕對住個收市報告，
都唔知有幾多係唔出街唔消費嘅。
收市方法一改，有廣告客戶壓力，
TVB就需要改變佢地既製作方向。

現在成件事，存在住兩個問題，
電視節目質素問題，同埋壟斷與黑箱作業嘅問題。
大部份人將焦點放係壟斷與黑箱作業度，
因為呢樣野對佢地更重要，
但因為件事牽涉到電視，而我對呢樣野有更強嘅意見，
（反對將創意變武器，同我認為應該行嘅路），
所以呢樣先係我嘅焦點，
即使我唔贊成壟斷與黑箱作業，都唯有等下次我冇衝突嘅時候。

Bluejays

我反對王維基，除左最明顯嘅原因，
亦因為我最憎人利用創意做武器。
創意唔應該被利用，唔應該用嚟sell， ...
Bluejays 發表於 2013-11-12 15:29

仲有，即使王維基攪得掂佢嘅infra-structure，
佢而家已經將創意當武器用，第日開台後，
自己係細台，更加要利用創意做宣傳先可以立足，
所以我唔覺得放長雙眼睇佢做成點會令我改觀。

咁一個新台應該sell啲乜我先覺得係好嘅呢？
話比我聽你嘅營業部、技術部會請乜野人同點發展，
到時有左製作後會點樣將啲製作推出市場。
當你詳細話比我聽你打算點樣攪好你嘅infra-structure，
我就知你對電視真係有認識同埋有長遠計劃，
亦即係你真係擁有讓創作可以平平安安出街嘅配套。

當然，show呢啲野出嚟唔會爭取到市民嘅注意，
但要爭取市民注意，只不過係王維基所利用嘅手段，
唔係要開一個新台必行嘅路。

Bluejays

討論依d政治最怕既就係講小小相反既意見
就比人冠以五毛之名 講落去又有咩意思
同你相反 我只係覺得 ...
屮SiU霖屮 發表於 2013-11-13 16:02

其實對我嚟講，個問題係冇人關心電視業
（係電視業，唔係電視質素呀吓），
所以當我提出電視業嘅討論嘅時候，
講兩講又轉翻去佢地真係關心嘅黑箱作業問題，
好似討論電視業係 out of place 咁。

「自由市場，有人站出嚟咪比佢試下，就算唔得，
個行業都會自己復原架啦。」
因為呢個可能會出現嘅復原過程，唔駛大眾去承擔，
但對電視業嚟講，就可能係一個好沈重嘅過程。

我相信有更好更易更安全嘅方法，去改善電視質素，
而唔需要電視業去 take the risk，就係改變收市統計方法。
如果將現在嘅民眾力量，改為迫TVB改變收市統計方法，快靚正好多。
如果真係關心電視業，破除壟斷唔係唯一嘅方法。

Bluejays

關皓月終於發聲喇。你放心，外面有人明嘅。

【蘋果即時新聞】關皓月於微博，回應王維基一席話，佢寫道:「王生覺得現在的劇好膠，是一定的，但最好的人都被你們吸納了？請王生捫心自問，你是真的這樣想這樣認為嗎？市民都希望政府公平公正公開，包括我。但上到政治層面的話，請勿為達到某個目的偽裝偽撐。真心珍惜創作人的話，不會分公司團體機構。夢想不只存在於一間公司，它存在於世界上！」

Bluejays

根本唔關事, 佢覺得TVB 膠係個人立場
人地都冇動員杯TVB
而且HKTV 工會都冇 official 咁做

唔知既, 得閒睇 ...
cdcdcdc01 發表於 2013-11-20 14:33

關皓月只係回應緊王生嘅一句說話:
「依家啲劇好膠，因為最好嘅人我哋納晒」，
我冇quote埋王生呢句姐。

如果佢地係討論緊抗議TVB，
我唔會post喺呢版啦。

Bluejays

【明報周刊 第2350期】黃子華：「當時王生那邊的確有人找過我經理人談合作，但那個人第一句話就說其實公司無咩錢，又說公司有幾多幾多問題，結果連餐飯都是經理人埋單。我們這邊都未有任何要求，你說還怎樣談下去？我決定拍與否，最重要提供拍攝條件。」

呢個經曆，好多人經曆過。
不過始終需要一個有份量嘅演員講出嚟（仲要係明週嘅訪問），
先有說服力。

Bluejays

tvb 刻薄講左10億次啦
cdcdcdc01 發表於 2013-11-23 20:37

喺隔離嗰版咪講左，TVB刻薄係方小姐嘅問題，
易主後改緊，演員和工作人員被訪，都證實改善左。
想佢改，又唔去留意佢有改。

Bluejays

點解有人係要選擇性失明
tvb 刻薄講左10億次啦
atv 亦有拖糧
人地 hktv 緊係冇得同 tvb 爭啦, 宜家 ...
cdcdcdc01 發表於 2013-11-23 20:37

仲有，黃子華個quote唔係淨係反映王生有冇錢嘅問題，
亦包括佢請人有冇眼光嘅問題（即係請個咁嘅人出去同人傾）。
我一直討論緊嘅都係王生攪行政得唔得呢個point。
呢個只係有人肯公開講翻出嚟嘅例子，冰山一角。

Bluejays

除非係有證據話 tvb 好掂啫
否則改咩呢, 你係高層?? 方小姐都係領導層, 點解又唔係一個問題
真係唔 ...
cdcdcdc01 發表於 2013-11-23 21:33

「否則改咩？」

乜大家嘅抗議唔係想TVB改咩？
有改變係可以即刻由零至一百發生架咩？
唔係應該留意住佢有冇一步一步改緊嘅咩？

Bluejays

唔好講咁多, 例子呢?
你一句話改緊= 真係改緊? 你係神?
你要光就有光?
OMG ...
cdcdcdc01 發表於 2013-11-23 22:48

TVB易主後，其實好多制度都改緊，
大家聽到嘅好多孤寒野，都係方小姐嘅問題，
佢走左後，已經改良左，有機會會慢慢變好。
但係大家就唔去理會呢啲公佈、訪問
（例如：工時縮減、要有八成劇本，
演員說去澳門拍戲現在有五星級酒店住 etc），
然後就拿住佢之前一年拍，而家先出街嘅劇集作準。
我反而會喺 製作上更有即時性
嘅港姐同台慶 嘅舞台設計同運用上，
睇到TVB真係翻緊嚟。
Bluejays 發表於 2013-11-21 23:44

Bluejays

隨左舞台設計與舞台運用外，
TVB早一、兩年啲大show，連camera take shot都甩晒，
我係睇住佢一個show比一個show做翻好左，
去到今年台慶，一個非常難take shot嘅360度舞台，
已經比佢拍得翻以前嘅水準出嚟。

我用大show舉例，因為佢係即做即出街，
唔需要用半年至一年前拍落嘅劇集做例子，因為唔夠update。

Bluejays

屬於TVB公佈嘅野（工時縮減、要有八成劇本）你仲要問source，
即係你唔比機會TVB話比你聽佢改緊，
咁點去留意大家嘅抗議有冇效呢？

演員訪問嗰啲我睇完冇keep link，現在去找翻出嚟 ... 等等

Bluejays

你知唔知自己 up 緊乜?
呢D同 tvb admin 完全冇關
只係下面班人進步左

你引用子華果段野係講緊制 ...
cdcdcdc01 發表於 2013-11-23 23:16

我 post #226 係答緊市民要TVB改良節目質素嘅問題，
我係 post #227 就係答source嘅問題 。

Bluejays

Sorce?
cdcdcdc01 發表於 2013-11-23 23:03

田蕊妮: 「新老闆上場，飯堂食物及劇集質素都有改善，好多事不可以一步登天。」阿田亦表示早前去澳門拍《巨輪》每天只需拍一組戲約12小時，而且全組人及幕後工作人員均入住5星級酒店，這就是她見到的進步。

對於TVB決心善待員工，限定每日工作時間，張繼聰話：「今次拍《忠奸人》沒之前咁辛苦。我在TVB兩年，入面同事好有人情味，導演同幕後都好努力。」

訪問員工嗰啲，冇keywords可用，好難search得翻，
我之後碰到再post。

仲有，屬於TVB嘅公佈（工時縮減、要有八成劇本），
唔應該係我去post，而係大家去留意嘅（post 227已講過原因）。

Bluejays

第二, 點解你覺得改緊= 冇錯
同樣道理, hktv 改緊, 咁你子華段野又作廢?
cdcdcdc01 發表於 2013-11-23 23:20

我只可以用關皓月回應王生「因為最好嘅人我哋納晒」
嗰段答你(post 213)，關皓月冇明言，但已經暗示左個答案。

- edit - 我發覺我quote親post no.都quote錯，已改翻。

Bluejays

咩 logic
cdcdcdc01 發表於 2013-12-14 23:58

我睇到（亦同意）嘅point係，警戒線 嗰一集，
唔代表佢可以長年維持得到，
因為佢已經將幾小時嘅資源，濃縮為一小時。
一要填滿一年365日嘅節目時，
質素就不能再以 警戒線 作準。