gn01270160

本人認同王維基有創意, 有膽識
但對佢既做法不敢苟同
佢擅於利用大眾輿論來為自己鋪路, 歷史將會證明

BTW 作為一個普通花生友, 我都想有多個台睇

gn01270160

通訊事務管理局辦公室晚上發聲明，指港視現時持有的牌照，是在《電訊條例》下獲准提供流動電視服務，給本港的移動地點接收。
然而，香港電視「計劃轉換傳送標準」，由以往中移動採用的「多媒體廣播標準」，轉換至「數碼地面多媒體廣播」，結果會令本港超過五千個指明處所的觀眾接收到港視的流動電視服務，所以港視需要根據《廣播條例》規定，領有本地免費或收費電視牌照。
通訊辦強調，香港電視現時獲得的牌照，不會令港視可以豁免申領免費或收費電視牌照。
政府是在星期一的立法會資訊科技及廣播事務委員會會議上，表示港視的流動電視可能需要申請相關牌照。會議上提出這個問題的議員謝偉俊表示，現時廣播條例下，「電視服務」定義闊，只要有機會「入屋」，都可能受監管。
港視去年底宣布，以一億四千多萬元收購中移動的流動電視頻譜，提供三至五條頻道。中移動用的是CMMB制式，而港視計劃用的是DTMB。
資訊科技界立法會議員莫乃光表示，DTMB制式即是數碼電視使用的制式，提供高清流動電視。他認為，現時當局並非「搬龍門」，而是港視要提供的服務，同時受到《廣播條例》規管：「香港電視現時想做的，偏偏踩進了，別人（通訊局）指是《廣播條例》中規定，要有免費電視牌照方可做的事。」

　　根據現行的《廣播條例》（香港法例第562章）的規定，只有下列電視節目服務才屬於必須領取牌照的廣播服務：
(a)　擬供或可供由超過5,000個處所（住宅或酒店房間）組成的觀眾接收的本地免費或收費電視節目服務；
(b)　並非以香港為主要目標市場的非本地電視節目服務；及
(c) 擬供或可供酒店房間或不超過5,000個處所組成的觀眾接收的其他須領牌電視節目服務。
　　領有牌照的廣播機構所提供的電視節目，必須符合廣播事務管理局（廣播局）發出的各項業務守則的規定，包括《電視通用業務守則─節目標準》的規定。
　　在流動電話及其他流動通訊裝置上播放的視像服務（流動電視服務）不屬於上述《廣播條例》中須領取牌照的廣播服務。因此，流動電視服務的節目內容不受廣管局發出的《電視通用業務守則─節目標準》規管。不過，流動電視服務的節目內容必須受《淫褻及不雅物品管制條例》（香港法例第390章）管制。

條例PDF連結 2012年最後修訂過, 非今日新例

====================

簡單D講, 其實佢只可以用CMMB (全稱China Mobile Multimedia Broadcasting) 制式廣播, 但佢偏要踩界用DTMB (全稱Digital Terrestrial Multimedia Broadcast)
而DTMB就即係等同於目前TVB, ATV既高清廣播制式, 如要用呢個制式, 政府當局履行佢既責任/義務善意提醒佢如果超過5000個地點使用相關制式時需要領有免費電視牌照

即係有人明明得小販牌但想開酒樓, 而家係度扮可憐

gn01270160

其實通訊局表明講得好清楚, 《電訊條例》只能夠規管流動傳輸, 即係CMMB等其他合法受管制式
而DTMB可以通過大廈天線直接傳輸比住戶係家中電視機直接收看屬於《廣播條例》規管...
有咩理由買個流動牌番黎做既野同一個免費牌一樣發訊號係電視直接收睇?

唔係唔比你用DTMB, 但係你要確保係5000戶以內
如果DTMB制式下有多於5000戶能收看, 需要免費電視廣播牌照...

只要HKTV用番CMMB或其他合法制式作傳輸, 例如好似通訊局建議用DVB-H, 唔抵觸《廣播條例》底下, 係冇人限佢傳送比幾多戶...因為本身流動用家就唔係用"戶"來作單位

根據報導所得資料, 傳統免費電視比起網絡電視所帶來的廣告費貴20倍，之所以佢點解咁堅持冇牌都要扮到類似傳統免費傳輸咁。但係香港電視機所支援既標準係用DTMB呢個制式, 咁王生佢嫌棄CMMB解像度低(320 x 240)大可以好似通訊局建議咁用歐洲DVB-H制式(一樣行到1080i), 咁一來可以確保到家中電視唔會直接收看到, 又可以做到佢高清流動傳輸既目的, 點解佢又唔肯呢? 係咪有人想博大霧借D意將D訊號射出去而D市民又唔覺意咁收到, 達到一個"免費電視台"既目的呢?

事實就擺在眼前, 我相信佢開台一定成功, 只係目前搞D野煽動下市民情緒姐, 一般市民唔了解睇標題一定會比人誤導, 但我從事相關行業, 佢呢D言語偽術呃唔到行內人。所以佢並唔係走投無路，制式佢唔係冇得揀，高清佢唔係做唔到，走投無路只係用來煽情，真正原因係一個錢字。睇下佢肯唔肯以公眾利益爲大前提，賺少d，做番佢個牌既本份 - 流動電視。