返回列表 發帖

洪卓立《Timing》轉型未成 時候未到


我相信,有人知道洪卓立出了新碟,因為那個留鬚的造型實在太奇怪,那張露一隻手臂的宣傳照實在核突得嚇人。

但我相信,無幾多個人知道,這已經是洪卓立的第十張專輯,無幾多個人知道,洪卓立是香港樂壇出碟最密的歌手之一,每九個月左右就有一張新碟。


洪卓立近幾張廣東唱片已有既定模式,大路情歌佔一半,另一半可以是周博賢式的時代小品,亦可以是賣青春的半惡搞玩味作。《Timing》是洪卓立走向成熟的最明顯一步,唱片公司打出「樂迷取向」的標題,傾力將慢歌的比例推高,玩味作品減至只剩《內有惡犬》,較為upbeat的,亦只有《雙魚座的眼淚》,或者,這是洪卓立較為忠心的fans的取態,但洪卓立過去幾年唱得最放的,其實是《香片咖啡》及《奴隸與皇后的愛情故事》那類小品及玩味作,而這些歌,27歲的洪卓立現在不唱,年紀再大就真的唱不了。

相反,大賣慢歌,直接曝露了洪卓立經常唱得太肉緊,一肉緊就無感情的缺點。監製舒文說,洪卓立適合唱Ballad,但聽一聽track 1的《是愛情》,前段的中低音絕對無問題,但由副歌前慢慢高音開始,就已經肉緊到感受不到應有的情深。主打歌《誰》的副歌,亦唱得太堀,中國風是應當比較溫婉的。當年聽著《勿忘草》,我以為洪卓立可以一步一步,一張比一張專輯唱得放鬆,但顯然我是錯了。

當然,不是說所有歌都應該唱得很柔,不是說只有輕聲唱才叫識唱歌,例如叫糊式慢歌《小時了了》,在弦樂編曲逐步推進下,是理應唱得肉緊的;《獨活》歌詞中的那份痛,亦是應該爆著唱的。唱法,應該要與旋律歌詞及編曲配合好,但這張碟,在這方面仍然未如理想。


誠然,洪卓立沒有同年出道的周柏豪好彩,趕上了唱作人被看重的那道順風;也沒有陳柏宇在Sony單天保至尊而得到的萬千寵愛,但能夠在英皇年年有碟出,也絕不容易。只是若果自我玩殘形象,亦摸不清自己所擅長,前路實在難走。已經被羅力威過了頭,再不找對路徑,也許觀眾緣不錯的馮允謙也會發力趕上。


推介聽法: 千萬不要看宣傳照,千萬不要。

附件: 您需要登錄才可以下載或查看附件。沒有帳號?註冊
Music Picks 音樂選擇 為你而選
www.facebook.com/MusicPicks

相當同意,唱功十年如一日係其中一大問題

唱得唔好,如果d歌好聽或者仲有一線生機,之但係佢d歌真係

今次我個人覺得小時了了真係最大路亦真心覺得好聽(唔評論唱成點),但居然派誰

然後獨活又係唱到連音都唔太準

EEG究竟想點 =O=

BT洪卓立真係要落多好多苦工,唔係只有繼續霉落去

TOP

本帖最後由 tungbilly 於 2014-3-22 12:28 編輯

由佢出道開始,一直覺得佢每首歌最弱既就係vocal
唔係唱得唔好,但成日用到把聲好緊
雖然佢自己有責任,但明顯舒文監下既佢vocal係take得最唔好
係每首歌都要佢chur盡去唱,唔理開頭定副歌
講左好多次,華仔同the island同佢(vocal上)既火花係最好.
揀歌無可否認舒文係有一手,但take vocal真係不敢恭維

TOP

由佢出道開始,一直覺得佢每首歌最弱既就係vocal
唔係唱得唔好,但成日用到把聲好緊
雖然佢自己有責任,但明顯 ...
tungbilly 發表於 2014-3-22 12:26

舒文最叻就係推到歌手把聲最盡,
JY係咁SHIGA都係咁,
THE ISLAND果D輕鬆小品一定唔會係舒文到搵到

TOP

舒文最叻就係推到歌手把聲最盡,
JY係咁SHIGA都係咁,
THE ISLAND果D輕鬆小品一定唔會係舒文到搵到 ...
艾石仔 發表於 2014-3-23 01:18



   我杯茶算係幾突破

TOP

返回列表