返回列表 發帖

「我討厭政治」與「我讀得書少」

「我討厭政治」與「我讀得書少」

本來也不想在音樂園地談歌手的政治取向,
但有時政治就在生活中,沒有逃避的空間,就唯有正視面對。
香港樂壇近年多了一種新題材,是寫社會現象的歌曲,
不再一味談情說愛,就擴闊視野展現人文關懷,
從周博賢與謝安琪的企劃開始,直到現在廣及不同的流行歌手,
只是唱得出要做得到,才是言行一致,否則就讓人懷疑歌者有多真誠。

沒錯,歌手不必一定與政治掛鈎,沒有要求每位都是張懸或黃耀明,
當好歌手的本份是灌錄每張好的專輯,準備每個好的現場表演。
聽歌不必背上重擔,唱歌亦不是神聖任務,特別是流行曲。
只是有時言論確會影響一個藝人自身的形象,
也許現在不再有公關包裝,潮流是「想說就說,想做就做」,
在應對緋聞或人身攻擊時,或可一兩句花言巧語含糊帶過,
當面臨大是大非之事時,沒有清晰的定位,就會容易被界定為無知、沒有獨立思考。

早於兩年前,王菀之已是前車可鑑。
「我討厭政治」作為免除一切衝突的工具,就是擺出一副不感興趣的姿態,
拒絕去認識,關上大門甘願並樂於並自豪於自己不懂的事。
在此之前,王菀之的唱作實力早被肯定,水百合演唱會有口碑有話題,
在此之後,王菀之進一步入屋拍戲拍劇,但真正聽她歌曲的樂迷已然失望,
不純因歌曲變得不濟,而是自覺或懷疑當初聽到的那個有氣質有格調的她,只是一場美好的投射。

當然,歌曲好壞不在乎於歌者品格或立場,
但所唱歌曲內容與訊息的傳達,會受到歌手的一言一行所影響。
王菀之一事可能只是公關工程的災難。,
RubberBand 參演去年七一維穩騷,才是與其一向歌路抵觸的重災區,
樂迷突然驚覺其變質,而代表覺醒的《睜開眼》只是一年之前推出的作品,
這樣自相矛盾的行為,讓RubberBand面臨重點聽眾的流失,
在檢討整頓後,今年的《Frank》似乎就是誠實的回應,
也許經此一役,RubberBand 在選擇工作時 (廣告/音樂會等),都會份外謹慎,
亦一如意料,他們推辭了今年澳門五一音樂會,證明他們依然如一,態度不變。

自從梁振英上台後,在各行各業滲透維穩的工作不遺餘力,流行樂壇自亦不例外,
「家是香港」標記隨處可見,自亦需要一首有份量的主題曲,
於是就誕生了兩代歌王的合唱 – 張學友與陳奕迅的《同舟之情》,
在電台電視台日夜轟炸,作為名副其實的洗腦歌,
當中一句「人間的恩怨幾許已淡忘」竟然在英文字幕譯作 “Forget what is right and wrong”,
在主流媒體宣揚只要有中央,不需再記得對錯的訊息。
同一年內,陳奕迅找了MastaMic合唱《主旋律》,林夕亦為他填寫了《斯德哥爾摩情人》,
是隱諱的對抗嗎? 這並沒有答案,但再次證明政治找上流行音樂,並不是一朝一夕。

G.E.M. 曾高聲呼喊《What have you done?》關心受邊緣化的基層,
又炮轟903黑箱作業,其敢言作風卻在政治上成了為特首護航的「加油論」,
對商業機構嚴厲斥責,對政府管治卻是雙重標準,
這亦難怪她,要鋪路到內地參選《我是歌手》,都要有迎合內地的一套。
國內十三億人的市場,與香港逐漸萎縮到荼靡的一小塊相比,
若有野心開展事業,著實該向前者進發,
但就別再責怪後者再沒有容下其發展的空間。

到2014年,維穩之手伸向了規模重新擴大的華納(香港)。
先有官恩娜要包容中國人,後有周柏豪自認讀書少不懂政治,
Ella還可說是情有可原,畢竟她並未全然了解「蝗蟲」所指,
而且確實並非所有內地遊客都有同等行為,
但周柏豪的態度實在難以令人想像,這是曾經唱過周博賢《傑出青年》的周柏豪。

林夕都曾在歌詞中填過,讀得書少,不代表常識少,亦不代表不懂道理天條,
寫過無數個人感性文章的「大文豪」,一提到政治就變無言,
正正就是「必要的沉默」最佳例子。
而既然周柏豪在出席維穩上依然抱持「必要的沉默」,
那恕本人在聽音樂的路途上,不能再當周柏豪的同行者。
就放長兩眼看,到底真理在誰。



全文:
「我討厭政治」與「我讀得書少」

其實歌手表達政治意見都好大壓力,佢影響ge唔單單係佢一個,可能會影響成間公司,所以佢地都係諗d野黎應付左記者ge疑問

當然我唔否定可能佢地根本唔知/關心政治,不過佢地唔係個個都可以暢所欲言ge我諗

TOP

提示: 作者被禁止或刪除 內容自動屏蔽
簽名被屏蔽

TOP

如果有一個共產主義嘅歌手,即使佢唱歌幾好聽,喺香港係咪都會無人鍾意?政治取態唔係一種潮流/主流,要同香港大部份人政治取態唔同,係咪無可能?

我只係覺得,一個歌手嘅政治取態係無影響佢唱功,但因為藝術係一個整體,人亦都好容易被唔客觀嘅條件影響判斷,所以我地要求歌手喺歌唱以外,政治取態都要乎合自己意願。我都好明白好難叫歌迷將歌手嘅歌同政治形象分開…

好多時公司/經理人拑制住歌手嘅一舉一動…e.g 兩代歌神合唱,gem 一個歌手揹起成間公司,香港market 細而北上(no offence ),唔係個個都好似kay,cas, rb 今次咁有本事走得甩

歌手有自由發表佢地嘅意見,即使佢地以前唱嘅歌係社會性,亦未必真係佢地所認同, 或者歌迷諗得咁政治 (e.g.囍帖街夠社會性,但我唔會覺得係政治),係咪歌人合一呢樣做到我覺得係好,做唔到無得強求。eason 又唱主旋律又唱同舟之情,其實會唔會佢個人一直都係"同舟之情",係我地當左佢係"主旋律"

外國好多演員都公開表態支持某一政黨,例如共和/民主,會唔會有戲迷因為政治立場而唔睇佢地嘅戲?我無研究過呢個問題,如果無/好少,點解香港人會咁?呢個問題似乎更值得研究…
鬥命長    多出街
怪物來    不必見怪
無論鐵路會崩壞    方向未會被活埋

TOP

只係單單討論王菀之同周柏豪先,
王菀之其實情有可原,
畢竟佢係一個藝術家,活係自己世界,
佢既音樂從來都係講藝術,
有《畫意》《小團圓》《水百合》,從來王菀之音樂都無講過社會性話題,
既然要人歌合一,
一個藝術家活係自己空間唔識政治我又覺得唔係問題。

去到周柏豪,你同我講你讀得書少,咪玩啦。
由出道xanga已經好多都有文有路,
主打《同天空》到近期《同行》都同夢想同社會有關,
仲有《傑出青年》《異能》,
唱埋「這一代不再悲哀」「必須相信有青天」。
你唱得差我仲可以,你作得差我都會BUY你,
因為你既歌的確同社會有關,但你而家話你讀得書少唔講社會唔講政治會唔會有點兒那個?

TOP

只係單單討論王菀之同周柏豪先,
王菀之其實情有可原,
畢竟佢係一個藝術家,活係自己世界,
佢既音樂從來 ...
艾石仔 發表於 2014-4-21 08:37



其實如果佢就咁話我唔認識政治我可能無太大感覺
但佢既理由係因為讀得書少而唔認識就好似有d反感有d不負責任咁
HINZ TOP 20 Week 51
01 我心中尚未崩壞的部分 - 黄妍
02 著地 - 鄧麗欣
03 Pretty Liar - 章尾而

TOP

其實如果佢就咁話我唔認識政治我可能無太大感覺
但佢既理由係因為讀得書少而唔認識就好似有d反感有d不負 ...
hinz 發表於 2014-4-21 08:43


佢想用讀書少嚟推缷責仼但係fail ,唔使讀書,你留意社會時事已經知…


好似你唔識係社會無教咁…
鬥命長    多出街
怪物來    不必見怪
無論鐵路會崩壞    方向未會被活埋

TOP

王菀之明顯政治意識fail,睇番拉布就知
但反而「根正苗紅」ge張敬軒好似極少中伏
47. Bring Him Home
week13
1 . Beanies        今晚抹掉你

TOP

MK豪俾人落左啞藥?

不過政治呢樣野
你唔講佢
佢都會黎搵你
JM 2016

TOP

如果有一個共產主義嘅歌手,即使佢唱歌幾好聽,喺香港係咪都會無人鍾意?政治取態唔係一種潮流/主流,要同 ...
hehemamama 發表於 2014-4-21 08:21


問題就係,點解會同時同舟之情又同時主旋律?問題就係做唔到人歌合一。曾經由歌曲中,以為王菀之係一個有風骨既藝術家,自己填詞都填過"粒糖有毒",但出到黎原來你係討厭政治?最後見佢有打篇野改過,希望真係。
容祖兒同fi唔講政治係估到,你話到美國既例子,其實我諗大家講緊既問題係,你既作品入面係支持共和(通常係歌,戲作唔到準),但原來你口裡係支持民主,咁即係點呢?大部份講既問題係
《數愛》是香港女歌手謝安琪將於不日推出的第三張國語專輯,是她第十三張專輯。

TOP

歌手唔想接觸政治係因為歌迷已經無形間將政治同音樂聯繫一齊, 如果自己的政治取向同歌迷有衝突咁損失會唔會又係自己呢? 所以都係個句 少接觸為妙.
哥本哈根的另一個我 81+3

TOP

其實一直都想問究竟有幾多人真係鐘意政治
美之一早講過佢討厭既其實係政治既黑暗
係要抽住同一句說話泥無限解讀
不過依家依個風氣就係咁
只要係網上講錯一樣野
就會比人無限圍攻
就算你點解釋都好認錯都好
以前以後你做得幾好都好
都會比人用同一句說話泥形容你
簡直嘔心

美之既錯係錯在佢唔識講野
睇佢d訪問都知佢個人轉得有幾慢
我之前同美之都傾過計
佢跟本唔知原來FB係咁大影響力
一個之前比人讚賞為活係自己世界既藝術家 唔同主流同流合污 唱藝術家既歌
依家反而因為活係自己世界比人抽到乾塘 亦將以前以後所有歌否定?
its so ironic
依家只係希望美之唔好再係fb亂講野 or 再講野fb係唔適合你~

TOP

個個只係串佢講我討厭政治,但好少人去睇前因後果。
被說不關心政治,卻是由提及政事而起。
香港新聞日日新兼鑊鑊金,對單一事件的關注度又可以維持幾耐?
就算你想關注,主流媒體都未必會報導,新聞喎,緊係報新野喇。
(題外話,所以我好慶幸有主場新聞呢啲新媒體,真係學到好多野)

邊樣新講邊樣,非常正常。陰謀論啲講句,我覺得上位者係專登,睇下你班人跟得幾多單。
好死唔死,王菀之對〈貧窮的老人家〉呢啲喺嗰一刻已經有點過時議題比較有感覺,想大家關注番;
好死唔死,嗰輪係梁振英最威威,證據確鑿又點呀,就係睇死我地吹佢唔脹;
如果嗰輪報導嘅唔係689僭建,係另一高官,佢應該冇死得咁慘。
據我喺fb嘅觀察,但凡提及梁振英而不出十二分力將其誅之,應該都會被唔少人認為支持佢,先打五十大板。
再來佢竟然支持長者生活津貼而唔係爭取設立全民退休保障制度,即時被打入建制派之泛。

我討厭政治在我好比阿媽係女人,所以我對於呢句話引起嘅回響感到驚訝。
如我地這些小人物,政治能帶來的權貴我們絕對沾不上邊,卻要承受種種後果,亦不到我地決定。
不只是香港,看看馬航事件,得到這個結局不也是政治?
能不討厭政治?

佢就頭到尾都冇del post,對自己嘅言論負責,亦冇諉過於人,冇去逃避,人地指正佢都受教。
我欣賞佢呢種態度。

TOP

回復 5# 艾石仔

同意咯, 王菀之向來歌曲都唔觸及政治.

而家香港講乜做乜都有一大班人閙, 歌手唔想表態, 好合理喎.

TOP

無數人討厭政治,但又想把控政治。
無數人討厭政府,但又想進入政府。

“治治”當年個Point系希望大家關注翻低收入的年長人士。
乜佢有話系支持梁生嘅派糖政策之類咩?
乜關注基層唔應該系全社會的責任,而不單止系政府的義務咩?

政治就系一種支持民生,讓其可賴以運作規則法則。
確立的有效的,便可以成為法律的一部分。
法律又反過來可以進一步規範化政治運作。
咁上年基本法同樂日,王菀之去支持基本法,佢就係想達到呢個目的,
我都唔明點解仲有人要/仲可以/仲有理由繼續抽水。
究竟邊啲人讀得書少?

有啲人覺得基本法玩完啦無用啦,無需要去學,去學用。
咁直接搬用內地個套好唔好?唔好,唔通要陳方安生去借美國個本過來使?
人大釋法又係你哋政治人物(議員)要求嘅。
唔係人大強制去釋法啩?

人人亦話我太飄忽恍似野狒狒.
---   ---   ---   ---   ---   ---   ---   ---   ---   ---

TOP

提示: 作者被禁止或刪除 內容自動屏蔽
簽名被屏蔽

TOP

本帖最後由 hehemamama 於 2014-4-21 13:49 編輯
問題就係,點解會同時同舟之情又同時主旋律?問題就係做唔到人歌合一。曾經由歌曲中,以為王菀之係一個有 ...
HOTMAN 發表於 2014-4-21 11:43

下面一次過覆埋啦~ ivana 嘅case 上面有人講過, 我都認同上面所講嘅

佢未必睇唔出社會問題, 但佢既音樂更加似係表達緊林夕既睇法, 代林夕發聲,
而自己做完代言人就縮埋一邊, 咩都無意見~
窩輪仔阿豪 發表於 2014-4-21 13:34


我幾支持呢一句, 歌詞唔一定係歌手想唱
eason 去唱主旋律唔代表啲咩, 即使fiona joey 唔唱政治有政治議題嘅歌, 唔代表佢地唔關心, 只係唔用歌曲去表達
有啲歌嘅歌詞, 係歌迷自己解讀, 你可以當斯德哥爾摩情人係一首普通情歌
joey 首蜉蝣, 有啲讀文化研究嘅人覺得周耀輝係講緊六四, 有啲覺得純粹講生命好短, 呢啲睇你點解讀
呢個可能係一個比較extreme 嘅case, 但係我只係想講, 歌同歌手唔一定有關係, 歌手只要唱好呢首歌, express 到個msg/感情,
要求人歌合一, 做得到好, 做唔到唔使覺得人地錯/唔好, 甚至因為咁而唔鍾意佢 (kay 係一個做得到嘅好例子)

同樣, pakho 就算係無知, 可能佢讀得書少, 呢個都唔係judge 一個歌手係唔係好嘅criteria
當然, 呢啲只係好理性嘅想法, 人係好難做到咁嘅
鬥命長    多出街
怪物來    不必見怪
無論鐵路會崩壞    方向未會被活埋

TOP

冇記錯pakho以前好似係反高鐵反國教
唔少歌都反映社會現實
而家話自己讀得書少所以唔識政治係咪有少少搞笑呢
對佢有d失望,但又未至於話「不能再當周柏豪的同行者」

不過呢單野對佢都冇乜影響, 反正佢d fans大多都唔太關心政治
最多咪俾高登d人踩多幾野......
旁人從不贊同 而情理也不容 仍全情投入傷都不覺痛

TOP

冇記錯pakho以前好似係反高鐵反國教
唔少歌都反映社會現實
而家話自己讀得書少所以唔識政治係咪有少少搞笑 ...
marco9517 發表於 2014-4-21 13:48



如果一個以前有表過態嘅歌手, 之後做嘅野同之前立場唔同, 因為咁而失望就合理( 我唔知佢以前有冇反過國教, etc)
以rubberband為例, 如果佢以前唔係反國教, 佢去維穩show 唔會有咁大反應
一個歌手嘅言行比佢嘅歌, 應該更能反映佢嘅態度嘅, 我估.
鬥命長    多出街
怪物來    不必見怪
無論鐵路會崩壞    方向未會被活埋

TOP

提示: 作者被禁止或刪除 內容自動屏蔽
簽名被屏蔽

TOP

本帖最後由 屮SiU霖屮 於 2014-4-21 14:06 編輯
無數人討厭政治,但又想把控政治。
無數人討厭政府,但又想進入政府。

“治治”當年個Point系希望大家關注 ...
windyiiyy 發表於 2014-4-21 13:27



    中point
同上面講既一樣 其實本身佢個兩句野根本冇講任何支持689 or 拉布
只係講既時候 吾岩timing 而所有人又將自己睇法強加於個兩句野到

再而講最敗筆個句我討厭政治
睇番前文後理
我討厭政治係因為當自己嘗試談及政治時
比一大班人扭曲自己想法
繼而不斷比人攻擊侮辱
討厭依種政治既黑暗 情有可原吧
令人覺得佢將政治拒諸門外既正正係我地依班網民
然後每次再次談及又或者講其他吾關事既野時 又比人抽水
你叫佢又點接觸政治呢

TOP

問題就係,點解會同時同舟之情又同時主旋律?問題就係做唔到人歌合一。曾經由歌曲中,以為王菀之係一個有 ...
HOTMAN 發表於 2014-4-21 11:43


如果要講戲既話,George Clooney 就係一個政治上走得好前既明星,歌手黎講,好多樂隊都有佢地既政治取向。
但歐美同香港其實都冇得比,人地民主發展左咁多年,公民關心政治好正常,唔會係一種禁忌。


歌手唔想接觸政治係因為歌迷已經無形間將政治同音樂聯繫一齊, 如果自己的政治取向同歌迷有衝突咁損失會唔會 ...
SamWaiHung 發表於 2014-4-21 12:26


我覺得既然兩者已經聯繫左,就更應該申明立場,唔係同呃樂迷有咩分別?

其實一直都想問究竟有幾多人真係鐘意政治
美之一早講過佢討厭既其實係政治既黑暗
係要抽住同一句說話泥無限 ...
屮SiU霖屮 發表於 2014-4-21 12:35



我諗你都知道我並非針對Ivana,另一篇文章亦有為佢辯護,
只不過佢目前似乎態度依然,唔去了解政治就跳到討厭政治,確令部分支持者失望,
係呢度只係道明事實,佢後來選擇作政府既代言人,就更令人費解,
咁佢而家係討厭政治定親政府? 亦係我之前所講既模糊同矛盾。


只係單單討論王菀之同周柏豪先,
王菀之其實情有可原,
畢竟佢係一個藝術家,活係自己世界,
佢既音樂從來 ...
艾石仔 發表於 2014-4-21 08:37


Bingo. 正中我想法。
王菀之個case 其實冇周柏豪咁嚴重,
但睇返歌迷群反應係調返轉,
可能大家真係只聽《我的宣言》《Smiley Face》啦。

TOP

冇記錯pakho以前好似係反高鐵反國教
唔少歌都反映社會現實
而家話自己讀得書少所以唔識政治係咪有少少搞笑 ...
marco9517 發表於 2014-4-21 13:48


唉,希望佢會有一個正式既回應。
唔做同行者,唔係代表以後唔聽佢既歌,
但真係對佢好失望,再聽佢既創作佢既感言都會有懷疑咯。
或者真係好似之前某D樂迷所言,周柏豪呢個名已經變左質
(我唔希望係咁,畢竟真係睇好佢)


其實你唱得一首歌, 就應該同意呢一隻歌~
你演得一套戲, 就應該明白呢一套戲~
不過香港藝人比較喜歡為做而 ...
窩輪仔阿豪 發表於 2014-4-21 13:55



大致上同意,不過戲唔同歌,
戲既話語權係導演編劇手,演員唔係幕幕都出場,
要睇晒成個cut先可下判斷,
歌曲作品反而比較個人,容易睇到一個人既態度立場。

TOP

其實你唱得一首歌, 就應該同意呢一隻歌~
你演得一套戲, 就應該明白呢一套戲~
不過香港藝人比較喜歡為做而 ...
窩輪仔阿豪 發表於 2014-4-21 13:55


點解唱歌= 同意首歌, 而做戲=明白部戲? 同意係比明白更深一層架喎, 要"明白"左先有得"同意"

TOP

「我討厭政治」, 係一種態度, 唔係一種立場~
你自己將政治拒諸門外, 當係可以獨立探討既範疇, 就係無知~
由 ...
窩輪仔阿豪 發表於 2014-4-21 13:34
從頭到尾王菀之都冇不理過政治,

反國教呼籲人去投票去認識基本法係將政治拒諸門外?


我明白大家都覺得香港快滅亡,需要大家的守護。

因為人家沒走得那麼前就把人放到敵對的位置,這好嗎?

敵人已經很強大,我們需要的實在不是更多的敵人。




TOP

點解唱歌= 同意首歌
lblemon 發表於 2014-4-21 14:29



   唔同意收歌 可以唱得好  感情何來?而且去到某個級數 可以簡歌唱啦

TOP

唔同意收歌 可以唱得好  感情何來?而且去到某個級數 可以簡歌唱啦 ...
Tonlo 發表於 2014-4-21 14:35

這樣的話, "唔同意角色的思想行為, 可以演得好, 感情何來?" 是否成立?

我覺得無論唱歌或者演戲, 只有做到"明白/了解" 就有機會做得好喎.

TOP

我有個建議: 建議歌手每逢五一, 七一, 十一都不接任何SHOW, 歌手可以選擇放假或者躲進錄音室錄音, 這樣應該會好安全.

TOP

這樣的話, "唔同意角色的思想行為, 可以演得好, 感情何來?" 是否成立?

我覺得無論唱歌或者演戲, 只有做到 ...
lblemon 發表於 2014-4-21 14:38



做到   明白/了解  GE 話 應該比人洗左腦了  XD

TOP

唉,希望佢會有一個正式既回應。
唔做同行者,唔係代表以後唔聽佢既歌,
但真係對佢好失望,再聽佢既創作 ...
powerful 發表於 2014-4-21 14:25


其寶而家已經變變地
旁人從不贊同 而情理也不容 仍全情投入傷都不覺痛

TOP

如果要講戲既話,George Clooney 就係一個政治上走得好前既明星,歌手黎講,好多樂隊都有佢地既政治取向 ...
powerful 發表於 2014-4-21 14:19



    嗯 其實我都只係借你依個post發洩下自己意見
就好似你開頭咁講 其實我覺得成件事係公關問題
畢竟都係林建岳旗下
講真如果真係為美之好既
就吾會仲要佢做基本法大使

TOP

嗯 其實我都只係借你依個post發洩下自己意見
就好似你開頭咁講 其實我覺得成件事係公關問題
畢竟都 ...
屮SiU霖屮 發表於 2014-4-21 14:52


林老板而家好似係旅發局主席吧?

TOP

樓上師兄已經講咗我想講嘅嘢,其實你睇番美之嘅言論,佢出發點都系為咗老人家好,可惜佢根本吾識點用正確嘅字詞表達同埋將兩件吾太有關係嘅事情連結起來,導致D網民對喱篇有無限嘅解讀。但系之後已經為佢嘅言論而道歉,但直至而家D人仍然無限地抽佢水,系咪太得閒呀?

之後又有師兄話佢擺出討厭政治,不關心政治嘅嘴臉,但其實之前大球場果次(我吾知喱個例子算吾算)都表露咗佢關心身邊、本地嘅事情嘅態度掛既然政治同身邊一切息息相關(雖然表達吾太好)。而且當佢擺出關心政冶嘅姿勢時,人們嘅反應不外乎「你討厭政治做咩關心政治?」所以究竟系邊個令佢擺出討厭政治嘅嘴臉?
然後基本法大使講真我當初都好驚訝點解佢會接,但諗深一層我覺得接吾接根本吾由得佢決定,正如Rb一樣,我相信根本吾系由得佢地揀去吾去維穩,喱件事我剩系覺得系東亞無端端發癲而搞出嘅大龍鳳同埋根本吾系一個有力証明佢嘅政治立埸。

至於周柏豪,我覺得後面句嘢冇乜問題,我相信冇人會完全認識政治,但前面果句搞到成件事fail哂。但喱事又吾會令我罷聽佢嘅話哂又吾系佢可以選擇到

我明白樓主吾系有心針對ivana而且我當初嘅感覺同樓主系差吾多。最後希望ivana可以少講嘢如果吾系又有多輪抽水

TOP

本帖最後由 hoic1102 於 2014-4-21 15:58 編輯

同意上面話美之同比比鳥係兩個好唔同o既case,比比鳥人歌唔一致先令人無語。行動已經係一種表態吧,你去得維穩show,自然係同意(或被迫同意)維穩呢種政治活動,答唔知咩係維穩都唔能夠開脫吧。
twenty-seven 盧凱彤
https://www.youtube.com/watch?v=8rVMllAOvek

找一片白雲 找一些古怪路人
找一種色叫 光陰

TOP

提示: 作者被禁止或刪除 內容自動屏蔽
簽名被屏蔽

TOP

Ot一下,樓主上年有師父明白了解讀
今年有無愛我請留言解讀

TOP

只不過佢目前似乎態度依然,唔去了解政治就跳到討厭政治,確令部分支持者失望,
powerful 發表於 2014-4-21 14:19


其實我唔信王菀之系完全無了解過當下政治時勢。
至少直到現在呢一刻。

就算讓深刻了解過的人來表達,或者去採訪他們。
(只可以)二選一,喜歡或者討厭(當下的政治氛圍,社會形勢)。

我覺得選擇討厭的人,還是會多些。
當然,作答者還是會有補充,為何得出這個結論。

不過,觀眾(or樂迷or傳媒)有無俾機會王菀之去回答。

難道,有人想聽那種,“其實無話中意唔中意嘅,因為政治跟我們息息相關……”

定系話,有人希望得到的結果是,“我好中意政治,我會同某些議員一樣,香港一日無真普選,我就唔會結婚”嗰啲?

人人亦話我太飄忽恍似野狒狒.
---   ---   ---   ---   ---   ---   ---   ---   ---   ---

TOP

The worst thing about the case with Ivana is that I guarantee that many did not read her full post (probably including those who replied on facebook). Same with Ella, actually. I think we as a society is too happy to pick sides and jump to conclusions without understanding context. Thankfully, the discussion on this page has been very civil and coherent, but it is increasingly disappointing in general to see "The Internet" at large attacking someone just because they don't follow the popular (in this case, anti-government/anti-China) stances.

TOP

咁熱鬧, 我又講兩句
我覺得王菀之事件既問題係, 佢個Facebook post比人感覺係「你地八卦睇梁振英僭建, 我就唔同呢, 我冇忘記關心老人家, 佢地好慘架」式的搶佔高位, 期望表達自己既同情心以及與眾不同既見解(或呃like)

於是唔小心撐埋梁式長者生活津貼, 「盼望多些生果金幫補生活的長者們」, 仲話班老人家「帶著失望入睡」, 雖然之後即兜話不支持「強推有缺陷的生果金制度」, 無奈第一篇文為左呃like而講到老人好慘要快d有人幫, 個論調係同當時親政府既一致
亦唔小心將揭露梁振英僭建事件中不停講大話不停你呃人變成「別人在偵探般追查梁特首的房子, 並從抽絲剝繭得出的新發現大感勝利興奮」既小八卦

後文解畫既時候, 仲要話「興奮討論」僭建既人係「為攻擊而攻擊」, 用語錯哂, 同埋一樣衰論調同親政府一致, 唔知係咪睇得報紙多
再自讚自己唔會為左「敢言之類的讚美和活躍份子的支持」而「和應執筆夠狠的人」, 刻意係主流聲音中顯示自己既「另類」見解, 務求同近幾年苦心經營既藝術家/另類/好慘既形象一致

一日後出文講清講楚, 希望兜返, 但恐怕已經遲左
當然人人有情緒, 佢個下嬲先會咁講



至於周柏豪, 只係講左一句「我就讀得書少, 政治呢d野我唔識」, 冇乜位比人/比自己越描越黑
而且同佢一向比人既形象都一致,
大家係唔會期望mk有咩政治觸覺, 而佢係文豪同埋家駒兩件事都比人真係讀得書少既感覺, 甚至香港明星一向都係冇乜期望既一群, 所以可能係期望管理做得好, 公眾對周柏豪既反彈似乎係比較細

同埋佢係比人問先至答問題, 同王菀之主動係facebook出post呃like係唔同
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

TOP

題外話,舉例一個係唔關心政治嘅人,一個係政治取向同你唔同嘅人,邊種更令你反感?

我覺得政治無絕對對錯,只係立場唔同,當然唔表態都可能係一種態度...

TOP

題外話,舉例一個係唔關心政治嘅人,一個係政治取向同你唔同嘅人,邊種更令你反感?

我覺得政治無絕對對錯 ...
uponand 發表於 2014-4-22 13:32

其實每個人既取態呢D野真係好個人~基本上即使係唔關心政治嘅人, 定係一個係政治取向同你唔同嘅人~
都冇話有冇反感既感覺,


其實呢D咁個人既事~有乜好評論~
當然, 如果一個歌手對社會事情好有態度可能好值得大家感動~
但冇既, 又如何呢???~

TOP

真係會比錢買飛/碟個班人通常都唔受歌手政治取態影響,
唱片公司/歌手點會得閒理其他人點睇.....

TOP

真係會比錢買飛/碟個班人通常都唔受歌手政治取態影響,
唱片公司/歌手點會得閒理其他人點睇..... ...
lex 發表於 2014-4-22 16:00



真係會比錢買飛/碟個班人通常都唔受歌手政治取態影響---> 我同意架, 真係鍾意果個歌手, 點會理佢政治取態左中右呢?

TOP

其實每個人既取態呢D野真係好個人~基本上即使係唔關心政治嘅人, 定係一個係政治取向同你唔同嘅人~
都冇話 ...
kenny1102 發表於 2014-4-22 14:02



   

我諗法同你一樣,唔會因為政治立場而對歌手有特別觀感

TOP

華納正式宣佈旗下歌手退出維穩騷,估唔到群眾輿論壓力係有一定影響。

其實我有將呢篇文章私下message左周柏豪官方Facebook,
而家咁快有呢個結果都意料唔到,
但證明左樂迷同歌手都可以係社會事務上發聲同出一分力,
亦證實左唱片公司係會care網絡上既意見。

本來音樂同政治係可以割裂,但除左是非不分都照撐既Fans外,
一個歌手既一言一行與公眾形象都好重要既。

【繼謝安琪RB之後...】華納眾星 Chilam 齊齊退出維穩騷
http://hk.apple.nextmedia.com/enews/realtime/20140422/52406514

TOP

華納正式宣佈旗下歌手退出維穩騷,估唔到群眾輿論壓力係有一定影響。

其實我有將呢篇文章私下message左周 ...
powerful 發表於 2014-4-22 23:40


咁呢個show系咪好快破產啦。

人人亦話我太飄忽恍似野狒狒.
---   ---   ---   ---   ---   ---   ---   ---   ---   ---

TOP

尊重每個人的選擇(只要不傷害人), 這才是自由。

TOP

我覺得即使選擇唔發聲,至少唔好去高唱讚歌。
不知天高地厚是一個華人社會論資歷排輩的副產品。

TOP

返回列表