返回列表 發帖

以歌論歌還是以人論歌?— 洪卓立 -《胡桃樹》

本帖最後由 ~蛋撻~ 於 2014-6-25 16:57 編輯

近幾天洪卓立出了新EP第一plug《胡桃樹》,我自己極為喜歡這首作品,但結果看到很多會員對這首歌的反應卻未如我所料,所以也引起了我對這話題的聯想。

先說一說我對這歌的評價。
我很喜歡這首歌,因為編曲中都用了我最喜愛的結他和小提琴為主要,
再加上點點鼓聲和沙槌,營造出開到荼靡的感覺,
有種冷冷清清的感覺,就像在乾涸得裂開的土地上只剩下一棵老枯樹的感覺。
至於同為Larry Wong所作的曲,副歌裡的hook line入耳,
而且容易抓緊節奏,是一首hit K歌所需的條件,
我認為這首是Larry Wong繼《說一句》之後再下一城的順耳作品。
而詞方面,林若寧則在他以樹喻愛的目錄中再添一員。
林若寧多次樹木比擬愛情,前作有張敬軒的《櫻花樹下》、《願望樹上》和吳雨霏的《生命樹》。
相信大家看到這次歌名也想起了洪卓立的《蘋果樹》,而這首亦是出自林若寧手筆。
我本想以兩首歌的呼應為題寫一篇樂評,但之後看到會員的反應又想寫本題,
於是就把二者融合。

比較兩首作品後,發現兩首詞所描繪的情景大致相同,
簡單來說就是一段經悉心栽培的愛情最終難逃終結。
雖然是相同的情況,一樣以樹比喻愛情,但箇中經歷卻大大不同。
《蘋果樹》是三年前的作品,當年的洪卓立仍未銳意要洗脫鄰家男孩的形象,
因此這首歌感覺較為輕鬆,就算與《胡桃樹》一樣以結他為主的伴奏,
仍然有輕快的感覺,配合歌者當年清新的形象。
雖同是描繪失戀後的感覺,但《蘋果樹》的詞風較樂觀,
會覺得「雙方翻過泥土,真的親密過」 ,就算「從沒結果都有花朵」,
向好的方向想「你總會活於老片斷」。
帶出愛情「不在乎天長地久,只在乎曾經擁有」的感覺,
亦表達出大男孩無懼失戀,就當是經一事長一智。

但《胡桃樹》的詞風就正好相反,悲觀地看一次失戀的經歷,更慘出絲絲怨恨。
「樹已破開 願望都給破開」重覆了「破開」,
使「破開」就像一把刀,一刀也不夠,要再加一刀,既斬掉多年愛情根基,也砍掉了所有未來。
林若寧在《胡桃樹》中強調「千刀萬剮」,除「破開」外,
又用了「砍破」、「剪碎」、「剖割」、「掏盡」等,
盡力使觀眾感覺得到主角所受的痛;
而且這些動作都是不可逆轉的,更強調了主角的悲觀,對愛情失去憧憬。

而詞人除了希望呼應自己與歌者之前的合作外,
亦希望呼應歌者其他的作品,也就是陳詠謙所寫的《獨活》。
林若寧刻意在前段提及「醜惡是你房門內的另一個 又何必虛偽還喜歡我最多」
除了使主角的景況更悲慘外,亦呼應了本年作品《獨活》中主角被背叛的情景,
延續了同一主角的故事,使觀眾對歌詞脈絡更為掌握。
再比較同出林若寧的《我杯茶》,可見他尤其喜愛以「呼應」填詞,使觀眾對歌的幻想更豐富。

-----------------------------------------------------------------

我是如此的喜歡這首歌,但卻不是大部分樂迷也和我一樣。
很多會員不喜歡這首歌,都在於洪卓立的唱腔,
認為他的唱腔一成不變。
的確,我亦十分認同他在本首歌的唱腔,對比前一兩年的悲情歌仍然是沒有改變,
仍是其一貫淡然的感覺。
我覺得洪卓立對歌曲的演繹變化真的不大,就好像只有快歌腔與慢歌腔。
到本年的《Timing》大碟才讓人有耳目一新的感覺;
當中《內有愛犬》、《小時了了》和《請你別要說下去》,也讓人聽到他勇於在唱腔與演繹上帶出另類感覺。
但主打的《誰》與《獨活》,卻仍然顯露了他在演繹能力上的不足,今次的《胡桃樹》亦然。

你可能會覺得我自相矛盾,不喜歡《胡桃樹》的演繹,卻又喜歡這首歌。
這就是我最想討論的一門。
曲好、詞好、編曲好,不就是一首好歌應有的條件了嗎?
若說歌手的演繹與唱功也是衝量一首歌好不好的因素,我就不太認同。
假如上述原因成立,當某位歌手唱一首歌不好聽,但由另一位歌手唱卻又很好聽,
那這首歌是不是一首好歌?
包括我在內,有時我們會將一首歌的好壞太過集中在歌手身上,
因為歌曲很少會被他人翻唱,我們手機內的CD version就永遠也是同一位歌手的演繹。
因此某位歌手的演繹和唱功,很容易就左右了我們對歌曲的評價。
例如之前的劉子千的《唸你》,當一開始只有他的版本時,
根本沒有人覺得這歌好聽、是一首好歌。
但之後王菀之翻唱過,很多人卻覺得好聽了,更沒有人會覺得這歌很差。

總括而言,唱功和演繹對一首歌而言,在不同歌手身上也有所不同效果,
編曲也許能變,但曲和詞才是一首歌永不改變的因素,
因此我覺得衡量一首歌好不好應以曲和詞為主要。
1

評分人數

  • Tonlo

FIGHT for 陳柏宇

我仍然係覺得首歌好似英文老歌
但到呢刻都未諗到似乜
或者未必係同一首歌好似,只似首歌嘅感覺似
論盡音樂 #愛香港樂壇而存在
https://www.facebook.com/stupidmusichk
Follow 埋我 IG 啦
論盡樂迷,敢愛敢恨

TOP

赞!强赞  寫得好用心

TOP

其實我從來唔覺得有得以歌論歌
歌手係一首歌既靈魂
個曲有幾動聽
份詞有幾到位
都需要一把好聲音演繹

正如我自己唔鍾意古巨基唱歌
係因為佢把聲點唱都令我覺得造作
呢種感覺好PERSONAL
而聽歌從來都係好PERSONAL既一件事
所以唔需要太執著

P.S. 我覺得呢首歌幾好聽
連CM亦變質如此,唉

TOP

其實我從來唔覺得有得以歌論歌
歌手係一首歌既靈魂
個曲有幾動聽
份詞有幾到位
都需要一把好聲音演繹

正如 ...
chuniiii1020 發表於 2014-6-25 19:20



    認同。「歌曲」要有歌手唱,才算是一首歌曲,否則只會是一首純音樂。
    一個歌手遇上一首曲、詞上勝的歌曲,客觀地看,對他來說,是一件賞心樂事。


   不過,若他演繹不好,那首歌曲便被遭撻。反之,若那首歌的曲、詞質素一般,他同樣可以化腐朽為神奇,為整首歌曲加分。

   正因如此,一首歌曲的質素很大程度上取決於歌手的演繹。

TOP

意想不到地比起上一隻碟任何一首都要好, acoustic guitar編曲, 個人覺得似日落時小島風情, 個人配上的畫面是, 失戀後在海邊散心唱情歌, 能夠做到有畫面已經贏晒之前幾首.
洪卓立的確仍然唱得未夠好, 後段的肉緊位係純粹拉緊把聲, 唔係真係個人痛心, 但都係個句, 比起上張碟好好多
Music Picks 音樂選擇 為你而選
www.facebook.com/MusicPicks

TOP

如果要講演繹,最好既唔係Timing,而係Precious Moment
一直都講,佢同舒文既化學作用只係在於揀歌/arragement
監始終都係廖志華同the island先有火花同驚喜
由始至終,舒文底下既佢,都只會用盡佢既力chur盡佢
唔可以話唔關歌手事,但我覺得當呢個情況好多時只發生係同一個監製上
我覺得應該選擇個同自己更夾既人

TOP

無人唱 首歌會出街?定係出純音樂合輯

TOP

無人唱 首歌會出街?定係出純音樂合輯
肥千 發表於 2014-6-25 22:18


究竟你明唔明/有無睇我寫緊乜?
你搵唔搵到focus?
FIGHT for 陳柏宇

TOP

呢首歌几好听~

TOP

其實我從來唔覺得有得以歌論歌
歌手係一首歌既靈魂
個曲有幾動聽
份詞有幾到位
都需要一把好聲音演繹

正如 ...
chuniiii1020 發表於 2014-6-25 19:20


正如我所講由另一個歌手唱同一首歌變到好聽左,
首歌仲會唔會係唔好?譬如有d經典好歌,好似《獅子山下》,
羅文唱得好好聽,大家都覺得呢首係好歌,
但係如果另一個人唱得好難聽,
大家都會話係個人唱得難聽,而唔會話首歌差加嘛...
FIGHT for 陳柏宇

TOP

究竟你明唔明/有無睇我寫緊乜?
你搵唔搵到focus?
~蛋撻~ 發表於 2014-6-25 22:22



    其實我意思係 歌 呢個意思係已經包括左演繹 但係妳分開左講咯(可能我睇唔明,不過知道妳用心聽音樂,用心寫感受)

TOP

如果要講演繹,最好既唔係Timing,而係Precious Moment
一直都講,佢同舒文既化學作用只係在於揀歌/arragement ...
tungbilly 發表於 2014-6-25 21:48

舒文都係鍾意Chur盡個歌手把聲
洪卓立、容祖兒都係好例子


首歌既編曲真係加哂分,雖然唱腔都係依舊
正如chuniiii1020話齋,有啲人係睇聽者對歌手把聲既感覺
在於我而言,洪卓立把聲係 既,所以呢首歌我都幾鍾意


真心覺得洪卓立要同多啲監製合作、擴闊自己既唱腔
而家啲香港人係咪唔識寫字
>吾
>甘
>米
>尼

TOP

提示: 作者被禁止或刪除 內容自動屏蔽
簽名被屏蔽

TOP

見到高質討論感高興  但未有時間認真聽首歌 所以未敢發表感想

TOP

所以最唔鐘意D人成日話呀邊個邊個歌手死好命, 執到首歌好, 好彩搵到人寫到首歌好歌比佢~
可能呢個真係幫左佢一把, 但係歌手本身點樣演繹呢首歌都好重要。~

TOP

我覺得樓主既意思只係: 即使歌者表現未乎預期, 都唔應該全盤否定作品自身既價值, 例如係曲同詞既質素
呢一 ...
窩輪仔阿豪 發表於 2014-6-26 15:48


你完全總結到我想講咩
FIGHT for 陳柏宇

TOP

正如我所講由另一個歌手唱同一首歌變到好聽左,
首歌仲會唔會係唔好?譬如有d經典好歌,好似《獅子山下》,
...
~蛋撻~ 發表於 2014-6-25 22:29




曲本體素質好,唱者演繹差,首歌都係難聽
睇返個post,我相信大家係針對洪卓立問題,多於首曲有問題

TOP

首歌 ok ar

TOP

可能我關我鐘意睇歌唱比賽事啦
我手機一首歌可以有幾個版本
或者會有一個我覺得最好既版本
所以我明白你想表達既意思

聽歌我會鐘意分開歌曲同埋歌手
例如我會覺得《仍然愛你》好聽 但王力宏唱得唔好聽

講返首歌
雖然唱腔好一貫洪卓立式
但無疑首歌係一首上佳既歌曲

TOP

其實立立唱歌唱成點,大家都心裡有數
你叫佢唱《獅子山下》就梗係唱得唔好聽啦
但係俾佢唱返較為擅長既小品歌都叫做偶有佳作
上兩隻碟首《對焦這一秒》我覺得完全唱得出果份青澀的味道

Juno同樣唔係一般人眼中既唱家班
不過佢識揀歌,所以出來效果往往唔錯

TOP

講開Juno, 我反而覺得佢唱得好好
技巧上佢未必完美, 但佢好清楚每一首歌既內容, 投放到適合既感情落去唱, 所以能夠同首歌融為一體
感覺至少係佢有認真去咀嚼每首歌既意思, 然後盡力用歌聲表達出黎
SSN Chart (22 Mar)  冠軍: 三生有幸 - Yan Ting  |  亞軍: 唔明你講乜 - 陳健安

TOP

Can't agree more to your view
Love this song too
年度推介:
AGA - MAD
關智斌 -  乾爹

TOP

1

評分人數

  • Tonlo

TOP

TOP

TOP

曲同編都係中上水準
但的確立立唱得好似差啲啲咁
感覺佢永遠都可以再好啲

TOP

返回列表