|
 
- 積分
- 2876
- 貢獻
- 966
- 參與
- 1461
|
1350#
發表於 2014-10-18 17:00
| 只看該作者
雙非為香港未來帶黎既負面影響比自由行大得多，
但呢件事唔可以只怪內地人，當初係咩人為大陸人爭永久居 ...
uponand 發表於 2014-10-18 15:05 
首先, 雙非嘅影響唔講, 自由行嘅負面影響唔大? 自由行係令香港物價飆升, 通脹急速嘅主因.
1) 大陸居民千山萬苦嚟香港大量入貨, 做成日常生活用品價錢在幾年間上脹
e.g. 益力多, 無知婦孺相信益力多可助佢哋豐胸, 就將超市入面所有益力多掃晒運上大陸,
由本來合理嘅價錢, 變咗貴價嘅奢侈品
e.g. 奶粉, 除咗雙非要, 內地奶粉接二連三出事, 三聚氰氨嗰啲乜乜出晒嚟,
內地孕婦驚佢哋嘅仔女變大頭, 又過嚟香港掃奶粉,
之後嘅事, 就係藥房開完一間又一間, 奶粉供不應求, 香港媽媽有錢都買唔到奶粉
2) 大陸居民拜金, 慣性落香港買名牌, 尖沙嘴, 中環等地宜家全部都係賣名牌嘅舖頭,
連一啲唔係高尚住宅區, 名牌亦愈開愈多, 小本經營商店無法經營落去, 唯有結業,
導致因此失業嘅人多不勝數, 另外物價亦因缺乏競爭而上升
你可以講係有啲物業管理者貪錢去不斷加租, 但歸根究底都係自由行造成嘅惡果
宜家大陸人成日話我哋唔靠大陸人嚟消費就唔得, 咁又係邊個令到我哋負擔唔起生活開支?
自由行其他嘅惡果, 例如交通擠塞, 隨地便溺嗰啲唔想講啦.
畀內地人有居留權你估我想? 當初某堆人整本基本法, 又由某法官判有居港權,
先至有今時今日, 當初香港人冇去反對, 因為唔知某堆大陸人咁無恥會成堆落嚟生仔,
但係, 宜家反對緊嘅嘢, 惡果顯而易見, 當初唔反對居港權, 就代表宜家唔可以反對, 呢樣咩邏輯?
第二, 你問我嚟自邊個國家, 我係嚟自英屬香港,
一啲政客嘅政治決定, 將呢個地方送嚟送去, 但冇得改變嘅係, 我出世嗰陣係叫英屬香港.
第三, 講中史嘛, 三千幾年前所謂嘅中國只係黃河流域嘅一個細部落,
後來經過不同朝代吞併, 或被侵佔, 先至有宜家嘅中國,
如果你咁著重我祖先係originally來自邊到, 我要追溯歷史,
可能係嚟自戰國時嘅秦國, 可能嚟自南宋時期嘅大理, 亦可能嚟自元朝時嘅伊兒汗國,
再遠少少不如諗下我哋嘅祖先Homo sapiens喺4萬5千年前由非洲遷入歐亞大陸,
我可以係源自非洲, 再不如講我係猩猩好冇?
如果你覺得我唔make sense就完全正確, 因為用來自邊到, 就判定我宜家係咩國家嘅人根本歪理,
唯一事實就係, 我出世嗰陣叫英屬香港, 宜家就生活緊喺一個叫中國香港嘅地方.
第四, 我真係好明白你哋大陸人實行社會主義, 任由北京點樣操控你哋,
同埋你哋政治冷感, 有咩事喺外國認為不可理喻, 喺內地都係正常不過.
我無權, 亦無暇, 亦無謂干涉你哋咁喜愛嘅政治體制,
正如你認為香港人唔應該覺得內地人要爭取民主, 咁你就唔好對香港人爭取民主有咁多嘢講.
第五, 反國教冇咁大迴響, 咁就緊係啦, 政府嗰時仲肯聽民意, 所以短時間之內已經搞得掂,
再講, 當時亦都冇"愛"字派嘅倒亂, 香港公安亦都未發揮佢哋嘅潛能.
根據香港理工大學民意調查, 香港市民認為最應該為佔中負責係政府,
其次係"愛"字派, 第三係香港公安, 最後先至係佔中人士,
香港內部分歧一向都有, 由九七回歸到宜家, 保皇黨同泛民嘅支持者各有意見,
各有意見喺一個民主社會本來就係正常, 有唔同意見之時又互相尊重.
CM呢度本來都係尊重藍絲帶人士, 但係後來藍絲喺旺角點樣去打人有目共睹,
最後先至刪咗右上logo. 佔中人士根本就冇唔尊重過有相反意見嘅人,
又係邊個首先唔尊重佔中人士先呀? 再加上連日公安, 黑社會嗰班人嘅惡行,
佔中先會發展到今日嘅地步.
我好尊重你先同你講咁多嘢, 好希望你了解下香港嘅情況先至發表statement. |
|
發表於 2014-10-18 01:33
| 
