返回列表 發帖
本帖最後由 艾石仔 於 2014-12-5 00:07 編輯


呢個十大分別係黎自我itunes聽得最多同埋最打動到我為主lol
可能有d偏門._.

C AllStar - 家書
曲:張子堅@Soulchain 詞:陳詠謙
編: Johnny Yim  監: 簡

樹欲靜風不息 風吹不去迷惘
喇揀CAS唔係因為FANS架, 單單係呢份詞已經好觸動,
講父母既歌好多時候好作狀,
但今次份詞好到肉, 講中哂我對父母既一D心聲
特別開首第一句「我們也許有些心聲不便講 因此簡略說 我很忙」
嘩謙謙D詞洗唔洗一黎就咁絕T_T (我試過係巴士聽到喊)

Rubber Band - 語言藝術
曲:RubberBand 詞:RubberBand
編:RubberBand / Terry Chan 監:RubberBand / Terry Chan

好想一次 小距離
(其實好想揀埋《成長說明書》, 但呢隻歌真係好爽YY,
可能好多人唔鍾意呢首歌, 覺得太普通好麻麻之類,
但每次聽到去F字就會自動轉左去粗口,
最緊要後面果句「小距離」呢野真係好爽,
現實生活好多野不滿, 《語言藝術》更加聽唔少,
無得解決咪聽下歌, 再唔係「發火 很想將他一巴星到銀河」

Shine - 街口有落
曲:徐天佑 詞:黃偉文
編 / 監:盧凱彤& 李端嫻
        
但拼命衝破 這泡沫 先知道方舟 早已給暗黑吞沒
其實係因為《紅VAN》呢隻歌加左唔少分,
將歌放係現實生活真係好夾, 無左《去吧!旺角揸Fit人》既MK仔感覺,
今次多左一份絕望感,放埋落部電影,
每次電影去到最後一幕「大埔係咪真係有毒」果下眼淚就黎料,
放係香港都係, 希望我唔會想移民啦._.

周柏豪 - 同行
監 / 編 / 曲:王雙駿
詞:陳詠謙

誰亦拒絕報復 這樣完美吧
謙謙呀點解你份詞咁_中, 講完屋企講社會,
其實係近10月先再對呢隻歌加分,
見住學生面對一個又一個危機,
唔單單無報復, 仲一次又一次咁去抵抗!
果然「我有你在 所以我不怕」!雖然柏豪唱得唔好聽, 但份詞已經夠入今年十大._.


謝安琪 - 獨家村
曲:Christopher Chak 詞:林夕
編:Ted Lo 監:Alvin Leong

這小店就如美夢 不想因應恩客易容
份詞可以好多解讀, 聽完903廣播劇突然對呢隻歌好感大增,
堅持其實好緊要,
所有野都係得黎不易, 學生們加油!  要堅持到底!

群星 - 撐起雨傘
曲:pan 詞:pan/林夕
唱:群星

若是人生 錯過這一晚 怕再沒機會任意呼喊
一個字,  撐!
從來都唔想音樂同政治拉上關係,
但政治偏偏黎找你, 既然係咁, 撐落去!
(希望2015年1月1日係會展可以聽到呢隻歌T_T)

黃耀明 - 目的地
曲:蔡德才 詞:黃偉文
編曲:蔡德才@人山人海 監:黃耀明/ 蔡德才@ 人山人海

你要記住只得一套呼吸方法
估唔到有明哥份, 其實都係因為《香港仔》呢部電影,
隻歌編曲真係好好聽, 加埋WYMAN份詞,
講人生既詞好難唔中, 特別係80後既自己,
每日咁行到底目的地係邊?定係根本無目的地
藍奕邦 - 藍田金婚
曲:藍奕邦 詞:林夕
編:何山/ 何秉舜 監:何山/ 何秉舜

藍奕邦 - 藍田金婚
曲:藍奕邦 詞:林夕
編:何山/ 何秉舜 監:何山/ 何秉舜

我願意愛誰會變骯髒 你願意也能投入盛況
林夕份歌詞真係好正,
將同性婚姻大大方方咁放入歌, 唱既藍奕邦亦好動人,
要一提係呢歌既arrangement, 表面上好簡單,
但由頭到尾都有個鼓, 好有力量!!!
其實邦邦隻碟仲有隻《藍色多瑙河》好正a_a 但最後揀左呢隻


鍾氏兄弟 - 黑膠.人生
曲:鍾一匡 詞:鍾一匡
編:Jezrael Lucero

找到這首已絕版的歌 想起當天我忘形的哼過
我唔聽黑膠架XD 但成首歌一聽就覺得講緊自己,
係二手唱片店搵呀搵,
當搵到一隻想搵既碟果陣就會好高興,
音樂的確可以令你變番最簡單既自己

王菀之 - 我們他們
曲:王菀之 詞:林夕
編 / 監:馮翰銘

可否將感覺交換 假設彼此處境要調換

老實講份詞仲未解得明,
但只係單單個編曲個琴都已經愛上,
唔洗做林雪唔洗做金雞,
做番王菀之就最好聽!


1

評分人數

TOP

返回列表